تجمع مواليدديسمبر2011ومواليديناير2012

[توحه1]

لي لي عفيه عليج خليج صامده معاي
كثري سلطه وفواكهه

انا مايمديني امشي ولى اصعد درج وانزل جان سويتها


وعلى طاري اليزر واااااااااو
كل جسمي اوكي قرصات ماحسيت بعوار بس البكييني اي اي اي يعووووووووووووووووور صراحه موكله بعضه لوووول
وصرفتلي كريم يهدي يسكن وانشاء الله خير وقالت بعد 40 يوم اشوفج يعندي 20/3 وبنشوف النتيجه ان شاء الله مرضيه بس طواله ساعتين وقلبي وعقلي مع ولدي ودي اقولها بسرعه خلصي اشوه يوم رجعتله كان نايم

 

[حنان المحبه]

اوووه توحه طيرتيني يعني انا من الشخصيات المهمه .....هههه
ياحياتي يونس انتبهي توحه موزين الرمد على الاقل نظفي عينه بفوطه فيها ماي دافئ لين تودينه الطبيب سمعت ان الرمد يأثر عالنظر الله يستر عليهم...
الله ييسر لچ امرچ توحه وتصيرين بعيون بويونس احلى زوجه بالدنيا يارب ...
لي لي شخبارچ واخبار جنونه ؟؟؟
ودي برجيم بس انا ارضع طبيعي وينشف ريچي بسرعه واجوع وخصوصاً ليل الشتاء طويل الواحد بسرعه يجوع .....
بس انا كلش ماأنتظم بالشغله
قريب ان شاءالله اصف وياكم ....

 

[توحه1]

مشكوره حنون على الدعوه في ميزان اعمالج وهم مشكوره على النصيحه راح امسح عيونه حبيبي
اتوقع من الجو وغبرته تاثر

 

[توحه1]

حنون لا تاكلين عيوووش واجد ولا صمون لا تخربطين انت ترضعين الرضاعه تضعفج ترى عادي خلي اكلج صحي وكثري فواكهه وخضره منها تدر الحليب ومنها تضعفين

 

[lolo77]

السلام عليكم

انا بنتي رمدت عينها وحده
وقالولي نقطي فيها من حليبج بما اني ارضع طبيعي
والحمدلله بسرعه طابت

وبالنسبه للمعاش طيرته رحت للسوق بما انه زوجي مسافر
والبيبي بيت امي اخليها وبسرعه بسرعه اروح وارجع
شريتلي جنطتين مو وايد غاليين وشريت قطعتين من الملابس
وشيلتين وجوتي وبس قميص نوم واحد

باقيلي 10 ايام واطلع من الاربعين

صج شريت حق اعيالي للمدرسه
مابقى شي ونرد للدراسه الله يعين

 

[توحه1]

لولو وشفيهم ريايلنا بس ولدنا نطرونا نرتفع اشردوا ههههههههه
اي والله الله يعينا على التدريس ووييق وواااق
كلها 4 ايام وتبدي المدارس

 

[Le chat]

تووووحه كتبي رجيمج والله لما اكتب شكليت اعرف الكميه الي كليتها مو قبل على عماي
اليوم تغديت ربيانتين وجم بطاطه وقلاص برتقال وهذا السناك

رفيجتي الي ذاك اليوم يابتلي كتكات انبها ضميرها اليوم لما طلعنا وله تعطيني جزره ههههههههههههه مو صاحيه قامت تسوي معاي رجيم

 

[Le chat]

اهم شي سكان سيارتي ههههههههاااااي معضعض

 

[بـسمـه غـلآ]

لي لي ههههههههههههههههههههههه ذبحني الضحك على الصوره

>>>تووووحه ان شاء الله تلقين النتيجه اللي ترضيج

>>انا سويت ليزر ايام عرسي اعجبني وريحني ما عدا منطقه البكيني ما تجرات اسويها

والاباط هو اللي ما ضبط كلللللللش زاد الشعر وصاير يلوع الجبد لو مخليته احسن خصوصا انه كان قبل

خفيف ومو بسرعه ينبت لعبت فيه حسافه

 

[Le chat]

نعيما توحه ايييي اححح يقرص بس ترا لازم تحسين بشويه عوار اذا ماحسيتي قوليلها تزيدلج قوته عشان تستفيدين بس مو يحرق لا بس يقرص
حنونه الحمدلله بخير اشوه عدا تطعيمها على خير ماصخنت انتي شلونج وشلون وليدج ديري بالج على تغذيتج وصج الرضاعه تضعف حاولي تشفطين بطنج وانتي ترضعين

 

[توحه1]

ههههههههههههههههه
بدعتي لي لي
انا الحمد الله عده اليوم على خير بس خوفج من باجر اللزواره وبعده وبعد 3ايام هئ هئ هئ ماابي اخرب بكتب لكم كل يوم وشنو يصير

 

[بـسمـه غـلآ]

بنتي تطلع صوت جنها تقحص مدري من شنو غريب

اخاف صدرها تعبان او فيها شي الله يستر كلللللش مو ناقصه

>>باوديها الطبيب ناطره ابوها يمرني واروح

وان شاء الله هالاسبوع بنروح استشاري كلى >>ادعولها يكون الماي خف والكليه رجعت طبيعيه

 

[Le chat]

اي بسومه اذا خفيف مايستفيد من الليزر بس استمري والله انا فرق معاي حيييل وصار ناصع البياض اينن لانه انا طول عمري اشيله موس فصار خشن واستفاد من الليزر

 

[Le chat]

ان شاء الله يارب مافيها الا العافيه

 

[توحه1]

الله ينعم بحالكم ودي احط كريمات بجسمي بس اخاف اتحسس واندم وبعد الشور احط بيبي اويل ولا راح اندم اش رايكم

 

[Le chat]

توحه متى بتقيسين وزنج ابي اقيس معاج
واي يوعاانه وماادري شنو اتعشى

 

[توحه1]

ان شاء الله يخف الماي وتتحسن الكلى والله لطيف بعباده

 

[توحه1]

لي لي الثلاثاء القادم باذن الله الصبح قبل لا افتح ريقي مااكل اقيس بعدين اكل

 

[توحه1]

لي لي شربي شوربة خضار فقط

 

[بـسمـه غـلآ]

شكلي باعيد عليه لي لي

بس مو الحين بعد على المعاشات اليايه ان شاء الله

>> الحين يبيلي اجدد كبتي من اول وجديد واجدد الميك اب مالي وعطوري وكل شي

وابي اغير اكسسوارات غرفتي كلها وبخاطري اسوي برنامج عروس وسبا وادلع نفسي شوي

>>>ايدي تقرصني على فلوس بنتي كل ما تذكرت كلامج توحه اقول اشتريلها فيهم ذهب احسن