* تجمع موآلـيد شهر 8 و 9 2012 آحلآ مـوآليـد ..

[moz3eja]

بنات منو طعمتً التطعيم الثاني
شلوووونه يسخن ويتعب مثل الاول ؟

 

[.. Ro3a ..]

هلا فيج قصدج الدرن انا الخميس طعمت بنتي
لا الحمدلله ما يسخن البيبي
الممرضه قالت ماراح تسخن ولا تجيسينه ولا تحطين عليه
شي ،،،،
حياتي كنت موديتها الصبح والاخت مستانسه وتلعب
حطيتها ع السرير تلعب وتناغي يوم غزتها الابره وتطير عيونها بعدين
تبرطم وتعطيج صيحه امبيه كسرت خااااطري بعد عمري

 

[ام بيان]

مساء الخير

 

[حلا الأحساء]

مساء الخيرات

عضوه جديده بس كنت متابعتكم خلف الكواليس
وتحمست وسجلت هنا

عندي بنوته طبعا عندي قبلها ولد
بنوتي عمرها ثلاث شهور وكم يوم تعبانه من امس خشمها مسكر ماتعرف تتنفس
وحراره وشوي كحه توني جيت من عند الدكتور كتب لها تحاميل للحراره وقطره لخشمها

ان شالله تستفيد كاسره خاطري مره حبيبتي

وبس >>>ادري هذرت واجد تحملوني

 

[.. Ro3a ..]

هلا فيج نورتي ..
بالعكس حركي التجمع شوي نااايم

الله يخلي لج عيالج يا رب
حياتي عسى الله يشفيها نفس بنتي كحه وخشمها مسكر
وصدرها ملتهب الله يشفيهم ..

 

[حلا الأحساء]

هلا روعه النور نورك انتي وباقي العضوات كنت متابعتكم من ايام تجمع النفاس
لاني كنت نفاس معكم بس جيتوا هنا تحمست وسجلت


هلا كسولات كل ذا عمايل البرد فيكم

اخبار البيبيات انا انتظر بنتي تكمل اربع شهور متحمسه ابغى ابتدي أأكلها

صحيح بنتي حلقت شعرها ع الصفر صاير شكلها كيوت مرررره
من جبتها وشعرها خفيف توكلت على الله وقلت لابوها صلعها وان شالله يطلع شعرها حلو

يلا بنات صحصحوا شويه

 

[.. Ro3a ..]

حيااتي تسلمين

اتوكلينها ب اربع شهور مو طبيا الطفل ياكل من بعد الشهر السادس ؟!!!
امبيه حرام ع الصفر بالبرد دفي صلعيتها وغطيها بالكبابيس ����
انا ودي احلقها بس ريلي رافض يقول ما يجوز حلق راس البنت حتى لو كانت رضيعه
والحلق بالعقيقه مختص بالولد دون البنت ،،،
انا مو عشان عقيقه ودي يزين شعرها ،،،

 

[.. Ro3a ..]

بناااات ابتلشت مع بنتي البسها قطعتين والفها وحط عليها بطانيه خفيف اذا نامت والقها معرقه
امبيه تمتلي مخدتها ماي احترت خففت الملابس وشلت البطانيه هم تعرق امبيه شسوي معاها انا اخاف تمرض ،،،

 

[حلا الأحساء]

هلا روعه
انا حلقت شعر بنتي ابغاه يزين زي ماتقولين اخاف اخليه ويطلع خفيف واتندم اني ماحلقتها

وعلى سالفة بنتك والتعرق عاد دفيها ضمن المعقول حتى لو عرقت عادي انا ولدي كذا كله معرق
صيف شتا معرق واسوي اللي اشوفه مناسب له بس ذا حين عمره ثلاث سنوات خف شوي التعرق ارتحنا
والحين بنتي مثل اخوها من تنام وتجلس معرقه بس ماعلي منها اشوف الجو واسوي المناسب لها

الله يخليهم لنا ويحفظهم

 

[Lady Arwa]

السلام ..

انا حلقتها .. بنات بسالكم البيبي بالرابع ياكل ؟ وشنو ياكل

 

[حلا الأحساء]

السلام ..

انا حلقتها .. بنات بسالكم البيبي بالرابع ياكل ؟ وشنو ياكل

ابدأي اكليها مهلبيه بسكوت اممممم فواكه مسلوقه ومطحونه مثل
تفاح خوخ اشياء كذا بطاطس مسلوق

وعلميها على التذوق اي شي عندك خليها تذوقه عشان ماتكره الاكل

 

[Lady Arwa]

يعطيج العافيه حلا ...
بنتي ع طول خشمها مسكر امس كانت منغثه حيل يالله نامت وديتها الطبيب قالي مافيها شي .. بس مبين خشمها حيل مسكر شنو اعطيها

 

[حلا الأحساء]

بنوتي خشمها مسكر حتى اذا نامت تطلع صوت شخير
عطاني الدكتور نقط ارتاحت شوي

 

[.. Ro3a ..]

عااادي البيبي ياكل من الرابع موو السادس ؟!!!!

 

[حلا الأحساء]

اي عادي انا ولدي بديت أأكله من الرابع تقريبا كان عمره اربع شهور وعشر ايام

بديت اعطيه نشا او مهلبيه بسكوت مذوب في مويه واحاول اذوقه من كل شي شوي
لو ظليتي للسادس ممكن مايتقبل الاكل بسهوله

بس في اكلات معينه للشهر الرابع ولو وصل السادس تزيدين عليها

في الشهر السادس تبدين تعطينه رز وشوربه شغلات كذا

انا اشوف اختي تعطي ولدها فواكه تسلقها وتحطها في الخلاط
تقول طعمها لذيذ وتعطيه بالملعقه او في المميات اللي يجون بملعقه اسهل
لوكنتي طالعه تاخذيها معك حلوه وعمليه ناويه اشتريها لبنوتي

الفواكه تعطينه ع الخمس شهور تقريبا
وبس هذرت واجد

امهات بليز صحصحوا شويه تجمعنا نايم

 

[.. Ro3a ..]

حياتي زين نبهتيني ان شاء الله اذا صارت اربع شهور ونص ببدي اذوقها
عادي اعطيها روب ( زبادي ) ؟!
وشرايج بالسيريلاك اممم
بس احس افضل الفواكه شي طازج احسن

 

[.. Ro3a ..]

بنتي لين اللحين نتفه ):
مدري متا تمتن ببجي ):

 

[معزوفه حنين]

مرحباا

شلوونكم شخباركم

اناا طعمت ولدي التطعيم الثالث الحمدلله قالتلي الدكتوره ماراح يسخن ولا شي


وصارلي 3 ايام اوديه المستوصف علشان الكمام صدره فيه حساسيه

والكحه قويه حييل الله يشافيه يارب

شلون الطفل ياكل بالرابع احس صعبه ههههه

 

[معزوفه حنين]

روحه

كلناا نفسج ببياتناا ضعاف والله ماندري شنو نسوي فيهم

 

[.. Ro3a ..]

معزوووفه انا بنتي شهرين تخيلي شهرين
صدرها تعبان وكحه امبيه من دكتور لي دكتور ومن مستوصف لي مستشفى
حتا الصباح رحت لها ماكو فااايده عطوني كمام مافاد عطوني شراب ما فاد عطوني تحاميل ملات البلغم هم
مافاد امبيه تعبت معاها بس صارلها اللحين اسبوعين مرتاااحه وديتها حق دكتور الغانم عياده cmc
الحمدلله وماشاء الله راح عنها ،.،
جد الله يعطيه العافيه ،،