* تجمع موآلـيد شهر 8 و 9 2012 آحلآ مـوآليـد ..

[.. Ro3a ..]

التطعيم الثالث شلون عطوه بفخذه ؟! ولا الدرن اللي بالايد ؟!!!

 

[moz3eja]

شخباركم بنات

اليوم طعمت بنتي الدرن ابره بالايد

وانتو شمسوين

 

[عهد الغرام]

بنات جربتو تعطون بيبياتكم حلبه بالماي والله بمتن عيالكم جربو انتو

 

[حلا الأحساء]

حياتي زين نبهتيني ان شاء الله اذا صارت اربع شهور ونص ببدي اذوقها
عادي اعطيها روب ( زبادي ) ؟!
وشرايج بالسيريلاك اممم
بس احس افضل الفواكه شي طازج احسن

لا الزبادي الدكاتره ينصحون بعد السنه بس ذوقيها اياها
ع السبع ثمان شهور ولما تكمل السنه عطيها عشان لاتستغرب الطعم

والسيرلاك كثير ينصحون فيه وكثير يعطون عيالهم انا مااحبه ولا اعطي عيالي منه

في بدائل كثيره غيره بسكوت مذوب في مويه نفس طعمه

واللي تقول بدري تأكلون البيبي ع الاربع شهور بالعكس لو تأخرتي مايتقبل الاكل بسهوله
وتتعبين معاه

هاليومين كل البزران يجون ضعاف حيل بس انتي اهتمي برضاعتها وحاولي تكثيرين الطبيعي
واهم شي تكون صحتها كويسه

 

[.. Ro3a ..]

حلا لا تجيبينها ع الجرح ببجي
ما ارضع طبيعي نشف الحليب والبنت عيت عنه
اوووف صارلت لي معاناه بالطبيعي وكل ما اتذكر انها ما ترضع طبيعي
اتضااايق الله يعين ،،،

 

[.. Ro3a ..]

اهلين مزعجه واهلين عهد
شلوونكم الله يخلي لكم عيالكم
اما سالفه الحلبه انا مقرره اعطيه بنتي بس اليوم حماتي حذرتني قالت
لا تعطينها مو زين عاد ما ادري ترددت

 

[Lady Arwa]

شلونكم بنات ..
انا امس طعمت بنتي اللي بالايد ..

عادي انا احطلها حلبه بمايها صارلي جم يوم .. ابيها تمتن الكل يقولي ضعيفه

 

[معزوفه حنين]

مرحباا

شلونكم انا ودي اعطي ولدي حلبه بس خايفه والله

مرت ولد خالتي تعطي بنتهاا الحلبه تحطه بالماي واذا سوت الحليب حطت منه

بس حييل بنتها متينه مو حلوو حذي والله احس زين تمشي ماادري ماعجبني والله

 

[Lady Arwa]

معزوفه جم عمرها البنت ؟ بس تقدرين اتسيطرين ع الوضع اذا حسيتي انه يمتن زياده عن اللزوم

 

[حلا الأحساء]

حلا لا تجيبينها ع الجرح ببجي
ما ارضع طبيعي نشف الحليب والبنت عيت عنه
اوووف صارلت لي معاناه بالطبيعي وكل ما اتذكر انها ما ترضع طبيعي
اتضااايق الله يعين ،،،

بالعاده الام ماتطول في رضاعة اول بيبي لان شي جديد عليها
ان شالله المره الجايه ترضعين سنتين اقري مواضيع طبيبه مصريه 2
هي دكتورة رضاعه مفيده مره مواضعيها تشجع على الرضاعه

شلونكم بنات ..
انا امس طعمت بنتي اللي بالايد ..

عادي انا احطلها حلبه بمايها صارلي جم يوم .. ابيها تمتن الكل يقولي ضعيفه

تطعيماتكم غير عنا شكلها مره بالايد مره بالفخذ حنا بالسنه الاولى كل شهرين تطعيمه

وعلى طاري المتن شفيهم الناس كل وحده تبغى تمتن بزرها ضعيف ماعليه اهم شي ضمن معدل الوزن الطبيعي
انا بنتي ضعيفه بس اهم شي ضمن المعدل الطبيعي اما اني استخدم حلبه ومدري ايش لا والله مو مستعجله على سمنتها

 

[Laymo0ona]

قوه بنات .. ادري حدي مغبره بس لهيت مع اليهال
ولدي حاشه بوشنيتر وعادا خواته .. تخيلوا بنتي ثلاث شهور ياها صارت تخرع ياحبيبتي والكبيره اهون منها حتى اختي تعادت منه بس اهيا مو يايها من قبل
وحمواتي ثنتين وكان يايهم.. عفس البيت بككبره حتى طباختنا مسكينه فوق الستين ويمكن بتطق السبعين تعادت

بنتي الصغيره توني طعمتها تطعيم الاربع شهور وطافها تطعيم الثلاث اشهر من البوشنيتر وقالولي اييبها بالشهر الخامس يطعمونها

 

[moz3eja]

شلونه تطعيم ال٤ شهور؟؟

 

[.. Ro3a ..]

قووووه وي شفيكم نااايمين خخخخخخ
بنات ادعوا لبنتي ):
حيل صدرها تعبان بعد عمري ما فرحت انها تشافت
الا صارت كل سبوع تطيح مريضه واي تكسر الخاطر ):
صدرها حيل تعبان حتا كحتها قويه ،،

 

[.. Ro3a ..]

قوه بنات .. ادري حدي مغبره بس لهيت مع اليهال
ولدي حاشه بوشنيتر وعادا خواته .. تخيلوا بنتي ثلاث شهور ياها صارت تخرع ياحبيبتي والكبيره اهون منها حتى اختي تعادت منه بس اهيا مو يايها من قبل
وحمواتي ثنتين وكان يايهم.. عفس البيت بككبره حتى طباختنا مسكينه فوق الستين ويمكن بتطق السبعين تعادت

بنتي الصغيره توني طعمتها تطعيم الاربع شهور وطافها تطعيم الثلاث اشهر من البوشنيتر وقالولي اييبها بالشهر الخامس يطعمونها

واي ي حياااتي الله يعينهم ويعينج
البيت كله تعادا ،،
بس اكثر شي بنتج كسرت خاطري الكبار يتعذبون منه يحك حيل
شلون هذي صغيره ي عمري ..
الله يشاافيهم .. ويخليهم لج ..

 

[نوفلتي]

قوه قوه...

توني ادري مسوين تجمع ...

اذا ليمونه تقولين انتي مغبره انا داثره خخخخخخ والله لهيت ويا البيت واليهال وتوني مداومه الشغل صج كراف بس اشتقت للشغل والله ...

شخباركم وشخبار عيالكم يحليلهم

انا بنيتي الحين اربع شهور وجمن يوم وحايشها هالايام اسهال فضيع مادري شمنه ناس يقولون تعمير وناس يقولون هاب والدكتور قالي شي عادي وعطاني املاح لها بس !!!!

الحين خلص وقت دوامي الاقيكم باجر ان شاءالله وسلامي للجمييييع وبالاخص تجمع حوامل شهر سبتمبر 2012 فديتكم وحده وحده

 

[Galb.sh]

اللي اعرفه الحليه وايد زينه للصغير والكبير حق العظام انا ناويه اعطي ل بنتي . بس اللي تقول مو زين !! ليش شيسوي

 

[ام بيان]

صباح الخير امهات وحشتوني

 

[ام بيان]

نوفلتي شلونج شخبارج
انا المفروض وياكم بس للاسف ولدت
في يوليو

 

[moz3eja]

اهلا بنات
شخياركم

وااي بليز مرواً عالتجمع لا تقاطعون !!

انا بنتي صاير معاها اسهال وطول حيل اكثر من ١٠ ايام
ضعفت واااايدحبيبتي

وديتها الطبيب الدكتور يقولي عادي
صدمني !! هههه

انا اعطيها حليب سيميلاك ادفانس

واليوم غيرته عطيتها سيميلاك كومفروت
مكتوب عليها للغازات واهو صج اخف

عسى ينفع معاها

انتو شمسوين

 

[ام بيان]

صباح الخير