## تجمع معلمات تعيين يديد##

[ذكريات عشاق]

ذكريات شنو الاشياء اللي ودج تسوينها لما نروح مدارسنا

انا في بالي اطلب جهاز الداتا شو واشتري خرايط لوول وبييب فيديوهات وصور

من الحين قاعده اقول بشتري سبوره واحطها في البيت عشان اتدرب على الكتابه والشرح ككككك

و دفتر التحضير بسوي له فناتق

ودي اشرح بطريقه د.عبدالهادي العجمي خذيتي عنده؟ ان كل مجموعه لها كتاب وتطلع معلومه واناقشها مع بعض

او نجاوب بطريقه عقليه بدون عاطفه

ونحلل الاحداث اشلون صار جذي وليش

وشنو الفايده من دراستنا لهذي المواضيع

فانتي شنو ودج تسوين؟

اي خذيت عنده دولة اموية وطريقته ححلوة
انا احب اسلوب الحوار والمناقشة وانشالله هذي الطريقة اللي راح اتبعها
وبعد فكرت انه اسوي حق كل درس اوراق عمل او اوراق للواجب


انا احب اسوي صور وبطاقات وفعلا نشتري خرايط
اما الداتا شوو مادري انا افضل الشفيفه مع جهاز العرض
ودفتر التحضير بسويه يكون على خرايط وتواريخ
ودفتر الدرجات ابيه يكون نفس شكل دفتر التحضير
وابي اشتري اغراض مكتب عشان يكون ححلو ومرتب

 

[ذكريات عشاق]

وبعد في شغله قالت لي اختي انه ورى مكتج بالغرفة يكون عندج مثل الادراج تحظين فيها شغلج بطاقات خلصتي منها
دفاتر البنات لما تخلصينم تصحيح عشان يصير مرتب
وتحطين فيها شغلج من اقلام وراوراق

 

[fri2010]

بس في بنات يكونون شطار بالامتحان بس ما يحبون يشاركون

فحابه اتبع معاهم طريقه الكوزات

وهم حابه طريقه سهير ما ادري اذا كنتي ماخذه عندها الدوله اليونانيه

كانت تسوي لنا كوز شفوي عن الدرس اللي خذينا قبل

يعني كانت تشرح لنا الدرس والثاني يوم تسألنا عنه وبهالطريقه تكون الدراسه اول بأول

اي اكيد البطاقات والصور واوراق العمل

بس الحلو بالداتا شو ان تحضيرج يكون عليه يعني لا سمح الله نسينا شغله

نطالع فيه ونتذكر احسن من ان نشوف دفتر التحضير ونعرف وين وصلنا

حلوه هذي الادراج من وين؟

اي على طاري المكتب احنا نشتري لنا مكتب والا يكون موجود بالمدرسه لووول

 

[ذكريات عشاق]

لا انا سالت اختي تقول اهما اييون لج من المخزن عندهم
وشسمه صح حلوة طريقة سهير
عشان تعرفين اللي درسوا والا لا وهم عشان تشوفين الشفوي
والادراج تلقينهم بايكيا او لووازم العائلة

 

[ذكريات عشاق]

واحس ادوات المكتب راح تنظم المكتب ويصير شكله حححححلو واحلى لما تكون بلون مميز يصير حححلو

 

[ذكريات عشاق]

وين البنات اليوم.؟؟

 

[fri2010]

حلوين والله

يبيله ايكيا بس وين البيزات لوووول

 

[ذكريات عشاق]

اي تصدقينن
ههههههههههههههههه

اختي تقول اذا المدرسة مافيها مكاتب اتوقع انتي تشترين يعني انتي وحظج

 

[ذكريات عشاق]

بنننناااااااااااااااات وينكم اليوم
عسى ماشر شفيكم

 

[fri2010]

اي والله وين البنات!!!

 

[ذكريات عشاق]

مممادري ولا وحده فيهم بينت اليوم انشالله خخير

 

[fri2010]

ان شاء الله

انا بعد بروح انام

باجر وراي قعده عشان اودي اوراق التحاليل الوزاره

تصبحين على خير

 

[ذكريات عشاق]

وانتي من اهله وموفقه يارب وقوليلنا شنو يصير معاج




بسالكم بنات صج يقولون في مقابلات يوم السبت
والمقابله من 12 الظهر لي 4 العصر

 

[دمموع الورد]

شلونكم بنات أنا بصراحه تشجعت ورحت الوزارة بعد ماراحت جنان وانا مقابلتي كانت 1\6 ولاحس ولاخبر ورحت مبنى 2 قسم التعيين وقالت انتي خالصه أوراقج من7\6 وقلتلها ليش محد بلغني ولاتقول دزينا لج مسج قلت لها مو صحيح محد دزلي وعطتني أوراق الفحوصات وسويت الاشعه وباقي التحاليل بس انا عطتني سكر وحمل وبس بروح إنشالله يوم الخميس أوديهم المجلس الطبي وحبيت أبلغكم بلي صار معاي :eh_s(8):

 

[eastfem]

هاي ذكريات وفراي

انا توني ادري حصتين باليوم ؟ لالاااا اتوقع اكثر من صجكم انتوااا !؟

وي عاد انا مدرسه فلسفه يعني بيدخلون وياه الدستور ومايندره ينكن علم نفس لان ابله بنت خالتي درسهم علم نفس وفلسفه !!!!!!

وعلى طاري المقابلات السبت ؟؟ اشفيج خايفه عسى ماشر واذا يعني شدي حيلج وخليج واثقه من نفسج وتخيليهم ارانب لوووووووول

اما بخصوص نظام التدريس على ايام الجامعه كانوا دكاترتنا حواريين ويناقشون اتوقع لازم انغير طريقع تعليم الطلبه من اسلوب التلقين الى اسلوب الاخذ والعطا ... والحمدالله مومحتاج تخصصي لا بروجكتر ولا خرايط ولا هم يحزنون وسلامتكم

 

[jen2n]

السلام عليكم

قوه بنات شخباركم

سوري ما قدرت اشبك شحن الاب توب مقطوع واللاب مافي شحن كفايه عشان اشبك والموبايل ما اخذ راحتي فيه

خذيت تحويل راتب من البنك حق الوزاره وطبعا كرت الشباب ما يبونه فسويت حساب يديد وبعد اسبوع تطلع البطاقه

المهم اطلعت نتايج الفحوصات اليوم ووديتهم الوزاره نفس الصاله اللي سجلنا فيها اول مره قسم التعيين

عاد عطتني اوراق وعبيت بياناتي

وحطتهم بالملف وقالت نطري مسج بدايه شهر 9

قلت لها ليش؟

قالت لي لان قرار التعيين ما راح يطلع الا بعد العيد

وعطتني وصل عن هذا الشي

قلت لها بس مكتوب بالجرايد 7/8

جان تقول للحين ما وصل لنا قرار رسمي

وبس هذا كل شي

الحين الواحد يسافر واهوا مرتاح ومطمأن البال

ما اوصيكم عاد هاللــله بالتجمع لووول

 

[jen2n]

دموع الورد ليش سوو لج اشعه دام سوو لج تحليل حمل؟

ذكريات سمعت ان في مقابلات وصح في مقابلات الساعه 12 الظهر لما الــ4

انا مقابلتي كانت الساعه 10 و11 ونص خلصت

امبلا اللي اعرفه نصاب ابلات الثانويه اجتماعيات باليوم واحد حصتين اكيد المواد كل يوم عن الثاني تختلف بس باليوم الواحد حصتين بس والمصيبه ان يحطونهم اخر حصتين يعني قعدتنا من الصبح مالها فايده

 

[jen2n]

بنات في استفسار مو جنا احنا اللي حددنا بالملف الاصفر المرحله اللي نبيها ؟؟

لان رفيجتي تسألني وانا ناسيه والله

ولا تحاتون المقابله باذن الله ناجحين

بس ما تبون تسافرون؟

 

[ذكريات عشاق]

بنااااااااااااات باركووووولي

دقوا علي الوزارة وقالولي الاثنين موعدي

دعواتكم بنات تكفون وشنو تنصحوني فيه كل شي قولوا والله احس وقت الجد بدى
ولازم ادرس من اليوم

 

[ذكريات عشاق]

لا جنان ماححدنا المرحححلة بالملف الاصفر

وبعدين ليش التعيين اول 9 اذا الدورة للمعلمات الجدد 5/9

واساسا احنا راح ندوام ونخلص الدورة والطالبات ماداوموا الثانوية بيداومون 18/9 اتوقع