## تجمع معلمات تعيين يديد##

[fri2010]

ان شاء الله

 

[زهراء 24]

امبيه الله يستر انا طبعي حيل خجولة واستحي
انا طلعت مذكرتات من الانترنت عن التاريخ المعاصر
والتاريخ الاسلامي بحاول ادرسهم
انزين اذا سؤلوا سؤال وماعرفت جوابه
شسوي اسكت احس راح ارتبك
الله يسهل علينا يارب​

 

[fri2010]

السؤال اللي ما تعرفين اجاباته قولليله بصراحه ما مرت علي هذي المعلومه او ممكن مرت بس ناسيتها
بس ان شاء الله راح ابحث فيها
اهوا عموما ما يسألون اسئله دقيقه دائما بشكل عام
ولا تخافون وتسكتون ترا هذا اهوا اللي يسقط لازم تتكلمون بثقه

 

[fri2010]

بصراحه استفدت من كلام جنان

اشلون تصرفت وشنو قالت

مع انها تقول كانت حدها خايفه وتحاتي

 

[Q8Buying]

اي والله يا بنات، أيام 1 و 2 و 3 من شهر 7 .. يصادف عطلة نهاية الأسبوع ..
منو بيدق علينا هالوقت!

 

[fri2010]

يقولون في مقابلات تصير يوم السبت!

 

[Q8Buying]

بس مو اليمعة!..

مادري .. صراحة الوضع يضايق ..

يعني، .. الالتزام مطلوب في العمل!

مادري ليش يسوون الامر سايب،

وعلى قولة جنان، .. مثلاً يقولون لها: احنا متعمدين نأخر الموضوع لأن مو مستعيلين .. لأن اصلا ما تشتغلون إلا بشهر 9 ..

ليش ماكو شيء دقيق ! وهذي أصلاً أشياء روتينية ..

وتعاد من سنين ! .. وبنفس الطريقة المهملة! ..

احنا نلتزم .. واهما لازم يلتزمون ..

والمشكلة ... إذا ما حضرنا موعد ... طولوا السالفة معانا .. وسمونا أخفقنا ! وطبعاً لازم نتحمل ما سوينا !

جان زين اول ما يطلع اسمنا في الوزاره، يعطونه خريطة عمل .. وتواريخ ..

والأسبقية للي تحضر مسبقاً مثلاً ... أو المعدل او كيفهم !

ويحطون المواعيد مسبقة ... مو عشوائية!


ادعوا يتحقق الالتزام ! عشان الواحد يعرف يرتب أموره !

حتى مو مستقرين، مادري لو راح يقبلوني معلمة أو لا ..

أتكلم من باب حرة <-- مضايقتني أوضاع وايد ..

 

[fri2010]

اي والله كويت باينغ لوعو جبودنا وماكو نفسي كل يوم اروح لهم حتى شكلي واسمي احفظوووه

ولا وازيدج من الشعر بيت قايلين حق جنان انتي اللي مضغوطه مو احنا!!

بس ليش ما راح يقبلونج مدرسه بالملف الاصفر تكتبين ان طلبج على اساس انج تكونين مدرسه

 

[Q8Buying]

لا سمح الله ما نجحت بالمقابلة .. أو مثلاً الفحوصات اخفقت ..

مع إن ما علي إلا العافية ... وأثق بمعلوماتي، ..

بس يقولون مقابلة الحاسوب صعبة ... ووايد قريت بهالشي بالإنترنت ..

والله يحوشنا قلق

 

[fri2010]

لا ان شاء الله ناجحه لا تحاتين هم بحاجه لمعلمات كويتيات

والتخصصج ماشاء الله مرغوب فيه

انتي سيفي المعلومات اللي عرفتيها وطبقيها وان شاء الله سهالات

 

[Q8Buying]

شكررراً على رفع المعنويات ! ..
والله يسمع منج يا الغالية !

 

[fri2010]

موفقه يارب

 

[fri2010]

بنات ليش وايد بنات كانو يدرسون بالثانويه والحين بيحلون ابتدائي :/

 

[ذكريات عشاق]

يقولون ان الثانوية فيهاااا تعب ححيل
عاد مادري بس هم انا ابي الثانوية

 

[fri2010]

من اي ناحيه تعب اذكر على ايامنا ابلتنا في اليوم الواحد تاخذ بس حصتين

وحتى لما يكون علينا احتياط مافي غير ابلات الاجتماعيات اللي كانو يوقفون علينا

:/ احس اني تحطمت

 

[ذكريات عشاق]

انا بعد نفسسج مع انه شوفي ثنتين من رفيجاتي يدرسون اجتماعيات ثانوية
وحده مرتاحه وتقول وناسسه
بس الثانية كارهه التدريس مع ادرس يعني توها يديده

ومادري انا احس الابله اهيا تقدر تتحكم بنفسها وتضبط امورها
واذا كل شي سوته بترتيب ونظام ماراح تلقي تعب لان انا اللي اعرفه انه لازم تسوين حصة نموذجية وبرنامج اذاعي
وهالشغلات اذا خلصتيها اول باول ورتبتي كل شغلج مااتوقع بنلقى تعب
واذا على سالفه التحضير واوراق العمل والتصحيح للواجبات والدفاتر
فهذي شغلات عادية ماراح تاخذ من وقتنا ساعتين باليوم

 

[fri2010]

ايه يعني مو قاعده اشوف فيها صعوبه هالشي

يمكن لاني متعوده على الكراف من ايام الجامعه

والله خذيت مره 6 مواد الست مواد فيها اختبارين وكوزات وبحث حق كل ماده غير البرزنتيشن

ما حسيت بالتعب بالعكس كنت مستمتعه بالشغله ومنظمه وقتي عدل

فما بالج لو كانت حصتين باليوم !

 

[ذكريات عشاق]

اي اي صح كلامج ياما بالجامعه انكرفنا كرف مو طبيعي
هالمرة قاعده بالغرفة مالت المعلمات وبراد وعلى مكتبج تسوين كل شغلج
بس مادري ليش التذمممر من بعض المدرسات

 

[fri2010]

ذكريات شنو الاشياء اللي ودج تسوينها لما نروح مدارسنا

انا في بالي اطلب جهاز الداتا شو واشتري خرايط لوول وبييب فيديوهات وصور

من الحين قاعده اقول بشتري سبوره واحطها في البيت عشان اتدرب على الكتابه والشرح ككككك

و دفتر التحضير بسوي له فناتق

ودي اشرح بطريقه د.عبدالهادي العجمي خذيتي عنده؟ ان كل مجموعه لها كتاب وتطلع معلومه واناقشها مع بعض

او نجاوب بطريقه عقليه بدون عاطفه

ونحلل الاحداث اشلون صار جذي وليش

وشنو الفايده من دراستنا لهذي المواضيع

فانتي شنو ودج تسوين؟

 

[fri2010]

اي والله مو عارفه ليش التذمر

والمصيبه انهم يدد فالقدم شنو يقولون بالله!