## تجمع معلمات تعيين يديد##

[fri2010]

بنات انا سهرانه معاكم وقاعده احاتيكم

سمو بالرحمن واقرو قران وادعو ربكم

 

[fri2010]

بنات ترا الغرض من المقابله الثقه بالنفس ومدى التحكم بالاعصاب والشغله الثالثه ان يكون الصوت واااااااضح

 

[miss shouq]

قاعده ادرس والله خايفه حدي انشالله تعدي المقابله على خير
وانشالله يدقون عليج وتفتكين

جنان تروحين وتردين بالسلامه​

حبيبتي الله يوفقج يارب وطمنينا شيصير معاج وانشالله خير
وانشالله يدقون علي

 

[miss shouq]

صباح الورد

بننناااات كلها ساعات ونمتحن


يارب توتر تفكير مو طبيعي
دقات قلبي من الحين بدت تتسارع
ومو قادرة انام


ياااااااااااااااااااارب توفقناااا وتريح بالناااااااااااااااا

ذكريات حبيبتي مثل ماقالت لج لا تخافين انشالله سهالات يارب والله يوفقج يالغاليه

 

[زهراء 24]

الله يسمع منكم وننجح انا سهرانه مافيني نوم
احاتي واايد​

 

[fri2010]

بنات طمنونا شنو صار عليكم

 

[زهراء 24]

اهلين فراي انا توني يايه من المقابله كل شي كان سهل اول عطونا امتحان
تحريري اغلب الاسئله كان عن تاريخ الكويت عن الغزو عن اكبر حقل عن الشيخ مبارك ومعاهده الحمايه
الحمدالله الامتحان التحريري حليته عدل وخذيت 21من 30 وبعدين لمه دخلت عندهم حق المقابله الشفويه
ماسالوني ولا شي عن التاريخ كل اسئلتهم كانت عن مواقف داخل الفصل وشلون تحبين تشرحين الدرس
وذا وحده شاغبت بالحصه شنو ردت فعلج ومن هالاسئله العاديه يعني كل شي سهل
الحمدالله ياربي انا حسيت انه قبلوني يعني شفت القبول على ويهم​

 

[زهراء 24]

ايي وقالولينه تعالو باجر مبنى رقم واحد
دشوا قسم التنسيق سالوا عن النتيجه
يعني نتيجه القبول باجر تتطلع انشالله
اكون ناجحه
وايي انا لمه الموجهه شافت الفايل مالي قالتي انتي تخصصج
المساند فلفسه واحنا عندنا نقص بالفلسفه اذا حطيناج
فلسفه عادي عندج انا قلت مو مشكله
سواء فلسفه ولا تاريخ كله واحد​

 

[زهراء 24]

الحمدالله ارتحت من امس احاتي ومانمت كلش سهرانه
فالحين اقدر اروح انام وانا مرتاحه
ناطرين ذكريات تقولينا شصار معاها​

 

[fri2010]

شفتو قلت لكم سهل لا تحاتون وان شاء الله ناجحين باذن الله

بس زين قابلتكم وحده انا كانو 3 ريايل وكل واحد فيهم كان يسألني بصوب تشتت

بس الحمدالله عدت على خير

 

[المؤرخة 2011]

:nbvppw:​

الحمدالله خلصتي زهراء المقابله :rerrerek:​

واشوااا يعني مو بس انا اللي كانت اسألتي سهله :eh_s(3):​

ما قالو لج شنو المرحله اللي راح تدرسينها :wqedqw:​

تدرون بنات انا يبت 75% في المقابله:eh_s(1): واعلى وحده فينا خذت 79%:ggdw:​

يعني لا تتحطمون البيرفكت بيرفكت تاخذ 80%:sfg: حدها ما يعطون اكثر

عقبال مس شوق​

 

[ذكريات عشاق]

هااااااااي بننااااات
الحمدلله الحمدلله ححيل كان سهالات الامتحان والمقابله كل شي يهبل
وانشالله باجر النتيجه ونكون من الناجحين يارب...


الامتحان كان سهل حيل حيل سهل واكثر شي عن تاريخ الكويت والغزو
وبس حاطين سوالين او 3 عن تاريخ اوربا
واختاري الاجابة كان سهل حححيل

والمقالي كان سوالين الاول
شنو تعرفين عن المعاهدة البريطانية1899
والثاني
ليش تم اختيار صباح بن جابر كاول حاكم للكويت

وبالمقابله
كانوا 4 الحريم وحده تسال والثانية تكتب والرياييل هم كانوا 2 واحد سال والثاني ساكت ماتكلم
سالتني عن معلومة بالتاريخ العراق والكويت قلت لها المعلومات وايد بصراحه وانا قارية عنها بس مو مذكره الاسام عدل
وبعدين سالني الموجه عن الصف والمواقف
قالي شنو الادوات اللي راح تستخدمينها لشرح درسة بالدولة العثمانية قلت له خرايط وصور للشخصيات والمعالم العثمانية
قال من وين بتيبينهم قلت من الكتب والانترنت
وقالي ليش تستخدمين الصور والخريطة
قلت له المادة دسمة ويمكن يكون الدرس صعب وخاصه ان الطالبات بمرحلة ثانوية يعني مرحلة عمرية معينة وانا لازم احببهم بالدرس واسهله عليهم واخليه ممتع بدل من ان يكون ملل
وقالي شلون تقسمين الصبورة قلت له العنوان ولاتاريخ والحقايق والمفاهيم وقال شنو لافايدة من الكتابه على الصبورة قلت اكتب الافكار الرئيسية والاشياء المهمة لتسهيل عملية الدرس
وسالني سوال انا شوي واضحك
قال لو دشيتي الصف والصبورة طايحه على الاراض شنو تسوين شلون تشرحيني الدرس
قلت اشرحه شفوي واستعين بالشفيفية وجهاز العرض والحصة الياية انقلهم ونكتب اللي ماكتباه
قال اوك

هذا اللي صار معاي
واراتحت ححيل والموجهه كانت وايد حبوبة ومتساهله وقالت لي مدام انتي تبين تربية ليش رحتي اداب قلت لها انا حطيتي رغبتي الاولى تربية بس عشان النسبة
ولما شفت ان الاداب والتربية فيهم تاريخ وانا كنت ابي تاريخ فكملت بالاداب ولان عرفت بعد انه التربية تقبل خريجين الاداب
بس ححححيل ارتحت الحمدلله
وانشالله باجر ابشركم بالنجاح

 

[ذكريات عشاق]

واحب اشكركم يابنات جنان وفراي والمورخة على كل شي قلتوا لنا ورحتوا بالنااا
كل شي كان سهالات ودشيت وانا مرتاحه وما ارتبكت وتكلمت بثقة وسويت بنصايحكم
والحمدلله الحمدلله الحمدلله على كل شي


صج صج مششششكورين من كل قلبي والله يوفقكم يااااااااااااااااارب

 

[المؤرخة 2011]

التحريري مالكم غير عني :eh_s(10):ما يبو لي اسئله وايد عن الكويت:bbbiu:

اكثر شي عن الاستعمار والقضيه الفلسطينيه :080402ask_prv:

واسئله الشفوي غريبه:eh_s(1): ذكريات انا لو كنت بمكانج كنت راح اتوهق

اهوا نفسه العصفور والا غير:weight_lift:

ان شاء الله تكونون كلكم من الناجحين:eh_s(9):

ما قالو لكم عن المرحله اللي تبونها؟:eh_s(15):

 

[ذكريات عشاق]

التحريري مالكم غير عني :eh_s(10):ما يبو لي اسئله وايد عن الكويت:bbbiu:

اكثر شي عن الاستعمار والقضيه الفلسطينيه :080402ask_prv:

واسئله الشفوي غريبه:eh_s(1): ذكريات انا لو كنت بمكانج كنت راح اتوهق

اهوا نفسه العصفور والا غير:weight_lift:

ان شاء الله تكونون كلكم من الناجحين:eh_s(9):

ما قالو لكم عن المرحله اللي تبونها؟:eh_s(15):

لا احنا الاستعمار وفلسطين ما شمينا ريحتهم اللهم تعريف الاستيطان

لا مو العصفور مغيرينهم بس العصفور كان قاعد برا ولما طلعت سالني شنو سويتي قلت له الحمدلله زين

لا ماقالوا اي مرحلة تبون
بس سالو شنو تفضلين ادرسين اي مرحلة


انشالله ننجح ياارب

 

[المؤرخة 2011]

مغيرين الاسئله والتوجيه كله شكلهم

بس ما كان معاكم من الموجهين واحد مصري؟​

 

[fri2010]

الحمدالله ذكريات اسئلتج خفيفه وسهله احسن من ان يسألونج اسئلة تاريخيه

وان شاء الله ناجحه بإذن الله

 

[fri2010]

بنات يمكن ألهى اليوم لان باجر سفرتي بتكون الفير

حبيت اذكركم بالمعلومات على حسب اللي قريته وفهمته من جنان لاني مريت بظروف غير

ان شاء الله باجر على الساعه 11 تمرون مكتب التنسيق مبنى 1 عشان تعرفون النتيجه

بعدها الملف راح يمر على جميع وكلاء الوزاره وهالشي راح ياخذ تقريبا اسبوعين

بعدين راح يتصلون فيكم عشان تسون اجراءات الفحص

طبعا تروحون مبنى 2 عند صالة المراجعين عند الموظفه اللي مكتوب على مكتبها اجراءات التعيين

المهم راح تعطيكم ورقه تودونها حق المجلس الطبي العام مكانه بنفس مكان مستشفى الصباح يسمونه قبل العلاج بالخارج

راح تعطيج الموظفه اهناك بالشباك بالمجلس الطبي ورقتين وحده حق اشعه الصدر والثانيه تحليل سكر ... وانتو بكرامه

تسونه بمستشفى التابع لمنطقتكم

المهم ان اهوا تطلع النتيجه بنفس اللحظه يعني لو ترجعين مره ثانيه المجلس الطبي تفتكين من العباله احسن

وفي ناس تخليها اليوم اللي بعده

المهم نتيجه الاشعه والتحليل تعطينه حق الموظفه بالمجلس الطبي عند الشباك تعطيج عاد ورقه حق تحليل الدم

وطبعا تسوينه بنفس المكان يعني المجلس الطبي

بعد ما يسحبون الدم تعطيج رقم

اما غرفه 19 او 17 على ما اذكر

عاد تنطرين دور لما يجي دورج

اهناك راح تشوف نظرج وتحط سماعه حق صدرج واللي راح تلبس عباة راح تتوهق

لان الدكتوره راح تقول رفعي عباتج وحتى الملابس الداخليه تقول لج رفعيها لووول

وتكتب الدكتورة التقرير وتقولج ودي الورقه حق الموظفه اللي خذت الاوراق عند الشباك

وتقول لج الموظفه اهناك بعد اسبوع تعالي

عاد بعد اسبوع تاخذين كل نتايج التحليل وتودينه على طول الوزاره وعند نفسها الموظفه مالت التعيينات

ولازم مع التحاليل تييبين اوراق معاج

بدور عليها واحطها لكم

عاد بعد كل هالحوسه تخليج تعبين كل بياناتج

وتعطيج وصل ان المراجعه بشهر 9

وبس هذا كل شي

 

[بطوووطة$بيضة]

حضرتهم امضيعين بيانات تقديمي وتوهم لقوهاااا هالاسبوع احتمال امتحاني ومقابلتي.

 

[eastfem]

بنات الوزارة داقين علي اليوم الضحى بس كنت نايمه .. وماااااااااارديت

شتنصحوووني شسوي اروح لهم باجر ولا ادق ولا شنووو افففف