## تجمع معلمات تعيين يديد##

[fri2010]

ويقولون لج حتى بنات المتوسطه مو سهلين على الاقل الثانويه يخافون على درجاتهم فأهم اللي يراكضون وراج بس المتوسط حيل شياطين والابتدائي صغار صعب التفاهم معاهم

 

[fri2010]

اوكي وان شاء الله تبشرينا انج ناجحه بعد واذا بغيت مرحله معينه تدرسينها قوليلهم قبل ما يحطون بالملف المرحله

 

[زهراء 24]

انشالله الله يسهل امورنا اهم شي
نعدي المقابله​

 

[fri2010]

ان شاء الله يارب

انا شكلي بسهر وياكم والله حدي احاتيكم

 

[زهراء 24]

انا اللي شكلي ماراح انام
من الساعه 6 بروح اقعد يم باب الوزارة
ههههههههه
اصعب شي لمه تحاتين شي وتقعدين على اعصابج​

 

[fri2010]

ههههههههه اي والله معاج حق وما اقدر الومج عشت هاللحظات من قلب

 

[الرداء الأحمر]

يا بعد قلبي الي فتحت الموضوع :eh_s(9):
مثل ما هو واضح سجلت بالمنتدى بالكبرة بس عشان هالموضوع ...
طبعا قاعده اسوي سيرج بقوقل اي شي يطلعلي عن التعيين لأني ضايعة من جد !!!
الله رحت اليوم قدمت اوراقي للتعيين نطروني ساعتين وشي وانا انطر الأرقام تمشي يوم وصل دوري جان تقولي " لا أنتي مني " قصدها المكاتب ا الثانية الي كان فاضين بس قاعدين يسولفون
طبعا انا سكت بعد بخلص شغلي وامشي
خذت اوراقي صورة بطاقة مدنية وصورة الشهادة وصورة شخصية
عطتني كتاب جذي لونة اصفر اكتب فيه بياناتي وربي من الخرعة نسيت شنو بياناتي رقم تلفوني نسيتة :eh_s(22):
خلصت دبستهم مادري شسوت جان تقولي خلاص اهما راح يدقون عليج
طبعا انا قلت اي ان شاء الله ..
بس يا جماعة متي يدقون ؟ ولما يدقون شنو يبون ؟!
وشنو قصة المقابلة والدراسة ، خرعتوني بعد فيها دراسة :/
وبس لول

 

[Q8Buying]

شنو تخصصج الرداء الأحمر ؟

واقري الموضوع كله مفيد ميخالف!
بس تحملي :d

 

[fri2010]

حبيبتي اول شي انتي تربويه؟ اذا لأ

وشنو تخصصج؟

المقابله حق غير التربويات فيها مقابله والمقابله عباره عن امتحان تحريري وشفوي

اذا نجحتي في المقابله راح تنطرين اسبوعين بعدين تسوين الفحوصات وعقب الفحوصات تنطرين اتصال منهم شهر 9

واذا ما نجحتي الله لا يقول لج محاولتين عشان تنجحين ولا سمح الله ما نجحتي كلش يرجع ملفج للديوان ويرشحونج وزاره ثانيه

 

[الرداء الأحمر]

تخصصي حبيبتي لغة عربية آداب
افا عليج كاني قاعده اقرا صفحة صفحة لول

 

[الرداء الأحمر]

اها حلو تمام بعد قلبي يعطيج العافية
الحين انطرهم يدقون علي وهل يطولون على ما يتصلون
شكلي ببدي ادرس من الحين احتياط :d

 

[Q8Buying]

درسي زين للمقابلة .. دوري تجمعات مقابلات اللغة العربية
عشان تكون عندج فكرة عن المقابلة وما تتفاجئين او ترتبكين ..

سوي بحث بقوقل ..
("مقابلة" + "اللغة العربية" + "وزارة التربية") ..

http://www.google.com/search?hl=ar&rlz=1T4ADFA_enKW434KW435&q=%D9%85%D9%82%D8%A7%D8%A8%D9%84%D8%A9+%D8%A7%D9%84%D9%84%D8%BA%D8%A9+%D8%A7%D9%84%D8%B9%D8%B1%D8%A8%D9%8A%D8%A9+%D9%88%D8%B2%D8%A7%D8%B1%D8%A9+%D8%A7%D9%84%D8%AA%D8%B1%D8%A8%D9%8A%D8%A9&oq=%D9%85%D9%82%D8%A7%D8%A8%D9%84%D8%A9+%D8%A7%D9%84%D9%84%D8%BA%D8%A9+%D8%A7%D9%84%D8%B9%D8%B1%D8%A8%D9%8A%D8%A9+%D9%88%D8%B2%D8%A7%D8%B1%D8%A9+%D8%A7%D9%84%D8%AA%D8%B1%D8%A8%D9%8A%D8%A9&aq=f&aqi=&aql=f&gs_sm=e&gs_upl=42596l44519l0l14l8l0l0l0l0l3767l3767l9-1l1

واقري نتائج البحث

تسلي على ما يتصلون عليج .. بالتحضير للمقابلة ! عشان لا تكونين متفاجئة من الوضع ..
وعشان يا رب تنجحين وكلنا ننجح ونتفوق بإذن الله ..

 

[الرداء الأحمر]

هذا اهوا نتسلى شوي دام ما وراي شغل
يعطيج الف عافية حبيبتي تسلم الأيادي وموفقه يا رب

 

[fri2010]

اي حبيبتي درسي من الحين وتوقعي بأي لحظه يتصلون فيج وجنا على ما اعتقد ان باجر اول يوم يبلشون فيه مقابلات

 

[Q8Buying]

وهذا كلام لقيته .. مثلاً :

انا خريجة اداب و اذكر يوم رحت المقابلة سالوني عن ابيات شعر حافظتهم
شرحهم
معاني الكلمات
اسئلة نحو فيهم


بعدين سالوني شعاجبج باتدريس
تتحملين التدريس والتعب

بس ديري بالج تقطين كلمة انجليزي هههههههههههههههه
اللي قبلي سقطوها عشان قالت اوكي لما قالو لها التدريس تعب قالت لهم اوكي عادي

ابيات الشعر انا حافظتهم اصلا حق المقابلة

لاني عارفة ان لازم يسالوني بالشعر فقلت انا اختار الابيات احسن ما اييبولي اهما شعر مااعرفه

وحفظته وعرفت المعاني والفكر وكل شي


وبعدين الشعر اللي حفظته كان فيه حكمة عن عدم لوم الصديق دايما لان اذا بنقعد نلومه بنخسره ومنو اللي ما يغلط ومن هالمعنى
انا ركزت عليها لاني كنت بالمدرسة احبها وحافظتها ليما الجامعة

ومنتديات مدرستي راح تلاقين فيها اشياء تفيدج :

http://www.q8classroom.net/vb/showthread.php?t=98120

احيانا يسوون تجمعات لمقابلة اللغة العربية

والله الموفق

 

[الرداء الأحمر]

يا بعد قلبي انتي ريحتي قلبي وربي
الله يحفظج ويوفقج ان شاء الله
ببدي ادرس من الحين واتابعكم ان شاء الله
وربي يوفقكم

 

[Q8Buying]

ههههه خلاص ادعيلي
قاعدة انطر نتيجة مقابلتي الحاسوبية

 

[الرداء الأحمر]

حبيبتي ان شاء الله توفقين وتمشي امورج كلها سهالات يا رب
شدي حيلج بس وبشرينا

 

[ذكريات عشاق]

صباح الورد

بننناااات كلها ساعات ونمتحن


يارب توتر تفكير مو طبيعي
دقات قلبي من الحين بدت تتسارع
ومو قادرة انام


ياااااااااااااااااااارب توفقناااا وتريح بالناااااااااااااااا

 

[زهراء 24]

اهلين ذكريات صباح النور
نفس احساسي خايفه حييل ومتوترة
وموقادرة انام امبيه احس اني مو دارسه
عدل مجرد قرايه للمعلومات
الله يستر​