تجمع مسافرات مريكا 2012 باذن الله ( تم دمج المواضيع )

[صفاء عبدالله]

شوفي حبيبتي الاكل وايد رخيص في امريكا انا انصدمت من الاسعار مطعم راقي اذا ذبح عمرة الفاتورة 30 دينار

روحب مطعم اولف قاردن عجيب الصمون ايبونه وجيس كيك فاكتوري وتاكوبل بل مطاعم وجبات سريعه حلو

 

[صفاء عبدالله]

وفي مطاعم ايطاليه اتهبل الباستا والبيتزا

 

[OutDoor]

Fat إنتي خلصتي الفيزا ؟ و بتروحين بروحج ؟ يعني أدري مع قروب بس ما معاج أحد من أهللج ؟

 

[ام البنين2000]

سلام عليكم

فات حبوبه فنادق لوس انجلوس مافيها سياحه وتطمش اللي انتي تتكلمين عنهم لاس فيقاس
واسعار الشوه دخلي موقع لاس فيقاس كل الاسعار موجوده هناك
بس اذا رايحه قروب هذا شغلهم ماله داغي لا تشوفين لا اسعار ولاشي بس بلغيهم واهم يحجزون
انتي ما ستفسرتي عن برنامجكم ؟
ياريت تحطينه لنا واحنا اذا شفنا شي ناقص راح نساعدج فيه
ناطرين برنامجج مال القروب

 

[omalbader]

صباح الخير بنوتات
ليش التجمع ماله حس ليش محد يتناقش ويكتب اللي عندة
يالله شدوو الهمه نبي نعرف كل وحده وين بتروح وشنو مخططها
وشنو حاطه ابالها تشتري من اهناك :d​

 

[عواشه القرقاشه]

اي والله بنات التجمع صخه

عفيه عطونا خبراتكم
انا الشهر الياي مسافره ان شاءالله
الحمدالله عندي معلومات وايد
بس هم ابي معلومات ههه
التخطيط اهو اهم شي بالسفر

صج بنات بسألكم
مثلا لو بروح ديرني او يونيفيرسال
بقعد من الصبح لي الليل
ماني راده الفندق بس شلون عالصلاة
يعني ماقدر اجمعهم كلهم بس شلون اصلي !!
ماكو اماكن مخصصه او معزوله شوي ؟

 

[عواشه القرقاشه]

اي بنات
ادري اسألتي زايده خخخ

انا بروح ان شاءالله اول شي نيويورك
بعدين اورلاندو عقب ميامي

يعني بعدين مالي رده نيويورك
هل السوق فيها فيه شي مميز عن اورلاندو؟
والا اللي القاه بنيويورك القاه باورلاندو؟

لان اخاف اخلي السوق بعدين واتحسف ماالقى نفس الشي

��

 

[omalbader]

عواشة على حسب اللي سمعته ان في اشياء موجودة بنيويورك مو موجوده في اورلاندو واذا لقيتي شي ما يتطوف لا اطوفينه لا تصيرين نفسي يوم باريس كل شي حلو طوفته خخخخخخ​

 

[عواشه القرقاشه]

ام البدر

ايي موو هذا اهوو
مانبي يطوفنا شي خخخخ

اللي تعرف شنو اللي مايتطوف بنيويورك تقولنا عفيه

 

[شموووخ بدويه]

حبايبي انا بخاطري اروح ولايه وحده مالي خلق التنقل من ولايه لولايه ومعاي عيالي ,,

شتنصحوني فيه لوس انجلوس او كاليفورنيا او فلوريدا ,,اللي راحت او سمعت ابي الولايه اللي فيها اماكن متنوعه وحلوه يعني مانمل لان السفره كلها اسبوعين

ابي نصيحه تكفوون

 

[صفاء عبدالله]

فلوردا احسن شي اذا معاج عيالج لانها وايد اتونس حق اليهال

 

[شموووخ بدويه]

مشكوره حبيبتي صفاء...

قعدت اقرا مواضيع ومادري حسيت تشجعت حق كاليفورنيا أكثر من فلوريدا,,

خواتي اللي راحت قبل حق هالولايتين لاتبخل علينا.. ماكو وقت

 

[صفاء عبدالله]

كاليفورنيا روعه شي مو طبيعي بس اذا معاج يعال لازم كثر ما تقدرين اتقصرين المسافه لان لي كاليفورنيا كل الرحله 21 ساعه صعبه شوي

 

[صفاء عبدالله]

بس هم فلوريدا تري حلوة وفيها كل شي والراي لج بالنهايه عموما امريكا كلها حلوة

 

[شموووخ بدويه]

صفاء مشكوره حبيبتي ع الرد وماقصرتي وانا حابه اخذ رايكم لاني ولا مره رحت لامريكا,,بس مافهمت شقصدج الرحله 21 ساعه قصدج بالطياره يعني,, وبالمناسبه شنو احسن خطوط انا دايم ع الاماراتيه وتهبل روعه بس اذا فيه أحسن خير وبركه,,

 

[صفاء عبدالله]

انا ما اسافر الا علي البريطانيه وايد حلوه من الكويت لي لوس انجلس ٢١ ساعه كل الرحله مع الترانزيت

الاماراتيه حلوة بس اسعارها خياليه انا وزوجي طلع ٤٧٥٠ تقريا علي درجه رجال الاعمال اما البرتش حصلنا عرض انا وزوجي ٢٦٥٠ تقريبا

 

[شموووخ بدويه]

افففففففف صفاء انتي وزوجج بس هذا سعر تذاكركم,,,حييييل غالي

انتي حاجزه حق هالصيف؟؟ متى سفرتكم ؟؟

انا وزوجي ومعاي عيالي 3,, يعني جم راح تطلع علينا التذاكر,,

 

[صفاء عبدالله]

لا حبيبتي أنا وزوجي سفرتها كانت ١/٢٦. ال ٢/١١ يعني سافرنا ودينا بالسلامه

 

[شموووخ بدويه]

الحمدلله على سلامتكم,, صدعت راسج مارديتي على جم كانت تذاكركم انتوا الاثنين,,,

وين كنتوا بأي ولايه

 

[صفاء عبدالله]

أنا وزوجي ب ٢٦٥٠ علي درجه رجال الاعمال ورحنا لوس أنجلس ولآس فيغاس