اهلا حبايبي اللي حجزوا جم كانت اسعار التذاكر و من اي سفريات مع الشكر
اسعار التذاكر تختلف يوم عن يوم ممكن تحصلينها اليوم بسعر وتلاقينها باجر بسعر ثاني يعتمد على سعر وقود الطيارات والضريبة والفترة الزمنية لسعر تذكرة (الموسم). افضل شي تجيكين على الاسعار بالانترنت مهما كان تظل اقل من المكاتب السياحية فعلى الاقل تكون عندج فكرة عن الاسعار
السلام عليكم
الله يسهل على اللي بتروح أمريكا و اللي تخطط حق الروحه
أنا ناويه أن شاء الله عن قريب أسافر مع زوجي و عيالي 10 سنين و 9 سنين و 7 سنين
و أستفدت وايد من مواضيعكم بس و لا وحدة أذكرت السكن في شقه بأي ولايه لأنه الله يحفظه أبو عيالي ما يحب الا الشقق العائليه و خصوصا أن اللي يروح أمريكا لازم يقعد شهر أو أكثر وأحنا ناوين على 4 ولايات كل ولايه أسبوع و طبعا فلوريدا بالمقدمه
يعني باختصار بسأل عن الشقق الفندقيه أو تأجير بيت صغر عائلي
و شكرا
بالنسبة للشقق فندقية في اورلاندو بفلوريدا راح تلاقين الاختيارات كثيرة ومتنوعة ومريحة لأن اغلبها منتجعات سياحية وشقق فندقية بس ممكن تحصلين صعوبة تلاقين شقق فندقية زينة وبسعر مناسب في نيويورك وكاليفورنيا كاليفورنيا عندج فنادق ماريوت بالذات الريسيدانس ان او شقق اوكوود بس عيب شقق اوكوود ان اقل مدة لازم تقعدينها هي 30 ليلة والا ما يأجرونج
نيويورك مالج الا فنادق تايم سكوير لأنها قريبة من اهم الاماكن السياحية والليلة في هالفنادق ما تقل عن 100 دينار
ســــــــــــــــــلام !!
شخباركم ..... من زمــــــــــــــان عنكم ؟ شخباركم رونه و أم البنين ؟! .... عيل هالسنة ما في أمريكا ؟ إحنا العام ما قدرنا نروح و هالسنة بعد ما راح نرووح الصراحة ميزانية السفرة طغت و فاقت ميزانيتنا ؟! و بالذات التذاكر شي مو طبيعي ...... إبونا صدر القرار أمس ما في سفرة لأمريكـــــا .... عاد أنا زهبت الفيز و لما رحت السفارة و إلا عـــــــــالم و طابــــــور لوعة جبد و هلكوني أسئلــة ..... السفارة مو مثل قبل سهالة أحسهم الحين أصعـــــــب من قبـــــــل الصراحة كأني قاعدة أطــــــر منهم ! ..... أحلـــي شي باوزوبا و آسيا قربها من الكويت و رخص التذاكر و الفيزة بيوم و يومين طالعة و همن أسواق و طبيعة و جو ...... إحنا رحنا من قبــــل و خلاص ..... الصراحة الدرب لأمريكا وايـــــــــــــــــــد صعب و متعب و خاصة الي عنده يهال .... الله يعينكم
مشكورة اختي صفاء .... على طاري الجروف هالمكان شنو متروس خليجيين ؟! أمبيه كأنج قاعدة بدبـــــي ! و الناس يطالعون يعضهم بعض .... كأننا يــايين من كوكب ثاني .... و يـــــــن ما تروحين خليجيين بــزودة
عموما أتمنى للجميع رحلة سعيدة ....
صباحو سمبوله شخبارج
احنا نفسكم هم صدر قرار انه ماكو امريكا هالسنه غير انه التذاكر غاليه،، العام لمي رحنا حسينا بفرق الاسعار وحسينه بالغلا وااايد زايدين اسعارهم وباليوم تصرفين مو اقل من 250 لي 300 دينار يقولون عقب الازمه الاقتصاديه التجار زادو الاسعار بيعوضون خسارتهم ،، عاد قلنا نروح دوله قريبه من دول اوروبا والحين صار ماكو فرق بين اسعار اوروبا وامريكا نقريبا نفس الغلا بس اوروبا اقرب وتذاكر ارخص
والله يسهل ان شا الله للجميع *
اهلاً اهلاً بالصبايا
شخباركم؟! اي والله صاجين امريكا ماعادت الاولية وغلت عن قبل العام كليناها بالمصرف حتى قللنا من تسوق بسبب المصاريف اللي طلعت لنا مني ومناك .. الظاهر يعوضون طيحتهم الاقتصادية فينا
سمعت ان فنادق لوس انجلوس عجيبه وبوفيهاتها رخيصه بس عاد مادري بجم
والفنادق تكون فيها عروض مثل فندق فينيسيا عرض سيركس دي سوليه وعرض بلو مان ونتمشى بالجندول
وفندق باريس وفندق نيونيوك وفندق بيلاجو عجيب في نوافير وفندق ديزني بس ماني عارفه المسافه الي بينهم يعني اقدر اروح لهم بيوم يعني من الصبح افتر عليهم ابي نصايحكم
ها اشرايكم بجدول رحلتي زين ابي رايكم
هلا والله انا اكيد بروح مع قروب بس الشي الثاني انا رحلتي 20 او 21 يوم بس اقول ودي اقعد اطول يعني تكون مدة السفره شهر تقريبا
ومعلوماتي اكيد ضعيفه عن الفنادق لان انا بروح مع قروب ولقروب مقيديني بفندق وعين بس انا بروح هل فنادق بتمشى فيهم ومجرد سياحه مو اقامه
انا اهمني بالمعلومات الرحلات والمحلات لان القايد عليه كل شي
فنادق لوس انجلوس مو رخيصة اذا بتقعدين بفندق زين ونظيف يعني اذا قعدتي في هالمناطق بيفرلي هيلز ، هوليوود، مارينا ديل راي، نيوبورت بيتش وغيرهم من مناطق المعروفة ما تحصلين فندق زين باقل من 50-70 دينار
اما اذا كنتي تقصدين فنادق لاس فيغاس في بالصيف يسون عروض حلوه على الفنادق اغلى شي ب 100 دينار وارخص شي ب 8 دنانير لليلة
اما بوفيهات الريوق بلاس فيغاس فمافي الا اول العام لما سكنت بالفنيشين كان مع ريوق والله يكرم النعمة يفشل بوفيهم انصدمت ما جنه فندق 5 نجوم البوفيه كان الريوق عباره عن عصير وصحن كبير متروس تفاح وصحن ثاني كبير متروس موز وكرواسون ومربى وعسى وتوست ونوعين عصير وقهوة والمواعين بلاستيك :/ قمنا نطلب ريوق بالغرفة وايد افضل واكشخ او نتريق بره بكافيه او شي
والفندق اللي بفيغاس اللي تقصدينه اسمه فنيشين اللس اهو الفنيسيا ومافيه عرض حق سيرك دي سولييه بس فيه عرض اسمه فانتوم اوف ذا اوبرا واهو عرض موسيقي غنائي
عروض دي سولييه في منها في فندق بيلاجيو وفي في فندق تريجر ايلاند وفي بفندق الام جي ام على حسب العرض اللي تبينه والافضل تدخلين موقعهم وتشوفين عروضهم واوقات العرض لأن ساعات ما يعرضون بايام معينه وشوفي كل عرض ووين مكانه
اي فندق ديزني تقصدين؟ مافي فندق ديزني في لاس فيغاس بس موجود في كاليفورنيا في منطقة انايم على ما اعتقد وفي بفلوريدا مجموعة فنادق لديزني وكلها حلوه ..
مادري احس معلوماتج ملخبطة انصحج تشوفين تقارير امريكا القديمة للبنات والتجمعات القديمة اللي سويتها من قبل وتحطين يمج ورقة وقلم وتكتبين والافضل التقارير لأنها راح تكون مرتبة والمعلومات فيها محددة وواضحة
انتي مدام بتروحين مع قروب فاخذي معلومات عامه عن الاماكن اللي بيودونها لج ولالافضل تسألينهم عن برنامج الرحلة اللي بيسونه لكم وتحطينه لنا بالتجمع واحنا بنفيدج اكثر ان شاءالله
المشكلة ان انتي قاعده تخططين لبرنامج السفرة وانتي بتروحين مع قروب واهم اكيد بيكونون مزهبين برنامج رحلات يناسب مدتكم ولأنج قاعده تذكرين اماكن وايده ومتشعبة وما يندرى اهي موجودة في برنامجهم السياحي والا لا ...
فات انتي مشاركة معاي بالتجمعات عن امريكا من قبل صح؟ جنه كنتي مشاركة معانا عام واول عام وكنتي بتسافرين امريكا مو؟ مادري اذا انتي والا انا متلخبطة :eh_s(7):
