تجمع مسافرات لندن (2013)

[fri2010]

وين احصل ماركة la mer بلندن !؟

 

[Al3nood82]

هههههه بنات شفيكم خايفين من زحمة لندن بعد العيد ، بالعكس حلاتها تشوفين ربعك وجماعتك دول الخليج

انا من الرياض ، ان شاءالله نشوفكم هناك ، بس انبسطووو ولاتشيلون هم الزحمه

خبيرات لندن باسألكم كيف نبدا يومنا بلندن ؟؟؟ انا حجزت اول 3 ايام في منطقة ويستمنستر بجنب البيق بن واللندن اي والثلاث الباقين قريب من النايتسبريدج

واايش رايكم نستخدم المترو او الباصاات ؟

 

[SILVER ROSE]

بنات انا اول مرة اروح لندن شلون طريقة تعبئة الفيزا
اخاف اعبي شي غلط ويرفضونها بروحهم عليهم ضغط مو طبيعي مو وقته كللش
في مواقع مترجمة تعلمني اعبي للفيزا؟

 

[مشتطـه]

وااااااااااااااااااااااااااااااااااااااااااااي


شنوووو هذا

حدي تحبطت


هالسنة شكل لندن فلللللللللللللل؟؟؟؟؟؟؟؟؟؟؟؟


ماااااااااابي مااااااااااااااااااااااابي



انا بروح تاريخ 15 ان شاءالله اسبوع
فترة نقاهه قبل لا انحكر بالغربة

 

[مشتطـه]

العنووود اسستخدمي الاثنين مع بعض

الباص بالنسبة لي اسهل

 

[نـعـومـه]

وييييي على كلامكم الفيزا حوووسه

انزين بستشيركم

ريلي قالي بنتي ناخذها معانا انل متردده


الحزه اللي بروحلها يكون عمرها سنه و10 شهور شرايكم تصلح للندن ولا راح نتعب ؟؟؟

محد رد على استفساري

 

[fri2010]

سيلفر روز ما يدققون وايد بالتعبئة واصلا أهي سهله ما يبي لها شي بس جم المدة اللي بتقعدين فيها بلندن ومن تاريخ جم لي جم
عقب اسمج وتاريخ الميلاد جنسيتج تاريخ الميلاد عنوان البيت رقم التيلفون ومن هال أشياء و تحطين لهم عنوان فندقج بلندن
بس أهناك أبدا ما يدققون شكاتبه بس اهم شي تكون معبية

والله مشتطة كل ما اسأل احد يقول لي بروح لندن !!! انا من جذي ضاق خلقي من الحين مع أني بروح عقب العيد و بقعد شهر

بصراحة نعومه راح تكون متعبة خاصة بتكون لندن زحمة هالسنة والمواصلات أكيد بتكون أصعب و أصعب فاريح لبنتج بالديرة

 

[مشتطـه]

نعووومه

اذ1ا تقدريييييييييييييييين خلليييييييييييييييييييهااا


السفر مع بيبي إكس كبير


انا مضطرة اخذ ولدي وكللش مو متحمسة للسفر لاني اساسا ترانزيت وزودت المدة
ف من جذي اخذته معاي حبيبي والله بيأذيني ادري بس الحمدلله على كل حال

 

[مشتطـه]

اي حتى انا اكتأبت اخاف تصير ملاقه لي درجة قلت لزوجي خلنا نهج بره لندن

 

[يــــارا♥]

موله بس كل سنة اروح لندن واروح الاماكن اللي ذكرتيها ما القى ماركة ميك اب فور ايفر !! حتى بالسايت المجمعات دورت مافي !!!

اللي انا اعرفه انه ما تلقين ميك اب فور ايفر بلندن موجود بس في محلين واحد منهم اسمه Guru Makeup Emporium والاثنين بعاد واايد

للامانة انا ما رحت وشريت من المحل نفسه بس طلبت منهم اون لاين لاني دخت عليه

Guru Makeup Emporium - Professional Makeup Shop London, UK0207 731 [email protected]

 

[نـعـومـه]

مممممم يعني تعب

بحاول اقنع زوجي مع ان يقولي مابي اخليها بالديره خلها تيي تستانس الحين تفهم وانا مومقتنعه حيل

 

[fri2010]

إحنا جذي مشتطة حجزنا برا لندن وعلى بدايه شهر ٩ نروح لندن

يارا المكان بعيد يعني وين بالضبط !؟

 

[نـعـومـه]

بنات بعرف بلاك بول شكثر تبعد عن لندن بالقطار ؟؟؟

ودي اروحلها

انتو جنه اغلبكم بتسافرون شهر 9 و8 ؟؟؟ في احد بيروح شهر 10 ؟؟

للحين ماحجزنا ناطره ظروف زوجي مع دوامه الله يكتبلنا هالسفره مشتهيه اشوف لندن

 

[tanya]

عندي خوش شركة شحن دايما اشحن معاها

انا مسيفه الرقم بتلفوني , رقم الشخص, بس اسم الشركه اظن الخليج مو متذكره اسمها عدل

اذا تبين اطرش لج الرقم واسم الريال اللي ايينا لي الفندق, خوش شركه, جربتها كذا مره

ممكن تساعديني برقم و اسم الشركة و اذا ممكن بالمره اسم سائق حق توصيل للمطار بسعر مناسب

 

[tanya]

انا بالنسبه لي احب المارليبون, كل شي يمج وراقيه وحلوه

ايش بعد المنطقة عن اوكسفورد و افضل مكان تنصحين فيه مع الشكر

 

[مشتطـه]

نعوووووووومه زين سويتي انج قررتي بشهر 10

لان 8 كئيبة هالسنه بتصير الكويت كلها بتروح

انا شهر 8 لان ظروفي ماتسمح الا بهالوقت

 

[نـعـومـه]

مشتطه

حاولي تروحين مناطق برا لندن اذا موحابه زحمه

عاد ماتدرين شلون الجو شهر 10 برد موت وكلشي يسكر ولا زين ؟؟

انا مابي الملاهي والانشطه تسكر هذا اللي خايفه منه

 

[رزة بنت عطا]

السلام عليكم حبيباتي ابي أسأل بالنسبه الفيزا لما اخد موعد من النت متي يجي# الموعد لأن انا سفرتي 21 أغسطس

 

[نـعـومـه]

وصج عندي استفسار ثاني

تعرفون الاوربرا !؟؟ اقدر احضر حفلات الاوبرا ؟؟ شلون وين

احس الاوبرا اجواء اوربيه وانا بخاطري هالاجواء

 

[الغلا*]

بنااات يكفي صرف وتشري مبلغ ٢٥٠٠ انا وزوجي وعيالي ٢
بليز خبيرات لندن ساعدوني يكفي ولا لا ����