تجمع مسافرات لندن (2013)

[نـعـومـه]

الدلال


عليج بالعافيه

وتردين بالسلامه يارب

بس تفضين فيديني بسؤالي وسؤال البنات

 

[sweet lady]

نعومه
عندج برايتون قريبه ساعه تقريبا من لندن والحلو تروحين وترجعين بنفس اليوم

 

[نـعـومـه]

نعومه
عندج برايتون قريبه ساعه تقريبا من لندن والحلو تروحين وترجعين بنفس اليوم

حلوووو خوش شي بس شنو فيها من سياحه ؟؟؟

بلاك بول شكثر تبعد عن لندن ؟؟؟ وشنو المناطق اللي يم بلاك بول

 

[fri2010]

الدلال لا تنسينا بالتقرير الحلو وشنو الأشياء اليديدة اللي نشتريها ومو موجودة بالكويت

 

[مدرسة طفشانة]

الدلال
عليج بالعافية وترجعين بالسلامة يا رب
ابشركم بنات
اليوم وصلت الجوازات مع الفيزا
وببتدي احجز الفنادق هاليومين
والله يسهل يا رب​

 

[أم وصايف]

بنات

بكم فيزة لندن؟؟؟ وكم يوم تأخذ ؟؟؟

 

[احلللى بدررر]

السلام عليكم .... حبيباتي انا متوهقه بالفيزا ابي اخذ موعد وماني قادرة لان اون لاين يقول مافي مواعيد :eh_s(11)::eh_s(11):

ساعدوني شلون احجز موعد بالفيزا ؟؟؟؟ لان ابي اسافر ورى العيد باسبوع ضروري

تتوقعون يمديني اسويها :yaaaaaarb: ؟؟؟ و اذا اخذ موعد يصير اتعنا للسفارة اذا الاون لاين ما عطاني موعد ؟؟؟

بلييييييييييز بلييييييييييييييييييييز جاوبوني:eh_s(22)::eh_s(22)::eh_s(22):

 

[In Geneva]

إختى أحلى بدر

انا سفرتي معاج تقريبا مواعيد مافي نهائيا

قالوا مافي الا في اي بي وتاخذين رقم

رحنا الفي اي بي اليوم ولا بعد مافي توزيع ارقام ولوتشوفين حالة الناس يكسرون الخاطر الاغلب دافع السكن والتذاكر ومومحصل موعد

المهم قالوا اخذوا مواعيد بالنت والنت مومبطل للمواعيد
لو تشوفين الحالة صعبة
نزلنا المكتب اللي تحت ناخذ مواعيد
امي رقمها قبلي حصلت موعد
ولما يا دوري بعدها بخمس دقايق ولا مافي مواعيييد

الخلاصة أنه يبون ينظمون العملية ويقدمون خدمات افضل للناس
فراح يكون الفي اي بي بمواعيد وهو احسن صراحة لكن ان شاء الله تكون قريبة المواعيد

 

[In Geneva]

بنات اللي سفرهم في اغسطس يحاولون يطلعون الفيزا علشان ما يتاخرون

ضغط على المواعيد حاليا مافي بس راح يفتحونها

وترى موظفين السفارة مكان اصدار الفيزا وايد متعاونين ومهتمين بتنظيم العمل وتعاملهم راقي
علشان جذي الفي اي بي صارت بمواعيد وبصراحة طريقتهم هذي زينة وراح تنظم لانه صار ضغط عليها شوي من الناس

 

[In Geneva]

اتوقع صار ضغط شوي على لندن لانه وايد ناس حولت عليها كوجهة ثانية بدل لبنان وتركيا لانه اول مرة يصير في ضغط وتخلص المواعيد للفيزا بسرعة

 

[أم وصايف]

اتوقع صار ضغط شوي على لندن لانه وايد ناس حولت عليها كوجهة ثانية بدل لبنان وتركيا لانه اول مرة يصير في ضغط وتخلص المواعيد للفيزا بسرعة

طيب أختي تتوقعين بشهر سبتمبر يصير ضغط نفس الحين ولا يخف

والفيزا حزتها اذا ماكو ضغط كم يبيلها وتخلص؟؟

 

[engineera_2007]

اختي in geneva
احنا الحين مواجهتنا هالمشكله ونفس ما قلتي اليوم رحنا ڤي آي بي قالوا ما يصير لازم موعد ..
ومواعيد النت مو راضيه تفتح ..

في طريقه ان أروح السفاره وأخليهم يحجزونلي موعد ولا لازم بالنت ؟؟

توهقنا صج !!

 

[نـعـومـه]

وييييي على كلامكم الفيزا حوووسه

انزين بستشيركم

ريلي قالي بنتي ناخذها معانا انل متردده


الحزه اللي بروحلها يكون عمرها سنه و10 شهور شرايكم تصلح للندن ولا راح نتعب ؟؟؟

 

[fri2010]

سمعت أن عقب أسبوعين راح يبطلون الموقع حق المواعيد لان عليهم ضغط
الله يستر شكلها لندن بتصير زحمة و ضغط و كل شي مخلص بس الحمدالله
أن بنروح كذا منطقة و اول ٩ نروح لندن

 

[fri2010]

بنات بالنسبة لماركة ميك اب فور ايفر و ين احصلها بلندن!؟

وبالنسبة لفيكتوريا سيكرت مو بس عطور حتى البجايم والجواتي وانتو بكرامة وين القاها بلندن؟

 

[موله الكويت]

بنات بالنسبة لماركة ميك اب فور ايفر و ين احصلها بلندن!؟

وبالنسبة لفيكتوريا سيكرت مو بس عطور حتى البجايم والجواتي وانتو بكرامة وين القاها بلندن؟

حبيبتي ماركه ميك اب فور ابفر بكل مكان موجوده وبكل مجمع موجوده بالمطار بالسلفردج بهارودز بالويست فيلد بهارفي نيكلز وبشارع الاكسفود موجوده بعد اكثر من واحد

بالنسبه لفيكتوريا سيكرت اينن لاتطوفينه صج غالي بس يسوا وعجيب حدا
مكانهم بالبوند ستريت اذا كنتي بالاكسفورد عند لفه نكست تكملين سيده شوي يصير بويهج
المحل عملاق ماشاء الله 3 ادوار ونزلي تحت ماركه pink فضيعه الترنقات والبجايم والدور الاول فيكتوريا العطور واللوشنات ريحتهم حلوه واللبس وقمصان النوم يبيلج مو اقل من ساعتين بالمكان

 

[موله الكويت]

الله يعينكم على سالفه الفيزا المفروض بس تحجزون التذاكر دايركت تسونها ويكون وقتها مبجر قبلها بشهرين عالاقل
شكله بتصير زحمه حدا لندن بالعيد العالم كلها هناك لان صج الكل حول وجهته من تركيا والدول العربيه لها الله يعينكم

 

[fri2010]

موله بس كل سنة اروح لندن واروح الاماكن اللي ذكرتيها ما القى ماركة ميك اب فور ايفر !! حتى بالسايت المجمعات دورت مافي !!!

 

[موله الكويت]

موله بس كل سنة اروح لندن واروح الاماكن اللي ذكرتيها ما القى ماركة ميك اب فور ايفر !! حتى بالسايت المجمعات دورت مافي !!!

غريبه :eh_s(10)::eh_s(10):
توني راده من شهر تقريبا كل الاماكن الي ذكرتها فيها ميك اب فور ايفر
واذا كنتي ساكنه بالاكسفورد دخلي السلفردج تلاقينها كل يوم انا هناك
وموجوده بكل فروع هارفي نيكلز

 

[fri2010]

يمكن توهم افتحو البوتيك !؟