تجمع مسافرات لندن (2013)

[.:lady bug :.]

وييي حرام مسكينه

 

[law love]

سكر متى سوت فيزتها ؟ شكثر طولت

 

[*سكر*سكاكير*]

نطرت عشر ايام
اللي معاها طلعو فيزهم
بس فيزتها تاخرت جم يوم
وبعدين قالو لها نطري اسبوع بعد

 

[law love]

١٠ ايام حاسبين الجمعه و السبت ولا بدونهم
لازم ما تحسبونهم
يااااااارب تطلع قمت احاتي

 

[*سكر*سكاكير*]

مادري حسبتهم او لا , بس اللي معاها طلعو فيزهم

بناات
وين اماكن القى فيها كاكاو
مو المجيس و البقالات
لا نفس قودايفا وجذي

 

[نـعـومـه]

قووووه

بنات اليوم شريت من سنتربوينت سوالف داخليه للدفا يعني بلوفر بورقبه بنطلون ثقيل تحت الجنز البسه جذي وبشةف ملافعي شنو عندي وشنو احتاج وباقيلي بجامات بشةف شنو احتاج

وسالفه تذاكر سياحيه تصدقون يقولون احسن من النت لان موت زحمه نحجز مباشره هناك خاصتا سوالف متحف ااشمع هايدبارك

 

[نـعـومـه]

لابيرلا


عاد كان ودي اخذ من لندن لاني شاريه شاريه بس اخاف مايصدف اتسوق الا اخر الأيام! !

جواتي عندي من قبل مالي اشتري عندي بوت كروكس مريح مال شتا اللي طاف وعندي جوتي لاكوست ولا لبسه بجربه بسفر


ولبس طلعات ترا كله مولوت لبسي العام عندي سوالف جاكيتات يدد العام لابستهم جم لبسه بلبسهم حق سفره بس اللي ماعندي سوالف لقنز ثقيل هيلاهوب فقلت اشتري اخاف هناك ماحصل او مافي وقت

 

[نـعـومـه]

لا بيرلا انا اقولج يوم سوينا الفيزا قالو دفعو 45 دينار و تطلع خلال 3 ايام
بس احنا ما طعناهم

ويي حده حده بس ان شاءالله يمدي حسبي من 29 لي 10 ايام بيمدي ان شاءالله

وسالفه 45 غريبه شنو يعني في اي بي؟؟

احنا في اي بي سخص 58 وب 9 ايام خلصت !!!

 

[نـعـومـه]

لابيرلا

عيل البجامات بشوف من هناك بس المشكلة مومقسمين الأيام فمادري متى بنتسوق


وصج السوق يسكر 10 ؟؟

 

[نـعـومـه]

بنات انا سمعت بعد عن سالفه تذاكر بسفاره بس ماندري وين

وبالنت في بعد

 

[law love]

نعومه لا مو ڤي اي بي
فيه شي اسمه برايورتي ڤيزا يعني اولويه
و تخلص ب٣ ايام بس احنا تغاليناها لانه كذا شخص
ان شاء الله تخلص يارب
لازم ما نحسب الويكند بس ايام العمل
قالو ٧،٨ ايام و غالبا تخلص نادر اتم ليه يوم ١٠
بس هم خايفين
باچر لنا خامس
و للحين بالموقع تحت التقييم

 

[law love]

في تذاكر بالسفاره بس مو ارخص من هناك

 

[mafio98]

ماشاء الله شكله الكل بيروح الحين انا حجزت حق شهر 12 تداكر وسكن بس متردده بالسكن حجزت كمبر لاند وودي اخذ شقه بس محد نصحني بالشقه خصوصا معاي بيبين وخدامة احس الفندق حكره :bbbiu:

 

[$حبيبة عبودي$]

بالعكس شقه احسن لج معاج خدامه افضل شقه

 

[mafio98]

حبيبة عبودي اذا تعرفين شقه زينه علميني عليها اغلب الشقق اللي شفتهم بالنت مو شي وبلاجورود وانا مابي الا شي يم الاكسفورد

 

[نـعـومـه]

بنااات صج يقولون نقدر نحجز تذاكر متحف شمع ولندن اي من الفندق نفسه

 

[نـعـومـه]

وعادي عقب ال 7 نتمشى بلندن ولا خطر

 

[Fajarjar]

Fajarjar
احنا مقدمين عال فييزه من اسبوع ولحد الحين ماخلصت أتوقع يبيلها 10 ايام
والله ما شفت شي هناك عن التذاكر للأماكن السياحيه !! اي صوب !!

صج بنات فيدونا بالأماكن السياحيه مؤ كله شوبنق

سكر سكاكير
أنا بعد ودي بمواعين اذا عرفتي وين تحصلها علمينا

المواعين في محل كاث كيدستون Cath Kidston حلوين ستايل اللي على ورد قالولي موجود بأكثر من مكان تلقونه . و اللي متأكدة منه موجود في بيستر فيليج - الأوتليت​

 

[Fajarjar]

الحمدلله خلصت فيزتي تقريبا الاربعا اللي طاف انا كنت مقدمتها تاريخ 22-9 يعني خذت 10 ايام عمل تقريبا صح ؟ مالي خلق احسب

و الجواتي تكرمون خذيت جوتي رياضة نايك لأن عندي قديم صار صغير على الحمل ماخلا شي حتى قياس الريل تغير:eh_s(2): و خذيت لي بوت قصير من ايكو عشان ارتاح بالمشي نوعي اذا مشيت وايد قاعة رياي تعورني فاحتاج شي قاعته مرتفعة شوي ، عاد كلفوني الجواتي الشيئ الفلاني بس ميخالف محتاجتهم و أستاهل هدية حق نفسي:eh_s(7):

توني طبعت التذاكر و حجز الفندق و بدش أحجز مسرحية ليون كينج ان شاءالله:rerrerek:
و بالنسبة للتذاكر السياحية شفت بس اعلاناتها ملزقة بمكتب الفيزا تقدرون تسألونهم وين و شلون حتى شفت بالكاونتر ورقة ملزوقة فيها تذاكر القطار مال المطار و أسعاره بس صراحة مانصح فيه اذا عايلة لوية مع الجناط بتتعبون و ماراح يقطكم عند باب الفندق ، و سعر التذكرة للشخص جنه 9 دنانير يعني اذا انتوا اكثر من 2 يعني 3 بيطلع 27 دينار مافرق عن التاكسي

حجزوا سيارة من هالسايتات الحلو فيهم ان مايحجزون فلوس من الفيزا الدفع لما توصلون و تدقون عليهم اذا وصلتوا

London Airport Transportation, London Airport Taxi Transfers, London Airport Cars, London Airport Minicabs, London Airport Shuttle Service.


London Airport Taxi Service


و هذا موضوع فيه طرق الذهاب من المطار الى لندن أتمنى يفيدكم

طريق الذهاب من مطار هيثرو الى لندن​

و بالنسبة لباجي التذاكر السياحية مثل مدام تسو ماعندي فكرة لان ماني رايحه متاحف و هالسوالف بس ابي لندن اي بغيت احجز تذكرة من الحين جنه لازم احدد اي يوم و ساعة صعبة شوي اللي تعرف طريقة ثانية تفيدنا و بنروح متحف التاريخ الطبيعي و هذا ببلاش
اذا كلش توهتوا كلموا الكونسيرج مال الفندق اهو يحجزلكم كل شي بس اهم شي دبروا نفسكم مبجر مو حزة الحزة لاتتوهقون و ابتعدوا عن الاماكن السياحية بايام الويك اند مالهم اللي اهو سبت و احد عشان الزحمة

و سامحوني طولت وايد :eh_s(7)::eh_s(7):​

 

[law love]

لا فجر خذت ٧ ايام
رفيجتي قدمت الاحد معاي ٢٩ و خلصت الخميس ٣-١٠
احنا قالو لنا هاليومين والله يستر