تجمع مسافرات لندن (2013)

[Fajarjar]

شخباركم بنات؟ وين وصلتوا باستعدادات السفر؟
صخة هاليومين مالكم حس​

 

[أم وصايف]

بانتظار الفيزه تخلص :/

 

[لآ بيرلآ]

بنات بكتب لكم عالسريع

ليما الحين الجو مو بارد برد سمام لا حلو الجو براد مو صيف يعني بس مو برد حييييل

زحمة لو بايدي اروح اي منطقة مو معروفة بالعيد اروح لان اشكرة بيصير واااايد زحمة

نصيحة للي بتيي بالعيد ترا سوقهم مبطل من 8 و نص الصبح يعني قوموا مبجر احسن ترا النومة لي 9 و الا 10 معناته راح عليكم نص اليوم
بريمارك في اول اكسفورد من بدايته عند الماربل ارتش و في واحد ثاني يديد اخره تقريبا اكبر من القديم
و ترا يا بنات السوق مو بس اكسفورد كل شارع تتكرر فيه المحلات النايتس بريدج صوب هارودز مثلا فيه تفس محلات الاكسفورد الوحيدين اللي ما يتكررون هارودز و سلفردجز ترا لندن مو بس اكسفورد و منها تفتكون من الزحمة كل مكان فيه محلات و كافيهات ومطاعم

مادري منو كاتبة السموحة ماركزت عالاسم
ان مفكرة تيي شهر 2 عشان 10 ابرد ترا 2 عز البرد والثلج و اذا عالامراض يهال و الا كبار دفوهم دلاغ وجوتي مسكر و جاكيت و ملابس داخلية طويلة وماراح يمرضون ان شاء الله

اذا تبون تستغلون وقتكم عدل قوموا مبجر ترا كل شي هني يبطل مبجر متاحف سوق اماكن سياحية كل شي يعني اشوف وايد خليجيين يومهم يبلش 1 اي ليش حرام والله خصوصا اللي يايين جم يوم

 

[نـعـومـه]

لابيرلا



شلووونج

شلون سفره

ماتقصرين ونستيني عاد انا ودي اقوم مبجر عشان احلل اليوم لان وقتنا محدود فكنت اتمنى كلشي يفتح مبجر

 

[نـعـومـه]

شخباركم بنات؟ وين وصلتوا باستعدادات السفر؟
صخة هاليومين مالكم حس​

باقي اشتريلي تناتيف بجامات ملابس داخليه

بس ماعرف بالفندق شنو جوهم بارد دافي

وكنت بشتري سوالف اندروير هيلاهوب بس مافي شتوي :/

مادري من وين اشتري

 

[مسك روز]

السلام عليكم لندنيات

وحشني التجمع وااااايد

وبما اني ارتب حق سفره لحبيبتنا لندن ف مالي الا العسولات اللي في تجمع لندن

برد اقرا اللي طافني واشوف اخر تجاربكم :eh_s(21):

 

[أم وصايف]

بنات
أنا سمعت ان بالسفارة لمن نسوي الفيزه عندهم تذاكر بأسعار رخيصه حق الاماكن السياحيه بس وين اي صوب
ما شفت شي ؟!؟

 

[.:lady bug :.]

للحين ماجهزت اي شي للاسف
اللهم بدله وجاكيت ودلاغ لولدي وكبوس ودسوس
حق عمري ولاشي


شفتو ابرد مني انا وريلي
هههههههههههعههع

 

[Fajarjar]

نـعـومـه
:lady bug :.

انا ماجهزت وايد يعني مو محتاجة زود بودي هدومي الشتوية مالت العام و شريت لي تريننج راقي ماركة كويتية و بالنسبة للملابس الداخلية عندي ملوت ماركس اند سبنسر ماكو احسن منهم والله و اذا نقصني اي شي بشتري من هناك ان شاءالله، ترا ماركس الكويت عنده الثيرمال الداخلي اللي يدفي شفته ب360 نسائي تحت و رجالي فوق بس مع الاسف اطفال ماكان في ابي حق ولدي
باقيلي تكرمون جواتي حاطة عيني على نايك اليديد يشوق باخذه ان شاءالله و متوهقة بالبوت صعب احصل لان احب بوت قصير و ابي طبي عشان ماتعب مع الحمل ماتحمل شي منو مجرب ايكو؟ صج شكلهم مايشجع بس مفكرة اخذ منه


أم وصايف

شفت اعلانات التذاكر بمكتب الفيزا جان سألتيهم عنهم عشان تاخذين

تعالي حتى فيزتي ماخلصت قمت احاتي متى قدمتيها ؟ ناطرة تطلع عشان اقدر اصرف فلوس و احجز مسرحية خفت والله

:eh_s(16)::eh_s(16)::eh_s(16):​

 

[Fajarjar]

لآ بيرلآ

زين قلتيلنا كل شي يفتح مبجر اشوة عاد ان شاءالله نصير نشيطين و نقوم :ch12:
و بالنسبة حق التسوق و الاماكن وايد حاطة ببالي اماكن بروححلها داخل لندن مو شايفتها حتى قاعدة اقول عسا بس يمديني الحق عليهم و يمديني ادش الاكسفورد هههه

عاد حجزي بالكمبرلاند الله يعيننا عالزحمة:eh_s(4)::eh_s(4):


و بالنسبة للبس يعني بلوفرات خفيفة تنفع بالنهار مثلا ولا حر؟ و بالليل كوتات ثقال؟ اخذ كله شتوي ولا اودي صيفي ؟ عاد انا محرارة حدي​

 

[*سكر*سكاكير*]

ليدي بق
خخخ اي سوينا الفيزا قبل جم يوم وقاعدين ننطرها

ماحجزنا الفندق
موعارفين وين نحجز نبي شي قريييييب حيل لان ماراح نطول
نبي ننزل مبااشره ع السوق , مانبي نضيع وقت او فلوس ع التاكسي
كل مانبي نحجز يقولون ضيج او مو نظيف



بنات
في محلات مواعين ؟؟؟
لووول امي تبي تعرف
طبعا مواعين حلوه و مو موجوده بالكويت
يعني شي جديد
اللي تعرف وين تعلمنا

والملابس كنت باخذ خفيف
بس يقولون برد مادري شنو اخذ
داخل المجمعات حر , وبرا برد

و الجواتي تكرمون راح تنتلف من المطر ؟؟؟
مابي اخذ شي جديد عشان اخربه , وبنفس الوقت ابي اكشخ خخخخ

 

[.:lady bug :.]

الجوتي سالفته سالفه وانتو بكرامه
للحين ماسوينا شي
ماهمني الفندق ضيج او لاء خو كله للنوم وبس
اهم شي الشوبينق

 

[أم وصايف]

Fajarjar
احنا مقدمين عال فييزه من اسبوع ولحد الحين ماخلصت أتوقع يبيلها ١٠ ايام
والله ما شفت شي هناك عن التذاكر للأماكن السياحيه !! اي صوب !!

صج بنات فيدونا بالأماكن السياحيه مؤ كله شوبنق

سكر سكاكير
أنا بعد ودي بمواعين اذا عرفتي وين تحصلها علمينا

 

[SILVER ROSE]

اللي بلندن الحين شلون الوضع زحمة والا مافي عرب؟

 

[لآ بيرلآ]

مساكم الله بالخير حبايبي

اللي يسألون عن المواعين اي في بلااااوي
عندكم صوب النايتس بردج يعني قبل هارودز محلات تشوفونها و انتوا بالباص او و انتوا تمشون و في بكل داعوس شي و اتوقع يشحنون
عندكم البورتبلو رود ماركت السبت و الاحد فيه سوالف انتيكات و اشياء للي تحب

الجو والله يا بنات ليما الحين مو برد موت شقولكم يعني البس كارديغان ثقيل شوي مو صيفي وتحته بدي و بنطلون و بوت مطري و بس داخل عادي و برا حلو الجو خو ماابي احس بحر
بس الحين ملاحظة انهم مشغلين التدفئة داخل المحلات واكيد الفنادق نفس الشي يعني ماانصح بالبجايم الثقيلة خلو معاكم بجايم خفيفة ترا احنا متعودين عالتكييف يعني حطوا هالشي ببالكم
الجو حلو مو حر ب مووو برد كلللش اشوف العموم لابس عادي بس هم انتوا ماراح تييون باجر لازم شتوي على ماتييون يتغير الجو ويبرد

اللي تسأل عن الجواتي انا من اشوف غيم لبست رين بوت و اذا شمس البس عادي فلات و دلاغ شفاف

واللي بتيي نصييييحة لا تشتري شي من الكويت اولا شي طبيعي انتي بتيين تشترين يعني خلي مشتراج هني
ثانيا يايين حق ديرة باوروبا وديرة مطر و برد يعني مستحييييل تلاقون تشكيلة بوتات نفس اللي عندهم عندهم اشكال و الوان و كل الماركات رخيص و غالي و كل الموديلات فرة وحدة بجم محل باكسفورد بتلقون من احلى مايمكن و الاندرويرات الشتوية متروسة بماركس اند سبنسر و الهيلاهوبات و الدلاغات الثقال متروسييييين ببريمارك والله بدينارين ٣ .. اول يوم توصلون شوفوا الجو و اخئذوا

قلت هالكلام برد قبل اللي مشوارها كله برا تلبس عدل حسب الجو بلليوم اللي بتطلع فيه اللي بتروح مكان داخل لا والله لبسي عادي بلوفر خفيف و فوقه كوت لان اهمه يشغلون تدفئة

بالنسبة للزحمة بيصير الوضع الافنيوز بالعيد لووول لندن وايد فيها عرب الريدي والحين شكثر اشوف خليجيين وااااايد و سلامتكم

 

[.:lady bug :.]

لابيررلا

اقنعتيني
وانا ناويه بس ينزل المعاش بروح اتسوق

ع قولتج بقط فلوسي بلندن


صاجه والله

كلامج شق مخي شق
خخههههههههععع

 

[law love]

انا احاتي الفيزا
سويناها ٢٩-٩
سفرتنا ١٣-١٠
اخاف تتاخر الله لا يقوله

 

[law love]

لا بيرلا انا اقولج يوم سوينا الفيزا قالو دفعو ٤٥ دينار و تطلع خلال ٣ ايام
بس احنا ما طعناهم

 

[فجوري الجوري89]

بنات شلون الجو شهر 11
وداخل الفندق بالغرفه في تدفئه ولا بارد؟؟

 

[*سكر*سكاكير*]

لابيرلا

ايي امي قاعده تقولي جذي
اشتري من هناك عشان لااصرف من الفلوس قبل السفره
واحنا سفرتنا اخر 10
يعني بيكون برد بجهز ملابس ثقيله
والراين بوت بعد بشتريه من هناك

اختي المفروض تطلع فيزتها بس اخروها اسبوع والاحد سفرتها يعني راحت عليها :eh_s(16):
خاااايفه يصير معانا نفس الشي :eh_s(16):