&& تجمع مسافرات لندن 2012 &&& هيا ونااااسه

[حمرة الورد]

كويتيه كوول صح كلامج

نونو مشكووره قلبي

 

[زهرة الفردوس]

يعطيكم العافيه خوش موضوع استفدنا منه

 

[انين الوقت]

مرحبا بنات بقولكم عن خبر مادري اذا تعرفون ان اول اسبوع من شهر 6 بيكون فيه احتفالات بلندن لليوبيل الالماسي للملكه اليزابيث وراح تكون زحمه لندن ، وراح تعبر العائلة الملكية نهر التايمز في يوم 3 من الشهر من عند الجسر ، هذا الموقع فيه تفاصيل اكثر

http://www.thamesdiamondjubileepageant.org/Default.aspx

 

[الدلال]

السلام عليكم بنات
شلوونكم
امس رجعت من لندن
والجو كان رووووعه
بس بصراحه كانت زحمه نوعا ما , وايد سياح فيهاا, عكس السنه اللي فاتت هالحزه مو زوود سيااح
بس حييل استانست والسوق يوونس ولقطت شغلات وايد
وان شالله احط لكم صور مشترياتي عن قريب
وفندقنا مكانه حييل حلوو ونظيف

 

[ENG.NuNu]

كويتيه كوول صح كلامج

نونو مشكووره قلبي

حياج الله حبي :**​

 

[ENG.NuNu]

السلام عليكم بنات
شلوونكم
امس رجعت من لندن
والجو كان رووووعه
بس بصراحه كانت زحمه نوعا ما , وايد سياح فيهاا, عكس السنه اللي فاتت هالحزه مو زوود سيااح
بس حييل استانست والسوق يوونس ولقطت شغلات وايد
وان شالله احط لكم صور مشترياتي عن قريب
وفندقنا مكانه حييل حلوو ونظيف

الحمدالله على سلامتكم ،،، حبيبتي وين سكنتوا و شلون سعره ؟؟​

 

[الدلال]

الحمدالله على سلامتكم ،،، حبيبتي وين سكنتوا و شلون سعره ؟؟​

الله يسلمج ياقلبي
سكنت في موستن هوتيل مقابل ثيستل ماربل ارج وليلته مع الريوق 75 وحجزته من بودي
وخوش فندق ونظيف وخدمتهم زينه ومجدد بالكامل

 

[sweet lady]

الدلال حمدلله عالسلامه
حبيت اسالج الشقق الفندقيه اللي حجزتي فيها السنه اللي طافت ماادري قبلها
جنه اسمها بريسنتال اعتقد جذي اشرايج فيها من كل النواحي عجبني موقعها
حجزت فيها وماابي اتوهق مع اهلي لان اختياري

 

[sweet lady]

على كثر مااروح لندن تقريبا سنويا مافكرت بالاماكن السياحيه
عاد هالسنه قلت لازم اعطيها حقها
ماافكًر بمدام توسو متحف الشمع لان رحت الي ببيروت وعارفه طريقته
ابي اسال عن متحف تصدق او لا تصدق منو راحتله اشلون عالتذكره ابي كل شي واشلون اروح له
لندن اي تفاصيل اشلون اروح لها من اي محطه
بيج بن شنو فيها

 

[الدلال]

الدلال حمدلله عالسلامه
حبيت اسالج الشقق الفندقيه اللي حجزتي فيها السنه اللي طافت ماادري قبلها
جنه اسمها بريسنتال اعتقد جذي اشرايج فيها من كل النواحي عجبني موقعها
حجزت فيها وماابي اتوهق مع اهلي لان اختياري

الله يسلمج يا قلبي
بريزدنتال مارليبون
الشقق كموقع ماعليها كلام , موقعها يهبل وقريب من كل شي وتحتج جمعية تيسكو
والنظافه , ينظفون عدل
الاثاث شوي مستهلك مثل اغلب فنادق لندن بس ماشي حاله
والامان واايد امان
واللي يشتغل هناك واحد جزائري اسمه محسن وايد خدووم

 

[اسرار70]

حمدالله علي سلامتج الدلال
ما لاحظتى خفو الى يطرون امس وانا رايحه اشوف شرطين ماسكين وحده اطر
احسن لان وايد لزقه اذا شافو متحجبه ما يهدونها لما تعطينهم

 

[اصايل]

حمدالله على سلامتج الدلال
بنات تتوقعون الجو اول شهر 6 شلون برد ؟
اخر صيفي والا شتوي ياليت تفيدونا اللي رايحين بهالوقت

 

[*صاحبة السمو*]

الدلال تقولين صاير زحمه ؟؟
يعني احجز اخر 5 والا اخليها شهر 9 ؟
انا طلعت فيزا وخلصت بس ماحجزت لي الحين
اشرايج ؟؟

 

[فوفه 82]

الحمد لله علي سلامتج الدلال نور المنتدي برجعتج
قوليلنا اشلون الاجواء ب لندن
واحسن الاسواق والبوتيكات
وهل في شي جديد نزل عندهم

 

[fri2010]

تقصدين فندق ميوستن بيست ويسترن الدلال؟

 

[الدلال]

حمدالله علي سلامتج الدلال
ما لاحظتى خفو الى يطرون امس وانا رايحه اشوف شرطين ماسكين وحده اطر
احسن لان وايد لزقه اذا شافو متحجبه ما يهدونها لما تعطينهم

الله يسلمج حبيبتي

اي صاجه اللي يطروون الحين خافين مو مثل الصيف يكثروون ,يدروون موسم والعرب والخليجين وايد

 

[الدلال]

حمدالله على سلامتج الدلال
بنات تتوقعون الجو اول شهر 6 شلون برد ؟
اخر صيفي والا شتوي ياليت تفيدونا اللي رايحين بهالوقت

الله يسلمج اصايل

اتوقع مو زود البرد بس انتي اخذي معاج جاكيت احتياط

جو لندن كل ساعه بحال , موثابت

 

[الدلال]

الدلال تقولين صاير زحمه ؟؟
يعني احجز اخر 5 والا اخليها شهر 9 ؟
انا طلعت فيزا وخلصت بس ماحجزت لي الحين
اشرايج ؟؟

زحمه بس مو مثل زحمة الصيف , لااا , والسياح اغلبهم يابانيين وماشالله كويتيين واتوقع على شهر 6 تزيد الزحمه
وشهر9 هم بعد حلووه واتوقع تصير ارخص لان من الحين الاسعار بلشت ترتفع
وبالصيف اتوقع اكثر خصوصا ان هالسنه لندن تستضيف الاولمبياد وعندهم لوويه

 

[الدلال]

الحمد لله علي سلامتج الدلال نور المنتدي برجعتج
قوليلنا اشلون الاجواء ب لندن
واحسن الاسواق والبوتيكات
وهل في شي جديد نزل عندهم

الله يسلمج فوفو, والمنتدى منور فيج واباقي العضوات

لندن تهبل وجوها عجييب والسوق بالنسبه لي وايد شغلات اعجبتني ومنزلين صيفي
بس مو الكل مسوي خصومات
ويبيلج تحوسين عدل داخل المحل وتطيحين على سوالف حلووه
انا الاحظ موديلات الماركات الجناط وتكرمين الجواتي والاكسسوارات شغلات وايد يديده وللحين مانزلت عندنا ولا حتى بدبي لاني كنت رايحه قبل فترة قصيره دبي ماشفت هالموديلات

 

[الدلال]

تقصدين فندق ميوستن بيست ويسترن الدلال؟

اي هذا اهو

طبعا اهي سلسلة فنادق وانا اخذت اللي بالماربل ارج

الفندق مو كبير وايد وهادي ونظيييف والريوق بسيط بس حلو ونظيف

وخدمتهم زينه وتوهم مجددينه بالكامل والاحلى انج بالسوق

هذي صورته وناويه ان شالله انزل تقرير واحط فيه صورة الغرفه من الداخل