&& تجمع مسافرات لندن 2012 &&& هيا ونااااسه

[كويتيه cool]

الدلال هالفندق يقولون غرفه صغيره صج؟

وانتي رحتي كمبرلاند؟

منو اكبر من ناحية الغرف؟

وياليت تنزلين لنا التقرير بأقرب وقت

لاني مسافره اخر 6

وانا عن نفسي التذاكر مع الفندق المبلغ اللي قطيته العام نفس اللي بقطه هالسنه!!

بس يمكن المصرف يختلف ما ادري ! وما اتوقع

رحن سنتين ورا بعض بالصيف وجوها كان براده حلو ومطر

 

[الدلال]

الدلال هالفندق يقولون غرفه صغيره صج؟

وانتي رحتي كمبرلاند؟

منو اكبر من ناحية الغرف؟

وياليت تنزلين لنا التقرير بأقرب وقت

لاني مسافره اخر 6

وانا عن نفسي التذاكر مع الفندق المبلغ اللي قطيته العام نفس اللي بقطه هالسنه!!

بس يمكن المصرف يختلف ما ادري ! وما اتوقع

رحن سنتين ورا بعض بالصيف وجوها كان براده حلو ومطر

انا سكنت من زماان بكيمبرلااند كلش ماحبيته زحمه ولوويه والاصنصيرات توقفين ساعه يالله يفتح
والغرف صغيره والتنظيف موزوود , واول ماتسكنين انتي وحظج يايعطونج الغرف القديمه ولا المجدده ولازم تنزلين الريسبشن وتبدلين الغرفه , ما اعجبوني كلش :eh_s(4):

وشوفي تقيييم كيمبرلاند في موقع tripadvisor مو زوود وشوفي تقييم موستن وايد احسن

الغرف الصغيره اغلب فنادق لندن غرفهم صغيره وانا جربت كذا فندق كلهم نفس الشي

و احنا نقط مبالغ كبيره على التذاكر والفندق , فأهم شي عندي يكون نظيف وقريب

والحمدالله كان نظيف وبالسووق ..

وانا كنت نفسج بالصيف اروح لندن بس عقب ماجربتها بغير الصيف قلت خلاص ما اروح بالصيف لان

زحمه ولوويه وماتلقين شي بالسوق

 

[الدلال]

حطيت التقرير عن سفرتي لندن بس للحين ماكملته لاني ماضبطت كل الصور

http://www.q8yat.com/t1054064.html

 

[فوفه 82]

ماشاء الله خوش تقرير
يشوق
وحلو نفس صاحبته
وناطرين التكمله
وجزاج الله خير علي المعلومات والمجهود

 

[مارون جلاسيه]

شلونكم بغيت اسأل ودي أروح لندن مع عيالي فودي بشقه وين تنصحوني ابي تكون امان ونظيفه وموقع زين ..وعلى جم التذكره الحين وبغيت اسأل اذا بروح ارياف لندن وين تنصحوني اروحي ابي طبييييعه
وشكرا على الايطاله

 

[كويتيه cool]

الدلال شنو الفرق بين الغرف القديمة والمجدده؟

انا سمعت ان الغرف القديمة ما فيها تكييف صج؟

وهم ابي اعرف شنو الفرق بين الغرف القياسية او التنفيذية؟

 

[نجد دياري]

ياحلوكم يابنات الكويت انا متابعه لكم من بداية التجمع بس حماس قلت مايبيلها بسجل واشكركم على روحكم الحلوه
رايكم لندن حلوه هالصيف والا الزحمه بتخرب علينا

 

[الحنطاويه]

بنات بسأل عن خدمة الشتراك الايفون ايهي احسن وبكم

 

[malekatsabaa]

السلام عليكم


بنات وين احصل شقق فندقيه نظيفه
احنا عايله مكونه من خمس
واحتاج غرفتين وصاله

بليز الي تعرف تعطيني جم اسم ابي احجز قبل الزحمه

ويعطيكم العافيه

 

[الحنطاويه]

للرفع

 

[ENG.NuNu]

بنات شلون كهربت لندن نفسنا ؟؟ والتقسيم ٣ رووس ولا يختلف بأخذ معاي اجهزه كهربائيه

 

[HAYONAH]

احجزو في جواهر لشققق الفندقيه انان ساكنه فيه حاليا الصراحه ممتاز ومكانه حلو وعداله محطة قطار رئيسيه توديج كل المحطات في وقت قصير يعني كل شي عدالج وشي سوبرماكت في كل شي


الاخت الي تسال عن الكهربا هيه كلها ام ثلاث روس

 

[*صاحبة السمو*]

الدلال عفيه ابي رقم السايق اللي وداكم. من المطار لي الفندق
وشلون سعره ؟
وهل التكاسي ملوت المطار اغلى منه ؟
وشاكره لج

 

[malekatsabaa]

احجزو في جواهر لشققق الفندقيه انان ساكنه فيه حاليا الصراحه ممتاز ومكانه حلو وعداله محطة قطار رئيسيه توديج كل المحطات في وقت قصير يعني كل شي عدالج وشي سوبرماكت في كل شي


الاخت الي تسال عن الكهربا هيه كلها ام ثلاث روس

السلام عليكم

ممكن تكتيبلنا اسم الشقق بالانجليزي
ومن اي موقع حجزتي

وشكرا

 

[الدلال]

الدلال عفيه ابي رقم السايق اللي وداكم. من المطار لي الفندق
وشلون سعره ؟
وهل التكاسي ملوت المطار اغلى منه ؟
وشاكره لج

دايما نتعامل معاه وخوش رياال وسيارته كبيره وياخذ 50 باوند
واذا تبين رقمه اطرشه لج على الخاص
وتكاسي المطار ما احبهم بعضهم نصابين

 

[كريستال]

هلا بنات


تروحون وترجعون بالسلامه ويارب تستانسووون


الدلال

شلونج حبيبتي عساج عالقوه مب مقصره مع البنات جزاج الله خير


بسالكم بنات صج بيسكرون الشوارع عشان الاولمبياد

 

[كريستال]

هذي معلومات عن الاولمبياد اللي بيصير


الألعاب الأولمبية الصيفية 2012، تعرف رسميا ألعاب الأولمبياد xxx، من المقرر أن تقام في لندن، إنجلترا، المملكة المتحدة، من 27 يوليو إلى 12 أغسطس 2012.[1] وسوف تصبح لندن المدينة الأولى التي تستضيف الألعاب الأولمبية الحديثة ثلاث مرات،[2] بعد اتستضافتها لها مسبقا في 1908 وفي 1948.[3][4]
اختيرت لندن كمدينة منظمة يوم 6 يوليو 2005 خلال اجتماع اللجنة الأولمبية الدولية السابع بعد المئة في سنغافورة، بعد أن تغبلت على موسكو، مدينة نيويورك، مدريد وباريس بعد ثلاث جولات من التصويت.[5] وترأس هذه العرض الناجح من قبل البطل الأولمبي السابق سيباستيان كو.
تطلبت الألعاب الأولمبية إعادة تطوير العديد من المناطق في لندن والتي ستقام الألعاب بها – وخاصة تحت عنوان نحو الاستدامة.[6] لقد ووجهت في حين اعتبارات متعلقة بالميزانية ببعض الانتقادات،[7][8] سوف تستخدم الألعاب أماكن كثيرة كانت جاهزة بالفعل قبل تقديم العرض، بما في ذلك ملعب ويمبلي، وساحة ويمبلي، ونادي ويمبلدون عموم إنجلترا، ارضي الرب للكريكيت، وأو2 أرينا، مركز محكمة الإيرل للمعارض، وأكاديمية يماوث وبورتلاند الوطنية بلإبحار، و مركز إكسل.

 

[fri2010]

بس كل هذا عن الرياضة

فما له علاقة بالسياحة

و الملعب بعيد عن شارع اكسفورد وباقي الشوارع السياحية!!

وغير جذي الالعاب بتكون بالرمضان!

 

[*صاحبة السمو*]

اي عفيه الدلال طرشيه بالخاص
مشكورررره وايد

 

[محروس قلبي]

واااااو ماشالله عليج لندن 
تروحين لها مره تعشقينهااااااااا ودج تردين لها كل مره انا رحت لها الصيف اللي فات قعدنا فيها عشر ايام كاااافي فندق اسمه روزي بالنص قبال الهايد بارك اروح لها مشي علي يميني شارع الاجول رود وعلي اليسار الاكسفورد وهذول اهم شارعين الاكسفورد اهو السووووووووق  والاجول هو اللي يسمونه شااااارع العرب طبعا نظامهم 7 المغرب يصكر كل شي واللي يبقى فاتح بس شارع العرب
اهم شي خلي جوازج معاااج علي طول لانج اذا شريتي من السوق اخذي فاتورتج و روحي حق التاكس فري راح يطلب جوازج لازم يكون معاج عشان يسوي لج التاكس فري وترا كل مجمع له تاكس فري بروحه واخر شي بالمطار اسالي عن مكانهم راح يرجعون لج مبلغ حلوووو  وترا في شارع الاجول رود في محلات عربيه يسوون رحلات حلووووه حق اماكن برا لندن من الصبح لين الليل طبعا الليل عندنا بس عندهم مر ليل ههههههه لانهم يردونج الساعه 8 الشمس اللي مجنني عندهم ما تغيب الا الساعه عشر بالليل صج عااااايشين حياتهم سبحان الله
باختصاااار لندن روووووعه شي ما يوصف مت جو و سوق  و سياحه

انشالله انشالله لي رده لها 
الله يوفقج وتروحين وتردين بالسلامه *