تجمع مسافرات تركيا صيف 2012

[MOOON&M]

تاريخ سفرتج حلو ما شاء الله والجو راح يكون وايد حلو بأول شهر 6

الله يهنيييييييييييييييييييكم وتروحين وتردين بالسلامة:eh_s(7):

الله يسلمج ويهنيج انتي بعد اي إحنا اخترنا هالتاريخ بعيد عن الزحمه

تروحين وتردين بالسلامه mooon&h

الله يسلمج انتي متي سفرتج


ان شالله بتواصل معاكم من هناك

 

[MOOON&M]

حلوات


الأوت لت وين صاير

 

[كندوره سبرايز]

بنات ابي اشتر بدلة حق عرس اختي يقولون عندهم نفانيف سهرة وااايد حلللوة بس ماتدرون وين بالضبط؟؟؟؟؟؟؟؟؟؟

 

[عيش و ملاس]

عيش وملاس حسيت انج خبرة ماشاالله عليج
عندج خبر شنو احسن اوت لت في اسطنبول يكون في الماركات العالمية مو التركية

بالنسبه للاوت لت في تركيا كله ماركات تركيه مو مثل أوروبا بس في واحد بالقرب من مطار صبيحه اسمه via port outlet يقولون أحسن واحد بس ما ادري اذا فيه ماركات عالميه

 

[عيش و ملاس]

عيش وملاس الله يوفقج دنيا واخره يارب ويسعدج اللهم امين بيوم الجمعه المبارك


بس في شغله انا احب اكثر شي الشلال والتليفريك والحدايق يعني الطبيعه اكثر
المتاحف مااروح لها مابي اضيع وقت لان رحلتي 5 ايام بس

عشان جذي فكرت اسكن بالسلطان احمد قريت بالمنتديات انها هاديه وفيها جو الطبيعه والمولات
اهدا من تقسيم وفيها رحلات لجزر الاميرات والمضيق بسفور عشان جذي فكرت اسكن بالسلطان احمد شرايج يالغلا عيش وملاس ؟! 

أنا بعد في السلطان أحمد لأنها هادئه وآمنه عيل روحي بورصه يوم واحد من الصبح لليل بالعباره حجزي قبلها بيومين من ميناء يني كابي فيها التلفريك جبل الاولداغ والشجره التاريخيه والشلال الصغير وملاهي altin park ، وباسطنبول روحي الأماكن اللي تونس العيال والمولات اللي ذكرتها بس بورصه لا تروحين أيام السبت والأحد لأنه إجازتهم وزحمه .

 

[عيش و ملاس]

بنات ابي اشتر بدلة حق عرس اختي يقولون عندهم نفانيف سهرة وااايد حلللوة بس ماتدرون وين بالضبط؟؟؟؟؟؟؟؟؟؟

حبيبتي كندوره روحي منطقة عثمان بيك والأسعار من المتوسط للغالي وهالمنطقه يم تقسيم تقدرين تروحين لها بالمترو اهي أول محطه بعد تقسيم ودخلي شارع روملي والشوارع المتفرعه منه حتى محلات ملابس الممثلات في مسلسل العشق الممنوع هناك

 

[شذى الدعوه]

ماشاالله الكل لتركيا:eh_s(9)::eh_s(9):

وانا معاكم:ggdw::ggdw:

بغيت أسال أفضل الشقق الفندقيه بالسلطان أحمد:yaaaaaarb:

وأول مره أغير عن الكويتيه واروح بالتركيه

يعنى الطيران التركى زين وايد مايمدحونه:bbbiu:

 

[غرام القمة]

بنات اناامس وصلت لتركياااااا وبالبدايةمشيت علي تعليماتكم والحمد الله بس من وصلت منطقةاحمدباشا كناحاجزين فندق الليدي ديانا
انصدمنا ان الموظفة بالمكتب الكويتي مكنسله من كيفها وحاطة لنا فندق يجيب المرض نفس فنادق الخفجي ام طقة استغفر الله معفن وكله اجانب بوطقة والمنطقة هيلق وفقر عنجد قفلت فيني الدنياااااا طول اليوم بجي ومعصبة كلمناهم بالكويت قالولنا بكرة راح يغيرونه لنا
اسمه جراند فايوز يلوع الجبد بكيفها حارتني ودي ارجع اصفقها عدل
خربت علينا البرنامج كله
بس بالنسبة للطيران التركي ممتاز وراقي بصراحة
ادعوا ان الله يعدل الوضع حدييييييييييييييييييي مضايقة

 

[عيش و ملاس]

حبيبتي غرام لا تضيقين خلقج فكري إنه الفندق بس للنوم وروحي طلعي من الصبح لليل واستانسوا لا تخلين الفندق مسأله تنكد على سفرتج ، للحين ما أنسى سفرة دبي جناطنا ما وصلت وحالتنا حاله فيها شحن الآيفون وأدويه كلينا تبن يومها عندي الفندق يتغير ولا الجناط تضيع بس بعد يومين دقوا علينا الجناط وصلت

 

[فديت غلاي]

مرحباااا خويات تركياااااٱ‏​نـِْ♡̨̐ـِْا بإذن الله يمكن احجز مع قروب
اروح تاريخ ٦/٢٩ والعوده ٧/١٢
بَـßÊـسّ حبيت اسأل تركيا تستاهل اروح مع قروب والا لا ؟؟
لان ٱ‏​نـِْ♡̨̐ـِْا سمعت انها مووحشه وينخاف منها
وسمعت ان موكل الشعب يتكلمون انجليزي وخفت اني اروح ومايتكلمون وماراح اقدر اتفاهم وياهم
والاماكن الي بنروحلها مع القروب اسطنبول وبورصه وابانت ويلوا
بالامانه شرايكم ‏​فـ♡ـي هالاماكن ؟؟
القروب ٱ‏​نـِْ♡̨̐ـِْا وزوجي السكن مع التذاكر والمواصلات ب ١٢٤٠
لان الشخص الواحد ب ٦٢٠
ومسوين عرض بعد تقدرين تاخذين اطفال وياج مُ'ٌٓـــَڼْ عِمـْرريّے سنه الى ٦ ببلاش
شرايكم ؟؟
ٱ‏​نـِْ♡̨̐ـِْا نظامي مـِْ♡̨ـِْا احب اتقيد بالقروب
وزوجي يقول بالعكس قروب احسن
انتوا شرايكم ؟؟

 

[عيش و ملاس]

فديت غلاي كونكم راح تتنقلون أكثر من منطقه روحوا مع قروب أحسن لكم

 

[صادقة بكلمتي]

بنات من تاريخ9 هذا الشهر لي19 ترا تريا عندها مهرجان مثل فبراير ودبي واسعار كل شي 50 بالاميه ومهرجانات وجوائز توني شفته بمجله سيدتي او زهرة الخليج مالت هالاسبوع

 

[كندوره سبرايز]

يعطيج العافية حبيبتي عيش وملاس

 

[عيش و ملاس]

الله يعافيج حبيبتي كندوره وتقدرين تستفدين من تقرير مس بوتمبه بقسم التقارير السياحيه المصوره حق الشوبينغ في اسطنبول

 

[غرام القمة]

حبيبتي غرام لا تضيقين خلقج فكري إنه الفندق بس للنوم وروحي طلعي من الصبح لليل واستانسوا لا تخلين الفندق مسأله تنكد على سفرتج ، للحين ما أنسى سفرة دبي جناطنا ما وصلت وحالتنا حاله فيها شحن الآيفون وأدويه كلينا تبن يومها عندي الفندق يتغير ولا الجناط تضيع بس بعد يومين دقوا علينا الجناط وصلت

يا حياتي تسلمين بس حدي مطنقرة وشكلي بكنسل كل السفرة وبرد الكويت :eh_s(16):

 

[عيش و ملاس]

يا حياتي تسلمين بس حدي مطنقرة وشكلي بكنسل كل السفرة وبرد الكويت :eh_s(16):

حرام لا تنكسلينها ( وعسى أن تكرهوا شيئاً وهو خير ًٌ لكم ) طلعي واستانسي

 

[salamq8]

شنو الفنادق الحلوه بالسلطان احمد وتكون عالبحر ؟
وفندق بابانت ؟؟

 

[عيش و ملاس]

شنو الفنادق الحلوه بالسلطان احمد وتكون عالبحر ؟
وفندق بابانت ؟؟

دخلي موقع بوكينج شوفي الفنادق ومساحة الغرف واقري تقييم الناس وشوفي موقعه عالخريطه بعدين اختاري اللي يناسبج أنا جذي سويت

 

[MOOON&M]

شلووووونكم
انا حاليا بتركياا


لحد يروح عالخطوط التركيه حدهاااا وييييييع

باص لااا لااا شاحنه مو طيارته

عورت راسنا

 

[MOOON&M]

ويييييينكم


رحت فريت بتقسيم وشفت شكثر محلات

بس ما اعرف اساميهم

واغلب المحلات تنزيلات

ان شالله بشتري للعيد اذا الله احيانا من هناك