تجمع مسافرات تركيا صيف 2012

[MOOON&M]

أنا ان شالله الأحد سفرتي

6/3

يومين اسطنبول 4 بورصا 2 اسطنبول


فندقنا بإسطنبول ايليت بتقسيم

وبورصة الهوليدي ان

وأول مره اروح لها عالطيران التركي

 

[عيش و ملاس]

تروحين وتردين بالسلامه mooon&h

 

[كندوره سبرايز]

انا مابي اروح متاحف كللللش ما احب هالسوالف ويقولون تنطرين وايد في الطابور وزحمممممة وحرررررررررررر

 

[كندوره سبرايز]

الاماكن اللي ان شاء الله بروحلها
تركيا الصغرى - miniaturkسوق المسقوفKapali Carsi grand bazarفي بايزيد
بازارمصريMısır Çarşısı في امينونو- مطعم كيزكوليسي KIZ KULESIقلعة البنت
صعودتلفريك تل العرائس تشامليجا Camlica Hil ومرتفعات اولوس بارك ulus park

 

[كندوره سبرايز]

مجمع جواهر مولGrand Cevahir-Şişli في منطقة شيشلي
مول فوريم استنبولforum istanbul بمنطقة بايرمياشا (kartal tape)
مجمع استينا بارك –مترو سيتي

 

[كندوره سبرايز]

أنا ان شالله الأحد سفرتي

6/3

يومين اسطنبول 4 بورصا 2 اسطنبول


فندقنا بإسطنبول ايليت بتقسيم

وبورصة الهوليدي ان

وأول مره اروح لها عالطيران التركي

تاريخ سفرتج حلو ما شاء الله والجو راح يكون وايد حلو بأول شهر 6

الله يهنيييييييييييييييييييكم وتروحين وتردين بالسلامة:eh_s(7):

 

[عيش و ملاس]

والله كندوره إذا شفت الطوابير زحمه خصوصاً قصر دولما بهجه وقصر التوب كابي ناخذ بس صور للذكرى ونمشي

 

[كندوره سبرايز]

ماكو وحدة بتروح ترابزون ؟؟؟؟؟؟؟؟؟؟؟؟؟؟؟؟

 

[كندريه حلوه]

هاايو ماشاءالله عليكم بالعافيه انا يمكن اروح برمضان لاني احب تركيا برمضان
بصراحه اوزنجول وترابزون شي ولابالخيال احلى مكان والجو كله مطر بس ديرو بالكم اهناك الجو مومستقر وبارد بالليل وانا يوم رحت رحت بسياره 17 ساعه من بورصه لي اوزنجول بس الطيران الداخلي وايد افضل في الطيران التركي وسن اكسبرس بعد طيران عجيب
واسطنبول حلوه انا اروح اسيا واوربا باوربا اقعد بفندق كراون بلازا اولد سيتي بشارع ليليي قريب من السلطان احمد واسيا اقعر بشارع بغداد وااايد حلو ولااقي وايد وااايد وفي كل المحلات التركيه والعالميه والاغلبيه لمتدادشين واقعد بشقق فندقيه اسمه سعودي
وبورصه طبعا منطقتنه فيها الجبال والشلالات واغلب الاماكن الترفيهيه
بولو حلوه استجمام وراحة بال
واذا تبون اي شي انا حاضره

 

[salamq8]

مرحبا انا ودي اروح لتركيا تاريخ ١٢/٦

واقعد ٥ ايام معاي عيالي ٢ تحت ست سنين

وين تنصحوني تكفووووون انا وزوجي ولامره رحنا لها نبي مكان حلو وبارد وحديقه وشلال وججبال والعاب لليهال ومدينة ثلج لليهال تكفوووووون لاتخذلوني مااعرف شي عن تركيا ؟؟؟
انتظر الرد وشكرا 

 

[عيش و ملاس]

حبيبتي علشان تستانسين بسفرتج أخذي معاج عربانه حق التوائم للعيال لأنهم صغار اسم الله عليهم ، روحي المولات مثل استينيا بارك و مترو سيتي وجواهر وفوروم اسطنبول فيه الأكواريوم عندج حديقة اميرغان كروسو حلوه حق العيال يم استينيا بارك خليهم بيوم واحد ، لا تنسين الأسواق الشعبيه مثل السوق المسقوف والسوق المصري ، أخذي جوله في مضيق البسفور ، عندج تلفريك مقهى بيير لوتي ، نصيحه لا تروحين متاحف لأنهم ما راح يستوعبون وتتعبين معاهم ، التمشي في منطقة السلطان أحمد وشارع الاستقلال.

 

[يمه فديتني]

بنات انا بسكن بفندق تايتنك التقسيم شنو الاماكن الحلوة والقريبه عشان احطلي جدول وشنو احلى الاماكن السياحية والاسواق اللي هناك ؟؟

وهم بسكن بفندق قولد ماجستي فبورصة احد سامع عنه ؟؟؟

وشنو الاماكن اللي اروحلها فبورصة

اللي من رواد تركيا ترد علي لان هي اول مره اروح

 

[كندوره سبرايز]

هاايو ماشاءالله عليكم بالعافيه انا يمكن اروح برمضان لاني احب تركيا برمضان
بصراحه اوزنجول وترابزون شي ولابالخيال احلى مكان والجو كله مطر بس ديرو بالكم اهناك الجو مومستقر وبارد بالليل وانا يوم رحت رحت بسياره 17 ساعه من بورصه لي اوزنجول بس الطيران الداخلي وايد افضل في الطيران التركي وسن اكسبرس بعد طيران عجيب
واسطنبول حلوه انا اروح اسيا واوربا باوربا اقعد بفندق كراون بلازا اولد سيتي بشارع ليليي قريب من السلطان احمد واسيا اقعر بشارع بغداد وااايد حلو ولااقي وايد وااايد وفي كل المحلات التركيه والعالميه والاغلبيه لمتدادشين واقعد بشقق فندقيه اسمه سعودي
وبورصه طبعا منطقتنه فيها الجبال والشلالات واغلب الاماكن الترفيهيه
بولو حلوه استجمام وراحة بال
واذا تبون اي شي انا حاضره

يعطيج العافية حبي:eh_s(17)::eh_s(17)::eh_s(17)::eh_s(17):

 

[salamq8]

عندنا مهله خمس ايام بس ماقلتي يالغاليه احجز اي منطقه واي فندق لان عندي عيال ثنين وزوجي ابي مدينة الثلج لليهاال وشلالات وبحيره وقارب
تكفون وجزاكم الله خير خواتي الله يوفقكم دنيا واخره

اي مدينة فيها المواصفات اللي جوها بارد وطبيعه حلوه جيل وشلالات وجوله سفينه
اماكن العاب لليهااال وتليفريك وسوق شعبي اي مدينة بتركيا ؟؟. مااعرف شي عن تركيا

وشنو الفندق الحلو ؟*

انتظر ردكم يمال التوفيق والعافيه

 

[عيش و ملاس]

حق العيال راح أعطيج هالأماكن في اسطنبول مجمع جواهر فيه ملاهي ، مجمع فوروم اسطنبول فيه الأكواريوم والمتحف الثلجي وحديقة الديناصورات وملاهي ، ملاهي landora ، مجمع توريوم بس وايد بعيد فيه ملاهي وحديقة الثلج أنا أفضل فوروم بداله ، الحين هذي الأماكن في منطقه وحده إسمها أيوب واهي حديقة مينيا ترك تشوفين تركيا بمجسمات صغيره وتلفريك مقهى بيير لوتي وبالقرب منها دولفيناريوم ( عروض دلافين وفقمه ) ومتحف رحمي كوج عن وسائل المواصلات يشوفون سيارات باصات غواصات الخ ، بالنسبه للأسواق الشعبيه السوق المسقوف والسوق المصري ، شارع الإستقلال للتمشي والتسوق بس أنا أفضل أتسوق بالمولات مع العيال وأفضل مول استينيا بارك ، وحق الكبار متحف قصر دولما بهجه ومتاحف منطقة السلطان أحمد*

 

[عيش و ملاس]

روحي يوم واحد يلوا ورجعي بنفس اليوم هناك شلالات

 

[om l3yal]

السلام عليكم
انا بعد وياكم ان شاالله
راح تكون رحلتي تاريخ ١٩/٦ وارجع فجر ٢٩ حدها قصيرة
على طيران الخليج
بقعد بفندق تيتانيك بورت
الصراحة اول مرة بروح وماعرف ولا شي ومنكم راح استفيد ان شاالله

 

[om l3yal]

عيش وملاس حسيت انج خبرة ماشاالله عليج
عندج خبر شنو احسن اوت لت في اسطنبول يكون في الماركات العالمية مو التركية

 

[salamq8]

عيش وملاس الله يوفقج دنيا واخره يارب ويسعدج اللهم امين بيوم الجمعه المبارك


بس في شغله انا احب اكثر شي الشلال والتليفريك والحدايق يعني الطبيعه اكثر
المتاحف مااروح لها مابي اضيع وقت لان رحلتي ٥ ايام بس

عشان جذي فكرت اسكن بالسلطان احمد قريت بالمنتديات انها هاديه وفيها جو الطبيعه والمولات
اهدا من تقسيم وفيها رحلات لجزر الاميرات والمضيق بسفور عشان جذي فكرت اسكن بالسلطان احمد شرايج يالغلا عيش وملاس ؟! 

 

[salamq8]

شنو الفنادق الحلوه بالسلطان احمد !؟