تجمع مسافرات امريكا (2013) بأذن الله

[مهاوي2011]

بنااااات انا بمكتب السفريات بليييز قولولي شلون الطيران الأمريكي ردو لي خبر بليييز بسررررررررعه

 

[الشامريه]

مهاوي والله ماعرف عنها شي

بس حجزنا داخلي عليها

بس اذا دولي راح يكون ترانزيت اكثر من مرتين

 

[أم نـور]

مهاوي في تقرير بمنتدى العرب المسافرون

واحد مسافر على طيران الأمريكي
ويمدح فيه حيل
بسوي لج كوبي للجزئيه اللي يتكلم فيها عن طيران الأمريكي
بالرد الثاني
ان شاء الله


غلاي غير

والله احنا بعد نفس الشي كان على بالنا ان العيد يا تاريخ
7 أو 8

بس حجزنا 7

واللحين راح يصادف صيام

وتعبت من التفكير شلون بصوم وما في وقت عشان أفطر !!

يعني بطلع من هني لحد ما نوصل هناك واحنا كل نهااار

احنا رحلتنا الفجر وبنوصل هناك الساعه 3 العصر بتوقيت أمريكا !!

يعني لو بصوم

تقريبا مب اقل من 22 ساعه
سألت طبعا خالي هو مطوع دارس شريعه
قلت له شنسوي

قال لالا يجوز ومسموح لكم تفطرون
ولي رجعتوا بالسلامه تقضون اليوم اللي عليكم

ففكرت ان شاء الله بظل صايمه لحد ما تطير الطيارة واصير فعلا على سفر

وبعدها ممكن افطر

بس ما راح أفطر من الفجر لالالا

لي صرت على سفر ان شاء الله بعدها أوكي




جوااهر ان شاء الله يا رب تبشرينا يااارب تسهلها لكم
ويسخر لكم اللي يسووي لكم المقابله

​

 

[أم نـور]

وبسم الله طلعنا الطيارة وكانت المفاجأة !!!​

بصراحة خطوط American Airlines قمة في الإبداع والراحة وماكانت زحمة والكراسي واسعة ومريحة والطيارة ماشاء الله جديدة ماتوقعتها كذا بصراحة احلى من طيران الخليج بمليوووون مرة وكله كوم والشاشة اللي قدامنا كوم ثاني ماشاء الله لاب توب فيها كل شي تسوق, افلام HD, العاب, اغاني, مسلسلات, والمفاجأة فيها واي فاي مجاني

وسرييييييع بصراحة اتعب وانا امدح فيها

وهذي الصورة اللي لقطتها بس​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

واعلن الكابتن انطلاق الطائرة بعد لحظات وتجهزنا وحسيت بالأمان صراحة معاهم حتى سواقتهم ماشاء الله عليهم زينه

وهذي صورة من دريشة الطيارة​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

يازييييين الجو كان مطر وبرد يفتح النفس وبدت الطيارة تمشي​

​

الطيارات جنبنا تحلق في الأفق​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وهذي بداية الإنطلاقة لأنه ممنوع تسوي شي الين تستقر الطيارة في الجو وتطفي لمبات حزام الأمان​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وبعد ما استقرت الطيارة أزيدكم من الشعر بيت اني لما قصيت البوردينغ عن طريق النت كان فيه خيار يقول وش الوجبة اللي تبغاها وانا اخترت Muslim Meal لي ولزوجتي وماتوقعت انهم بيدرون عننا لكن كانت المفاجأة ان الشيف المسؤول عن الطبخ جا الين عندي وسلم علي وقالي انت فلان الفلاني؟ انا قلت ايوه و شكلي صار كذا

, قالي انتم طالبين وجبة خاصة عن طريق النت وحبيت اعرض عليكم الوجبات اللي تبونها !!! انا ماتوقعت صراحة وقلت له جيب لنا نفس اللي طلبناه Muslim Meal وجاب لنا خفايف ننقنق عليها لحد مايجهز الأكل حقنا

​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وبالفعل جاب لنا الأكل الرهيب اللي يطيب الخاطر وهذا الطبق حقي لا وأبشركم مسجل بإسمي وبإسم زوجتي بعد

​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وبعد الأكل حمدنا الله عز وجل على النعمة وهذي لقطات من دريشة الطيارة​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

لقطة ثانية​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .
​

خريطة على الشاشة تبين خط سير الرحلة والوقت والسرة والارتفاع وكم باقي للوصول​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

طقطقنا على النت الين قلنا بس وتفرجت على الافلام بصراحة كل شي ابداع بدون مبالغة ولأول مرة يجيني نوم في طيارة بالعادة ما انام اقلب راسي واقلب راسي مايجيني نوم لكن مع هذي الخطوط بصراحة نمت نومة هنية انا وام لانا وقمنا من النوم وطلبنا كوفي وجابوه لنا وتفاجأنا ان الشيف جا عندنا مرة ثانية

وقالنا تفضلو هذي الوجبة الثانية, لا كذا انا ما اقدر بصراحة كفاية دلع هذا غير الكلام الحلو اللي من المضيفين كل شوي يجونا يقولون تبون شي محتاجين شي آمرونا بس, من جد حبيتهم وقلنا هذي وحنا في جو امريكا اجل لو نزلنا عندهم كيف؟ وقلت في نفسي الحين هذي الدرجة السياحية اجل كيف الدرجة الأولى ؟؟؟
وهذي الوجبة اللي جابوها لنا​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وبعد الأكل حمدنا الله على النعمة وهذي لقطة من الدريشة وتحتنا بحررررررررررررر طول الطريق​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

وبدت ملامح نيويورك تظهر

​

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 830x553 .

​

 

[أم نـور]

طبعا هو بكلامه كان قارن بين الطيران الأمريكي
والخليج
لأنه سافر عن طريق طيران الخليج لحد لندن

وبعدها طيران الأمريكي من لندن

 

[مهاوي2011]

الشامريه قالت لي موظفة السفريات انها من الكويت ترانزيت لي لندن ومن لندن لي نيويورك يعني ترانزيت مره وحده بس!!!بصراحه أرخص طيران الباجي كلهم من ٦٥٠ وفوق وهذي تفرق عن البريطانيه ب ١٥٠ واحنا ثلاث اشخاص يعني بتفرق وااااااايد!!!!!

ام نور حبيبتي مشكوره على ردج والحمدلله طمنتيني الله يطمن قلبج والله قالت لي ان طيرانهم زين بس توقيتهم تطير الساعه ٧:٤٥ ص من الكويت لي لندن عقب ٣ساعات ترانزيت في لندن بعدين دايركت نيويورك بس بالرجعه ٨ساعات ترانزيت في لندن بناتاات انا ماحجزت لي الحين عطيتها مهله لي باجر الصبح عشان افكر بالموضوع وقالت اذا ماييتو قبل الساعه ١ راح يتكنسل الحجز شرايكم؟؟؟نتوكل ع الله؟؟؟؟يعني امرهم باجر الصبح انشالله؟؟؟عفيه ماعندي غيركم بعد الله استشيره وبصفتي اول مره وماعرف حق الاسعار بلييييز ردووو!!!!!بس في شغله من الطيران الداخلي لي لوس انجلوس لازم تطب في ولاية ترانزيت لمدة ساعه نسيت اسم الولايه بس باجي الولايات اللي اهي اورلاندو تروح اها دايركت..،.،عادي؟؟؟؟ترا على فكره ٤٠٠دينار للشخص شامله طيران داخلي ....اوك؟؟؟؟

 

[أم سارا]

مهاوي ٤٠٠دينار مع الطيران الداخلي انا اشوف السعر مناسب وزين

 

[أم نـور]

ما شاء الله ما شاء الله 400 مع الطيران الداخلي

انا بعد أقولج توكلي على الله

وربي يسهلها لج ان شاء الله

عسى بس حصلتي حجز تلحقين علينا متى ان شاء الله عزمتي

 

[مهاوي2011]

هلا ام سارا وام نور اي الحمدلله زين بس انا بعييييييد حجزي اخر ٨ بتاريخ ٨/٢٧ عشان جذي رخيص كنت ابي اقرب بس ماكو مجال وحدددده غاااالي بس في سؤال ياكثر اسألتي والله الحين توهقت انا اسم الله عليكم بنتي معاها قولون وامساك مزمن اعلاجها بابن سينا وبصراحه قررلها على عمليه بس قلت بروح امريكا منها اتطمن على بنتي ومنها ادا تطمنت انشالله عليها بناخذها سياحه وعلاج والمشكله ان كل المستشفيات ببوسطن وانا حجزي مانمر بوسطن!!!وين صايره؟؟؟اي اقرب ولايه لها نيويورك ولا اورلاندو ولا لوس انجلوس؟؟؟؟عفيه ساعدوني بنات ابي اقرب ولايه عشان اقدر اوصلها بسياره؟؟؟وجم ساعه؟؟؟

 

[الشامريه]

ترا لوس انجلوس فيها مستشفى للأطفال معروف

 

[الشامريه]

400 طيران دولي وداخلي؟؟؟؟؟؟؟؟؟؟

 

[مهاوي2011]

الشامريه حبيبتي ماعليج امر أبي اسم المستشفى اللي ب لوس انجلوس ضرووورررري عشان بحجز موعد عند الدكتور واشوف مواعيدهم

 

[جواهر روعة]

:bbbiu::bbbiu::bbbiu::bbbiu::bbbiu:

مابي ابجي .. لآن بقول خيرة .... كنسلوا موعدنا مع السفارة اليوم و خلوه يوم 14 اغسطس....

ماادري شسالفتهم هاليومين مسكرين السفارة عشان امور امنية .. المهم ان احنا ببنطر و المشكلة اني مااقدر اتحرك و لا اسافر مكان لين يبين معاي شنو وضع الفيزة ... اوف ملل بس ان شاءالله خير :yaaaaaarb:

 

[مهاوي2011]

جواهر روعه خييييييره انشالله سبحان الله لايؤخر امر الا لخير ولا يقدم امر الا لخير ف رب الخير لا يأتي الا بالخير......شسالفتهم تهقوووون في شي والناس اللي حجزت شنو مصيرها؟؟؟والله الكل يتكلم يقولون لي أخري حجزج الوضع مو مستقر بنااااااااات سمعتو شي؟؟؟؟عاد اليوم دفعنا للحجز هااا خاف نتوهق بعد ويصير شي؟؟!!!!!

 

[زوزو جميله]

السلام عليكم بنات
لا تخافون مافي لاحرب ولا هالكلام الفاضي انا حاليا وصلت اورلاندو و الأوضاع تمام التمام

 

[أم نـور]

جواهر الحمد الله كل تأخيرة فيها خيرة من الله

والله مب بس انتي

تدرين صديقه اختي مسكينه كل اهلها بيسافرون وهي حسافه ما قررت الا متأخر
لأن كانت تحاتي سالفه توظيفها
ومسكينه كان مفروض اليوم يخلصون فيزاتها لأن سفرتها عقب باجر أعتقد

طبعا بتقعد بالديرة وماكو سفر خير شر









بنات عفيه سؤال ضروري ضروري

اللحين شاحن الكيمرا مالتي جرج البطاريه قوته 220 فولت

وهناك معروف بأمريكا 110


تهقون لو حطيته هناك يفقع علي ؟؟؟
​

 

[noufb]

بنات شالسالفه الحين ليش مصكرين السفاره ؟؟ ظاقخلقي ماودي اروح والاوضاع متوتره

 

[الشامريه]

والله انا بعد احاتي سالفة الكهربا
قاعده اشوف السشوار ينفع ولا لا



مستشفى اﻷطفال لوس انجلوس هذا اسمه

 

[الشامريه]

بنات طرت ع بالي فكره ان شالله تعجبكم



شرايكم نسوي قروب في كاكاو توك
او كيك

عشان نكون اون لاين مع بعض وندز صور

اللي موافقه ترفع ايدها

 

[أم نـور]

انا ما اعرف للكيك

ولا السوالف الثانيه اللي قلتيها

بس انا عادي ادخل للمنتدى أغلب الأحيان من التيلفون

بسوي تسجيل دخول احسن عشان ان شاء الله اقدر أتواصل معاكم من هناك




وبالنسبه للستشوار

سويت سيرج سريع كل يقولون ان الأستشوار شغال بس خفيف
يعل اليووف يعني


​