تجمع مسافرات امريكا (2013) بأذن الله

[مهاوي2011]

هلا فيج vip qatar

مشكوره حبيبتي على ردودج ادري بيصير تعب علينا بس احنا حابين نشوف الولايات اللي ماتطوف بامريكا عشان جذي حطيتهم اهم ثلاث ولايات وادري ماراح يمدينا الوقت لان نيويورك ٥ايام اورلاندو ٩ايام ولوس انجلوس ٨ ايام حجزنا وخلصنا بس الحين اقول احس ٩ايام وااااايد ع اورلاندو خصوصا تقولون حاره مااادري ودي اغير الجدول اقلل من اورلاندو وازيد على لوس انجلوس،،،شرايكم؟؟؟

الشامريه المفروض مخلصة جناطج عشان ترتاحين وعالاقل اذا صكرتيهم تعرفين شنو اللي ناقصج امبيه خصوصا سفرتكم قريبه ماكو وقت ع الاسبوع الياي ع خير،،،،لحقي تخلصين شغلج ولاتنسين الادويه،،،بتاخذين ماچلا؟؟؟

 

[الشامريه]

مهاوي

انا بالنسبه لي صعب جدولج

احس مضغوط
احسن اقري تقارير بالنت وشوفي برامجهم واختاري اللي يناسبج


الماجله
شريت اشياء بسيطه واحجام صغييييييره
وان شالله اليوم بطلع جناطي
واروح السوق اكمل اغراضي

 

[chanela]

بالصدفة لقيت موضوعكم واستانست وايد حته انا مافكر اروح امريكا بس في شهر 1 وهاي بتكون ان شاء الله المرة الرابعة اللي نروحلها

صراحة احلى بلد سافرتلها واحلى شعب في التعامل ولا نفكر نغيير ونسافر بلد ثانية ودايمن نروحلها في الكريسمس والنيويور الجو والشوبينغ يكون ماله حل

انا اول مرتين رحت كاليفورنيا سان فرانسيسكو حلوووووووة واااااااايد وجوها عجيب في الكريسمس والنيويور وبعد رحنا بالسيارة لوس انجلوس ولاس فيجاس صج كانت من احلى السفرات

والسنه اللي فاتت رحت رحنا نيويورك وارولاندو وايد حلوووووووة وعائلية بس نيويورك متنااااا من البرد كنا في شهر واحد مافي ثلج بس درجة الحرارة كانت تنزل لين سالب 11 تخيلوا عكس ارولاندو اللي كان جوها حلووو

والسنه محتارة وين اروح ؟! بين كاليفورنيا وارولاندو

والبنات اللي يسالون عن الكهرباء ترة لازم تاخذون محول للكهرباء ممكن تحصلون هناك بس الاحسن تاخذون معاكم لانكم ممكن تتوهقون بالذات لشاحن التلفون والسشوار ترة اشتغل عندي هناك بس ضعيف فاضطريت اخذيلي من عندهم ستريتر عندهم اشكال والوان هناك

واللي تبي تستفسر عن اي شي انا حاضرة واللي بيروحون اول مرة صج راح تعجبكم وراح تكنسلون اوروبا ^^

اختي نيويورك بالكرسمس قدرتوا اتروحون لبرج الحريه ولاالرحلات كانت مغلقه ؟؟ٍ
وكيف في الكرسمس هل هي امان ولالا

 

[noufb]

نفس اسألتي احنا ناوين بكرسميس نيويورك وعقب اورلاندو
شلون ديزني لاند مبطله بكرسميس

 

[chanela]

نفس اسألتي احنا ناوين بكرسميس نيويورك وعقب اورلاندو
شلون ديزني لاند مبطله بكرسميس

اكيد بتكون مبطله بس الا لو يوم الكرسمس تسكر ماعرف بصراحه
انا شفت وايد مقاطع ف اليوتيوب عن ديزني ف الكرسمس
اجواءهم روعه والمكان كله مزيين واضوإء والعرووض تزيد
بس العيب الوحيد الزححححححمه اكيد تكون زحمه لانه معظمهم بيقضون اجازتهم في اورلاندو
فالله يعينا ع الزجمه والطوابير

 

[أم سارا]

بنات نصيحه لا احد ياخذ اكل واذا بتاخذين جهزيهم بجيس مع بعض داخل جنطتج لان بالمطار يسألون معاج اكل احنا قلنا لا بس معانا قهوه عربيه ونشوف الناس فتحوا جناطهم وطلعوا اكلهم الجبن الكرفت والخبز فجهزيهم مع بعض لا سمح الله قالوا طلعي الاكل الا ماتحوسين بجنطتج تجربتي فرش انا حاليا بأورلاندو

 

[أم سارا]

بعدين عندهم كل شي اول ماوصلنا رحنا walmart وشرينا كل شي بيض وتوست وكرواسان ولبتون وسكر وملح وعصاير وكورن فليكس ونسكافيه وماي

 

[مهاوي2011]

هلا فيج ام سارا

اولا الحمدلله ع السلامه هااااا بشريناااا شلون اورلاندو وشلون جوها؟؟؟؟انا حطيت رحلتي لها ٩ ايام تسوا ولا وايد ع جوها؟؟؟؟بشريني لان شكلي بغير مخططي هههه انا كل شوي بغير حددددي احترت يابنات والله عاد حجزت وخلصت بس مادري

 

[مهاوي2011]

الشامريه.

والله خليتيني اتردد عاد حجزت نفس الجدول اللي كتبته بس قاعده افكر بالجو والله عاد اطول مده حطيتها باورلاندو ....، ووين التقارير باي صفحه اللي تقولين موجوده؟؟؟؟

 

[مهاوي2011]

ام نوووووووور


ياحلوج يا ام نوووووور فقدناااااااج طمنينا عليييييج
اذا شفتي تقريري طمنيني عليييييج

 

[أم سارا]

الجو حار بس تقدرين تستحملينه بس الي لوع جبدي بصراحه الزحمه الزحمه الزحمه الي في دزني لاند كرهت نفسي يومها والمشكله حاجزين حق ٤ايام والخامس مجانا يعني مضطره اروح لو موحاجزه بعد ما اطبها بس ناويه اروح مبجر تفتح ٩انا ٨:٣٠عند بابهم بحلل فلوسي بخلي عيالي يلعبون بعد اذ صارت ١٢ خلاص كل لعبه تنطرين عندها ساعه وزياده شدعوه تخيلي بس لعبنا ٤العاب واحنا فيها من ١١ لي ٦ اما باجي الاماكن مثل الشوارع عادي ماشي الخط خصوصا احنا ساكنين في منطقه كيسمي في الفلل روعه روعه الفلل مريحه وكل شي فيها ومسبح وامان محد يدخل الا. بكرت عند البوابه وبعيد عن ازعاج الانترناشيونال درايف الي حتى المطاعم فيه مترووسه ماتلقين طاوله طبعا المطاعم خطويتين ومطعم الديره مليانه مطاعم بعدي عن الانترناشيونال درايف تحصلين مطاعم فاضيه الديره حلوه بس الزحمه مخربتها وانتي وقتج حلو الناس راده احسن لج

 

[أم سارا]

الله يسلمج مهاوي

 

[الشامريه]

الحمدلله ع سلامتج ام سارا

انا خذيت كل بكميه قليييييييييله وحطيته في بوكس صغير



مهاوي
انتي ماعندج الا بنت وحده صغيره يعني السفره لكم احس اورلاندو مالها داعي

 

[أم سارا]

هلا فيكم الشامريه امس اسأل زوجي عن الاكل الي بالمطار جان يقولي لانهم جايبين كميات كبيره يقول شفت مالا يقل عن ١٢ قلاص جبن من جنطه وحده بس انتوا جايبين شي بسيط ان شاء مايدققون

 

[أم سارا]

الله يسلمج الشامريه

 

[hazel eyes]

ماله داعي الاجبان كل شي بامريكا اللهم القهوه اللي مو عندهم اللي لازم اخذها معاي لان مدمنه والا الباجي لقيته بالبقالات العربيه
جوو لوس انجلوس شهر ٨وتسعه لاني قعدت فيها مم شهر ٨ل ١١ حلو حار بالنهار بالليل بارد كنت البس جاكيت بالليل ولاس فيغاس شهر ١١ موووت برررررد

 

[مهاوي2011]

هلا ام سارا

الله يعينكم ع الزحمه بس تستاهل امريكا حللو التذاكر

ماعليج امر ممكن تعطيني اسم الفلل اللي سكنتو فيها لان راسي انفجر من امس وانا ادور لي شي زين وحلو وامين وبصراحه طلعولي واااااااايد بس احتررررت مادري شنو اختار في بوكينق واكسبيديا وانا بصراحه قايلة لكم من زمان خاطري بالفلل اللي فيها مسبح خاص عفيه عطيني اسم فلتكم عشان اشيك عليها دامج مجربتها

 

[مهاوي2011]

الشامريه حبيبتي تبين الصراحه والله انا ودي باورلاندو مشتهيتها ودي اشوف والت دزني والعب بالالعاب هههههه بنتي راح تخاف ادري بس انا بصراحه أستانس وبنتي غرامها ميكي ماوس وربعه ف انشالله الله ييسر ويسهل لنا روحتها ويطمنا على بنتي

 

[مهاوي2011]

هلا فيج هيزل ايز

يعني من كلامج اللي فهمته ان جو لوس انجلوس شهر ٩ حلو ويكون بارد بالليل يعني اخذ معاي جاكيتات خفيفه احتياط لليل ......
ويقولون بعد سان فرانسيسكو يسمونها المدينه المجنونه جوها بالصيف بااااارد وبالشتا حااار يعني عموما كاليفورنيا ونيويورك جوهم حلو بالنهار وبارد بالليل

 

[الشامريه]

مهاوي

والت دزني موجوده في كاليفورنيا

بس خلاص مابي اضغط عليج بالحنه @@

ان شالله يطلع برنامجكم حلو

تتوقعين راح اصادفج هناك ؟؟؟؟