تجمع مسافرات امريكا (2013) بأذن الله

[الشامريه]

غلاوي

الحمدلله ع السلامه و انجوي يور تايم @@


مهاوي
الفندق اللي قلتي عنه كنت ابيه ﻷني شفته في تقرير واحد سعودي
بس مادري عن زوجي ماعجبه او سمع عنه شي

 

[الشامريه]

جواهر


لا تتحبطين ولاشي

ترا انا الفيزا مسويتها من قبل 3 سنين

وسبحان الله كل صيف نجي نحجز في شي يردنا

وحتى زوجي تأخروا بفيزته ست شهور يلا عطوه

 

[الشامريه]

جواهر


لا تتحبطين ولاشي

ترا انا الفيزا مسويتها من قبل 3 سنين

وسبحان الله كل صيف نجي نحجز في شي يردنا

وحتى زوجي تأخروا بفيزته ست شهور يلا عطوه

 

[مهاوي2011]

جواهر روعه

لا تتحبطين ولا شي بالعكس شوفي ربج وين كاتب لج الخيره فيه، الخيره فيما يختاره الله انا نفس ما قلت لج ادعي ربج ان كان فيها خير الله يسهلها لج وان كان فيها شر الله يبعدها عنج وانتي ادعي ان الله يسهل لج الامور خصوصا كونج حامل وناويه ع ولاده هناك الله يوفقج ويسهل ولادتج ويرزقج باللي يشوفه خير لج

 

[مهاوي2011]

الشامريه

هالرياييل ماينعرف لهم بعض المرات يطلعولج بطلعات ويختارون اشياء حتى حتى لو ماتبينها تصير بس عناد ههههههه الله يسخرهم لنا

 

[مهاوي2011]

بنااااااااات شدعوه عليكم تصدقون تجمعنا ناااااايم

يلا خلونا نصحصح التجمع نبي سوااااالف نبي الكل تعطينا جدول لرحلتها وين ناوين تروحون؟شنو ناوين تزورون؟؟؟ونبي أهم المجمعات بأمريكا اللي نقدر نشتري منها هدايا تكون حلوه ورخيصه

 

[مهاوي2011]

منو تعرف أسعار ارخص الاوتلت بامريكا من جناط ماركة اصليه وماركات مو عندنا بالكويت؟؟؟انا ابي فساتين سهره حلوه وراقيه وين احصلهم؟؟؟

 

[أم سارا]

مشكوره جواهر روعه على الدعوه الحلوه والله يوفقج

 

[مهاوي2011]

الووووووو

شدعوه محدد يرد!!!!!!!

 

[الشامريه]

مهاوي

شفيج عصبتي@@

هههههههه

المهم في اسواق رخيصه انا ذكرتها في الصفحات اللي قبل

مثل t j maxx


اكتبي في قوقل يطلع لج اللي تبينه


فساتين السهره للحين ماحصلت شي
خليني اشوف بعيني واقولج

 

[جواهر روعة]

السلام عليكم
شكرا بنوتات على الدعوات بس شكلها مو مقسومة لنا هالمرة ... هم تم الرفض ,,, انا انسحب من التجمع و اتمنى انكم تستانسون بسفراتكم

 

[الشامريه]

مرحبا بنات
انا الحين بالمطار

واول الغيث قطره >>>>>>>> تأخير في الرحله
الله يستر ماتطوفنا طيارة الترانزيت

 

[مهاوي2011]

هلا والله الشامريه

حبيبتي تروحين وتردين بالسلامه انشالله عاد لا تقاطعينا واصلينا اول باول
انا قعدت بالمنتدى بروحي اخاف اسولف مع نفسي عفيه كلكم انتي وام سارا وغلاي غير دشو سولفو معاي ترا يضيق خلقي هههه ام نور شكلها نستنا
يالله كل تاخيره فيها خيره انشالله

 

[nas nas]

هلا بنات انا بهيوستن والجو ممطر الي شمس الي حر فطيس الي رطوبه نفكر نروح ارلاندو بس علي ماقالو البنات العيبةبالاعاب نجلس ساعات علي لعبه وحده امم وزحمه صراحه مهاوي اوتلت بريمر شوفبه موجود بالولايه الي بتروحين لها لانه هو الارخص والراقي صراحه والله بسهل علي زوجي ويعطونه فيزا
بنتي واخوها جاين علي الامريكيه اخذو التذاكر 380 دينار قبل شهر مع طيران داخلي من واشنطن الي هيوستن وسلامتكم

 

[مهاوي2011]

هلا والله اخت nas nas

شلونج؟شلون صحتج؟الله يشافيج ويقومج بالسلامه انشالله،،،والله يعطيج العافيه على ردج اي الامريكيه هذي اسعارهم بصراحه ارخص طيران شفته بس مادري عنهم كوني اول مره اروح فيها الله يسهلها لنا انشالله خليكم معاي لا تقاطعوني لين اسافر باذن الله واقدر اتواصل معاكم امبيييه. تو الناس ع سفرتي احس اذا رحت الكل راد هههه الله يكتبها لنا ونروح ونرجع بالسلامه انشالله

 

[عذوق]

شلوونكم بنااات

احنا سفرتنا 8/20 ان شاءالله

بغيت اسالكم عن الاكل شنو الممنوع واجراءات المطار حيل خايفه منها شنو سالوكم???

وشلون الجو بنيويورك ولوس انجلوس!!

مهاوي متى سفرتكم ان شاءالله!!

 

[أم سارا]

اهلين الشامريه سمح الله دربج والله يعينج على الدرب بس هالله الله بالنوم عشان يضيع الوقت ههههههه وان شاء الله تلحقين على الطياره
هلا مهاوي نصيحه تسوقي بنيوورك وكالفورنيا قبل لا توصلين اورلاندو مطيرينها السياح انا ماعجبني حيل سوقها بس لما رحت ميامي كان الاوتلت روعه شويه عليه ماخليت شي بخاطري فنصيحه تسوقي قبل اورلاندو

 

[مهاوي2011]

هلا والله اخت عذوق

والله احنا سفرتنا عقبكم باسبوع تقريبا تاريخ ٢٧ انشالله ،،،،،،والله يقولون انشالله الاجراءات سهالات مادري هذا اللي سمعته من البنات خلينا نسمع من البنات اللي توهم واصلين امريكا
ام سارا ،،، غلاي غير،،،،؟؟؟؟؟قولولنا عن الاجراءات؟؟؟؟

ام سارا حبيبتي يمكن لان اورلاندو ارخص عشان جذي كل شي خلص ههههه انزين قولولي وين احسن اوتلن بنيويورك ولوس انجلوس؟؟؟؟وشنو الشي اللي شريتيه حلو مايتطوف؟؟؟هههه عليج بالعافيه انشالله

 

[chanela]

بنات
انا ناويه اشل لابتوبي وياي ف الطياره بس سمعت انه مرات ف المطار فامريكا يفتشون الابتوبات
ولو في برامج مكركه يخالفون عليها
عاذ مادري صدج هالكلام ولالا

 

[مهاوي2011]

بناااااااااات ردوووووو ويييييييينكم؟؟