تجمع مسافرات امريكا (2013) بأذن الله

[أم سارا]

مشتطه انا الي انحبطت انا عندي استحمل الحر ولا استحمل الزحمه

 

[أم نـور]

مشتطه ​

يعني نفس جو شرق اسيا؟؟​

لأن انا جو شرق اسيا ممكن استحمله وبالنسبه لي كان اوكي ​

يمشي حاله اقدر استحمله ​

بس اذا ازيد :eh_s(1):​

 

[أم نـور]

السلام عليكم
بسالكم بنات شلون على الأكل واللي جربت تأخذ اكل معاها شلون

أنا معاي عيالي شلون وعلى القهوه والهيل والتمرثىس

انا اللي قريته بالتقارير

دايما يصدرون العيش بالمطار
وحتى الأندومي

يقولون ان العيش مالنا مب نظيف !!

بالنسبه للبهارات وهالسوالف لازم يكونون بعلبهم ومكتوب عليهم
يعني بالتفتيش بالجمارك اللي يشوفه يعرف شنو هذا



​

 

[مهاوي2011]

قووووه بنااااات ابشركم استلمنا فيزنا الحمدلله بس المشكله الحين بحجوزات الطيران مااااافي اماكن وابصراحه شنو هذا الاسعار خياليه حددددهاا مولعه ناااااار غاااااااااليه انا وبنتي 3سنين وزوجي 3الاف بس تذاكر شنو هذاااا يقولنا موظف السفريات خلو رحلتكم اخر 8بدايه 9 عشان تنزل الاسعار لانها فوق الدبل تخيلو لما شاف لنا اسعار شهر9 كلنا 1700 تقريبا يعني ماخذين دبل الدبل!!!!بس المشكله انا مدرسه شلون اقدر اخذ اجازه خاصه يعني؟؟؟وشلون طريقتها؟؟واذا تقدرون تدلوني على طريقه حجز تذاكر مناسبه بسعر زين اي طيران؟؟؟؟

 

[أم نـور]

مبروووك الفيزا حبيبتي الفال لنا ان شاء الله

ولكل اللي ينتظر الفيزا

يااااا رب

:yaaaaaarb:






حبيبتي دشي موقع اكسبيديا وقارني الأسعار فيه تطلع لج الأسعار للتذاكر لشركات الطيران كلها


من الأرخص للأغلى


وبعدها اذا عجبج السعر دشي على موقع الطيران نفسه الرئيسي
وحجزي منه


لا تحجزين عن طريق اكسبيديا لأن يسوون دقات

هذا اللحين مسويين فينا دقه لا صارت ولا استوت

بس جوفي ارخص اسعار التذاكر همه عندهم مقارنه بين ارخص شركات الطيران

 

[الشامريه]

انا قررت اصمم ع رأي

كاليفورنيا ♥♥


مابي افكر في ارولاندو
احسها زززززحمه

 

[غلاي غير]

انا اللي قريته بالتقارير

دايما يصدرون العيش بالمطار
وحتى الأندومي

يقولون ان العيش مالنا مب نظيف !!

بالنسبه للبهارات وهالسوالف لازم يكونون بعلبهم ومكتوب عليهم
يعني بالتفتيش بالجمارك اللي يشوفه يعرف شنو هذا



​

مشكووره عالرد

يعني شنو تنصحونا ناخذ معانا كاكل

واللي مجربه مسافره قبل وماخذه اكل تفيدنا

 

[غلاي غير]

بناات
بما ان السفر قرب

شرايكم كل وحده تذكر شنو بتلخذ معاها عشان تذكر غيرهاا

انااا باخذ شغله يمكن غيري مو مفكر فيها بس انا ما استغنى عنها

شواية التوست اللي تخلي التوست مثلثات
نفعتني حيل حتى البيض�� سويت فيها
وطبعاا الغلايه اخذ ثنتين عشان حليب العيال لان ساعات نرجع متاخر
كواية بخار اللي بالكتروزان لسفر
هذا اللي اتذكره

بس من الحين احاتي الغسيل والكوي للملابس

 

[الشامريه]

كواية البخار جربتها قبل متعبه ماعجبتني



وبالنسبه للاكل انا كانوا يخوفوني

بس كل سنه في لندن عمرهم مافتشوني او كلموني عالاكل

باخذ شغلات بسيطه
ومابي اكثر بشتري من هناك

باخذ غلايه للقهوه العربيه
باخذ سفرة سانيتا
صابون ملابس
تونا
مربى
مواعين سغري
معكرونه

جبن

طبعا اعداد قلييييييله جداااااا

هذا اللي اتذكره

 

[الشامريه]

كواية البخار جربتها قبل متعبه ماعجبتني



وبالنسبه للاكل انا كانوا يخوفوني

بس كل سنه في لندن عمرهم مافتشوني او كلموني عالاكل

باخذ شغلات بسيطه
ومابي اكثر بشتري من هناك

باخذ غلايه للقهوه العربيه
باخذ سفرة سانيتا
صابون ملابس
تونا
مربى
مواعين سغري
معكرونه

جبن

طبعا اعداد قلييييييله جداااااا

هذا اللي اتذكره

 

[أم سارا]

الشامريه زين سويتي واخترتي كاليفورنيا عن الزحمه والحر الله يوفقج

مبروك مهاوي والله يعينكم على الاسعار الدنيا كلها طارت موبس امريكا

زين انا اليوم شريت شغله حلوه الي اهو ابريج السفر الي يتركب على ماي الصحه موجود بالانستغرام حصلته اهم شي

والاكل مابي اخذ ولا شي بشتري من هناك مالي خلق دوختهم بس باخذ قهوه عربيه

 

[مهاوي2011]

هلا وغلا فيكم حبايبي ام نور وام سارا الله يبارك فيكم ومشكورين ع ردودكم اللي تفتح النفس
بس والله من اول امس وانا ادور حجوزات حييييل حييييل غاااليه لدرجة قمت افكر اسافر باخر ٨ لي نص ٩ تقريبا شرايكم بناااات منو سافرت بهالوقت من قبل؟؟؟؟اخاف امريكا تصير فاضيه مافيها عرب ����

 

[الشامريه]

مهاوي احنا سفرتنا نص ثمانيه اول تسعه

سوي نفس حجزنا عالاقل تشوفينا بالطياره

 

[الشامريه]

ام سارا
انا ماقدر استغنى عن الماجله البسيطه

ﻷنه معاي عيالي

 

[أم سارا]

مهاوي بالعكس كل ماخفوا الخليجين احسن لج حتى الاسواق بتحصلين فيها كل شي

 

[أم نـور]

صراحه حتى أنا ينشرح صدري اذا سافرت ديرة وكلها خليجيين ​

احس بالأمان ليش مادري ​

خخخخخخخخخخ ​

الشامرية اي صااجه ذكرتيني
سفرة سانيتا مهمه
:eh_s(15):


بالنسبه لي انا باخذ معاي
​

ابريج ماي للحمام لكم الكرامه ​

ودلو صغيرة بعد ينفع للطلعات ​

وكفرات الورقيه اللي للمرحاض لكم الكرامه ​

والصابون الورقي الصغير حق الطلعات ​

باخذ عبوة صابون سائل ديتول للحمام بالفندق لكم الكرامه
بس باخذ اصغر حجم وبمليها من هناك من شور الجل بالفندق ​

أنا باخذه لأن احس اسهل استخدام الصابون السائل من الصابون العادي
​

مظلات للمطر والشمس باخذ وحده صغيروونه ​

بالنسبه للأكل ​

توست المراعي لوزينا
لأنه يظل فترة طويله وما يخترب ​

خبز عربي كم كيس ​

جبن قلاصات 2 كبار ​

ونوتيلا وحده حجم كبير وبناخذ الثانيه من هناك بس لازم لأول الأيام أحسن ​

أفياش الكهربا هناك غير عنا باخذ المحول أدبتر ​

وباخذ وصله كهربا عشان استغل الأدبتر ​

هذا اللي اتذكرة اللحين واذا تذكرت شغلات ثانيه بعد بقولكم بعد ​

 

[أم سارا]

اقولكم عاد انا ناويه ان شاء الله بس اطب هناك اول مشوار الجمعيه كل شي بشتري من هناك حتى الشامبو شامبواتهم احلى ليش اشيل شامبو الكويت المحزر
وماجله وكل شي انا بس باهذ لبتون وكورنفليكس لعيالي وبروح المستوصف بخليه يصرفلي مضاد حيوي حبوب للكبار وشراب للصغار بعد اذا حاشنا تغير جو اادويتنا معانا عن الوهقه

 

[الشامريه]

اي تذكرت

عصاير كي دي دي

ماتحصلون نفس الطعم خاصة اللي معاها عيالها لازم عصاير

 

[مهاوي2011]

هههههه الشامريه والله جان زين أحصل حجز وهذي الساعه المباركة اللي اشوفج فيها،،،،بنااات الله العالم احتمال تصير سفرتنا آخر ٨ لي نص ٩ هذا بعد اذا لقينا حجز الله العالم كل يوم قاعده افرفر وادقدق عالسفريات،،،حبيت افيدكم بالأشياء اللي تاخذونها معاكم لاتنسون اوتي الصغير مال السفر وانا احب بكل سفراتي اخذ معاي سبراي الديتول(البخاخ) حق حمامات برا وانتو بكرامه رشيه عالمرحاض وحطي محارم المرحاض اللي بمركز سلطان،والقهوه العربيه شي اساسي وهيل ومطارتين صغار ولاتنسون ادوات الخياطه سبحان الله تحتاجونها،وصيدليه صغيره فيها كريم تخفيف الم عضلات (من فرارة السوق) هههه وحبوب بندول وزيرتك وادوية اطفال،بلاسترات،انا دايم اخذ معاي الچولا الكهربائية الصغيره ام عين وحده حق الدول البعيده سبحان الله اسوي عليها القهوه او اي اكله خفيفه والمقلى الصغير لان معاي بنوتي،جبن قلاص الجره عشان ماينكسر شي أساسي لليهال،ولاتنسون الكلينكسات المعطره والجل المعقم والاستشوار،،،واذا ذكرت شي بكتبه ههه

 

[الشامريه]

شوفي هذي ضريية اللي مايحجز مبكر

عموما اذا خاطرج بالسفره ترا بس التذاكر اللي راح تفرق معاكم