تجمع مسافرات امريكا (2013) بأذن الله

[أم سارا]

السلااام عليكم .....انا وصلت شخبارري من زمان مو داخله المنتدى بس شدتني سوالفكم وقعدت اخوس لين طلعت النك نيم المهم انا ان شاء الله ماشيه امريكا فلوريدا بس ٨/٨ عاد ما ادري نلحق على العيد ولا لا مو شاريه للعيد الله يستر انا وزوجي وعيالي ٤الله يحفظهم

 

[أم سارا]

بنات احنا حاجزين على اليونايتد طيران دولي وداخلي اول شي نوصب واشنطن وبعدين داخلي على اورلاندو وما ادري عاد اهو طيران زين ولا لا وحدي احاتي الطيران ١٤ساعه موشويه الله يستر

وبخصوص تذاكر الملاهي محتارين وين نحجزهم قريت عن المحل الي اسمه فزت بس لما دخلنا اسمه بالنفقيتر ماطلع عندنا وبنات الي عندها ايفون انصحها ببرنامج اسمه google mapsروعه بس تحطين اسم المكان بالانجليزي واهو يظبطج حتى صور للمكان يحطلج


السياره حجزنا شيروكي حق ٢٠يوم تأمين شامل طلع علينا ب٣٠٠دينار شرايكم بالسعر رخيص ولا غالي طبعا موضوع الحجوزات كلها عند ابونا شاطر بالسوالف انا بس ابدي راي حجوزاتنا كلها بالنت مارحنا مكاتب سياحيه الفنادق من بوكنق والطيران من موقع الشركه نفسه

 

[مهاوي2011]

قوه بنات شلونكم شخباركم بصراحه من زمان مو داشه المنتدى وشدني موضوعكم قريته من اول صفحه عقب حبيت ارد وحست ودخت على مالقيت نكي لاني نسيته هههه صرت نفس اختي ام سارا ،،،،،المهم حبيت اقولكم شوي انشالله موعد مقابلتي بالسفاره بس بصراحه حددددي خايفه انا وزوجي وبنتي عمرها 3سنين قولولي شنو الاسئلة اللي سألوكم؟لانا احنا سجلنا الابلكيشن عن طريق مكتب وقالنا ماله داعي كشف حساب وانا قريت من مواضيعكم انكم خذيتو تقارير حساباتكم هل هالشي ضروري؟؟؟لاني ماطلعنا كشف حساب بس معاشاتنا موجوده بالابلكيشن؟طمنوني بليز

 

[أم سارا]

اهلين مهاوي احنا خذينا كشف حساب بس ماطلبونه منا ولا سألوا عنه
وبخصوص الاسأله شنو تشتغلين وشنو تشتغل وشكثر بتقعدون بأمريكا وليش رايحين بس اقل من دقيقيتين ومشينا
الله يوفقج حبيبتي

 

[مهاوي2011]

حبيبتي ام سارا الله يطمن قلبج ويجزاج خير ادري بدوخج بالاسئلة بس عقب جم يوم يبين انهم قبلو فيزكم او لا؟

 

[الشامريه]

الله يستر خاااااايفه اتوهق ماعرف ااسوي شي

احس باخذ اردئ تذااكر للحدايق

 

[أم سارا]

اهلين مهاوي من ردهم لنا كان واضح انهم موافقين قالت بعد اسبوع تكون فيزتكم خالصه وتقريبا عشر ايام ووصلت الجوازات

 

[أم سارا]

اهلين الشامريه لاتحاتين شي اقل شي حجزي من الفندق تذاكر دزني الفنادق يظبطونج

 

[أم سارا]

بصرااحه انا احاتي الزحمه داخل الحدايق يقولون زحمه ونطره وانا معاي صغار الله يستر قريت وايد عن الموضوع والي فهمته انه السي ورلد واليونفيرسال لهم تذاكر خاصه اسمه اكسبرس تكون اغلا بس تدخلين الالعاب بسرعه ماتنطرين وطبعا باخذها انا اكره ماعلي النطره بس
الدزني مافي هالنظام اعتقد في عند كل لعبه مكاين للفاست باس واهي مجانا بس تخلص بسرعه تاخذين التذكره وتقولج بعد نص ساعه لعبتج عاد تروحين تلعبين شي ثاني او تقعدين بمكان بارد على ما يجي الدور

 

[مشتطـه]

نووووف طبعا لا ماتكفي كلش

زيديهم او استغني عن السوق

واذا قصدج 2000
للاكل والسوق بس من غير اجار سيارة واماكن سياحية تكفي

 

[مشتطـه]

ام نور

انا كنت احط مكياج عشان الصور الصراحـة

 

[مهاوي2011]

هلا ام سارا الله عشر أيام؟؟!!!!!!مو چنهم طولو؟؟يعني اتوقع اذا قبلو فيزتنا انشالله الحجوزات والتذاكر راح تصير نااااااار غاااااااليه

 

[الشامريه]

الناس كلهم خوفوني من كاليفورنيا انها ماتستاهل

وانه اورولاندو افضل

والله احترت انا كنت مخططه ع كاليفورنيا


ياربي شسوي¡¡¡¡¡¡¡¡

 

[Pink_Roses]

كاليفورنيا حلوة واورلاندو هم حلوة كل وحده لها جو غير هالمرة روحي اورلاندو والمرة الثانية روحي كاليفورنيا

 

[أم نـور]

السلااام عليكم .....انا وصلت شخبارري من زمان مو داخله المنتدى بس شدتني سوالفكم وقعدت اخوس لين طلعت النك نيم المهم انا ان شاء الله ماشيه امريكا فلوريدا بس ٨/٨ عاد ما ادري نلحق على العيد ولا لا مو شاريه للعيد الله يستر انا وزوجي وعيالي ٤الله يحفظهم

ام سارا

احنا بعد ان شاء الله

قبل العيد بيوم

ان شاء الله تاريخ 7 الصبح ماشيين يا رب تتمم لنا سفرتنا على خير


:yaaaaaarb:

أتوقع أتوقع ان العيد تاريخ 8 بس اذا سفرتكم الصبح

أووكي روحوا المطار بعد صلاة العيد مباشرة
وخلاص

بس اذا رحلتكم بالليل هني وهقه :eh_s(10):

يعني أحتمال يكون يومها العيد و لازم تكشخين



احنا هذا اللي كنا خايفين منه عشان جذي حجزنا على تاريخ 7

قلنا نضمن ان جذي جذاك احنا محد

لأن ولا شرينا ولالالالا عااازة

للعيد

​

 

[أم نـور]

بنات تصدقون امس دخلت موقع الطيران قلت بحجز لنا كراسي للرحله ​

تخيلوو الطيراة كلها محجووزة !!!​

اقصد ما في كراسي فاضيين ويم بعض الا وررررة آخر شي ​

اللي جدام كلهم حجزوهم الناس وخلصووا​

واحنا نايمين بالعسل خبر خيرررر
:eh_s(4):​

 

[أم نـور]

كاليفورنيا حلوة واورلاندو هم حلوة كل وحده لها جو غير هالمرة روحي اورلاندو والمرة الثانية روحي كاليفورنيا

يعني تنصحين الناس اللي أول مرة يسافرون أمريكا يروحون اورلاندو

قبل

اشوة


طيب بنات انا بديت اخاف من الحرر يقولون جو أورلاندو لا يطااق حررر بالصيف

صج !!

دخلت على مواقع دراجات الحرارة شفت ان درجات الحرارة بهالوقت تقريبا


30 درجه


خفت صج ان درجه الحرارة اخف من عندنا

بس اخاف صج وايد حرر نفس جو الخليج

:eh_s(1):


حتى نيويورك اشوف درجات الحرارة ساعات مرتفعه

ليش هي بعد حارة ؟!!

عفيه من جرب الجو بنيويورك وأورلاندو بهالفترة من السنه

اقصد شهر 8

حررر لا يطاق والا الواحد يقدر يستحمله نفس
ماليزيا وتايلند مثلا ؟


​

 

[أم سارا]

هلا ام انور احنا طيارتنا تاريخ ٨الساعه ١٢:٣٠ يعني قبل صلاه العيد بجم ساعه يعني تاريخ ٧ الساعه ٩بالليل احنا بالمطار ان شاء الله وبخصوص الحر الله يستر احنا قاعدين نشيك على جوهم ماشاء الله غيوم وامطار متفرغه وانا بصراحه خخفت اللبس بلبس لفات قطن من غير باندات ابرد وشريت بلايز مع كمها خفيفه مابي نظام باايز حفر وبدي وحر وان شاء الله خير
الشامريه انا قبلج احترت بين كالفورنيا وبين اورلاندو واخترت ارولاندو مع انها حاره وهذيج ابرد والسبب انه ارولاندو مافيها تنقل وايد بين المدن يعني مره نروح تامبا وهي تبعد ساعه تقريبا وبنروح ان شاء الله ميامي بنقعد فيها ٣ليالي والباحي كله ارلاندو وكل شي يمج وقريب
لكن كالفورنيا بتروحين لوس انجلوس وبتروح فيغاس وبتروحين سان ديغو وبتروحين انهايم وكل وحده تبعد عن الثانيه ٣ او ٤ساعات هاذي وجهة نظري والي خلتني ما اروح كاليفورنيا وخصوصا اني اول مره اروح امريكا

 

[غلاي غير]

السلام عليكم
بسالكم بنات شلون على الأكل واللي جربت تأخذ اكل معاها شلون

أنا معاي عيالي شلون وعلى القهوه والهيل والتمرثىس

 

[مشتطـه]

ام نور مابي احبطج بس امريكا حاااره بالصيف لاتتوقعين الجو بيكون بارد

يمكن تطفشين

واوارلاندو بالحر بتصير ضيم لان لعب و مشي طول اليوم

انا يوم رحت بررررررررررررررررد

وبالصيف زحمة عالم ناااااااااااااااس