تجمع مسافرات امريكا (2013) بأذن الله

[توحه1]

الحين اني حق الاسئله واتمنى القى اجوبه عندكم

1: احلا الاوت لتااات بنيويورك وين وشنو افضل المحلات
2: افضل المحلات بفلوردا وين للتسوق والاوت ليت
3: ادري سوالي تو الناس عليه بس شنوافضل مكان لشحن الاغراض والي عندها موقع تزودني لبيز من اورلاندوا لي الكويت

انا حاطه ببالي مزانية التسوق والمصروف الشخصي واللعب والوناسه 3000كويتي بس قشرايكم تكفي ل21 يوم ولا لا

 

[بااااربي]

بنات آنا وزوجي بنسوي الفيزا حق أمريكا بس ماني عارفه شلون الطريقه ؟؟ نروح السفاره ناخذ موعد من هناك ولا في شي ثاني ؟ بصراحه ماعرف طريقة الفيزا شلون ناخذ موعد ؟؟

 

[توحه1]

ياربي
تاخذين ابلكيشن من النت وتعبينه وتصورين صوره خلفيتها بيضه خمسه *خمسه
وبعدين تحددين الموعد المقابله

او انك تروحين مكاتب السفريات وهم يسوونلج كلشي وطبعا بمبلغ
ولازم تدفعين لكل شخص 50دينار بالبنك معين اهم يحددونه وتيبين الوصل

 

[JFK LAX]

حق المقابله حق الفيزا شنو لازم اودي غير الابلكيشن - نسخة موعد المقابلة - صوره شخصية - جواز؟

مايبون شهادة الراتب؟ وشنو طبيعة الاسئلة؟

 

[Loloki]

توحه حييبتي التذاكر انتي وعيالج ٣٥٠٠.

ولعب ووناسه ٣٥٠٠. هذا طلع ٧٠٠٠ صحة

بس موجنه وايد لوووووول

الحين انا وزوجي جم بيطلع علي ؟؟

ولعب وناسه يعني بروح نيويورك واورلاندو جم تكلفني ؟؟؟

 

[Loloki]

انا عندي فيزا بس مانيعارفه شلون اسوي موعد حق زوجي

 

[توحه1]

لوكين
موايد حده حده هذا وبسعار الخصومات هذا وعلى حضنا بنروح بسبوع احتفالات 2/8 مادري شنو مناسبته عندهم
عشان جذي اقلب الفنادق فل

المقابله تودين معاج ورقة البنك الي دفعتي 50 دينار لكل شخص
وصوره من الابلكيشن وصورج الشخصيه وجوازج والبطاقه المدنيه الاصليه
الاساله سهالات مافي شي صعب
وين تشتغلين وين وجهتج اي ولاية بالتحديد اشكثر بتقعدون القرض من الزياره
مع منو بتروحين وبس

 

[سيكولوجية]

شهد الحلوه

لاتحجزون لين يعطونكم فيزا زوجج لان على حسب خبرتي دام ماخذوا جوازه
يعني رافضينه
ف خل يحطله موعد مره ثانيه



توحه
انتو 6 اشخاص اخاف 3 الاف ماراح تكفي
يمكن تكفي مصرف بس تسوق لا
حاولي تزيدين لي 4 الاف


انا و زوجي بنخلي مصرفنا اقل شي 4 الاف

 

[توحه1]

سيكولوجيه
احسه حده حده بس ريلي مافكر الا متاخر يعني موومجمعين حده حده
انا من نوعي اجمع طول السنه اذا في سفره بس هالمره كنامومفكرين انا نبي نسافر ويوم الي قررزوجي واستقطعت من معاشي وطبعا اهو بعد يدوبك هذا الي طلع معانا ربي لك الحمد خير ونعمه

 

[توحه1]

انا بهذا المبلغ 6000 اسافر فيهم شهر ماليزيا
ولا ٢٥ يوم استراليا
ولا سنغافورا
وراهي علينا ويزيد اما امريكه يدوووبك ييزي

 

[Loloki]

توحه حطي مواقع الي حجزتي منها بدش الحين اشوف. اعتقد عيد البصل

او عيد البيض

الامهم ابي مواقع الي حجزتي فيها الفنادق مابي اخذ سياره انا احب اسافر بقطار انزيت اورلاندول فيها قطار يوديج حق دزني ولا لازم سياره

لوووول لان فرنسا في قطار

 

[Loloki]

على قولت اميسر وي على قااامتي لازم اناىوزوجي ١٠ الف جم تهقون ناخذ انا وزوجي

 

[JFK LAX]

انا عندي فيزا بس مانيعارفه شلون اسوي موعد حق زوجي

https://evisaforms.state.gov/default.asp?postcode=KWT&appcode=3

عند schedule appointment

 

[Loloki]

مشكوووره حبيبتي

 

[سيكولوجية]

توحه
ان شاءالله يكفي
وهالشي ترى يرجع الى الشخص نفسه يقدر يمسك ايده و يوفر بالسفر
يعني مثلا ذا حسيتي الفلوس تنقص وايد وخفتي ماتكفي خلوا اكلكم بمطاعم يكون سعرها مناسب ورخيص
اسعار مطاعم وجبات سريعه رخيصه عندهم وجذي
واخذوا سياره اجروا وفروا عليكم فلوس التكاسي
والتسوق خليه اخر شي عشان تضمنين يبقى ميزانيه




بنات اللي موعارفين يسون موعد حق السفاره ترى اتوقع بالسفريات يسون لكم

 

[توحه1]

انا اساسا السوق بس ٤ ايام والباجي روحه وناسه وفراره
اهم شي وناسة عيالي بالدنيا
والمواقع الي حجزت منها كل من النت حاجزين وبعدها نطبع برنت للتاكيد
بس خل اسال زوجي ورد عليكم
وانا تخطيطي الريوق بالبيت و الغدى بره البيت. والعشى على حسب الاوضاع لان كل مكان حاجزه فيه مطبخ

 

[توحه1]

انا اساسا السوق بس 4 ايام والباجي روحه وناسه وفراره
اهم شي وناسة عيالي بالدنيا
والمواقع الي حجزت منها كل من النت حاجزين وبعدها نطبع برنت للتاكيد
بس خل اسال زوجي ورد عليكم
وانا تخطيطي الريوق بالبيت و الغدى بره البيت. والعشى على حسب الاوضاع لان كل مكان حاجزه فيه مطبخ

 

[Loloki]

اهاااااا تروحين وتردين بالسلامه

 

[توحه1]

الله يسلمج
فعشان جذي ابي اسامي السوق والاوت لتااات بليز
عشان يدوبك يومين اتسوق بنيويورك ويومين باورلاندو

 

[JFK LAX]

كويتيات شفت اسعار التذاكر عالكويتية والاماراتيه والبرتش والقطريه وكلهم بين 420 و450 للشخص

زين ولا غالي ولا رخيص؟

انتوا على جم خذيتوهم وعلى اي طيران؟