تجمع مسافرات امريكا (2013) بأذن الله

[Loloki]

اذا بروح على شهر ٩ شنو اخذ ملابس واذا بنروح بالصيف شنو ملابس الي ناخذها ؟؟؟

واي فندق اسكن باورلاندوا ونيويوورك ؟؟؟

 

[سيكولوجية]

لولوكي والله انا نفسج للحين ماحددت الفنادق

ان شاءالله إذا انصحوني بفنادق حلوه اقولج

 

[aljoodi]

فنادق نيويورك انا جربت الهيلتون وجربت كراون بلازا اثنينهم حلوين بس كراون بلازا موقعه حلو بنص التايم سكوير

اما بالنسبة لاورلاندو جربت منتجع فيستا كاي باي ميلينيوم وايد حلو من كل النواحي ما فيه عيوب


والحين قالوا لي عن منتجع بكيسمي اسمه وندسور بالم فيه فلل حلوه ان شاء الله بنجربه






اما بالنسبة للجو ترا حر ورطوبة بس مؤ مثل حرنا ومرات يطق مطر يبرد علينا الجو هذا باورلاندو


اما نيويورك جوها يختلف يعني بالليل يبرد شوي بس براد حلو يعني حاكيت خفيف يفي بالغرض

 

[Loloki]

منتجع فيستا كاي باي ميلينيو

هذا ممكن اروحله لان احنا عايله وانا ابي فله تلمنا كلنا بدال كل واحد غرفه

كراون بلازا

ممكن هذا بعد لان انا يمي سووق

انزين بنات انا شفت اماكن باورلاندوا سياحيه والعاب

seaworld disny. universel

 

[Loloki]

غير هالاماكن شنو فيه يعني مسرح رقص اذا رحتو lido الي كان فرنسا ابي جذي


show

ان شاءالله فهمتو قصدي يعني نفس سرك مو حيوانات لا اوادم ههههههه

 

[aljoodi]

في سيرك اسمه سيرك دو سولاي هذا مكانه بديزني داون تاون وايد حلو ويمدحونه بس للأسف ما رحت له. وفي عروض وايد في عندج الاريبيان نايتس مثل عرض خيول وناس لابسين لبس عربي ويقدمون عشا مع العرض بعد. وعندج تايتنك اكسبيرينس هذا بشارع الإنتر ناشونال درايف نفس الشي عرض وعشا. ووايد غيرهم بس مؤ متذكر تهم الحين.

 

[Loloki]

واااي فديتج جوووود والله انتي قاعده تجاوبين على الي ابيه وتقوليلي عليهم والله فديتج

بعد شنو فيه انزين بنات انا وزوجي وحماتي جم تكلفنا.

و انا وزوجي وخالتي وحماتي ٢ واخوهم وعيالي ٢ والخدامه. طبعا التذاكر علي وسكن. ومصروفهم مالي شغل فيه

يعني يبون يتشرون انا مالي شغل انا علي تذاكر وفندق شرايكم. خطتي حلوه ولا تكلفني وايد ؟؟ عطوني خطه. الي اوفر فلوسي وزياده

الحمدالله انا باخذ فلوس وزياده بس جم تهقون الي راحو من قبل بليز فيدوني

ابي بتفصيل ممل

 

[بااااربي]

انا ناويه أروح ((نيويورك)) خمس أيام والسكن يكون بالتايمز سكوير فندق renaissance time square لأنه جدام محطة التور السياحي gray line

الأماكن السياحيه في نيويورك هي :
سنتر بارك.. 1-فيها حديقة حيوان (فندق الفيرمونت على نفس الشارع ومحل ابل ستور بعد)
2-فيها ساحة كولومبس (فيها مجمع تجاري اسمه time warnerce
وفيها محل الككاو godiva )

الامباير ستيت.. هو مبنى طويل

برج الروك فلر.. هو مبنى طويل بس أقل زحمه وجدامه صالة تزلج في الهواء الطلق

تايم سكوير

المنطقه اللي فيها ساكس افنيو وبوتيكات

شارع البرودواي

تمثال الحريه

الحي الصيني

الحي الإيطالي

البير

الآوت لت.. يبعد ساعه عن مانهاتن

fifth avenue الجاده الخامسه .. هو مكان التسوق الرئيسي في نيويورك وفيه الكثير من الماركات العالميه وفيه الآوت
توجد باصات خاصه تسيّر رحلات له .

يوجد في نيويورك أفضل محل ألعاب واللي يميزه إنه صناعه يدويه واسمه F.A.O. SCHWARZ

يوجد محل حلويات فيه كب كيك مشهور وزحمه وناجح اسمه magnolia bakery


المطاعم في نيويورك :
مطعم جونيور عنده أحلى جيز كيك نيويوركي ومكانه قريب من فندق ماريوت ماركيز

مطعم olive garden عندهم سلطه لذيذه ومكانه يم الفندق لازق فيه

ماكدونالدز بالتايم سكوير وفاتح 24 ساعه

مطعم سبارو بالتايمز سكوير ( إيطالي )

مطعم ستريب ستيك هاوس ومطعم فرايديز ( مطاعم أمريكيه ) موجودين في برودواي

مطعم البستان (لبناني) ومطعم اليمن السعيد (مطعم شبه شعبي) >> هذي المطاعم العربيه بنيويورك

للأمانه نقلت لكم كل اللي أعرفه عن نيويورك وهذا كل اللي عندي من معلومات مسجلتها عندي
وأتمنى أكون فدتكم ادعولي ان الله يكتبلي هالسنه سفره لأمريكا ويتحقق حلم الطفوله :yaaaaaarb:

 

[Loloki]

اميييين يارب العالمين

الله يحقق مناج حبيبتي هم ادعيلي الله يحقق منااااي ويصير الي بالي

ويعطيج الف الف عافيه فديتج على معلومات الخطيره

انزين هذي معلومات عن نيويورك

نبي غير نيويورك لورلاندواااا لوس انجلس


بنات شرايكم بجنوب افريقيااا ؟؟؟. وشرايكم بكوبا يمه تخرع صح ههههههه

انزين واشنطن وكندا شرايكم فيها؟؟؟

جنوب افريقيا والله يبيله

 

[Loloki]

خو انا حمدالله وشكر اسافر الاماكن وانا على فراشي كل مكان بروح هههههه

 

[Loloki]

بنات بصراحه انا ابي اسافر بشتري طيووووووور

يلوناب امازون لوف بيرد ابي نوادر ويمدحون جنوب افريقياا. انزين نيويورك فيها مزارع طيور نشتري واورلاندواااا

 

[بااااربي]

هههههههههههههههههههههه لولوكي ضحكتيني بكلمتج ( تسافرين كل مكان بفراشج ) نفس حالتي لووول :rerrerek: إن شاء الله كل وحده فينا تحقق أحلامها ويصير اللي ببالها يارب :yaaaaaarb:

انا كتبت لكم عن نيويورك والحين قاعده أرتب معلوماتي عن سان فرانسيسكو عشان أكتبها لكم
وإن شاء الله نفيد ونستفيد من بعض .. احنا كلنا خوات بهالمنتدى الطيب وانا حبيتكم بدون ماأعرفكم والله يشهد علي انتظروني بس وراح تلقون اللي يسر الخاطر إن شاء الله

 

[بااااربي]

(( سان فرانسيسكو )) ناويه أروحلها خمس أيام نفس نيويورك ، ونظامها مو محتاج تأجير سياره.. نفس نظام نيويورك مواصلات باصات سياحيه

هي مدينه أوروبيه بأمريكا ، مناظر ولا أروع وجو بارد مقارنه بباقي كاليفورنيا ، السكن فيها يكون بمنطقتين إما الفشرمان وورف أو للي ماعندهم أطفال يفضل اليونيون سكوير

ناويه أسكن في فندق الفورسيزون ، موجود في وسط شارع market street) وناخذ باص سياحي من الفندق (tour fan) يودينا على أهم معالم سان فرانسيسكو ,,

أهم معالم سان فرانسيسكو :

اليونيون سكوير..
- فيه ساكس فيفث افنيو saks fifth avenue
- فيه macy’s محل ميسيز من نفس المدخل ناخذ أسنصير آخر طابق الثامن يكون مطعم تشيز كيك فاكتوري
-فيه محل اسمه ( نيو من ماركوس ) كله ماركات

الويست فيلد مول.. فيه أحلى قهوه LAVA ZZA

سجن الكاتراز ALCATRAZ cruises (مرفأ سجن قديم)

البير 39 ( PIER 39 )

لومبارد ستريت

الحي الإيطالي ( كله مطاعم وكافيشوبات إيطاليه )

الحي الصيني

نوب هيل.. ويسمونها قبل (سنوب هيل) على سبيل السخريه ويعني هضبة المغرورين لأن اللي كانوا ساكنين فيها هم أغنياء سان فرانسيسكو.. وأشهر معلم فيها هو فندق الفيرمونت وهو فندق فخم جدا" سكن فيه أوباما لما زار فرانسيسكو .

الستي هول.. تصميمه يشبه البيت الأبيض في واشطن دي سي

المكتبه العامه للمنطقه

الأوبرا

بيوت تصميمها من العصر الفكتوري

التوين بيكسز.. عباره عن هضبه مرتفعه فيها برجين اتصالات بس منها نقدر نشوف كل سان فرانسيسكو

الحديقه اليابانيه في سان فرانسيسكو من أجمل الحدايق.. بعدها نطلع على متحف للفنون يم الحديقه اليابانيه وفيه برج عليه فيو خطير نشوف سان فرانسيسكو كلها منه

متحف العلوم وعنده بحيره وتصميمه حلو

مطعم اسمه ( أموره ) أتوقع صاحبه عربي ، موجود في مجمع الويست فيلد

منطقة Tiburon

الريفيرا الأمريكيه تكون على ضفة البحر الثانيه بعد مانعبر القولدن قيت / ( سوساليتو مدينه صغيره )
من الريفيرا ناخذ فيري إلى الفشرمان وورف.. في خباز شهير في الفشرمان وورف، وفي مطعم عندهم ربيان لذيذ جدا" وفرش
والشوربه الشهيره عندهم يسمونها chowder فكرتها إنها تتقدم في خبز ( الشوربه على بروكلي كريم )

هذي أهم الأماكن السياحيه في سان فرانسيسكو وأهم المطاعم وأتمنى أكون فدتكم خواتي العزيزات ادعولي أروح أمريكا :yaaaaaarb:

 

[Loloki]

فديييتج ان شاءالله الله يكتبلج سفره حلوه روحه حق امريكا. والله باربيى شسوي ابي اروح استانس

لو مو امور زوجي جان مسافرين بس صارتله ظروف بس الحين هم انا قاعده اجهز وافكر واخذ معلومات منج ومن جود حبيايبي

شكلج عشتي بامريكا انا وناااسه

ابي اساااافر قوليلي عن جنوب افريقيا. باربي ابي اماكم بامريكا تبيع طيور.

مثل امازونات. يلوناب دبل يلو هد بلوفرنتد

بليز شوفيلي بامريكا اذا فيه وين وجم اسعارهم وين صايره هالمزرعه

 

[شهد الحلوة]

السلام عليكم

انا انشاءالله ناويه اروح امريكا على شهر 6 عقب المدارس واول مره اروح وين تنصحوني اروح ؟؟

احنه خمسه اللي بروح انا وزوجي وبناتي الثلاثه حاليا سويت الفيز طبعا خذينه موعد بعد اسبوعين رحنه السفاره ولووويه وخذو جوازاتنه الا زوجي ردوه قالولنه احنه اندق عليكم وناخذه من البيت الله يهداهم واحنه جوازاتنه خلصت بعد اربع ايام وناطرين تخلص فيزته زوجي عشان نبي نحجز التذاكر من الحين ارخصلنه

فماندري قالولنه نحجز على نيويورك عالاتحاد الأماراتي او يونايتد المريكيه دايركت اختي رايحتلها كذا مره فتقولي هذولي احسن طيرانين وبعدها ناخذ داخلي انروح اورلاندو واناجر سياره من اهناك وبعدها وين انروح ماندري ههههههه

وطبعا بنحجز حق 20 يوم ​

 

[Loloki]

مادري والله القطريه ٢٣٠ حق الصيف

يونايتد ٦٩٠

الكل يروح اورلاندوا روحي كندا لوس انجلس ميامي دومنيكان حق شهر عسل بحر وكروز شغل عدل

سانديغوا سان فرانسيسكوا


ابي اروح جنوب افريقيا

قالي زوجي شكو تاخذينهم اهلي انا وياج انروح نستانس بروحنا قتله اوك ف لازم اشوف موده بالسفر يبي العاب اماكن ترفيه ولا نظامه بحر وندش مقاره لي مقاره

ف وين تنصحوني اروح انا ويا بعبعي الجميل المليق هههههههه

 

[Loloki]

اقصد نظامه اوربي اهو نظامه اوربي بس ماعرف يعني اهو يحب هولندا ولندن ف امريكا نفسهم بس اي ولايه

 

[Loloki]

بنات الحين انا عندي طيور وين اخليهم متوهقه فيهم

 

[توحه1]

السلام عليكم حابه انظم لكم
باذن الله راح اسافر يوم الجمعه الساعه 4 الفجر تطير طيارتنا الوجهه الى امريكا

انا وزجوي وعيالي الاربعه الله يحفظهم
حجزنا على طيران الاتحاد ((8/2 _ 1/3 )) مايعادل 21 يوم
4 ايام نيويورك
17يوم فلوريدا (( اورلاندوا ))
3500لي الحين قاطين شامله حجز التذاكرالطيران الدولي والداخلي والسكن بالولايتين والفيز وحجز السياره
*

 

[توحه1]

بنيويورك حاجزين بالتايم سكوير (( ماريوت))
غرفه سريرين مزدوج وصاله وحمام انت بكرامه ومطبخ
وفلوردا 7 ايام بفلا 3غرف نوم وصاله وحمامين ومطبخ
وايضا بفلوردا 10 ايام شقق فندقيه غرفتين وصاله وحمام وانت بكرامه