تجمع مسافرات النمسا وألمانيا صيـــــــ2011ـــــــف

[om_7sin]

شلونكم بنات حجزت سكن بميونخ وزلمسي. وبعدين بتجول بعدة مدن عجبتني لازم أكون حاجزة كل السكن من الكويت؟ لاني سمعت ان في ناس اذا راحت وعجبها المكان تحجز هناك هل هو متوفر السكن هناك والا أتوهق شرايكم سفرتي آخر 6 .اذا بطلع من زلمسي الى يوروب بارك هل ضروري أسكن بالمنطقة أو أرجع لزلمسي بنفس اليوم مع العلم ان رحلتي من ميونخ الى زلمسي وشكرا

اتوقع اضمن انج تحجزين من الكويت لان الصيف موسم سفر وتقدرين اتروحين يورو بارك من الصبح لي بليل او تحجزين داخل الحديقة وبرة الحديقة في فنادق وشقق بعد

 

[milkey way]

صباح الخير بنات شخباركم ؟؟؟​

 

[شوشو&صوصو]

Samurai اوكي راح اخذ كله فلاتات وجاكيت واحد ولبسي يكون صيفي برايج

 

[HaYoOoMa]

هاااي بنااااااااااااااااااااات


انا انشالله رحلتي شهر 6



بنات ماشوووف احد فيكم بيروح فيينا ليش ؟؟؟؟؟؟؟؟؟؟؟؟؟؟؟؟؟؟؟




ليلحين ماحجزنا فنادق .. كله نفتر بموقع بوكنق ولانحجز :\
لاعت جبدي من رجلي ماادري متى بيحجز


المهم ترتيبات السفر شريت لي جم بدله من التنزيلات
بعد اوربا لازم الوحده لبسها ذرب وسنع وكشخه


وبحكم ان صارلي سنه ونص متزوجه بجدد زواجي ههههههههههههههههههه بسوي حركات ونيو لوك بشكلي \\


وينكم بنااااااااااااااات اوربآآآ ؟؟؟؟؟؟؟؟؟؟؟

 

[HaYoOoMa]

شوشو اي عادي لبسج صيفي بس اخذي جاكيت
اوترنق يكون قطن اخذي من العدساتي حلوين قطن ساده بنطلون وجاكيت ب 10
ولبسيه اذا رحتلج جبال او شلالات

انا رايحه اوربا شهر 10 الجو بس المغرب بارد
اما بالصيف لا زين بس اتوقع بالليل براد شووي

 

[شوشو&صوصو]

هيوما يعني اخذ صيفي وطبعا صنادل او فلاتات شرايج واخذ جاكيت معاي احتياط صح انزين تريننقات العدساني وسيعه انا ماحب مرصص احب حلو طايح انزين انتي اول مره تروحين لها واحني بنروح فينا وزلمسي لوووول

 

[HaYoOoMa]

انا الفلات ماحبه يضايقني صراحه

احب الصنادل اللي تكون سير وربط او مفتوحه من ورا عادي اريح بالمشي

ملوت سنتر بوينت حلوين مريحين في ماركه بسنتر بوينت صنادلهم حيل مريحه بالمشي اسمها paprika
واخذي جوتي رياضه واحد من النصر الرياضي نفس طريقة الفلات خفييف وربط
حق الترينق تلبسينه بالرحلات شلالات وزحلاقيه وهالسوالف


ترننقات العدساني
في اشكال والوان انا خذيت واحد رمادي الجاكيت يكون طويل لي نص الفخذ وعليه بنطلون
وخذيت واحد وردي فاتح على لحمي جاكيت قصير وبنطلون البس عليه بلوزه تحته طويله

انتي اخذي الطويل ولبسي تحته بلوزه وخليه مبطل عساس مايكون محزز عليج

رحت اوربا بس النمسا لاول مره ومتشوووقه لها حيل صراحه

 

[شوشو&صوصو]

انا بعد رايحه اروبا بس النمسا اول مره شنو عند معلومات عنها فيديني احني بنقعد اربع ايام بزلمسي وخمس ايام بفينا وتعرفين مكان اوتلت شنو عندهم مميز يعني مثلا لندن هاروتس مميز وفرنسا جاليريا لافيت

 

[HaYoOoMa]

وزلمسي يمكن اقعد فيها 6 ايام منها يوم البندقيه
و5 ايام اقضيها في زلمسي ويوم اروح سالزبورغ وارد

عندي معلومات كاتبتها بحطها الحين

 

[HaYoOoMa]

من تجميعي :

الاماكن بفيينا

　
　
ماريا هولفرفي شارع المشاةkarntner strasse
دار الاوبرا
ساحة شويدنSchwedenplatz
حديقة الدانوب ومجمع الدانوب التجاري و السينمائي
نهر الدانوب

:
shopping city sud اكبر مجمع بالنمسا​

براتر مدينة ملاهي​

​

​

​

　

　
　
　
​

الاماكن بزلمسي​

​

:

ابحيره

شلالات كريمل​

بلدة سيلفيدين

وبالتحديد الزحليقه الصيفية أسمها في القارمن Durchholzen

walchsee​

​

قريه اسمها​

​

هالشتات Hallstat

قمة كابرون الثلجية

ويوم حق البندقيه
يوم حق سالزبورغ​

​

​

 

[HaYoOoMa]

　​

الاماكن بميونخ
　​

حديقه موينخ الشهيره وزياره برج ميونخ المعروف ببرج الشعله او برج الاولمبيه واسمها بالالماني لمن اراد الوصول اليه​

Olympiaturm​

الطريق الى قارمش سريع والمسافه من ميونخ الى قارمش قرابه الـ 80 كيلو
اعلى قمه في قارمش وهي​

Zugspitze .. ​

　
​

ساحة كارلز بلاتز "شتاخوس​

" Karlsplatz الساحه المشهوره بنافورتها الجميله ومقابل لها من جهة سكة القطار يطل عليها فندق كونيقز هوف وهو من اشهر فنادق ميونخ . في نفس الساحه يوجد مطعم ماكدونالدز​

　
​

5 - ​

الشارع الذي يربط بين ساحة كارلز بلاتس ومارين بلاتز وهو شارع مخصص فقط للمشاة والشارع له اسمين في البدايه من جهة كارلز بلاتس يسمى نيوهاوزرNeuhauser str. وفي النهاية من جهة المارين بلاتز يسمى كاوف فنقر Kauffinger strasse
في نفس الشارع يوجد عدد كبير من المحلات والمجمعات و من اشهرهم مجمع أوبر بولينقرOberPollinger وهو اقرب للكار بلاتز وهو المجمع اللي يضم اغلب الماركات الغاليه جدا للحقائب والموضه
ومن اشهر مجمعات الشارع مجمع كاوفهوف وكارشتات ومجمع ساتورن للالكترونيات Saturn
​

　

​

6 - ​

الساحه الأشهر وهي قلب ميونخ ساحة مارين بلاتزMarienplatz وتحيط فيها عدد من الكافيهات وغالبا في نهاية شارع كاوفنقر من جهة المارين بلاتز توجد عدد من العروض الموسيقيه وعدد من المهرجين .. يناسب الاطفال بشكل كبير.
اسفل رقم 6 يوجد علامه على الخريطه تدل على كنيسة سان بيترSt.Peter وهي اقدم كنيسه في ميونخ ويوجد فيها برج يمكن صعوده مقابل 2 يورو ويعطي اعلى اطلاله لوسط ميونخ على ارتفاع 92 متر انصح بصعود برج الكنيسه لمن عنده اللياقه والشجاعه ويكون اخر وجبه اكلها قد مضى عليها ساعه او اكثر .
​

　​

7- ​

الشارع الرابط بين مارين بلاتز و أودينز بلاتز وهي تكمله لمنطقة التسوق وهي تكملة لمنطقة الاسواق الضخمه في ميونخ ويوجد فيها عدد من فروع المحلات والماركات العالميه الشهيره مثل ارماني مع الكافي وايقنر وغيرهم ويوجد فيه مجمع فنف هوفه وهو مجمع صغير وجميل وفيه عدد من المحلات الصغيره ويشتهر بمطعمه فابيانو اللي يقدم اطباق ايطاليه وله فرع موجود في الرياض .


8- ساحة أودينز بلاتز Odeonsplatz وهي ساحه تاريخيه جدا وعدد من الاحداث النازيه كانت هنا يوجد فيها كافي سان فرانسسكو وكافي ابعد شوي لستاربكس .. جلسه قهوه بعد التسوق في احد المقهيين خيار ممتاز.

​

　​

10- ​

شارع ماكسيميليانMaximilian Strasse وهو مضرب المثل عند الالمان في الثراء والرفاهيه .. يوجد فيه فروع لاشهر الماركات الموجوده ويوجد فيه فندق فورسيزون كمبنيسكي وفي نهايته توجد دار الاوبرا .


​

 

[HaYoOoMa]

بنات هالمعلومات والاماكن السياحيه من تجميعي من مواضيع وتقارير اللي قريتها

دعواتكم

 

[شوشو&صوصو]

هيوما توني دشيت علي موقع ارصاد الجويه شكله برد بنمسا درجة الحرارة 13 يعني برد وايد شفتي انا جذي محتاره

 

[HaYoOoMa]

برد متى اي وقت

انتي متى بتروحين اي تاريخ
؟؟؟؟

 

[Samurai]

هيوما. يعطيج العافيه على هالمعلومات.


محد صرف اليورو. قاعد يرتفع. بسرعه وصل الحين. ٤٠١. فلس.

 

[om_7sin]

هيوما حبيبتي مشكوورة على المعلومات ،،،،،، بناات انا اخوي يدرس بفينا يقول احسن شي لبسي لبس صيفي وفوقة جاكيت لان المجمعات والمطاعم فيها تدفئة

 

[om_7sin]

بعدنا ماصرفنا ماادري عن ريلي متى بصرف

 

[نيلفار]

Samurai
اي صح اهي الي يم شوتقارت وناويه امرها بطريج الرده من ميونخ لي فرانكفورت لان صايره بالنص بس ما ادري تسوى ولا لء !


ام حسين يحليل ه تدرين ان اسم ولدي بعد حسين الله يحفظهم
انا سويت سيرج بس ما شفت احد ذاكره او رايحله



فجوووره انا الي اعرفه ان تسوين فيزا من اول دولة تطبينها اول شي والسفاره الالمانيه تشترط لازم حجز فندق اسبوع على الاقل


ريد اي والله نصيحه حجزي من الحين لان بتروحين حجزه موسم فيمكن ما تلقين حجز هناك
وبخصوص من يورو بارك لي زيلاميب تقريبا 6 ساعات فصعبه تروحين وتردين بنفس اليوم نامي ليله في رست او فرايبورغ

واحنا للحين ما صرفنا اتوقع على معاش شهر 5 لان هالمعاش حق السياره بالتقسيط خخخخ​

 

[شوشو&صوصو]

هيوما انا ماشيه 27/5

 

[@محروسه@]

بقولكم رحلتي انا وزوجي ل ميونخ وزيلامسي وفينا
اولا رحت عطيران الامارات وطبينا ميونخ وسكنت فندق مارتيم قريب عند النافوره الكبيره وعند الاسوقه
الجو كان اول اخير سبعه معتدل بس بالليل باارد بعد يومين للللله طق مطر وبرررررررررد وطلعت انا وزوجي نتمشى تحت المطر
تصدقون بس الخليجيييين الللي يتمشوووون ع المطر حسيت ان مفاجيييع اول مره نشوف مطر بس كان الجو خياااااااااااال
رحت من باجر قااارمش جبال فيها ثلوج بس كان الثلج شويه مو واايد وركبنا القطار اللي فيه وبعد رحت حديقه الحيوان وااااو عجيبه االحيوانات تمشي جمبج انتي تخافين منها واهيا ماشيه موووووو يمج ورحت بعد الخدع السينمائيه هوليووود من باجر قلت اروح شارع الماركات عندهم العطور الالمانيه مو طبيعيه كنت اشتري بهبل واشتريت حتى غمصان نوم بس لله يقطعهم محل غمصان النوم الصور تجنن احس كرهت عمري
ورحنا البحيرات السبع نهر يجري كانت القعده واااااااو قمه لااا وبعد كنت جايبه قهوه عربيه اف احس ماابي ارجع جووووووو جنااااااااان
بنات انا بطلع بعدين اكمل لكم رحلتي لزلامسي اه يازيلامسي اه