تجمع مسافرات النمسا وألمانيا صيـــــــ2011ـــــــف

[milkey way]

شوشو انتي نفس تاريخ سفرتي ومادري شلون الجو اخر 5


اختي ملكي ويي نصيحه اجري سيااااااااره صدقيني سهالات انا رفيجتي ساقت اهناك ومستانسه تقول حده سهالات ورفيجتي صغيره مو كبيره


اخذيها من مطار ميونخ وروحي فيها لي زيلامسي

وبعدين بالرده سلميها بمطار ميونخ وقعدو بميونخ بدون سياره اعتمدو على الاندر قراوند اريح


بس نصيحه اشتري نفقيشن من اهني وحطي فيه خريطة اوربا وتعلمي عليه وايد احسن لج

احسن من ما تاخذين سياره مع نفقيشن والسبب احتمال يكون النفقيشن مالهم مافيه انجلش وتتوهقين او معقد او مرات ما يشتغل يعني عشان ما تتوهقين اخذي النفقيشن معاج من اهني اضمن لج والسياره بدون نفقيشن بتطلع لج ارخص وبتستفيدين منه ان شا الله بالسفرات اليايه


واي استفسار انا حاظرة

حبيبتي تسلمين جنج شجعتيني علة السواقه بره بس والله حتى انا صغيره مو كبيره :krkrkr: :krkrkr:يادوب 34 سنة بس شكلي صج بشتري نفيقيشن وبتعلم عليه .​

 

[شوشو&صوصو]

بنات فيدونه جو النمسا 27/5 شلونه شتوي صيفي اخذ جاكيت او لا شلون واوتلت موجود بفينا وابي العنوان

 

[Samurai]

شوشو. شوفي موقع ياهو للطقس. تقدرين تشوفين. الطقس المتوقع لشهر مايو. والجاكيت ضروري تاخذين وياج. سواء سافرتي بخمسه او ثمانيه. لان جوهم متقلب ممكن اليوم حر بكره برد
بس بمايو. الجو حلو. يعني ما بين ٢١ درجه. والصغرى ٧ تقريباااا

فينا
http://www.weather.com/outlook/travel/businesstraveler/monthly/AUXX0025?month=1

 

[غلاتي الكويت]

حبيبتي تسلمين جنج شجعتيني علة السواقه بره بس والله حتى انا صغيره مو كبيره :krkrkr: :krkrkr:يادوب 34 سنة بس شكلي صج بشتري نفيقيشن وبتعلم عليه .​

العمر كله :ggdw:

اشتري قارمن عن تجربه وايد زين وركبيله خريطة اوربا حده سهل ما يبيله شي بس ايدج تاخذ عليه

واذا سقتي بزلمسي راح تكرهين التكاسي بالسفرات اليايه لووول لانه اريح متى ماتبين توقفين توقفين والسياره عندج اذا احتجتو شي


فكري واستخيري و ان شا الله تستانسووون

 

[دفعة مردي]

فديت عتيبه والله
:eh_s(7): :eh_s(7): :eh_s(7): :eh_s(7):​

تفدااااااج الدنيا حبي:eh_s(7):

 

[milkey way]

العمر كله :ggdw:

اشتري قارمن عن تجربه وايد زين وركبيله خريطة اوربا حده سهل ما يبيله شي بس ايدج تاخذ عليه

واذا سقتي بزلمسي راح تكرهين التكاسي بالسفرات اليايه لووول لانه اريح متى ماتبين توقفين توقفين والسياره عندج اذا احتجتو شي


فكري واستخيري و ان شا الله تستانسووون

حياتي تسلمين ، ضروري بستخير وبفكر فيها عدل لأنه فعلا السياره ضرورية​

 

[om_7sin]

Milkyway خواتي ساقو في لندن ودبي.عااادي لا بدون رياييل شقرديااات لوووووول لو يخليني رييلي اسوق جان سقت

 

[milkey way]

تفدااااااج الدنيا حبي:eh_s(7):

انا معاج من نفس القبيله​

 

[milkey way]

milkyway خواتي ساقو في لندن ودبي.عااادي لا بدون رياييل شقرديااات لوووووول لو يخليني رييلي اسوق جان سقت

انا سقت بدبي والبحرين عادي لا وبالقاهره اللي سواقتها رعب وتخرع وايدج على الهرن بس والله تشجعت وسقت صج ضيعنا جم مره بس والله متعه .​

 

[نيلفار]

هاي شلونكم بنات


انا راح انضم حق تجمعكم سفرتي بتكون 15 يوم في شهر 6

وراح يكون خط سير الرحله
الكويت فرانكفورت
فرانكفورت ريست ( اليورو بارك )
رست قارمش
قارمش زيلامسي
زيلامسي ميونخ
ميونخ فرانكفورت

ادري البعض بيقول وايد تنقلات بس ليش هذي اول زياره لنا فنبي نمر على اكثر مدن نقدر
وراح ناجر سياره
التذاكر طلعت علينا بحروه 500 دينار
والسياره 350
والفنادق للحين ما في شي اكيد كل يوم نحجز ونرد نكنسل
طلعنا الفيزه من السفاره الالمانيه والحمد لله كان سهالات

 

[نيلفار]

بنات في احد راح اوتليت metzingen

يسوى العنوه ؟؟

 

[Samurai]

نيلفار. بالعكس رحلتج حلوه والمناطق حلوه كم يوم بتقعدين في رست اذا مطولين خصصي يوم لانترلاكن. حلوه وتبعد ساعتين من رست
سمعت عن الاوتليت. يم شتوتقارت صح ؟ وانتي بطريجج لقارمش مريه

 

[om_7sin]

والله امس سويت سيرج على الاوت لت يقولون حلو

 

[om_7sin]

Milky way عيل حبيبتي توكلي على الله وسوقي باروبا

 

[om_7sin]

نيلفار الصورة الي حاطتها عندي نفسها حق ولدي مصورة ريله لوووول

 

[غلاتي الكويت]

بناات انا راح اطب بميونخ وراح اخذ طياره على طول وراها على باريس وبقعد ببارييس 3 ايام وبعدين برد ميونخ ومنها لي زيلامسي


بس شلون على الفيزا اطلع من السفاره الفرنسية ولا الالمانية ولا النمساوية


اكثر شي راح نقعد بزيلامسي


واول ديره بنسكن فيها باريس


شلون طريقة الفيزا .؟

 

[om_7sin]

انا قالولي انه الديرة للي بتقعدين فيها اكثر طلعي فيزا يعني طلعي فيزا النمسا

 

[red eye]

شلونكم بنات حجزت سكن بميونخ وزلمسي. وبعدين بتجول بعدة مدن عجبتني لازم أكون حاجزة كل السكن من الكويت؟ لاني سمعت ان في ناس اذا راحت وعجبها المكان تحجز هناك هل هو متوفر السكن هناك والا أتوهق شرايكم سفرتي آخر 6 .اذا بطلع من زلمسي الى يوروب بارك هل ضروري أسكن بالمنطقة أو أرجع لزلمسي بنفس اليوم مع العلم ان رحلتي من ميونخ الى زلمسي وشكرا

 

[شوشو&صوصو]

Samurai يعني اخذ لبس عادي وجاكيت واحد انزين وشوز اخذ فلاتات او بوب فلات

 

[Samurai]

شوشو افضل تاخذين فلات مو الفلات السيده لا اخذي الي يصير محبب من تحت نفس الرياضي افضل لان السالفه فيها جبال وصعدات وشلالات. والله ان خذيتلي واحد من محل كلاركس بصراحه كد ومد ولبسته طول السفره.