تجمع مراجعات مستشفى رويال حياة

[درة التاج]

^
اشلون تدفعين مقدم ؟
بس مو جنه إذا طبيعي مايصير تحجزين ؟

سمعت ان ماكو حجز لي يتي. تولدين انتي وحظج بالغرف الموجوده
بس القيصري لان محددين يوم ف يحجزون !؟

هلا سيكولوجية
حبيبتي تقدرين تدفعين مقدم وتحجزين الغرفة الي تبين إذا قيصري لان الموعد يكون محدد وخالص
إذا طبيعي ممكن تدفعين من الحين عشان ترتاحين وقت الولادة ممكن تدفعين كل المبلغ وممكن كل شهر تدفعين جزء منه علا بال ما يوصل وقت الولادة يكون المبلغ المطلوب مدفوع وخالص أو باقي له شوي :eh_s(17):

 

[Aloe Vera]

نفس كلام درة التاج

و اكيد اذا ولادة طبيعية الغرف حسب المتوفر
بس ممكن تقولينلهم يكتبون في ملفج شنو تفضلين

 

[يتيمة جابر العز]

حلوووه فكرة الحجز يعني اعطيهم نص المبلغ ،

يعني مثلا ان شاءالله بولد بالليلي اعطيهم ٤٠٠ ولا أكثر ؟


ودي اسأل عنها بمراجعتي الجايه

 

[سيكولوجية]

اي بس حلاته لمن تدفعين تحجزين الغرفه
احس مافرقت دفعت مقدم بس من غير حجز. غرفه
لو يحجزولي الغرفه اكيد من باجر اروح ادفع لهم

 

[Aloe Vera]

جان زين يصير تحجزين
بس لو كل الغرف مأخوذين مابيد المستشفى شي

 

[سيكولوجية]

^
صاجه هذي المشكله

ربي يسهل علينا ونحصل الغرف اللي نبيها

 

[حبيبة اهلهاا]

السلام عليكم

حبيباتي انا خفت من كلام دكتورتي و حبيت انبهكم انا عند الدكتوره نجلا الزعفراني

تخيلوو اتقول ان غرف الولاده دايما فل و هذا الي يضايقنا !!!


بالله ان يتنا الولاده شنسوي ؟؟؟

تقول ماتعرفين شكثر نتضايق من هالشغله و كلمنا المدير ان الاطبا الي برا المستشفا ما يولدون هني من كثر الزحمه بصرااحه انا وايد خفت


شرايكم انتو ؟

خصوصا اذا الله رزقنا ولاده بيوم مميز و تاريخ مميز اتكون كل الغرف فل لان في ناس الي يولدون قيصريه يحجزون التواريخ و جذي !! فهمتنوني؟

 

[سيكولوجية]

حبيبة اهلها

صاجه شي يخوف

بس كل مكان زحمه كل المستشفيات اشوف زحمه ماشاءالله
الناس كلها برويال حياة و السيف و دار الشفا والسلام

ما ظل شي !!

الواحد يدعي ان الله يسهل عليه ويحصل الغرفه جاهزه يارب

 

[أشبـاهـ المطـر]

حبيبه اهلها انا ولدت بنتي قبل الالف المنحه
وانا يوم ولدتها كنت بطوارئ واصيح من الالم
تقولي الدكتوره الحمد لله على الاقل انتي فيج
طلق ومفتوحه بتولدين احسن من الي يغصبون نفسهم
على الولاده وفعلا كان زززززحمه لدرجه ان سسترات الجناح
تقولين بالحكومه مالهم خلق علي ويالله توصل الي مصبرني ان ولادتي
ياربي لك الحمد زينه ولما زفيتهم قعدوا يتعذرون من الزحمه طيب انا شكو
استغفر الله ..​

 

[حبيبة اهلهاا]

لا شي مو معقول سيكيولوجيه بالعكس السلام كان هادي ماكو زحمه

 

[حبيبة اهلهاا]

اشباه المطر

امبيه شنو هذا قطيعه صج مشفح

مايدرون ان الولاده فيها موووت و حياااه

يا كرهي لهسوالف باخذ طلق صناعي عشان هاليوم يوم مميز ووويع

 

[درة التاج]

اهم شي سلامتك انتي والبيبي
والباقي هذا الله كتبه لك
بعدين اذا انتي تبين مثلا ياسمين الي عليها ضغط ويا موعد ولادتك وكانت فل يا اما تاخذين كاميليا ارخص منها واللي اتوقع انها فل او يعطونك لوتس مع خصم معين
الواحد ما يدري وين الخيرة

 

[درة التاج]

لا شي مو معقول سيكيولوجيه بالعكس السلام كان هادي ماكو زحمه

انا كنت اراجع فيه بس زحححححححححححمة عند كل الدكاترة ,
خليته ورحت لرويال ادخل علا الموعد

 

[روعة خيال]

انا لمن رحت اولد ببنتي الثانيه قالولي حزة الولاده ان ليلي فل ! قلتلهم ابي كاميليا قالو هم فل مالج الا الاوركيد! الاوركيد ب٣ الاف و شي!

لين ريلي شال المستشفى بصراخه و فضولي غرفه لان الاخت كانت ماخذه يوم زياده نقاهه!!!

 

[روعة خيال]

و للعلم اللي ماخذه نقاهه ما دفعت حق هاليوم!

 

[Aloe Vera]

انا بالمرتين لمن ولدت كان الدور السادس كله فل عشان جذي اضطريت اخذ لوتس مرة و ثاني مرة اوركيد معني طالبة ياسمين
و الياسمين كلهم ماخوذين بس غرف الولادة بالدور الخامس فاضية
و استغربت لمن شفت الدور مليان لان صوب الولادة هدوء
انا ماولدت باسام مميزة بس مرة الصبح و مرة الفير
الفير صج صج ماكو احد صوب الولادة ونااااسة كان الوضع حلو و هدوء

بس انا كنت مسوية خطة ان اذا رحت رويال و طلع فل اروح السلام و اخد من غرف دسمان
او اروح السيف معني ماحبة بس لان غرفة شرحة

هذي خطتي اذا توهق

 

[أشبـاهـ المطـر]

الغلط من المستشفى ليش اوافق على رغبات المريضه
ترا قبل لاتكون زبونه هي مريضه وبتولد غلط تبين الصج
المستشفى طماع الاداره زفت وموعارفين شغلهم انا كنت مخليه زوجي
يسلتمهم ويوقع وسوا لنا سالفه بس كان لهم بالمرصاد بس شسوي احبهم
وناويه اولد عندهم الله يسهل علينا يارب ^^

 

[أشبـاهـ المطـر]

روعه انا والله وانا اطلق ااكد على الغرفه خفت من الزحمه ومن هالهيصه الي مسوينها
وكل شوي اتصل على زوجي اقوله تأكد ولا ترا بدفعونك زياده خخخخخخخخخ
انا دخلت الوضع من 8 الصبح واغلبهم انا داخله قبلهم ماولدت الا 5 المغرب كل الي كانوا بالوضع عرفت اساميهم ^^​

 

[Aloe Vera]

المفروض الدكاترة بعد مايرضون يولدون اللي مافيهم ولادة و داشين دلع مافيهم شي على بونه تاريخ حلو شالهسخافات
انا يوم ١٠-١٠-٢٠١٠ كان عندي مراجعة عند دكتورتي لاني كنت والدة قبلها باسبوعين ولاتقول عندها كذا حالة ولادة بكذا مستشفى و كلهم طلق صناعي بس عشان يولدون بهاليوم
و هم لو المستشفى مايسمح حق الدكاترة من عيادات خارجية تخف الزحمة
و هم سمعت اذا فتح مستشفى الاحمدي مال النفط اليديد راح تخف الزحمة لان كل مشتركين بتامين شركات النفط راح يتحولون هناك

مادري هذا اللي سمعته

 

[سيكولوجية]

بنات باخذ رايكم

انا الحين متوهقه ناويه اولد عند نجلاء إذا ربي كتب

بس انا للحين. اراجع عند دكتوري اللي عالجتني حق الحمال
صارلي سنتين معاها وصج خوش دكتوره بس مشكلتها ماتولد

وكلمتها قبل اسبوع بموعدي عن هالموضوع
قالتلي هالشي يرجع لج انتي وقت ماتبين تروحين حق دكتورة تولدج
انا اعطيج ملفج فيه كل شي صور السونار وماقاسات الياهل وحسبة الحمل
والحبوب وحالتج الصحيه وتحاليلج
وانتي تعطينهم حق. دكتورتج


ودي اروح حق نجلا ونفس الوقت حابه دكتورتي صج شاطره وسونارها دقيق

انا قلت عالسادس ابدي عند نجلاء واخذ ملفي اللي فيه كل مراجعاتي اللي من اول حمالي

بس خايفه ان نجلا ماتقبل الا عدد معين !

شوروا علي عفيه بنات