تجمع مراجعات مستشفى رويال حياة

[Aloe Vera]

انا اراجع عند دكتورة منى و حيل مرتاحة
قريت هني بالمنتدى يمدحون ولادتها بس انا ليلحين بالسادس ماجربت الولادة معاها
الله يسهل الامور يا رب

 

[حبيبة اهلهاا]

كروشات الي عندها رقم نجلا الزعفراني تعطيني انا ضيعت رقمها

رقمها الموبايل ضروري الحين بليز

 

[Aloe Vera]

ماعندي اياه
بس دقي عالمستشفى و كلميهم يمكن يعطونج اياه

 

[سيكولوجية]

بنات متى تنصحوني اراجع عند دكتوره نجلاء ؟

لان انا مستمره مع دكتورتي اللي عالجتني حق الحمل
بس مشكلتها ماتولد بس تعالج وتابع الحمل

وحيل شاطره واحب سونارها و دقيقه حيل
بس عيبها ماتولد ومادري متى اغيرها مو هاين علي

 

[حبيبة اهلهاا]

الووي حبييت قلبي مشكوره خلاص لقيته :*

 

[حبيبة اهلهاا]

اكيد من الحين سيكولوجيه عشان تعرف حالتج اول باول و ماتتوهق معاج ترا واايد حبوبه

 

[سيكولوجية]

موعدي الاسبوع الياي عند دكتورتي بكلمها بهالموضوع
بقولها متى لازم اراجع دكتوره اهي بتولدني

يمكن تعطيني ملفي لي رحت حق نجلاء

 

[Aloe Vera]

اعرف وحدة كانت مثلج تراجع عند دكتورة ماتولد بس على الثامن او التاسع جنه راجعت عند اللي بتولدها
بس انتي سألي دكتورتج احسن

 

[سيكولوجية]

^
ان شاءالله
هذا اللي بسويه

 

[سيكولوجية]

بنات
غرفة الياسمين جم شخص تشيل ؟

 

[CANDLES]

سيكيلوجيه

انتي مثلي وناويه اغيرها بس مادرى متى وهم ناويه ان شاءالله عند نجلاء والله يسهل ان شاءالله

 

[درة التاج]

انا لمن اروح مراجعتي عند دكتورة منى ادخل علطول مافي احد جدامي و لا في احد داخل غرفة الدكتورة و لا في احد وراي ههههه شي حيل مريح معنها دكتورة زينة و ايد يمدحونها
بصراحة الوضع عكس لمن جربت اراجع بعيادة دلال السالم و سلوى الرفاعي امبيه هذيلي زحمة زحمة و روحة العيادة هم و اخذ الموعد هم
الحين اروح حق دكتورتي رااااهية و تغيير الموعد سهاله الحمدلله الله يتمم علي و تطلع الولادة عندها زينة

حبيبتي Aloe Vera
الدكتورة وايد زينة انا ولدت عندها وفعلا مواعيدها خفيفة
اهم شي السهالات والسلامة : من الله :eh_s(17):

 

[درة التاج]

باجر عندي موعد سونار تفصيلي عند دكتورة مي في قسم الاشعة و السونار طلبته مني الدكتورة منى


في احدجرب السونار التفصيلي؟

هذا ثالث حمل واول مرة دكتورة تطلب سونار تفصيلي شنو معناته؟؟؟ اهي شاكه بشي؟؟
هم طالبة تحليل دم مال السكر اللي يشربوني عصير و يحللول

ثالث حمل و اول مرة اسوي هالاشياء

انا سويت السونار وفعلا الشاشة كبيييييييرة تفصل لك كل صغيرة وكبيرة بالبيبي وإذا في شي راح يقولون لك وان شاء الله خير
التحليل مال السكر واااااااااي سويته مرة ويادوب بس خلصت التحليل رحت طيران علا الحمام ارجع أحس جسمي ما تقبله
هو يبين لك بالضبط نسبة السكر بالدم

 

[CANDLES]

بنات الدكتوره نجلاء شلونها بالولاده يعني ماتوهق او تيي متاخر

 

[درة التاج]

بنات
غرفة الياسمين جم شخص تشيل ؟

غرفة ياسمين حلوة وكبيرة وتشيل لانها من الأجنحة الكبيرة
بس علا حسب الزحمة مرات ما تحصلينها لانها دائماً فل
وتختار ين يا تدفعين زيادة وتاخذين لوتس الأكبر أو تاخذين كاميليا الأصغر
دشي موقع رويال حياة وشوفي الغرف أو روحي للمستشفى نفسه وشوفي الغرف علا راحتك
موفقة ان شاء الله :eh_s(17):

 

[سيكولوجية]

يعطيج الف عافيه اخت درة

ان شاءالله وقتها احصلها يارب

 

[Aloe Vera]

الياسمين احلى غرفة كبيرة و بنفس الوقت ملمومة و الحلو فيها حمام للضيوف
انا بالولادة الاولى و الثانية بغيتها بس ماحصلتها عليها طلب و اضطريت اخذ اللي اكبر بس عطوني خصم
انا هالمرة ان شاء الله باخذ كاميليا و اذا الله سهل يمكن اخذ ياسمين و المهم السلامة

 

[Aloe Vera]

انا سويت السونار وفعلا الشاشة كبيييييييرة تفصل لك كل صغيرة وكبيرة بالبيبي وإذا في شي راح يقولون لك وان شاء الله خير
التحليل مال السكر واااااااااي سويته مرة ويادوب بس خلصت التحليل رحت طيران علا الحمام ارجع أحس جسمي ما تقبله
هو يبين لك بالضبط نسبة السكر بالدم

سويت السونار عجييييب و الحمدلله طمنتني الدكتورة اسمها سوسن و غرفة السونار حلوة و فيها حمام هههه

و صج طعم محلول مال فحص السكر طعمه خايس عبالي خربان قالولي لا اهوا طعمه جذي
المهم الحمدلله طلع التحليل سليم

 

[Aloe Vera]

حبيبتي aloe vera
الدكتورة وايد زينة انا ولدت عندها وفعلا مواعيدها خفيفة
اهم شي السهالات والسلامة : من الله :eh_s(17):

الحمدلله طمنتيني
شلون خياطها؟

انا طلبت منها ولادة بدون خياط الا اذا احتاج الامر بس احاتي الموضوع

 

[درة التاج]

هلا Aloe Vera
خياطتها وايد زينة وبعد الولادة بأسبوع أو عشرة أيام تروحين تراجعين عشان تتطمن عليه
انا قريت انك تبين ولادة من غير شق ولا خياط
والدكتورة منى قالت لي عن الأجنبية الي ولدت جذيه