تجمع مراجعات مستشفى رويال حياة

[ام سارونة]

بس الحفاضات لي الحين ما شريت<<<<<<<<<<< لي وللبيبي
اي نوع تنصحوني فيه ؟؟

اهليييييييين فروحة

متى موعد ولادتج؟؟

الحفاضات احسن شئ بامبرز او هجيز

والباجي تكرمون يسرب

وحدة قالت لي دارلينغ هم زين ..

 

[froha83]

11-2 ادش شهري

 

[um 3li]

بنات شكلكم نسيتوا مطارات الماي الحار والبارد ؟؟؟!!!!

اخذوا مميات وايد وكفاية لان كل ساعتين الياهل يشرب ومايمديكم عقب كل رضعه تغسلون خصوصا بليل !!!

حلمات الممية اخذوها ماركة بيجون والمقاس S

لا تنسون الحليب والبامبرز

اخذوا غلاية المميات او جدر للغلي حسب الرغبة

 

[um 3li]

ام ابرار مثل ما قلتلج من قبل وكل البنات قالولج اخذي الليلي وصالة الاستقبال انتي ليش مو مقتنعه ؟؟؟

 

[الهما]

ام علي جم بين كل رضعة حق البيبي انا وليدي اسم الله علييه ارضعه و بعدين اغيرة البامبرز و يبجي يبي رضعه اخااف اقثة و اخاف انه جووعان!!!!!!!!!!!!!1
والله محتارة

 

[جرح الليالي]

ام حمني الجمعية مثل ما قالو البنات لزوم الحفاظات والمميات والشامبو واللزي منووو


رحت السووق اليوم كلولولوللولوووووووش

خلصت حق الياهل بس احس اني ناسية اغراض

بس مادري شنووو

طباقي نفانيف صغار << اريح
كبابيس ومهادات وبجامات وفوط صغار وكبار

وخذيت لي بجامة << يبيلي روحة ثانية حقي بروحي

هذي انجازاتي اليوم

بس ظهري ذابحني من العوار

 

[جرح الليالي]

فرووحة بامبرز ما يمدحونه يقولون خق عن اول

انا انصحج بـ هجيز استخدمه حق بنتي تمام ماشي حاله

وليبروو بعد يقولون انه تووب

 

[um 3li]

الهما حبيبتي الرضيع وخصوصا بفترة النفاس كل ساعتين يشرب حليب واذا يظل يوعان زيديله الكمية يعني بدل رقمين زيديله الى 4 ارقام

وان شاء الله بالعافيه على قلبه يارب بس لا تقولين حق احد تدرين بعد الناس ما ترحم هالأيام !!!!!

 

[ام ابرار]

السلام بنات شلونكم شخباركم منو فقدنى مو مافقدنى
انا الحمدللة بخير امس كانت مراجعتى عند د خالدة وقالتى لازم اتولدنى على الاثنين لان ماى البيبى قليل ولازم اولد ادعولى اللة يسهل على ويوومنى انا والبيبى بسلام وطبعا انا شغااااااالة دارسين وخروع حييييييييل ومشتهيا اروح تشليييز ما ادري ليييش ابى تشيليييييييييييييز:eh_s(6)::eh_s(6)::eh_s(6):

 

[froha83]

الله يسهل عليج يا ام ابرار بس مو تنسينا بالدعاء

 

[أوبرا الكويتية]

الله يهون عليج حبوبه وتولدين بالسلامه وتاكلين كاكاو علي كيفج

 

[أوبرا الكويتية]

الله يسهل عليج حبوبه وتولدين بالسلامه

 

[جرح الليالي]

ام ابرار الله يسهل عليج حبيبتي ولا تنسينا بالدعااء

 

[al-3azeza]

هييييييييييييييييييييييييييييييييييييي ام برووووووووووووووووووووووووووره يالله سهاله انشاءالله الله يسهلها عليج واتشوفين النوني وترتاحين من زهايمر رويال حياه اللي يالنا من رفع الاسعار بس صج رخصوا مراجعاتهم

 

[ام ابرار]

تسلموووون حبيباتى ولكم مثل هذا الدعاء

و ام حمنى واللة ما اعتقد انهم رخصووا اسعارهم انا دخلت عليها اب 10 وسوتلى تخطيط حق البيبى اب 10 وسونار اب 30 وتحليل بول وانتو بكرامة اب 8 طلعلى كلة 58 ويييييييييييين رخصوووووا ياللة الحمدللة واللة يسهل انشاء اللة ا

 

[um 3li]

ام ابرار وييييييييييييييييييييه جنه غالي انا اسوي كل هالسوالف عند دكتورة معصومه ب 35 بس ؟؟؟!!!!!
شفيهم صايرين نار وشرار ؟؟؟ عيل الي يبي يسوي تلقيح صناعي عندهم بجم عيل ؟؟؟

اهم شي انج تولدين بالسلامه وان شاء الله ما تدشين المنتدى مرة ثانيه الا وانتي ام واحلى ام بالدنيا ..

ولاتنسين تدعين حق خواتج بالمنتدى وتدعين حق اختج ام علاوي تراها معلقة والله ( 37 يوم الله وكيلج )

 

[جرح الليالي]

انا خبري عند معصومة تحليل سكر وبول وسونار مع الكشف ب 35

بس هذول جنه بالعلالي

انا اجلت موعدي لي الاحد

 

[al-3azeza]

هممم يعني ما سوو شي انا ذيج المره مراجعه مع سونار طلعلي اب 45

 

[froha83]

upupup

 

[جرح الليالي]

قوة بنات


اشصار على ام ابرار؟؟


فروحة شلونج