تجمع مراجعات مستشفى رويال حياة

[ام سارونة]

ام ابرار
ايه و الله صاجه انا جربت التجهيز لو تطلعين كل يوم ماكو فايده
الله يعينج على الطلوق و يسهل عليج و يخليلج ابرار انشالله

ام سارونه
ترى السونار ما يضر انا ساءله دكتورتي القبليه خو لازم دكتورة تدرون الريل و عسارته

بنات بسألكم بيض الصعو اللي على اسامي منو فيكم بتسويه ؟ و شلون يتقدم انا شفت باستقبال بنت خالتي حاطينه بمزهريه طواليه شفافه و طالع شكله حلو بس مابي اقلد لانهم قراب حيل

ياهلا والله

يعني مايضر السونار بس اخاف من كثرته

انا بعد ارتاح للدكتورة اكثر من الريال

انتي باي شهر الحين؟؟؟؟

 

[جرح الليالي]

شلونكم يا حلوين

ام حمني ههههههههههههه لا مو لاهية بالكفر

بس الله يسلمج تلفون البيت خرف وتدرين من تدقين على المقسم والا هم على راسج

بس احنا نتدلل عليهم خخخخخخخخخخخخخخخخخخخخ

عقب اسبوع صلحووه

بس استفدت من هالسالفة اني تقريبا خلصت المجسم (باقي تشطيبات)

والكفر هم باقي لمساااتي عليه

والكاكاو ما راح ازينه كله

والتوزيعات ما بلشت فيها بعد بس سويت لي نموذج واذا رسيت عليه اسوي الباجي

لانه احس فه خلل ههههههههههههه

هذا برنامجي خلال الاسبوع الفائت << متعوب عليها ههههههههه

 

[جرح الليالي]

اي صج وبعدما شريت شي حق الياهل خخخخخخخخخخخخخ ولا جهزت جنطتي

جدامي ان الله سهل شهر ونص

 

[الشهدوالدموع]

بنات شخباركم...اخر خبر سمعته من بنت عمي كانت عند دكولرة خالدة ...وسمعت زهرة تكلم وحده من المراجعات وقالتلها دكتورة خالده احتمال تولد برة المستشفى...اذا مانزلو الأسعار لكن موو بالوقت الحالللي ...تبون الصج يالييييييييت لان اسعار المستشفى خياااااااااااااااالية

 

[al-3azeza]

لوووووووووووووووووووووووووووووووووووووووووووووووووووول ام ابرار الحال من بعضه يا وخيتي بعد عقب حال البورصه اليوم لوووووووووووووووووول شكله بالصباح هي هي بس انتي قريبه احتمال اذا صرختي اصرخ وياج لووووووووووووووووول


جرح الليالي يالله اللله يهونها عليج ويتمم عليج يارب

باجي البنات الله يسمعع منكم بس انا ودي اولد برويال حياه بالليلي سويت قناعه انا خلاص المهم انا بجرب العنايه اللي يمدحونها فخلج على الرخيص لول

 

[ام ابرار]

اللللة يستر يا ام حمنى

بس خل اقول لكم اخير شي وصلتلة انا بعد ما كسرت حساباتى 3 الاف مرة

يطلعلى ارخص اذا خذيت باكيج الولادة حق اليلى مع الدكتورة طبعا + ليلى ابكميليا يطلعلى تقريبا 1200
احسن من اذا خذيت باكيج الولادة حق الكاميليا مع الدكتورة يطلعى فوق ال1500
مو احسن عفية ساعدونى ام حمنى _ ام ربى _ برونز _ ام علاوي _ جرح الليالى
شسوي لانة بسوي استقبال بالمستشفى :0bee2e8d89:

 

[جرح الليالي]

الله يهون علينا كلنا ويفرحنا بكتاكيتنا بحزته ياارب

انا كنت مفكره برويال حياة عشان دكتورة خالدة

بس وحدة ما تمدح المستشفى تقول فندقي عالطل

فاحترت بعمري

اشوف موعدي على الاسبوع الياي والله يسهل

وصج انا سالت زهرة جنه الليلي صغيرة قلت لها ابيها لابجة لان ماابي اسوي استقبال ولا شي

مالي خلق يالله يالله بولد واطلع خخخخخخخخخخخخخخ

والسهاله من الله

انا بالاصل كان المفروض يولدوني بالصباح وقت خفارة الدكتورة وعندي موعد وياهم الاسبوع الياي

بشوف الدكتورة اللي بدل د.خالدة شتقول << كلهم صغار اخاف يجربون فيني ههههههههههههههه

وعلى الله


فرووحة وينها ما لها حس

 

[عروبه]

السلام عليكم
بنات انا ودى اولد عندهم وانا الحين اراجع عند الدكتوره خالده بس مشكلتى اييب بعمليه
شلووون ع السعر اذا ان شاء الله تولدنى الدكتوره وابى اخذ الجناح العادى ( مادرى شسمه )
جم تطلع ولادتى ؟؟؟؟؟؟؟يقول ريلى ان ال مستشفى مسويين خصومات للموظفين بوزارة الداخليه بس جم 10 او 15 %
عفيه حسبولى؟؟؟؟؟
ما ودى ينصدم اهوو قايل ما يقل عن الف وخمسميه واخاف اكثر وانا اتوقع ما تقل عن الف وسبعميه
بتقولون شحادج رووحى العام ؟؟؟ انا 4 ولايد بالصباح ما ارتحت ودكتورتى اهيا نفسها وودى اولد بالمستشفى اللى اراجع فيه والدكتوره اللى اعرفها
انتظر ردوودكم
والله يسهل على وعليكم يا رب

 

[froha83]

اللللة يستر يا ام حمنى

بس خل اقول لكم اخير شي وصلتلة انا بعد ما كسرت حساباتى 3 الاف مرة

يطلعلى ارخص اذا خذيت باكيج الولادة حق اليلى مع الدكتورة طبعا + ليلى ابكميليا يطلعلى تقريبا 1200
احسن من اذا خذيت باكيج الولادة حق الكاميليا مع الدكتورة يطلعى فوق ال1500
مو احسن عفية ساعدونى ام حمنى _ ام ربى _ برونز _ ام علاوي _ جرح الليالى
شسوي لانة بسوي استقبال بالمستشفى :0bee2e8d89:

شلون يعني ليلة بالليلى وليلة بالكاميليا ؟؟؟:eh_s(1):
عنده قاعة الجاردينيا حق الاستقبال وسعرها حلو روحي سالي احسن

 

[froha83]

جروحة
انا بخير الحمدلله كل يوم مطلعة كراعيني لي فوق شسوي
عالله انشالله تقلب

 

[al-3azeza]

شوفي حبيبتي الليلي اب 450 عدل والدكتوره على كلام البنات انا ماسالت يقولون 250 حسبيهم جم ؟؟
700 دينار حلو اوكي اذا خذيتي الكاميليا ليله ليلتها اب 300 دينار وماراح اتكفي كل اللي تبين تعزمينهم خصوصا انج بتحدينهم بيوم معين


رويال حياه عندهم غرفه والله نسيت اسمها اهيا صاله المناسبات بس مادري شنو اسمها هذي اتقولج ال 150 شخص اب 300 دينار هذي انا سالتهم من زمان عنها ويعطونج معاها 2 خدم يوزعون جاي وقهوه وبسكوت مالح وعصير اذا زياده الناس تزيدين السعر وعوده على كلام وحده كانت مسويه فيها تقول معازيمي 400 شخص، حشى عرس المهم هذي الغرفه فيها سرير يعني تقعدين بالسرير جنج بغرفه بس تصير عوده انتي طلبي اتشوفينها وشوفي يمكن تقدرين تاخذينها بدون خدماتها انتي اتيبين العصير وغيره يمكن تصير ارخص

بس من رايي اذا ميزانيتيج نفس حالتي تحسبينها مليون مره هي هي هي خلج على اليلي واذا شفتي ولادتج تساهيل والحمدالله سوي هالطريقه يا الكاميليا او الصاله

 

[جرح الليالي]

فروحة الحمدلله انج بخير يختي لا تغطين عنا

وانشالله تقلب هالعنونة مع ويهها من الحين معانده ههههههههههههههه

ها عسى كل شي تمام وخلصتي اغراضج

انا خلصت النص وباقي النص

يبيلي روحة سوق وجمعية

 

[al-3azeza]

هممممممممم ليش الجمعيه جرووووحه ؟؟ انا استغربت انتي ثاني وحده اتقولين ابي الجمعيه حق التجهيز

 

[froha83]

الحمدلله جروحة تقريبا خالصة بس استلامالكفر خلال هالاسبوعين

 

[al-3azeza]

فروحه اشلونج شخبارج الكفر وين سويتيه ؟؟؟

 

[ام سارونة]

الله يهون علينا كلنا ويفرحنا بكتاكيتنا بحزته ياارب

انا كنت مفكره برويال حياة عشان دكتورة خالدة

بس وحدة ما تمدح المستشفى تقول فندقي عالطل

فاحترت بعمري

اشوف موعدي على الاسبوع الياي والله يسهل

وصج انا سالت زهرة جنه الليلي صغيرة قلت لها ابيها لابجة لان ماابي اسوي استقبال ولا شي

مالي خلق يالله يالله بولد واطلع خخخخخخخخخخخخخخ

والسهاله من الله

انا بالاصل كان المفروض يولدوني بالصباح وقت خفارة الدكتورة وعندي موعد وياهم الاسبوع الياي

بشوف الدكتورة اللي بدل د.خالدة شتقول << كلهم صغار اخاف يجربون فيني ههههههههههههههه

وعلى الله


فرووحة وينها ما لها حس

نفس الشئ ودي اولد لو بالليلي عادي عندي
اهم شئ امي واخواتي يزوروني والباجي استقبلهم بالبيت اريح واحسن

امس رفيجتي خرعتني من رويال حياة
تقولي بنت حماها ولدت عندهم ونسوا فيها قطعة من المشيمة
وكان بطنها دايما يعورها ولمن راحت المانيا اكتشفوا هناك ان المشيمة موجودة
وقالوا لها زين لحقتي على عمرج ولا كان سوت لها مضاعفات خطيرة ..

قلت اول شئ بصلي استخارة وبعدين بروح لهم...الله يسهل عليج وعلينا ونولد بالسلامة .امين

 

[froha83]

عند وحده في البيت تفصل شغلها وايد حلو
عمة رفيجتي كانت المفروض تخيطلي لان شغلها راقي بس على حظي الخياطة الفلبينية اللي عندها امها مادري ابوها توفة وراحت ديرتها
ورحت حق هذي الكل يمدحها وانا شفت شغلها بعيني
انشالله يطلع مثل تصوري لان الموديل من عندي

 

[ام سارونة]

هممممممممم ليش الجمعيه جرووووحه ؟؟ انا استغربت انتي ثاني وحده اتقولين ابي الجمعيه حق التجهيز

حبيبتي قبل الولادة لازم اروح الجمعية

على اساس اشتري الشامبوهات واللوشنات حقي وحق البيبي

هم الحفاضات والقطن والمميات وفرشاة الممية واعواد الاذن

وبعد ناسية وايد اشياء تطري علي قبل الولادة ...

وما ادري عن باجي البنات خلي يذكرونا بعد شنو ياخذون من الجمعية ..

 

[froha83]

انا خذت من الجمعية
قطن اذون لي وللبيبي
مميات حجمين صغيرة عدد2 ووسط عدد2
راس الممية الطاط عدد4
شامبو للبيبي ولي
كريم بيبي جونسون ولوشن وفازلين للبيبي
شامبو ما قبل النوم<<<<<<<<<<< عشتاو مدلعين البيبي من الحين
كلينكس مرطب للبيبي
اسفنجة للجسم لسباحة البيبي
معجون وفرشاة لي
صابون بيبي جونسون للبيبي
صابون ايد وجسم لي
لوشن لي
مادري شنو بعد لان وديت الاغراض بيت امي
ذكرونا بنات شنو بعد نحتاج؟؟؟

 

[froha83]

بس الحفاضات لي الحين ما شريت<<<<<<<<<<< لي وللبيبي
اي نوع تنصحوني فيه ؟؟