تجمع مراجعات مستشفى رويال حياة

[um 3li]

أخت بلي ستيشن مشكورة على هالكلام الحلو ماقصرتي وفيج الخير انج اتصلتي واستفسرتي ومرده الحق يظهر والكلام الي قلتيه عين العقل وكلامج منطقي (( صح لسانج ))

كل انسان مشهور لالالالالالازم يحوشه طشار ومثل ماقلت من قبل وأردد وأقول دايما ان الكمال صفة لله سبحانه وتعالى والانسان بطبيعته يغلط لان الله كاتب هالشي ..

وشكرا

والله يقوم كل الحمّل بالسلامه ويرزق المحرومه بالذرية الصالحه ويرزق البنت بالزوج الصالح

 

[um 3li]

ام ابرار وينج اليوم مختفية عسى ما شر ؟؟؟ تهقون بنات انها ولدت ؟؟

جاري البحث عنها يابنات عن ام ابرار والي تلقاها لها مكافأة قيمة

 

[ام ربى]

واي بنات مليت
اليوم الصبح قمت فيني عوار بظهري و بطني و ريولي متكسره و حدي بردانه
المهم قلت انطر لين يزيد العوار
شربت دارسين جان العوار يختفي
يا ربي شسوي؟

 

[um 3li]

ام ربى حبيبتي الله يسعهل عليج يارب ولاتنسين تدعيلي

يمكن هذي تجاديم الولاده اييلج طلق وبعدين يروح ودام انه ما تكرر معناه انها تجاديم وان شاء الله ولادتج قريبه
وربي يسهل عليج وعلى الكل ... طمنينا

 

[froha83]

هاي بنات
شلونكم
انا باجر موعدي
وبعد اسبوع راح ادخل التاسع

 

[ام سارونة]

ام سارونه حبي : مشكورة حياتي بس انا موحامل ... دعواتج لي انتي والخوات اني احمل باذن الله تعالى
انا اراجع عندها علشان الحمال لاني من بعد ولدي الأول واااايد طولت وكان حمالي الاول والثاني طبيعي والحمدلله بس الثاني الله ماقسمله انه يتم وطرحت بعد شهر والحمدلله الف الحمدلله ...

والحين صاير عندي ضعف بالتبويض وتبي تسويلي دكتورة خالدة تلقيح صناعي والله يكتب الي فيه الخير لي وللجميع يارب .

ومن يومين انا كنت بالمهلب والتنزيلات خلصت بس منزلين كوليكشن يديد وااااايد حلو بيبي ديور وبربريز روحي وشوفي

ياهلا قلبي
الله يرزقج الذرية الصالحة
عليج بالدعاء في الثلث الاخير بالليل
والاستغفار وقت السحر

طبعا بعد بذل الاسباب...
وان شاءالله قريب نسمع خبر حمالج ياعمري...

 

[ام سارونة]

واي بنات مليت
اليوم الصبح قمت فيني عوار بظهري و بطني و ريولي متكسره و حدي بردانه
المهم قلت انطر لين يزيد العوار
شربت دارسين جان العوار يختفي
يا ربي شسوي؟

الله يسهل عليج ياعمري

كثري من الاكل الرطب

وماي زمزم بنية الولادة السهلة

بحمالي في بنتي جربت هالشئ وما شاءالله تسهلت ولادتي

 

[ام سارونة]

هاي بنات
شلونكم
انا باجر موعدي
وبعد اسبوع راح ادخل التاسع

اهليييييييييين

الله يهون عليج

وتولدين بالسلامة..

 

[bronz]

ايه و الله صاجه ام علي عين العقل كلامج
كل شخص لع تجربه تختلف من واحد للثاني

 

[الشهدوالدموع]

يعطيج العافية بلاي ستييييشن زين ماااسويتي,...وصح صراااحه انا بعد مرة كنت قاااعده مع زهرة وقالتلي انه دكتورة خالده مو راااضيه على الأسعاااااار ..

 

[froha83]

واي سكتوا بنات
اليوم مراجعتي والدكتورة قالتلي ان الياهل بعده ما قلب يعني الراس فوق فقالتلي احتمال قيصرية او طبيعي بس من المقعدة ادعولي الله يسهل علي
مسكينة قالتلي اقدر الفه بس اتخاف يصير انقباضات بالرحم واولد الحين فقالت لي انطر عشر ايام اذا ما لفت القرار راجعلي اما طبيعي او قيصرية

مو تنسوني بالدعاء

 

[al-3azeza]

يارب الله يهونها على فروحه يارب وتولد طبيعي بكل سهاله ويسر يارب

 

[um 3li]

فروحة الله يسهل عليج يااااااااااااارب وتولدين طبيعي طبيعي طبيعي قولي آميييييييييييين
بس ما تنسين تدعيلي وانت بالطلق بالذرية الصالحه

 

[um 3li]

ام سارونه : مشكورة حياتي ما قصرتي ولاتنسينا من دعائج وانا متفائلة ان ربي ماراح يرد دعائكم لي ودعائي ودعاء ريلي واهلي .. وان الله قاعد يختبر صبري وايماني والف الحمدلله

 

[زري وترتر]

اشلونكم بنات والله يسهل عليكم اجمعين ويرزكم بالذرية الصالحة
انا اراجع عند الدكتورة لي شهرين وحابة انها تولدي بس في الموضوع الثاني الي يذمها خرعني وخوفني مع اني ماشفت اي شي من إلي قالته الإخت ومعاملتها كانت ممتازة وإذا تاخرت عليج كانت تعتذر

 

[كيت كات]

فروحه حياتي عسى الله يسهل عليج
وتولدين طبيعي
ام على عسى الله يرزقج الذريه الصالحه عاجلا يارب العالمين
زري وترتر
انا اقولج اياها ولدتني برويال حياة مرتين يعني تجربتيييييين
والله ان وحدة افضل من الثانية رووووعه عسى الله يباركلها
ويسعدها جد جد كنت احس انها تولد وياي بعد قلبي
وترا انا كنت اطلب منها تولدني واهي قالتلي مرتين نطري موالحين
بس شقول هالمرة مبتلاه بحياتها وكله اختبارات من رب العباد

 

[جرح الليالي]

حبيبتي شوفي بقولج سالفة صديقتي وهي تراجع عند دكتورة ثانية

لما خلصت التاسع قالت لها دكتورتها انهم بولدونها وصديقتي بجر وخوافة حدها ما رضت

اشصار بعد اسبوع الياهل شرب من ماي البطن وراحت لهم وهم ولدوها بس اشعقبه؟

عقب ما تاذت عدل

يمكن الدكتورة شايفة شي بس ما قالت حق المريضة عادي

بس الدكتورة مو مني والطريج تبي تولد الوحدة

مرت اخوي تولد بالسلام

شتقولها دكتورتها ؟؟

مع ان ما صار موعد ولادتها بعد

تقولها انا بووولدج لاني بسااافر <<< يمعودة لو قلبج عالمريضة جان جابلتيها

تالي والله تقول بغت تطلع روحها من كثر ما تعبت

 

[الشهدوالدموع]

لاوالله انا سويت بس مو عندها قبل لاااعرف دكتورة خالده رحت عياده دكتورة فوزية القطان وسوتلي عندها دكتورة ريم الله يذكرها بالخير..بس سوي وتوكلي على الله وانسي انج سويتي علشان انشالله تتبشريييييييييييييييييين يارب نفس ماااصارلي سويت ونسيت واشتغلت ادعيه مع رب العالمين ..وترى على فكرة مو على اللي يسويلج هو اذا كان رزقج بيصير باذن الله والله يوفقج ويرزقج الذربه الصالحه

 

[جرح الليالي]

كت كات شلون علاوي ؟؟


ذيج المرة سالت عنه وزهرة بشرتني


تقول انه الحمد لله بخير

وعساج يا كت كات تشوفينه معرس


فرووحة حاولي تمشين عالبحر (عالرمل) ومع الادعية ان شالله يفتر الياهل وتولدين طبيعي

في يهال راسهم يابس حزة الولادة يفترون <<< من الصغر عنااد

وهونيها يا بعد قلبي وربج يسهل

 

[ورق عنب]

السلام عليكم ...... الدكتوره بالصباح ورويال حياه ... زين متى اوقاتها برويال حياة .؟؟؟؟

ومتأكدين زينه وشاطره؟؟؟؟

وشكبرها تقريبا ؟؟؟

وتصدقون رويال حياه نزل اسعاره !!!!! استغربت لما قالتلي الموظفه بالتلفون انه لمراجعه بعشره !!!!! صارو ارخص من الباجي بس مادري عن سعر الولاده بجم ؟؟؟؟؟؟؟؟ احد يعرف ؟؟


وشلون تعامل السسترات ؟؟؟؟