تجمع مدرسه كيمبرج الانجليزيه ( المنقف ) 2011/2012

[seppecha]

ابي اعرف اغنية الكي جي 1 شنو لان بنتي صار لها أسبوعين ما داومت حايشتها حراره ونزله معويه توها اليوم بدت أتحسن وأبي احفظها الا غنيه

سالي مدرسة الصف عن السونغ مالتها لانه كل صف غير و يعطونك ورقه بكلمات السونغ و اهم مبلشين يحفظون اليهال صارلهم مده اكثر من شهر

 

[كوكو لاتي]

هاااي بنات

اي يوم حفله يير ون

 

[hajer81]

الحفله يوم ٢٤

 

[pink Engineerah]

upppppppppppppp

 

[الشيرازية]

السلام عليكم من زمان مادخلت التجمع خبري فيه اول السنة وصارت عندي ظروف المهم يابنات انا ولدي بريسبشن جرين عند مس هيزل انا كنت متخوفه منها اول السنة لما وديته اول يوم بس ولدي الحمدلله يعرف جم كلمة بالنجليزي ويعرف يقرا بعض الكلمات لكنه سئ في التلوين والرسم والكتابه المهم انا من دخلته عمري مارفعت السماعه عليهم ولاعرف نظامهم ولا اجازاتهم ولا ادري اذا اصلا لهم شهايد او درجات اهمال مني واعتمادا عليهم بس كنت مستانسة من ولدي انه لاقط جم كلمة ويعرف الاحرف والارقام والاشكال المهم راح زوجي من اسبوع او اكثر يسجله حق السنة الجاية اولي ابتدائي ودفع 200 المهم بعد جم يوم قالو تعالو وقفنا تسجيل ولدكم ولما راح سلموه قرار مطبوع انه رافضين تسجيله لانه دون المستوي الحين سؤالي منو مرت بنفس موقفي وشلون تصرفت انا مابي لولدي شي اقل مستوي بس ماني عارفه وين اوديه المستقبل متخوفه منها والرساله يمدحونها بس ماعرف عنها اي شي.

 

[الشيرازية]

ياجماعة الخير وينكم محد رد علي

 

[hajer81]

السلام عليكم من زمان مادخلت التجمع خبري فيه اول السنة وصارت عندي ظروف المهم يابنات انا ولدي بريسبشن جرين عند مس هيزل انا كنت متخوفه منها اول السنة لما وديته اول يوم بس ولدي الحمدلله يعرف جم كلمة بالنجليزي ويعرف يقرا بعض الكلمات لكنه سئ في التلوين والرسم والكتابه المهم انا من دخلته عمري مارفعت السماعه عليهم ولاعرف نظامهم ولا اجازاتهم ولا ادري اذا اصلا لهم شهايد او درجات اهمال مني واعتمادا عليهم بس كنت مستانسة من ولدي انه لاقط جم كلمة ويعرف الاحرف والارقام والاشكال المهم راح زوجي من اسبوع او اكثر يسجله حق السنة الجاية اولي ابتدائي ودفع 200 المهم بعد جم يوم قالو تعالو وقفنا تسجيل ولدكم ولما راح سلموه قرار مطبوع انه رافضين تسجيله لانه دون المستوي الحين سؤالي منو مرت بنفس موقفي وشلون تصرفت انا مابي لولدي شي اقل مستوي بس ماني عارفه وين اوديه المستقبل متخوفه منها والرساله يمدحونها بس ماعرف عنها اي شي.

هلا اختي الشيرازيه
سالفتج غريبه!!!!!
ليش دون المستوى وشلون حكموا عليه !!!!
طفل بالروضه ومتأسسس عندهم شلون يقولون دون المستوى
ماعليج منهم الظاهر زحمه عليهم وتأخرتي بتسجيله
يمكن خيره وديه الرساله حلوووه حيل بس غاليه وعندج المستقبل والله اعرف ناس يمدحونها

 

[الشيرازية]

هلا فيج هاجر اهو بصراحه مو متاسس عندهم اولي روضه كان بالحكومة ولما جبته عندهم قالو يصير ثانيه روضه يعني هذي السنه الاولي عندهم وماعجبهم انا ولدي حيل حرج ويقولون ماعنده تركيز بسبة انهhyperactive وانا وديته فعلا وسويتله اختبارات قالو الولد تركيزه كله باللعب ولازم ياخذ دورات تركيز

 

[*sweetgirl*]

انا بنتي عند مس هيزل ريسبشن جرين مشاء الله وايد حبوبه مع اليهال وعلمتها شلون تمسك القلم لان بنتي مسكتها عويه لوول وتعرف تقرا قصه حقي وا

واستغربت من لهجه المدرسه وايد صعبه ويالله نفهم ريلي بلبل انجليزي يقول مادري شلون تتكلم لوول بس اليهال تعلمو عليها

وانا مثلج عمري مارفعت سماعه عليهم واروح اذا كان في مشكله مع باصهم واذا كان عندي استفسار اكتب للمدرسه بورقه واهي ترد علي

والتسجيل قالو لي حدج لي نص شهر خمسه يمكن تأخر عن التسجيل

 

[الشيرازية]

والله ماعتقد مسالة انه تاخرنا الظاهر مو عاجبهم ولدي اهو hyperactive بس اسم الله عليه حيل طخ وصار ادمي بس شكلهم مايبون يتعبون معاه وفعلا مس هيزل لكنتها صعبه وهذا اللي خوفني منها اول السنة حتي انا اول مشاركاتي اول السنة علقت علي هالموضوع بس فيه بنات ردو وقالو انها تهبل وعادي وانا ولدي الحمدلله يعرف شوي انجليزي بس يقرا قصه ما اعتقد بعدين شنو القصه اللي تقراها بنتج قصدج اي قصه تعطينها تقرا ولا قصة معينه من عندهم

 

[hajer81]

انا ولدي بقريد ون
يقرأ انجليزي بس مووو بطلاقه يعني يتهجى الاحرف

 

[الشيرازية]

بنات خلصت الدراسة بالنسبة للروضه ولا بيرجعون يداومون

 

[*sweetgirl*]

والله ماعتقد مسالة انه تاخرنا الظاهر مو عاجبهم ولدي اهو hyperactive بس اسم الله عليه حيل طخ وصار ادمي بس شكلهم مايبون يتعبون معاه وفعلا مس هيزل لكنتها صعبه وهذا اللي خوفني منها اول السنة حتي انا اول مشاركاتي اول السنة علقت علي هالموضوع بس فيه بنات ردو وقالو انها تهبل وعادي وانا ولدي الحمدلله يعرف شوي انجليزي بس يقرا قصه ما اعتقد بعدين شنو القصه اللي تقراها بنتج قصدج اي قصه تعطينها تقرا ولا قصة معينه من عندهم

اي تهبل مس هيزل واليهال عادي يتعلمون على الي يدرسهم

بالنسبه للقصه والله انا شاريتها من لولو هايبر وياتني قالت اعرف اقراها والكلمه الي صعبه عليها تهجأها او اني اصححها لها

عندهم قصص وايد حلوه ومبسطه لليهال

 

[كويتيه عالي سماها]

مرحبا امهات
الله يوفق عيالي وعيالكم
بغيت استفسر عن التسجيل وقف او بعد ومتي يبدأ لو وقف !؟
وولدي بالباكستانيه اللي بالسالميه بالصف الثالث يقرأ انجلش ويكتب مستواه زين
هل تعتقدون يقبلونه او لأ !؟
وچم رسومهم
والف شكر ع اللي ترد علي

 

[كوكو لاتي]

الرسوم حق ثانيه ١٧٥٠ تقريبا وكل سنه زياده ١٠٠ وشوي

 

[كويتيه عالي سماها]

مشكوره كوكو لاتي

اذا كان عندج وقت يا ريت تقولين لي شلون مستوي الطلبه بثالثه
عندهم طلاقه بالانجلش !؟ ودراستهم مكثفه مثل الباكستانيه او أخف !؟
لان الباكستانيه زينه بس عيبها كل يوم واجبات واسبوعيا كويزات

والف شكر

 

[*sweetgirl*]

بنات متى نستلم التقارير نروح لهم ولا مع السنه اليايه ولا شنو؟

 

[كويتيه عالي سماها]

مرحبا امهات
اليوم راح ولدي لاختبار القبول بكيمبردج المنقف
وعطوه مذكره شكبرها امتحان
والحمدلله دقوا علينا الظهر وبشروني بقبوله تبارك الرحمن
والله يوفقه يا رب
ولدي بيير ٣ اللي تعرف نظام هالمرحله تعطيني نبذه والله يجزاها خير

 

[*sweetgirl*]

اب اب

بنات استلمتو التقارير ؟؟

ابي اعرف مستوا عياللي للفصل الثاني

 

[شموووخ بدويه]

حبيبتي ولدج من الباكستنيه راح ينقبل وانتي مغمضه لانها اقوى من كمبردج،، انا مجربه الثنتين صحيح الباكستانيه ضغط بس دراسه،، كمبردج مستواهم عادي واغلب المدرسات مو شديدات ع الطلبه ...

راح يعطونه هوك وورك يومي وعندهم امتحانات نص السنه ونهايه السنه بس مو صعبه حيل
بس انشالله يطيح بمدرسه زينه هووحظه فيه مدرسات بثالث مووو زود