تجمع للي تربي عيالها بروحها single mothers

[الكيكة الأمورة]

الله يبارك فيج خوووش ترقية منوووولة
وجان زين يتثبت الموضوع

air bag
عفية شلون تطلعيييين حرتج لووووووووووووول ؟؟؟؟؟؟؟؟؟؟؟؟؟

 

[تـــرحـــال]

السلااااااااااااام عليكم بناااات

شلونكم بعد الغيبه

وانتي وعنوبي بخير حبيبتي

العيال كبرت سبحان الله شلون الايام تركض

احس جنه امس كنا نتحلطم ونبي نولد بسرعه والحين عيالنا سنه الله يخليهم لنا

 

[تـــرحـــال]

زين لكم الكيكه الاموره ومنوووول

انا الحمدلله ما احف من عمري بس تشقير وقاعده اخفف الاغاني

الله يتوب علي ان شاء الله واقطعها كلش

بنااااات عفيه حاولو ما تتضايقون ترى كل هذا بينعكس على عيالكم

اعتبرو اللي صار صفحه وانطوت

واعرفو شي لو ان هذا ما فيه خير لكم ربي ما خلاه يصير

انتو خلو ايمانكم بالله قوي وتقربو منه وربكم ما يرد احد

انا الحمدلله من طلبت الطلاق وانا قاطه كل اللي صارلي ورا ظهري

وجنه ماصار الحين عايشه لنفسي ولبنتي ولاهلي الله يخليهم لي

وهذا كله ما قدرت اسويه لو ما تقربت من ربي قومو لصلاه الفجر واقرا بعدها قران وشوفو شلون ترتاحون

والله نصيحه من مجرب راااااحه غير طبيعيه جربوووها وادعولي

 

[unapproachable]

صاجه ترحال اهم شي الصلاه .. والله يعيني واصلي الفجر بوقتها استغفرالله وايد اصليها قضاء ...

الجو عجيب بس يارب يطق مطر ملينا من الامراض ... صارلي قرن كحه انا وولدي ونشله ولدي مو راضيه تروح

 

[unapproachable]

بيبي ماستر وطيفوف .. عسى ماشر ماتبينون؟؟

 

[jawaa]

امبي قريييت الموضوع جنكم قاطيييين علي ماي بارد لان جد محتاجه اسولف عن هالموضوع بعيد عن اللي حوالي لان اللي ايده بالماي مو مثل اللي ايده بالنار انا اليوم دشيت شهري وناطره اولد و برفع علي النذل اللي عندي قضيه طلاق ونفقه وقاعده احاتي التربيه لان راح اكون بروحي وحتمال اقعد بشقه بروحي ونفسيتي وايد تعبانه مابي الموضوع يطول بفتك منه حسبي الله عليه

 

[تـــرحـــال]

اي والله منووول صاجه ياااارب يطق مطر يطيح هالفايروسات اللي بالجو

jawaa

حياج الله معانا بين خواتج

والله يهون عليج وتولدين بالسلامه

وان شاء الله امورج تصير مثل انتي تبين

بس حبوبه نصيحه اقعدي مع اهلج ترى مهما صار اهم عزوه لج

واذا ما فيها ازعاج يا ليت تقولين لنا قصتج

 

[jawaa]

ترحال عند امي مافي مكان حقي وحق ولدي لان امي قاعده بشقه مع اخوي واختي لوكنت بروحي جان رديت بس عندي ولد الحين لازم غرفتين لنا وحق الخدامه

 

[jawaa]

اما قصتي فلم هندي من سنه ٢٠٠٠ تعرفت علي ريلي وحاولنا نملج بس ماصار نصيب وفلينا كان انسان بمعني الكلمه كان يحترمني ويفهمني قلت عمري كله ماراح القي نفسه بعد مافلينا اكتشفت ان رفيحتي لفت عليه وتزوجته وبعدها كلن شاف حياته ؛ مرت السنين وتصادفت مع ريلي السنه اللي طافت شهر ٩ وتكلمنا وعرفت انه انفصل وعنده ولد وبنت واليهال عنده لان المدام ماتبيهم بعد ماخدت اللي تبيه اللي اهي الجنسيه لانها بدون

 

[jawaa]

اما قصتي فلم هندي من سنه 2000 تعرفت علي ريلي وحاولنا نملج بس ماصار نصيب وفلينا كان انسان بمعني الكلمه كان يحترمني ويفهمني قلت عمري كله ماراح القي نفسه بعد مافلينا اكتشفت ان رفيحتي لفت عليه وتزوجته وبعدها كلن شاف حياته ؛ مرت السنين وتصادفت مع ريلي السنه اللي طافت شهر 9 وتكلمنا وعرفت انه انفصل وعنده ولد وبنت واليهال عنده لان المدام ماتبيهم بعد ماخدت اللي تبيه اللي اهي الجنسيه لانها بدون

 

[jawaa]

المهم ردينا بعلاقتنا وكان يذم بمرته ومافي عيب ماحطه فيها ويقولي انا شايل عيالي وبالي طويل وسوالي انه اهو المسكين اللي مافي منه ؛طل بعينه وانا عبالي صج الشخص الزين ماتغيره الايام ؛ المهم شهر ١٢ اللي طاف ملجنا وتفقنا ان عياله يسكنون عندي وانا اتكفل فيهم ؛ المهم سكنا بالشقه لاحفله ولا قالها الله ماكان شي مهم عندي سكنا شهر وبعدين ياب اليهال وانا قتله احنا نوديهم ونييبهم مابي باص المدرسه وتخيلي من عشرتي معاه انا اللي مجابله اليهال والاخ بالسنه حسنه يقعد معانا حتي عالغدا وانا ادرسهم وطبعن مايصير اطلع واخليهم مع الخدامه بس ويك اند لان يروحوون زواره حق امهم وبعد جم اسبوع لقيت الولد انقلب حاله علي مايسمع كلامي ولا يحتزمني اثاري الام العزيزه مشيشته علي وماقمت اعرف اتصرف معاه

 

[تـــرحـــال]

واااااااي الله يعينج

مبين عليه نذل من اول ما خلاج وخذا رفيجتج بس ما نقول الا هاذي كتبه ربج

طيب كملي حبوبه شصار بعدين

 

[الكيكة الأمورة]

jawaa
لا حول ولاقوة الا بالله شنو ماخذج مربية لعياله واهو يتفرغ لنفسه وونااااسته

 

[الكيكة الأمورة]

بنااااات ردت لي الحاااااله صرت انام واقوم وافكر واول ما اقعد من النوم الاقي نفسي اتحجى واتحجى

استغفر الله

وانام وكله احلام وخرابيط

مادري شسوي استغفرالله

 

[jawaa]

سوري بنات راح اكمل قصتي بالليل لان النت عندي بطي المغرب بمشي عالبحر وبعدها بقعد بكافي واكملكم انشالله

 

[BABY MASTER]

مرحباااا

شخباركم اسمحولي ع القطاعه انشغلت شوي

و شخباركم؟؟

حياكم الله الامهات العازبات اليديدات

 

[تـــرحـــال]

هااااي baby master

وينج انتي ؟ شخبارج وشخبار البيبي

 

[اثمان]

رد : تجمع للي تربي عيالها بروحها single mothers

السلام عليكم


بنات دشوا موضوعى وساعدونى

http://www.q8yat.net/showthread.php?t=768481

 

[الكيكة الأمورة]

baby master اهليييييييييييييين
طيفوف وينج؟؟
ام عنوبي ؟؟
جنون اندرو؟؟
اير باق ؟؟
وين باجي البنااات
والا بررررررررررررد منخشيييييييييييين

 

[unapproachable]

Jawaa الله يعينج والله مايبلي الا اللي يحبهم، وياختج اخذيها قاعده الردي ردي لو مهما تسوين ومن البدايه واضح انه مامنه فايده*