تجمع للي تربي عيالها بروحها single mothers

[ماعرفتك زين!!]

رد : تجمع للي تربي عيالها بروحها single mothers

هلا بنات شخباركم
لاتضيقون خلقكم على ناس ماتستاهل واكتفو بقول >>حسبنا الله ونعم الوكيل والله بينصرنا لو بعد عمر
وعسى هالسنه سنة خير وسعاده علينا يااارب

 

[jawaa]

كل عام وانتوووو بخيييييير والله يسهل علينا وياخذ حقنا من كل ظالم وكل حامل تولد بالسلااامه ويرزقها بعوضها انشالله ويريح قلوبنا امييييييييييييييييييييين

 

[unapproachable]

أنا ان شاءالله هالسنه غير وبديتها بنطره ثانيه للدنيا وسويت عملية ليزك وأخيرا كنت وايد خايفه منها بس اخر فتره تعبت من العدسات وقامت تطلع لي اجياس دهنيه منها ولكن الحمدلله سويتها وراح افتك منها بإذن الله

 

[unapproachable]

إلى♥الغالين♥في حياتي♥
لمن كانت لي معهم ذكريات جميلة أسعد بوجودكم
وأتمنى أن يرتبط اسمي
بإبتسامة وذكرى طيبة بقلوبكم
أطال الله أعماركم بطاعته
وملأها حبآ وسعادة كما إمتلأ قلبي بحبكم
§كل عام وانتم بخير§

 

[unapproachable]

إلى♥الغالين♥في حياتي♥
لمن كانت لي معهم ذكريات جميلة أسعد بوجودكم
وأتمنى أن يرتبط اسمي
بإبتسامة وذكرى طيبة بقلوبكم
أطال الله أعماركم بطاعته
وملأها حبآ وسعادة كما إمتلأ قلبي بحبكم
§كل عام وانتم بخير§

 

[نكهةالبرتقال]

أنا مو معاكم


بس حبيت أشد على ايدكم


الله معاكم


و ان شاالله تشوفون عيالكم أحسن ناس بالدين و الدنيا

 

[تـــرحـــال]

جنون اندرو

الله يهداج شفيج وين الكلام اللي قلنا لج

قطي ورا ظهرج ولا يهمج عساه ياخذ بدال الوحده اربع يطلعون له قروون:23_asmilies-com:

انا طليقي عرسه بعد جم يوم وحدي ابيه يجي بسرعه وافتك منه يلهى بحياته وبزوجته ويصد عني انا وبنتي

يعل كل اللي سواااه فيني هو وخواته يشوفونه وتوريهم الويل عاد سمعت ان لسانها سليط

سبحان الله الطيور على اشكالها تقع:s142:

عاد بنفس اليوم انا معزومه على عرس صراحه ما كان لي خلق اروح

بس سمعت اشاعه ان الكل متوقع اتخفى وغاحضر عرسه من زينه عاد عبالهم متولعه فيه :krkrkr:

فقررت احضر العرس عشان يشوفوني ويثبت اني ما حضرت عرسه قطيعه ناااس فاضيه ودهم يحجووون:lkmnkl:

 

[تـــرحـــال]

أنا ان شاءالله هالسنه غير وبديتها بنطره ثانيه للدنيا وسويت عملية ليزك وأخيرا كنت وايد خايفه منها بس اخر فتره تعبت من العدسات وقامت تطلع لي اجياس دهنيه منها ولكن الحمدلله سويتها وراح افتك منها بإذن الله

حمدلله ع السلامه منووول

زين تسوين انا احب التفاؤل واحب اشوف الدنيا بنظره حلوه عفاااارم عليج

بسالج عن الليزك

عند منو سويتي الليزك امي ناويه تسويها ؟ وشلونج بعد العمليه شنو طلبو منج تسوين بعدها

 

[lovely jojo]

جنون اندرو .. عسى الله يريح قلبج ويكتبلج اللي فيه الخير ياارب ...

 

[الكيكة الأمورة]

جنوناااا اللي تحسين فيه طبيعي
انا مثلج خاطري يرد لي واتخيل ان اللي صار لي حللللم وبقوم منه
للحين مو مصدقة ان خلالالالالالالالالالالالالاص افترقنا
بس كل ما يحوشج هالاحساس
قولي اهو كمل حياته ولا فكر فيني ولا بعيالنا ليش استنزف طاقتي واحر عمري ويحوشني ضغط
تدرين من عدل ربي ان هذي مو حياتنا هذي وقت بنعييييش فيه نجمع رصيد لآخرتنا للجنة
سمعت مقطع لشيخ عن الجنة واااي احس خلاص ابي اغمض عيوني وافتحها الاقي نفسي بالجنة

 

[unapproachable]

حبيبتي واختي جنون اندور انتي صاحيه ومافيج الا العافيه لا تحاتين ابدا... كلنا مرينا باللي تمرين فيه وقولي كل اللي بخاطرج ولا يردج الا كيبوردج

طبعا تبينه يرجعلج لانج انسانه طبيعيه ومره شريفه تبي ريل وتبي بيت وعيال وعيشه طبيعيه نفس باجي الاوادم .. لكن انتي الله بلاج بانسان مو كفو يصير زوج لج وانتي تستاهلين احسن منه وخلي هالحلوه المحترمه على قولتهم تشف ويها شق .. باجر تشوف موظف احسن منه بالدوام وتتزوج واطلق طليقج اللي مايسوى ظفر من اظافرج

عيشي حياتج ووماراح اقولج انسيه لان ماراح تنسينه الا اذا دعيتي ربج ان الله يريح بالج ويمسح كل ذكرياتكم

 

[unapproachable]

ترحال سويت الليزك عند مركز عنايه الالماني ... وكانت عمليه بسيطه بس فيها الم شوي .. ولازم فحص للقرنيه والشبكيه عشان يحدد اذا تصلحلج او لا .. وبعد العمليه لازم ماتحطين كحل لمده اسبوع ولازم الماي مايدش بعيونج لمده 3 ايام ومضاد حيوي ومسكن لمده 5 ايام ونوعين من القطرات لمده 21 يوم ..

 

[unapproachable]

ترحال وجنون اندور .. حتى انا طليقي ملج وعرسه قريب .. وجنه ماكو موضوع بالدنيا اذا رحت زواره الا عن طليقي .. يعني اوكي تزوج الريال شسويله شتبون اقعد ابجي مثلا .. الناس يدورون الحجي

واخر شي وحده ساله امي بنتج ماخطبها احد .. لا ماخطبني احد شتبين يعني لازم اذا اهو تزوج يعني انا اتزوج

المشكله والمصيبه الكبرى ان من يشوف ويها وماضيه ماياخذه لكن مجتمعنا ظالم والحريم للاسف اغبيا .. ماتبي تزوج ولدها مطلقه يعني عشان رجل جامعها بالحلال وانفصلت عنه صارت شي مكروه بالمجتمع .. والريال يزني ويلعب وعادي يقدر يتزوج ومحد بيحاسبه

حسبي الله ونعم الوكيل بالناس .. الحمدلله صاينه نفسي وان شاءالله محد ياخذني الا اللي يستاهلني

 

[تـــرحـــال]

حبيبتي جنوونه

الله يصبرج وهاذي ان شاء الله فتره وتعدي

لازم بعد العشره تمين تذكرين كل اللي بينكم وتتمنين رجعته مهما سوا فيج خصوصا اذا بينكم عيال

هذا لانج اصيله بس النذل ما يستاهلج لو فيه الخير جان ما نسى عياله هذا اكبر شي يخليج تقطينه ورا ظهرج

والانسان نساي بطبعه مصيرج تنسين بس حاولي مره وثنتين وثلاث اذا مو عشانج عشان عيالج

لا تخلينهم يخسون ابوهم ويخسرونج هذا كله باثر عليج وعلى نفسيتج

حطي في بالج شي واحد هو نجس وحثير وخذا بنت ابليس اللي تلوق عليه وانتي اكبر اشرف منهم

اشغلي بالج بشي ثاني اشغلي نفسج طول اليوم عشان لا جا الليل تنامين على طول مو غير تفكير ولا تقعدين بروحج

 

[تـــرحـــال]

الحمدلله ع السلامه منوووول

امي سويت تحاليلها وخلصت والحمدلله تقدر تسويها بس محتاره وين تسويها بقولها عن مركز عنايه

صاااجه منووول

جنه زواجهم حدث كبير وعوووووو شدعوى هاز فيني شعره

قبل كنت اسكت بس الحين والله اللي ينغز علي اردها بوجهه الناس صايرين ملاقيف صراحه فيهم فضووول مو طبيعي

والسؤال اللي ينرفزني ليش تطلقتي واااااااااااااي شكو اقول ماكو نصيب

جان صبرتي عشان بنتج اقول شلون يعني اقط نفسي بالتهلكه عشان بنتي بعدين اذا انا شايفه الويل والمر شلون بتكون بنتي اكيد نفسي

لان هذا كله ينعكس عليها بعدين اذا البيت اللي كنا فيه وصخ والناس اللي فيه ما يعرفون ربهم ولا يخافونه شلون بربي بنتي بهالوضع

ولا قااالو تزوج اقول الله يهنيه بعيد عني وعن بنتي

مادري ليش في بالهم ان الموضوع ماثر فينا لو متاثرين ما طلبنا الطلاق وعشنا من بعدها

في كلمه اول ما تطلقت قالتها لي امي حيل اثرت فيني

قالتلي انتي 20 سنه عشتي من غيره ماراح تقدرين تكملين عمرج من غيره :nocommint:

ويوم قلت لها كلااام الناس

قالت اما زواج يسر الصديق والا طلاق يكيد العدا:dddds:

فديتها كله ترفع معنوياتي

 

[الكيكة الأمورة]

ترحال الله يخليلج امج بصراحة كلامها يهبل

 

[الكيكة الأمورة]

unapproachable

الف الحمدلله على السلامة وياربي تشوفين هالسنة كلها بامبي بامبي

 

[BABY MASTER]

الحمدلله ع السلامه منووووووله

جنون اندرو بتنسينه ان شاءالله و بالطقاق اللي يطقه اللي باعج بيعيه

والنصيب و الرزق ع الله خو مو بايد الناس الرزق

الرزق بإيد اللي خلقهم و خلق الرزق سبحانه

ادعي و تحسبي عليه وباذن الله بتشوفين حوبتج فيه بهالدنيا و باذن الله يبعث لنا الله سبحاانه

ازواج صالحين البنت الشريفه العفيفه ماتخاف الا من ربها سبحانه

///////////

و دام عاد طرت علي هالسالفه خل اقولها لكم مع ناس شخصيا اعرفهم والله الشاهد,,

القصة يا الحلوات عن مرة اتزوجت ريال ويابت منه بنات وصبيان بعدين تزوج عليها و هجرها وماقام يعطيها

حقوقها الشرعيه عاد هالمره رفعت عليه قضية و طالبت بطلاقها وبتعويض لانه هاجرها سنين وسبحان الله كانت مشاكل وقضايا

المهم المره هذي دعت دعوها سبحان الله تحققت,,,

دعت انها قالت عساك تشوف التعب و الهم من هالمره وعيالها(تقصد جارتها) والمظلوم سبحان الله دعوته مستجابه باذن الله

وسبحان الله الريال الحين انا اعرفه شخصيا شايب عمره بالسبعينات عياله مافيهم بركه ولده الكبير من زوجته الثانيه تزوج وطلع

من البيت بدون سبب و جرح ابوه الشايب و بناته استغفر الله كانوا اي شي والكل يعرفهم الله لا يبلانا

والى هاليوم ما شاف الراحه لا من زوجته الثانيه ولا من عياله الى الان يودي وييب اتخيلوا!!

شايب عمره سبعين سنه و اكثر بعد للحين هو اللي يوديهم للسوق والعروس عياله الشباب مافيهم بركه!

الله ع الظالم

 

[Air Bag]

رد : تجمع للي تربي عيالها بروحها single mothers

كل عام وأنتو بخير حبيباتي:hearting:
وإن شاء الله سنة خير علينا و على عيالنا
منوووووولة قوس قزح حمدالله على سلامتج وسلامة عيونج والفال لي أفتك من العدسات
الكيكة الأمورة حبيبتي ..الجنة إلي تتمنينها ربي ينولج إياها ويعوضج فيها و يرزقج خير الدنيا والأخرة
ترحال.. الله يخليلج الوالدة إلي كلامها عسل
جنون اندرو... قلبي أنتي ذكري الله.. ترا أنا نفسج بلضبط وياما احترق قلبي بنااار وكنت اسمع سوالف عنه وعن مرته واموووووت قهر بس ربي ما قصر وذله لي و شفت حوبة عيالي فيه بوايد أشياء لا و أزيدج من الشعر بيت كان في وحدة تموتني قهر بأخباره و تدق علي تتعمد تنقلي أخبار سبحان الله وله يصيرلها نفس إلي صارلي وتطخ وتقوم ماتدق علي هههههههه خلي إيمانج بربج قوي ولا تستسلمين للحزن والكآبة والطلاق مو نهاية الدنيا
هذا إلي ربج مقدره لنا إحنا بنات أصل وكان ودنا نستقر تحت ظل ريال يدارينا بس للأسف تزوجنا رياييل بلأسم وأفعالهم أخس من الخسة نفسها
بيبي ماستر ربي يسهل عليج ولادتج و يفرح قلبج بضناج ويعوضج يارب

 

[Air Bag]

رد : تجمع للي تربي عيالها بروحها single mothers

بنات ... أمس كنا رايحين استراحة مأجرينها
واي لو أقولكم شكثر استانسنا وغيرنا جو وضحكنا
صارلنا مدة ما تجمعنا وأمس ما شاء الله كل خواتي وأزواجهم وعيالهم وخواني كنا متجمعين صج صج وناسة والمكان كان رووووووعة ,الله يجزاها خير العضوة موناليزا أجرت اللإستراحة منها, كانت عارضة صور الإستراحة وعجبتني واتفقنا آنا وخواتي نأجرها ,طبعااا لمن رحنا ماشاءالله تبارك الرحمن فوووق الوصف والأخت الله يعطيها العافية ذوق وأخلاق وكلامها عسل واستراحتها تينن نفسها ..
صج اليمعة والأهل و اللمة تييب العافية وتخلي المهموم ينسى همه
طلعو استانسوا بنات و لهوا عمركم و قطوا الهم وراكم,ماكو شيء يسوا الكدر:sfg: