تجمع للي تربي عيالها بروحها single mothers

[unapproachable]

طليقي تزوج...

 

[unapproachable]

رد: رد : تجمع للي تربي عيالها بروحها single mothers

مراااااااااااحب
شلونكم حبوبات unapproachable طيفوف بيبي ماستر ترحال
وحياج الله أختنا الأرملة الله يرحم زوجج
ويجزاج خير ويعينج على تربية عيالج ويصلحهم يارب
سبحان الله الطيب يروح والشراني عمره طويل
اعذروني حبايبي
انقطعت عنكم أختي ولدت وجابت ولد
وتدرون نفاس ومافي خدامة يعني
راسج ماتحكينه
لا وبنتي بصوب
والدراسة بصوب
الله يعين
ليلحين ماشريت للعيد
بس شريت لبنتي وافتكيت
بنات
شرايكم باسم جابر
وإذا مو عاجبكم أبي اقتراحات
ترحال أنا اخذ من طليقي 50 دينار شهري ودي
مالي خلق مشاكل ومحاكم
الله يغنيني عنه
​

مبروك الولد والحمدلله على سلامة اختج .. الصراحه مايعجبني اسم جابر معنى معناه حلو

 

[unapproachable]

قولي الحلم بيبي ماستر ويمكن اقدر افسره ان شاءالله

 

[تـــرحـــال]

هاااااي بتبوووتاااااات

حمدلله على سلامه بنتج طيفوف

حمدلله على سلامه اختج بيبي فيس وعلى البركه ما جاكم يتربى بعزكم

بيبي ماستر في وحده بالمنتدى تفسر بس نسيت اسمها والله

بس البركه بمنووول طلعت موااااهب واحنا ما ندري

 

[تـــرحـــال]

طليقي تزوج...

على البركه منوووول

ليش احسج زعلانه :gr4uu:

 

[unapproachable]

مو زعلانه بالعكس مستانسه لان حتى لو في مشروع زواج لي راح يلهى بمرته ومايطالعني ... بس محتره وايد على البنت لان راح يخرب حياتها مثل مادمرني واستغرب من الناس ليش ماسالو عنه والله العظيم بلاويه ماينسكت عنه واثم المره اليديده برقبة امه

 

[تـــرحـــال]

رحت اليوم ووكلت اخوي وان شاء الله برفع قضيه على طليقي

نفقه لبنتي ونفقتي اللي بلعها علي شحيفان القطو مااااالت

ادعولي اربحها كلها

 

[unapproachable]

عفيه عليج ترحال .. احسن مني ... شوفي طيبتي وين ودتني الحين تنازلت عن حقي انا وحق ولدي مو قاعد اخذ حقه كله .. والحين الاخ ياثث حق المره اليديده ... زقوم عليهم كل فلس .. الله يهدى ابوي ويكلمه

 

[تـــرحـــال]

مو زعلانه بالعكس مستانسه لان حتى لو في مشروع زواج لي راح يلهى بمرته ومايطالعني ... بس محتره وايد على البنت لان راح يخرب حياتها مثل مادمرني واستغرب من الناس ليش ماسالو عنه والله العظيم بلاويه ماينسكت عنه واثم المره اليديده برقبة امه

صاااجه هذا اللي ونسني يوم تزوج طليقي عشان يلهى عني وعن بنتي وبالفعل لهى حيل وبنته لها شهرين ما شافها

واحسن والله مرتاحه على هالوضع

وانا مستغربه من هالناس اللي ما يسالون ويزوجون كل من يطق الباب ذنبها برقبتهم

صراحه تحسفت على اللي خذاها بس ليش اتحسف اذا هي ما رحمت نفسها ولا اهلها وسالو عدل

بس استغفر الله عندنا كل محد ينطلق العيب على المره والرجال ما فيه شي :lkmnkl:

كل واحد يتحمل مسئوليه قراراته

 

[تـــرحـــال]

عفيه عليج ترحال .. احسن مني ... شوفي طيبتي وين ودتني الحين تنازلت عن حقي انا وحق ولدي مو قاعد اخذ حقه كله .. والحين الاخ ياثث حق المره اليديده ... زقوم عليهم كل فلس .. الله يهدى ابوي ويكلمه

لا تتكلين على احد ولا تخلين حق ولدج يستانس فيه هو ومرته ولدج اولا

بالاول كنت معتمده على ابوه بس شفت الوضع على حااااله لانه حتى ابوه ما يحشمه ولا يسمع كلامه

واهلي شافو انه مو بس حقي بلعه حتى حق بنته المعاش ينزل 25 الشهر اهو يقعدنا لين 30 ينقعنا عدل

مافي حل الا المحاكم

وان شاء الله تتسهل الامور

 

[*(بيبي فيس)*]

رد : تجمع للي تربي عيالها بروحها single mothers

هاااااي
بنات شلونكم
كلن ماخذ نصيبه
بس يابنات اللي يقهر
ان المرة الأولى المطلقة
تكون كبش الفداء
يعني لي خذا الثانية
يتسنع
ويصير ادمي
علشان يقولون البلا فيج
مو فيه
شفتو القهر
بنات
اصدمكم بخبر
طليقي اللي تزوج جيكرة
استغفر الله
كلم امي اخر مرة
يبي يرجعني
يقول يحبني
هذا وانت تحبني سويت فيني جذيه
لو تكرهني شسويت
يقول انا اغار عليها
وكل الحريم ينطقون
المشكلة انه تزوج ومرته حامل
انا داعية عليه انه مايرتاح
دام اني مو مرتاحة
يقول خل ترجع اذا موعلشاني
علشان بنتها
وانا بصراحة
ضايعة
بين بنتي
وبين هالدنيا
الله يفرجها
ويستخير لي الخيرة
بس حاليا
انا مقفلة موضوع اي زواج بقفل وقاطة المفتاح بالبحر
أبي أرتاااااااااااح:ch12:

أنصحكم بنات تاخذون حقوق عيالكم كاملة
ماعليكم مني انا عندي ظروف تخليني اتنازل عن كل شي
بس يخلي بنتي عندي
لأن الرجال من يتزوج ويجيب عيال ينسى
ولده او بنته من المرة الاولى
مايخافون الله
أختي سمت ولدها( باسل)
وبنتي بدت تغار منه الله يعينه من غيرتها
ماعندها إلا تل شعر:23_asmilies-com:​

 

[unapproachable]

الله يوفقج وتاخذين حقج ان شاءالله ترحال

بيبي فيس حلو اسم باسل ماشاءالله وعسى الله يخليه لها .. الله يعينج انا ولدي يكفخ بنت اختي اذا شاف خواني يكلمونها يحتر منها بعد قلبي ويسوي حركات عشان يلفت انتباهم عاد اهم مو مقصرين يحقرونها ويكلمونه

 

[تـــرحـــال]

اميييييين منوووووول

الله يخلي لنا اخوانا اللي معوضين عيالنا عن ابهاتهم

انا ابوي واخواني مو عارفين شسوون فيها مع انها مو اول حفيد

الله يخليهم لي ويطول بعمرهم بالطاعه

 

[تـــرحـــال]

خوش اسم بيبي فيس حلو

نصيحه مني اذا الرجال ما يتسنع وانتي غاسله ايدج منه لا ترجعين له حتى لو عشان مصلحه بنتج

لان بالاخير بتكتشفين انج ما نفعتيها بل ضريتيها

شفايده العيشه مع الابو اذا هو ما كان بس بالاسم وانتي مو مرتاحه

وبالاخير الام اذا كانت مرتاحه راح ينعكس على عيالها واذا كانت متضايقه راح ينعكس على عيالها بعد

 

[unapproachable]

صح كلامج ترحال اهم شي نفسيه الام ... وانا قبل كنت احس اني ميته ونفسيتي تعبانه وايد والعاده انا اضحك على طول قبل لا اعرفه بس ليما تزوجت صرت اشوف الدنيا سوده كل يوم اتمنى اموت وافتك لاني كنت حيل حزينه وكنت اشوف نفسي مو قادره اربي ولدي واصير ام طبيعيه من الهم اللي كان فيني كنت اقول اموت وتربيه امي نفس ماربتني وبيطلع احسن من تربيتي لو بربيه .. طبعا هذا تفكيري قبل بس الحين الحمدلله اقنعت ان الدنيا مازالت بخير وماعاش اللي يخليني اتألم مو لازم هالعيشه التعيسه والحمدلله طلقته والحين تقريبا طول الوقت ضحك وغشمره وانتهى الحزن وتمر اشهر اشهر ماابجي الحمدلله وقبل كنت تقريبا يوميا ابجي على الاقل مره

 

[unapproachable]

فقدت نص البنات ماقامو يدشون ... عسى المانع خير

 

[تـــرحـــال]

يا بنت الحلال قطي ورا ظهرج

انا من تطلقت وانا طلعات وروحات واعراس واستقبالات ارفه عن نفسي اللي شفته مو شويه :dddds:

يوم كنت عنده كل يوم دمعتي على خدي بس الحين من تطلقت والله ولا نزلت ولا دمعه لانه ما يسوى

والحين نفسيتي تسنعت ولله الحمد

يا الغاليه ما يستاهل تنزلين دموعج عليه ولا على اللي راح طالعي جدام وباجر اكييييييييييييد احلا :blueSmCLR:

 

[تـــرحـــال]

صج فقدناهم بس اكيد مشغولين

الغايب عذره معاه

ام عنووووبي غطت غطه لهت بالمحاكم الله يعينها وينصرها حشى داشه جهاااد ههههههههه

 

[BABY MASTER]

هااااااااي

انا مسيكينه تعبانه><

عوار مو طبيعي بالسره ينني و رحت الطبيب

وللحين والله احس يعورني بنات من شنو ؟؟؟

///////////

بنات انا من خلعته عقبه بعشرين يوم ملج ع وحده بدون و اكبر منه

الله الشاهد مااتشمت ع البنت مسكينه تبي نصيبها الله يكون بعونها ع اللي بتواجهه منه و من امه

بس يمكن هو يغير طبعه ع اساس ما تخليه بس اظن لو تغير كم شهر بيرجع ع طبعه هو و امه خخخ بوطبيع ماييوز عن طبعه!!

 

[تـــرحـــال]

هاااي بيبي ماستر

سلااااماااات انا كان يجيني عوار بالسره احس جنه سجين تدخل وتطلع

بس ما طول تقريبا شهر وخلاص

شدي حيلج ما بقى شي وتولدين وتشوفين اللي بيملى عليج دنيتج

يا بنت الحلال بو طبيع ما ييوز عن طبعه

بجامل جم شهر وبيرجع لعادته لانه بدمه

الله يعين اللي خذوهم اهم شي الله يوفقهم ويفكونا منهم