تجمع للي تربي عيالها بروحها single mothers

[طيفوف]

رد : رد: تجمع للي تربي عيالها بروحها single mothers

انضم معاكم انا ارمله وعندي 4 اطفال اكبرهم 7 سنين وانا الفرق ان عيالي كانوا حيل متعلقين بابوهم لانه كان طيب وحنون حيل لدرجه انه كان يعاملني انا جني بنته مو زوجته مع انه اكبر مني بست سنين بس بس ما كنت اسوي شي حتي شغلي انا كان يسويه راتبه كان لنا كلنا وعارف شلون يقسمه وراتبي انا لي اصرفه لنفسي وماكان يرضى حتى احط دينار لعيالي والحين تغير كل شي كنت ملكه ببيتي والحين كل المسؤوليه والمراجعات والركضه علي انا مع انه جدهم وعمامهم مو مقصرين ويحاولون ما يحسسون العيال بالفرق بس انا اللي حاسه بلفرق ومكانه فاضي محد يمليه الله يرحمه ويسكنه فسيح جناته قولوا اااااااااااامين والحمدلله على كل حال

حياج الله بينا والعين لج اوسع من المنتدى والله يرحم زوجج ويسكنه فسيح جناته
والله قطعتى قلبى بس والحمد لله انج تذكرينه بالخير ولا عانيتى بحياتج معاة لان
احنا كلنا عانينا وشقينا والطلاق كان لنا الحل الوحيد وحبيبتى حياج بينا اختنا
واذا على معاناة العيال ترى كلنا بالهوا سوا والحمد لله وهم زينة دنيانا ​

:082502bye_prv:

 

[تـــرحـــال]

الله يرحمه يا الغاليه

ويعوضج خير بعيالج

 

[تـــرحـــال]

بنااااات

ما رديتو علي

برفع قضيه على ابو بنتي جم تصرف لها المحكمه؟

 

[unapproachable]

انضم معاكم انا ارمله وعندي 4 اطفال اكبرهم 7 سنين وانا الفرق ان عيالي كانوا حيل متعلقين بابوهم لانه كان طيب وحنون حيل لدرجه انه كان يعاملني انا جني بنته مو زوجته مع انه اكبر مني بست سنين بس بس ما كنت اسوي شي حتي شغلي انا كان يسويه راتبه كان لنا كلنا وعارف شلون يقسمه وراتبي انا لي اصرفه لنفسي وماكان يرضى حتى احط دينار لعيالي والحين تغير كل شي كنت ملكه ببيتي والحين كل المسؤوليه والمراجعات والركضه علي انا مع انه جدهم وعمامهم مو مقصرين ويحاولون ما يحسسون العيال بالفرق بس انا اللي حاسه بلفرق ومكانه فاضي محد يمليه الله يرحمه ويسكنه فسيح جناته قولوا اااااااااااامين والحمدلله على كل حال

بعد عمري عسى الله يعينج ويعطيج الصحه والعافيه والله يرحمه ان شاءالله ويسكنه فسيح جناته ..ماعليه الله ياخذ ويعطي ولابد ان يمر وقت نحس فيه بنقص بس مساله وقت وبتعدون هالمرحله ويصير كل شي سهل ان شاءالله

 

[unapproachable]

بنااااات

ما رديتو علي

برفع قضيه على ابو بنتي جم تصرف لها المحكمه؟

انا ماعندي امر من محكمه .. بس سمعت ان كل ريال يعتمد على راتبه يعطي يستقطعون منه باعتماد على راتبه بس مو اقل من 100 عشان اذا عليه ديون وقروض ماياخذون كله معاشه يخلون له شي جذي يعني

 

[BABY MASTER]

هلا وغلا منووووووووول وترحاااااااااال انا الحمدلله تمام وباحسن حال والبيبي بعد

/////////

بنتي بنت ابوها عسى الله يرحمه و يغفر له و يعوضكم يااااااااااااااااااااارب

////////

 

[unapproachable]

هلا بيبي ماستر شلونج؟؟ وشريتي للعيد؟؟ عاد لبس الحوامل يونس وعادي يبين بطنج محد يشره عليج لووول

 

[BABY MASTER]

هلا وغلااا منول ان شاءالله اليوم بروح السووووووق



انا ليما رحت الديوان رفضوا يوظفوني قالولي مباشرتي بعد الولادة شي يحبط><

 

[طيفوف]

رد : تجمع للي تربي عيالها بروحها single mothers

​

السلام عليكم ورحمة الله وبركاته :sfg:

شخباركم ياامهات ولهت عليكم وعلى اخباركم من فترة مو داشه المنتدى

منوووووووول ترحال بيبى ماستر بيبيى فيس

اشلونكم حبيباتى
صار اسبوعين دايخه مع بنتى كلا تعبانه الاسبوع الليى طاف كلا ترجيع وعوار معده
وهالاسبوع نشله وحراره وصخوونه والله البنت اتعبت وانا تعبت معاها كلا بالمستشفى
وطبيات حق المدرسه والحين فترة امتحانات حق رصد الدرجات والله يعينها ويعينى معاها

قرقت عليكم صح المهم انتو شخباركم طمنونى عليكم ​

:nbvppw:

 

[طيفوف]

رد : تجمع للي تربي عيالها بروحها single mothers

​

ترحااااااااااااااااااااااااال

​

لوووووووووووول انتى ليلحين مو رافعه قضية النفقه روحى رفعى عليه لها البنت 50 دينار وخدامه 45 دينار
وتقدرين ترفعين اجره حضانه 20 دينار ليعمر 9 سنين وبعد اجرة سكن وسائق وطلعى عينه بعد روحى من
الحين لان فى عطلة العيد راح تتاجل بعد العيد​

:nbvppw:​

 

[تـــرحـــال]

لا خلاص عزمت طيفوف

ان شاء الله هالاسبوع بروح

بس انا سمعت ان يطلع لببنتي اكثر من 50

بنت خالتي بالمحكمه وقالتلي جذي

بروح ان شاء الله الثلاثا واسوي توكيل لاخوي وان شاء الله خير

 

[BABY MASTER]

هلا طيفوف شخبارج

ماتشوف شر بنتج عسى الله يشفيها ويخليج لها

طيفوف دامج تعرفين عن الطلاق هل الخلع يكون نفسه من حيث النفقه والخدامه ؟؟

يعني نفقة الياهل غصبن عنه بيدفعها لكن الخدامه هل طليقي مكلوف فيها او لا؟؟

همسة///قلدتيني باللون الاورنج يالقلادة هع

 

[تـــرحـــال]

بيبي ماستر

انا اعرف وحده خالعه زوجها ورفعه عليه قضيه لنفقه بنته ومعاش الخدامه

ويودي ويجيب بالخدامات

انتي تاكدي من محامي احسن

 

[unapproachable]

بيبي ماستر ... اشوه ماتوظفتي لان حيل صعب الحمل مع الدوام وخصوصا بالاشهر الاخيره

طيفوف بعد عمري بنتج عسى الله يشفيها ويكافيها شر الاطبه ويعينج معاها وان شاءالله اجر .. بس حاول تغيرين نظامها الغذائيي وخل تاكل اشياء مفيدة وتشرب بابانوج وحاولي تلجئين للطب الشعبي يمكن يفيدها

 

[unapproachable]

ترحال انتي نفس مشكلتي انا ليحين على هالخمسين والله كريم ...

بيبي ماستر الخلع مو لصالح المره كلش وخصوصا اذا عندها عيال منه ... يعني نقول لو ماعندج جان بالطقاق تخلعينه وجنه العيد .. بس اذا خلعتي يعني تنازلتي عن حقوقج ولا تتنازلين عن حقوقج ابدا وهذا اللي سمعته

 

[BABY MASTER]

ترحال تسلمين

منوووول انا خالعته و خاااالصه من كم شهر كل شي من صوبه حقي ماابيه’’’’

لا بينفعني نفقته ولا غيره بس الياهل يدفع نفقته غصبن عليه هو طفلي مثل ما هو طفله شنو انا حملت فيه بروحي؟!!
و منول احنا اصلا نبي الخلع ابرك من الطلاق الف مره مافيه تعليق مايقدر يعلقني ولا يطلبني بيت الطاعه ولا رجعه خلال العدة لان مرتاحين يعني عدتي فقط للتأكد من خلو الرحم من الحمل مو عشان يردني يعني لو ماكنت حامل جان عدتي 3شهور بدون رجعه له و مايصير يرجعني في عدتي لانه خلع مو طلاق يعني يبيله ملجة يديده و مهر يديد وهالشي شجعنا اننا نتخذ اجراء الخلع
عشان نكون متأكدين و مريحين روسنا انه ما راح يقدر يرجعني و لا يطلبني بيت طاعه ولا يعلقني

و ترحال ما قصرت ذكرتلي تجربه وحده تعرفها وبعد بتأكد من محامي بس مو الحين اذا الله يسر ’’’

وشخبااااااااااااااااااااااااااااااركم,,,؟؟

 

[unapproachable]

اخبارنا خير ان شاءالله .. اليوم حسيت بدوخه حسيت ضغطي هبط مادري من شنو .. صارلي سنتين فيني هبوط مرات ابي اقوم للدوام مااقدر احوس بطيح .. وكليت شويه بس ليلحين احس راسي يفتر واتوقع كله من التدريس والصراخ ومااكل وايد

 

[BABY MASTER]

الله يعينج يا منووووووووووول ><

بنات تعرفون تفسرون الاحلام؟؟؟!

 

[*(بيبي فيس)*]

رد : تجمع للي تربي عيالها بروحها single mothers

مراااااااااااحب
شلونكم حبوبات unapproachable طيفوف بيبي ماستر ترحال
وحياج الله أختنا الأرملة الله يرحم زوجج
ويجزاج خير ويعينج على تربية عيالج ويصلحهم يارب
سبحان الله الطيب يروح والشراني عمره طويل
اعذروني حبايبي
انقطعت عنكم أختي ولدت وجابت ولد
وتدرون نفاس ومافي خدامة يعني
راسج ماتحكينه
لا وبنتي بصوب
والدراسة بصوب
الله يعين
ليلحين ماشريت للعيد
بس شريت لبنتي وافتكيت
بنات
شرايكم باسم جابر
وإذا مو عاجبكم أبي اقتراحات
ترحال أنا اخذ من طليقي 50 دينار شهري ودي
مالي خلق مشاكل ومحاكم
الله يغنيني عنه
​

 

[*(بيبي فيس)*]

رد : تجمع للي تربي عيالها بروحها single mothers

حبيبتي طيفوف ماتشوف شر بنتج هذا أكيد لأن الجو تغير وصار برد أهم شي دفيها وعطيها أعشاب وانشالله تعدي