تجمع للصف الاول ابتدائي للعام الدراسي 2012 / 2013

[om deaj]

الكتب المدرسية - منتدى ياكويت

هذا رابط لنحميل الكتب بعد

الواجبات ضغط خصوصا العربي حيل حشو ومستعجلين

 

[shy rose]

بنات قريت كل ردودكم
وقعدت اصيح:eh_s(11)::eh_s(11): بنتي بأولى وماتسمع كلامي ولاتذاكر ولاتكتب ولا اتقنت بعض المهارات
اتذكر يوم كنت انا بالصف الاول واخذت الاول وكنت شاطره حيل ونهاية السنه كرموني مثاليه على مستوى المدرسه والان انا معلمة لغة انجليزيه
للاسف بنتي ماطلعت لي بتاتا مع اني اتعب معها واوفر لها سبل الراحه والمتعه .....:eh_s(2):

 

[dandooosh]

السلام عليكم ،، خوش تجمع جا في وقته
أنا ولدي أولى ابتدائي في مدارس المستقبل
أحس اني ضايعة ومو عارفة اشلون ادرسة

 

[توتاتوتا]

دلوعة حمني اكيييد مصريه


انا بنتي سوت نفس الشي وبقلم حبر رحت شريت مزيل و مسحته لان اعرف عقليتهم ينجنون اذا احد تعدى علي صلاحياتهم

 

[Q8_QT]

بنات قريت كل ردودكم
وقعدت اصيح:eh_s(11)::eh_s(11): بنتي بأولى وماتسمع كلامي ولاتذاكر ولاتكتب ولا اتقنت بعض المهارات
اتذكر يوم كنت انا بالصف الاول واخذت الاول وكنت شاطره حيل ونهاية السنه كرموني مثاليه على مستوى المدرسه والان انا معلمة لغة انجليزيه
للاسف بنتي ماطلعت لي بتاتا مع اني اتعب معها واوفر لها سبل الراحه والمتعه .....:eh_s(2):

عادي حبيبتي عندنا وعندج خير آنا ولدي بعد معاناة عشان يكتب الواجب والتدريس لي الحين ماني قادرة ادرسه مخليته ليما يتعود على جو الابتدائي وحل الواجبات بعدين ببدي ادرسه عالخفيف والله المستعان

 

[أم بتول*]

السلام عليكم
اليوم كان عنا لقاء بالمدرسة مع المدرسات مشان نتعرف عليهم ونعرف شو المطلوب ندرسه لا عيالنا وشو رح يدرسوهم
الحمد الله الأبلات حبوبات ومتعاونات
وفي شغلة بس حبيت قول عليها للاستفادة منها أنو أبلة العربي قالت أنو نحنا نحل تدريبات الكتاب حتى لو ما قالت أنهم واجب لانو بالصف ما بيلحقو يحلو كل شي بالصف وحسيت من كلامها أنو الامهات لازم يدرسو عيالهم بالبيت حتى ترسخ المعلومة أكتر
وإن شاء الله انا رح اعمل هيك ما رح اعتمد كتير عالأبلة متل باقي المواد مثلاً أبلة العلوم هي بتساعدهم على كل شي وبيطلعو من الدرس فهمانين منيح ما في داعي ارجع درسها
وبس

 

[بقلبي انت]

قوه امهات
مدرسة ولدي معينه ورقه كاتبين فيها يوم الاثنين يوم اول حصتين نروح نقعد بالصف نشوف عيالنا ومشاركتهم
مع الابله واشلون يدرسون

خطة الاسبوع ولدي للحين مااخذها الواجب تكتبه الابله بالدفتر هذا بالنسبه للعربي والرياضيات تحل معاهم كتاب الملون
والواجب يحله بالبيت

 

[دلوعة حمني]

السلام عليكم ...

مشكورين بنات اللي سألوا عن وليدي حبيبي...

السالفة اللي صارت رحت المدرسة و صج كنت معصبة ... دخلت عند الناظرة و قلت لها السالفة من أ الى ي و نادتلي المدرسة الأولى مو ابلة ولدي و قامت تتعذر و تقول انها مستحيل تسوي جذي و ان ابلته خوش ابله و بس تمدح!!! قلت لها ممكن خوش وحدة معاج لنج رئيستها او صديقتها اما مع الطلبة فهي مو جذي ابدا
و ما يابولي اياها على بو اه عندها كلاس و ما رضوا يعطومي اسمها الكامل علشان لا اشتكي بالوزارة...
المهم عطيتهم كلمتين بالعظم واللي بط جبدي ان الناظرة تقول ممكن يتخيل؟ او يألف

ما اقول غير حسبي الله و نعم الوكيل اشوف فيها يوم بنت اللذين ....مصرية ماعليها شرهه​

 

[شيهانه شماليه]

اب اب

 

[om deaj]

السلام عليكم ...

مشكورين بنات اللي سألوا عن وليدي حبيبي...

السالفة اللي صارت رحت المدرسة و صج كنت معصبة ... دخلت عند الناظرة و قلت لها السالفة من أ الى ي و نادتلي المدرسة الأولى مو ابلة ولدي و قامت تتعذر و تقول انها مستحيل تسوي جذي و ان ابلته خوش ابله و بس تمدح!!! قلت لها ممكن خوش وحدة معاج لنج رئيستها او صديقتها اما مع الطلبة فهي مو جذي ابدا
و ما يابولي اياها على بو اه عندها كلاس و ما رضوا يعطومي اسمها الكامل علشان لا اشتكي بالوزارة...
المهم عطيتهم كلمتين بالعظم واللي بط جبدي ان الناظرة تقول ممكن يتخيل؟ او يألف

ما اقول غير حسبي الله و نعم الوكيل اشوف فيها يوم بنت اللذين ....مصرية ماعليها شرهه​

ميخالف انا بعد ولدي قالي انه ابلة الدين طقته على جتفه بالكتاب
وابلة العربي اول اسبوع عاقبته على اللوح واهو مو مسوي شي غلط

كنت بروح اكلمهم
بس هديت وسمعت كلام حماي ناظر ومرت حماي مدرسة انه الافضل اسكت الحين اراجعها باول لقاء يحددونه المدرسة
ولازم نعلم عيالنا انه للمدرس هيبة ولا زم يسمع كلامه شلون نبيهم يتعلمون من اشخاص مايحترمونهم؟؟

وحتى كلامي له لما يشتكي اني اهديه واقوله ميخالف اهي مثل امك انته التسوي شي غلط واهي ماراح تطقك خصوصا انه الطق ممنوع في المدارس

 

[ام مريووووم]

انا من راي ام دعيج
اذكر ابلات كنت اكرهم وتوني عرفت الموضوع مصلحتنا وبسس والا اهي مالها مصلحه ثانيه


اما مريوم غيروا الجدول ووزعوا الخطه بس اللقاء لينا الحين ماسووه

 

[Q8_QT]

شلونكم بنات شعلومكم
ام دعيج صاجة والله بس الوحدة ساعات تحتر على ولدها
ولدي عطوه اليوم اختبار بالرياضيات المهارة الاولى اللي اهي الانماط
والعربي خذوا اسراء فراشة ملونة والانجليزي قاعد يعطونه الارقام

 

[دلوعة حمني]

السلام عليكم...

انا معاج ام دعيج بس هم شي يحر و يفت الكبد!!
انا ولدي مربيته على الحوار و التفاهم مو الطق و العصبية! و الحمدلله انه خوش ولد ماشاءالله تبارك الرحمن فلما يصيرله هالشي يتضايق الحين يقولي انا بغيب ستة أشهر!! باللغة العربية بعد؟! بعد عمري فديته اول واحد من اعيالي يدش المدرسة من جذي متعومسة

 

[ام مريووووم]

ماعليج ام حمني تعدي ويكبرون الله يحفظهم
انا امس ردت مطقوقه طاقينها بنات بثاني ليش لان ساعتها هانا مونتانا موعاجبتهم يقولون انها كافره وتسب القرآن

تخيلي بنات بهالعمر شفهمكم لا واشاعات بعد اليوم بعد اللقاء ورحت للاخصائيه قالت انها تعاني من البنات ودايم تفر عليهم وتكلمهم بس في بنات بيئتهم جذي عدوانيه
المهم وعدتني انها بتكلمهم وخسيت من اسلوبها انها متفهمه


بالقاء الناظره كانت واضحه بس الامهات الله يهديم كل كلمه يبون لها تعليق
اما العربي قالت بصراحه المنهج مايساعد من غير متابعه لان الابله تحل شي من التقويم وعليكم الباجي لانه مايمدي
والانجليزي الحروف حفظ اللي ياخذونها والكلمات لازم يعرفها ويفهمها. واللي حاسه انه بنتها شاطره ياليت تحفظهم افضل لها
اما الوطنيه فتبي حظور لانها حصه وحده والكتاب معاهم على طول
اما باجي المواد ماشفناهم الظاهر ماكوا حجي


واهم شي مشرفة البدنيه كانت موجوده ههههههه تقول اللي تبلغنا ان عند بنتها حاله تمنع لاتلبسها علشان مااتلعب مع البنات
وسلامتكم

 

[أم بتول*]

انا بنتي بس عم كتبها الواجبات ونحل التدريبات بالعربي بالكتاب والأبلة متدايئة منها هي ما كانت كاتبة واجب عالكتاب وحاطة لا بنتي اشارة استفهام انو ليش مو عاملة التدريبات بكل المواد بيكتبولا كلمة واجب بس أبلة العربي ما بتكتب حتى بالدفتر تبع الواجبات هنن بيكتبو الكلمة وبيكتبو جنبها واجب
مثلاً كلمة أمل مو الأبلة بتكتبها باللون الأحمر مثلاً لاء بنتي بتكتبها وجنبها كلمة واجب لهيك أنا جبت قلم أحمر وكتبتها باللون الأحمر
الله يعينا عن جد بتدايق من هيك ابلات وصف الاول هو أهم صف بالنسبة للتأسيس بالعربي

 

[كرزز]

بنات أنا دخلت كرمال هالموضوع الرائع عندي سؤال : مطلوب تعليق صور عالدفاتر ؟

 

[أم بتول*]

بنات أنا دخلت كرمال هالموضوع الرائع عندي سؤال : مطلوب تعليق صور عالدفاتر ؟
أنا ما فهمت قصدك بس إذا قصدك تلصقي صور لتزيين الدفاتر فهالشي بيرجعلك مو مطلوب على كيفك

 

[شيهانه شماليه]

ام بتول الله يخليج بنتج

لكن ليش القلم الاحمر؟

قصدج بنتج تكتب بالاحمر ؟؟

 

[nandoshia]

مرحبا خواتي امهات اولى ابتدائي...بسال اللي عندها خبره او فكره بالموضوع.. امس دازين ورقه مع بنتي انه عندها وقفه تحدث الاسبوع الياي موضوعه"مااحب وأكره"..؟؟؟؟؟؟؟؟؟؟؟؟؟؟؟ شنو يعني مافهمت؟؟ شنو المطلوب؟؟

 

[أم بتول*]

ام بتول الله يخليج بنتج

لكن ليش القلم الاحمر؟

قصدج بنتج تكتب بالاحمر ؟؟

لاء مو بنتي تكتب بالاحمر قصدي انو الأبلة لازم تكتب الكلمة اللي لازم بنتي تكتبها في البيت باللون الاحمر بس الأبلة ما بتكتب عالدفتر بتخليهم هنن يكتبو الكلمة وجنبها كلمة واجب
حتى عالكتاب ما بتكتب عالتدريبات كلمة واجب لهيك أنا عم علم بنتي الواجبات بالبيت بدون ما هي تقول