تجمع للصف الاول ابتدائي للعام الدراسي 2012 / 2013

[شيهانه شماليه]

واانا بعد معاكم بالواتس اب

 

[om deaj]

حياكم بنات

شوفو هالموقع مال وزارة التربية

وزارة التربية

اكو خيارات فوق روحي على قائمة الطالب تحصلون الكتب الالكترونية راح تفيدكم وايد في حال نسى ولدج الكتاب والي تقول ماعندها كتاب الوظنية دشي وشوفي الكتب ملوت اولى

 

[om deaj]

القائمة غير مفعلة حاليا بس خلو الموقع عندكم
على مايفعلونها

 

[ام كحيلان 77]

السلام عليكم
حبيباتي بغيت اسال عن شغله ضروريه
الورقه اللي يعطونا ياها ابلات العربي
عن خطه الدروس لمدة اسبوع
هذي نخلي الطفل يحل اللي كاتبيه لهم
يعني حاطين مثلا بكره حل الصفحه ٥٥ من كتاب العربي وكتابة امل ثلاث مرات
يعني هالكلام حق تاريخ بكره
شنو مطلوب علينا
نحله بالبيت ولا لا​

 

[دلوعة حمني]

السلام عليكم
ولدي بعد عمري كان مريض الخميس فخيت له مرضية و ارتح بالبيت
اليوم الأبلة حاطة علامة استفهام على كتابه ليش انه ما حل؟؟؟ طيب ما تركز انه غايب؟؟ و في شغلة ما يكتبون التاريخ على الصفحة علشان نحلها بالبيت و لا حتى كمة واجي طيب اشلون نعرف شنو نحل و شنو نخلي؟؟
و اللي سألوا عن كتي المهارات هم 4 كتب يكونون عند الأبلة كل شهر مهارة معينة
و هم ياخذون الحاسوب عندهم

 

[الوردة المكنونة]

السلام عليكم
حبيباتي بغيت اسال عن شغله ضروريه
الورقه اللي يعطونا ياها ابلات العربي
عن خطه الدروس لمدة اسبوع
هذي نخلي الطفل يحل اللي كاتبيه لهم
يعني حاطين مثلا بكره حل الصفحه 55 من كتاب العربي وكتابة امل ثلاث مرات
يعني هالكلام حق تاريخ بكره
شنو مطلوب علينا
نحله بالبيت ولا لا​

لا حبيبتي اهم يحلونها بالمدرسه بس هذي الورقه عشان يبلغونا شنو خذاو او بياخذون عشان نحضر معاهم الدرس

 

[أم بتول*]

أنا بنتي بالعربي لا الحين ما بلشو بالدرس الأول ما بعرف شكلهم تأخرو كتير وما بعرف السبب؟

 

[الوردة المكنونة]

السلام عليكم
ولدي بعد عمري كان مريض الخميس فخيت له مرضية و ارتح بالبيت
اليوم الأبلة حاطة علامة استفهام على كتابه ليش انه ما حل؟؟؟ طيب ما تركز انه غايب؟؟ و في شغلة ما يكتبون التاريخ على الصفحة علشان نحلها بالبيت و لا حتى كمة واجي طيب اشلون نعرف شنو نحل و شنو نخلي؟؟
و اللي سألوا عن كتي المهارات هم 4 كتب يكونون عند الأبلة كل شهر مهارة معينة
و هم ياخذون الحاسوب عندهم

نفس الشي بنتي غايبه الاربعاء والخميس ماعطوها الخطه الاسبوعيه ولا قالوا لها شنو خذاو بس ابلة العلوم كاتبتلها تاريخ على الورقه اللي خذوها وهي غايبه وقالت لها حليها في البيت

 

[الوردة المكنونة]

أنا بنتي بالعربي لا الحين ما بلشو بالدرس الأول ما بعرف شكلهم تأخرو كتير وما بعرف السبب؟

غريبه عاد هالاسبوع كل المدارس بلشاو بالدرس الاول يمكن للحين ما استقرت ابلة العربي يمكن بغيرونها

 

[ام كحيلان 77]

مشكوره حبيبتي ماقصرتي

 

[om deaj]

حبيباتي الخطة الاسبوعية الي عطوها البني
اسوي الي فيها
يعني كاتبة اليوم كتابة امل 5 مرات وحرف أ صفحة كاملة وحرف مـ صفحة كاملة غير انهم يبون اعلمه يقرا الدرس الاول ويعرف الكلمات

دفتر الواجب شطرته له وكتبتله الي طالبته الابلة

الي ابنها يمرض تحاول ماتغيبه كثر ماتقدر
وتروح معاه اليوم الي عقب تشوف شنو طافه

الخطة غالبا توزع اول يوم بالاسبوع الاحد
ومادري اذا في مدارس يوزعونها الخميس

 

[حبيبا]

اشلونكم بنات انا ولدي اولى ابتدائي طبعا بلشنا واجبات من اول اسبوع لان ولدي مدرسة خاصة بس الحمدالله ماعندهم واجبات وايد

 

[منى عيني]

السلام عليكم خوش تجمع الله يجزاج خير على هالفكره
انا عندي مشكله أن عندي توأم بنات واهم أول عيالي وانا ناسيه الدراسه و الاهم من هذا كله أنهم في مدراس المستقبل يعني حتى كتب ماييبونهم البيت وانا ضايعه حدي مادري شوي و باجر عندهم امتحان في الانماط و انا قاعده ادور لهم تمارين تفيدني في تدريسهم و اللي عندها شي تفيديني الله يخليكم

 

[Q8_QT]

شلونكم بنات
اليوم كان لقاء تنويري بمدرسة ولدي كل مادة حددوا شلون توزيع درجاتها وشنو المطلوب
مثلا العلوم قالت الكلمات اللي باللون الأصفر مهم يعرفونها قراءة وكتابة واسئلة المراجعة مالت الدرس مهمة
وكل مادة يعطونج خطة اسبوعية والابلة اللي ماتكتب عليه واجب اتشيكين بالخطة اذا مطلوب وكاتبين واجب لازم ينحل
وابلة العربي قالت لاتحطون نقط حق اليهال خليه يكتب الكلمة بروحه احسن
والانجليزي قالت فيه مربع صغير في الكتاب الملون مكتوب فيه الخبرة اللي لازم يتعلمها عشان نعرف وحاطين موقع التوجيه
www.haw-elt.com

وامس اكتبوا كلمة فراشة بالعربي والرياضيات خذوا الرقم 4 ومهم يعرف الأرقام وترتيبها تصاعدي

 

[دلوعة حمني]

السلام عليكم

بنات ابي نصيحتكم ابلة ولدي حسبي الله عليها طاقة ولدي مرتين على ايده!!!! علشان حط صح في كتابه و عصبت عليه

انا باجر بروح لها بس اخاف افقد اعصابي؟؟!! بليز انصحوني اشلون اتفاهم معاها احس اني راح اكلها بقشورها هالتعبانة

 

[شيهانه شماليه]

صباح الخير

دلوعة حمني بشري شصار معاج

توني اشوف مشاركتج والله حسبي الله ونعم الوكيل في الابلات اللي مايخافون الله في عيالنا

 

[om deaj]

ام حمني شصار عليج؟؟؟

ويعة بقلبها غبية
خو ياهل
والله يكرهون اليهال ويقولون مايحبون الدراسة ومو شاطرين

منهم ويعة

 

[Q8_QT]

حسبي الله ونعم الوكيل عليها خو ياهل شدراه اولى ابتدائي مايبيلهم اي احد لازم الابلة يكون بالها وسيع عليهم يايين من روضة ومومتعودين عالدراسة والنظام

 

[ام مريووووم]

دلوعة حمني ناطرين اخبارج
المدرسه اما تحبب الطفل بالماده او يكرها الله يهديها بس اتوقع التفاهم سيد الحلول


الواجبات صارت ضغط الله يعينكم وانا المشكله احب التحضير للدروس كلهااا حتى الاسلاميه
والحمدلله كله بنتايجه كل يحطولها مرتبه عسوله شاطره ونجمات بأيدينها وعلى خدها
ودي اصور لكم بس المشكه كله من التلفون

 

[Q8_QT]

دلوعة حمني ناطرين اخبارج
المدرسه اما تحبب الطفل بالماده او يكرها الله يهديها بس اتوقع التفاهم سيد الحلول


الواجبات صارت ضغط الله يعينكم وانا المشكله احب التحضير للدروس كلهااا حتى الاسلاميه
والحمدلله كله بنتايجه كل يحطولها مرتبه عسوله شاطره ونجمات بأيدينها وعلى خدها
ودي اصور لكم بس المشكه كله من التلفون

ام مريووووم آنا ودي اتبع هالطريقة مع ولدي بس لي الحين اواجه مشكلة معاه بالواجبات وآنا بسرررعة اعصب بس بحاول شوي شوي ادرسه والله يعينا وويوفقهم يارب