تجمع للرجيم- من وزن 69 الى وزن 60 اللي تبي تشترك تتفضل[مدة الموضوع شهر من تاريخه]

[سما الكويت]

استشااااااااااااااااااااااااره..​

بنات انا اليوم الصبح وزنت وزنى 62 ونص..

وزوجى اليوم عقب التمدح الصبح ويالرشيقه يالرشيقه ..

واحنا نتغدى ..طبعا كلنا ماشين على الرجيم...جان يقولى خلاص بسج شنو ناويه تختفين؟؟انتى جذيه تمام التمام..بلشي بنظام تثبيت الوزن..

شرايكم؟؟

انا الملابس اللى كنت شاريتهم علشان اوصل لهم..الحمدلله اليوم قيستهم وطلعو روووووووعه على..

رايكم انزل بعد لل60 مثل ماكنت ابي..والا اوقف حسب رغبة زوجى؟؟

اليوم وحده شافتنى انصدمت تقولى ضعفانه وصايره جنج فلانه..هالبنت الى شبهتنى فيها اصغر منى ب10 سنين..والله تشققت..بس اكتأبت لما قالتلى اسمريتي!!!!!


شورو على..

اليوم تغديت توسته وروب خالى..

والمغرب شربت نعناع..

وكليت كاكاو الرجيم..

وللحين ماتعشيت..


عبقريه اناوزوجى ماشين على رجيمات المطوع اللى حطتهم بنت الكويت جزاها الله خير..وماشاء الله قاعدين ننزل..

زوجى من 83..وصل 79 ب10 ايام..

وانا من 64وصلت 62 ونص..

 

[سما الكويت]

على فكره علشان لحد يقول انى ابالغ وامس كان وزنى 63..

للامانه انا كان وزنى امس الاحد.. 62 و 900 جرام..

فحسبتهم 63..

ومن امس الاحد لليوم الاثنين ماشاء الله نزلت ال400 الباقيه..

فصار وزنى 62 ونص..

 

[zyona]

ماتقصرين

عسوله

وانشالله أنا معاج أنتنافس على الرشاقه

 

[zyona]

أنا أقول يا سما الكويت

ما بقى شي على 62

نزليهم عشان بعدين يكون في مجال حق الرفاهيه ( يعني ترهين على نفسج و ماتزعلين أنج زدتي

 

[مزيونه وشقره]

سما ياقلبي احسن نزلي اشوي اذا تقدرين عشان تبتدين تاكلين عادي بس لا تردين مثل اكلج قبل لا خففي خلي اكلج كله تخفيف


وانا اليوم

حاااسه بدوووخه وتريقت وتغديت مع بعض ريوق وغدا روب وعصير جزر

وطوووول اليوم ما اكلت شي بس شربت شاي ونسكااافيه وما ادري اشفيني دااايخه واثاري موعد الظروف النسائية عاد حده مو وقته للرجيم


بس هم بستمر في رجيمي

ان شاء الله

:stars:
:stars: :stars:

مع تحياتي ياحياتي

مزيونه وشقره​

 

[عاشقة وطنها]

سمـامبروووووووووووووووووووووووووووووك والاحسن انـج تضعفين اكثر



ممكـن رجيـم المطـووع


انـا اسووي رجيم التمـر ولحـد الحين مومبين شي

 

[ام _خلودي]

قوووه شلونكم
خووو انا صايره خفاش مااشبك الاتالى الليل تدورن عطله ماكوشغل كله طالعين بس انوم بوعيالى والكتكات الصغار يالله اقدر اشبك
عموما انا اليوم قعدت متاخره الساعة 1 فشربت بطل مااى وتريقت بيضتين وعصير برتقال
وتغديت الساعه5 اناناس وطبعا بالليل طلعت وياى ريلى دشيت سينماا ورحنا تعشيناا بابل بيز طلبتلى ستيك وعصير برتقال طبعا العشاا كان الساعه 9 ونص تقريباا وقبل شوى الساعة 2 شربت بطل ماى عقبه شربت جاى رويال

 

[ام _خلودي]

ام كشه
انا قاعده اسوى نفس رجيمج وهالرجيم تحصلين اهنى عندنا بالمنتدى مال الدكتور اسامه حمدى من 20-30 كليو بالشهر
انا طبقت قبل 3 اشهرر كان وزنى 80 صاار69 فى شهر وبعدين الاراده قالت ستوب طبعا خلال هالشهرين خربطت بس اخر ايام كانا نقعد بالمدرسه لمغرب تصحيح وكنترول فالصباح معجنات وساندوتشات وحلو وقهوه والغدا عيوش والعصر حلو وقهوه والمغرب فاست فود يعنى لعبة لعب زاد وزنى كليوين وشويه ضااااق خلقى حدى
والحينن رديت اطبقه بس ماقدر اسويه شهر بس اسبوعين لان وراى سفره بلشت فيه يوم اليمعه والحمدالله الله يتمم على انا راضيه ابى 65 ارد من السفر اكمل رجيم

 

[عاشقة_الجمال]

هاي بنات شلوونكم

اليوم شربت نسكافيه والغدا بيكوون تونه

سما الكويت

حبيبتي اذا انتي الحين راضيه عن وزنج وشايفه ان اوكي خلاص ابدي بنظام تثبيت الوزن بس لا تنسين
تعلميني شلون تثبتينه عشان انا ناويه بس اوصل للوزن اللي ابيه اثبته

مزيونه وشقره

حبيبتي انا عرفت من البنات ان وقت الدوره ما يصير تسووين ريجيم

ام خلوودي

زين انج طلبتي ستيك حق العشا

معقووله الرجيم اللي مدته اسبوعين اللي حاطته ام كشه ينزل من 20- 30 كيلوو ؟؟

 

[عسوله تحب بطسايه]

مساء الخير


^_*


اشلونكم واشلون الرجيم

 

[عاشقة وطنها]

بنـات ابي رجيــــــــــــــــــــــــــم المطــــــوووووووع

 

[مزيونه وشقره]

عبقريه يعني ماراح احرم نفسي ورجيم قاااتل لا باكل وجبات بس بدون خبز احسن جذيه اخا تخلص الدورة واوزن اطلع زايده وي عاد يضيق خلقي


تريقت حليب حار وبسكوت دايجستف


والعصر كليت اشوووووييييية لحم مع مرق وخضر والحمدلله شبعت

وشربت شاي اعشاب

والحين قاعده اشرب شاي


والعشا راح اوافيكم فيه ان شاء الله




:stars:
:stars: :stars:

مع تحياتي ياحياتي

مزيونه وشقره​

 

[سما الكويت]

يعطيكم العافيه يا بنات..

نتايج التصويت انى بكمل وانزل كيلوين بعد..علشان مثل ماقلتو لما اكل اخذ راحتى..

حبيبتي مزيونه استحاله يرجع اكلى مثل قبل..تصدقين اليوم يعنى مابي اسوى دايت ماعرفت شنو اكل!!!

جان اسوى غداى نفس زوجى واتغدى معاه..احس انى ضايعه بدون رجيم..


اليوميات..

امس عشاى رقي..

والريوق اليوم نفس كل يوم..بيضه مفيوحه وحليب خالى الدسم..توسته..طماطه وخياره..

الضحى كليت دانيت...خربتها!!!!

الغدا سلطه وتوسته ولحم مشوى..

العصر كليت ايس كريم..خربتها عدل عدل!!!

والحين اشرب قهوة تروبيكانا..


عاشقة وطنها..اسفه يا الغلا طولت عليج..تفضلى هذا الرجيم اللى انا ماشيه عليه..وانا بالاسبوع الثانى..

http://www.q8yat.net/showthread.php?t=145671

 

[عسوله تحب بطسايه]

والريوق ما كليت
وتغديت ققشه او اقل معكرونيه ...الانه ماكان في شي غيره


اليوم تعشيت سلطه سيزر

^_*

 

[سما الكويت]

مساء الخييييييييييييييييييييير....!!!!!

خربتها عدل عدل عدل...

مرتنى اختى ورحنا تعشينا بالمطعم!!!!!

يالله اعتبره اليوم الفرى..بما انى من اسبوعين ماخذيت فري دي..بس ان شاء الله باجر التزاااااااااااااااااام تاااااااااااااااااااااام كالعاده...

تصبحون على خير..

 

[ظٍل الياسمين]

انا بشترك معاكم

الاسم : طيف ابتسامه

الطول : 158

الوزن : 66.5

ابي اوصل لي 55

نظامي من يوم السبت باديته ..

ريوق مافي << لان انا قلت للدكتور ماابي

بس يكون كوب ماء + كوب عصير /كوب ماء + حبة فاكهه / شاي حليب + ماء

الغدا:

سلطه + ربع صدر دجاجه او سمك مشوي + ربع حبة فاكهه او عصير

سلطه + شوربة خضار + عصير او حبة فاكهه

سلطة + تونا بالماي + عصير او حبة فاكهه

السناك :

شااي اخضر / 2تمر + قهوه

العشاء :

3/4 روب + خيار + كيوي

برتقاله + تفاحه + كيوي

2 شريحة توست + شريحة جبن + شرايح طماط وخيار

وبس دعواتكم لي اني استمر لان جد مليت مع ان ماصار لي غير جم يوم ومع ذلك اللي زايدني اشوف نفسي مانزلت وماادري

 

[عاشقة_الجمال]

صباح الخير بنات شلوونكم شخباركم

امس تعشيت شاورما من 99 شسووي المطعم هذا ما اقدر اقاومه
وسامحووني بنات ما ادخل وايد بس عشان لاهيه مع حماتي نايمه بالمستشفى وعلى طول عندها

الغدا اليوم بيكون ستيك بالفرن وريلي سويت له مشخووله وكفته على مرق

عسووله

هلاوغلا الحمدلله تمام انتي شلون الريجيم معاج

عاشقه وطنها
الريجيم تلقينه بقسم الانظمه الغذائيه

مزيوونه

تصدقين انا ما احب الحليب كلش وذاك اليوم رحت شريت حليب الصويا يقولون زين حق الهرمونات الانثويه
ويخلي الوحده تصير دلووعه قلت يالله نجرب وغصب شربته على طعم فراوله

سما الكويت

الله يعينج انا بعد خربتها امس بالليل
واليوم ان شاء الله التزام

طيف ابتسامه
حياج الله اختي معانا ولا تنسينا بيومياتج

ولا تستعيلين على عمرج شقول انا اللي وزني ثابت صاير له فتره
واذا نزل ينزل نص كيلو ويرجع مره ثانيه مو راضي يتحرك

 

[عاشقة_الجمال]

رديت لكم

قرصني اليوع وقلت خلاص ماني مسوويه ستيك

رحت سويت بيض مفيوح ويبت تووست وسويت لي توست وبيض مفيوح وطماط وجبن سلايز قليل الدسم وسويت لي صمونتين وقلت هذا بيكون ريوق وغدا وحطيتهم بالتوستر لين تحمصوو بعدين كليتهم مع دايت بيبسي وادري بتقوولون وايد اللي كليته عشان جذي خليته مبجر يعني الحين الساعه 12 ونص يمديه ينهضم صح ؟

 

[لميس^^]

هااااي بنات

امس بليل رحت فرايديز بس كليت سيتك مع خضار سوتيه بس مع عصير برتقال


والغداء سلطة مع قطعة وحدة فرايز دجكن من ماكدونالز ....

ليلحين ما وزنت بس احس نفسي صايرة خفيفة ...

انا الرجيم اللي اتبعه رجيم فيه اكل ويضعف اشوي اشويه مو ابسرعة عشان الصحة ....

وانشالله انزل والكل ينزل للحين وزني مثل ما اهوااا ... ما اتغير بس توني بادية ..

 

[امورتي]

احسن شي تخفيف الاكل الفطور والغدا وحذف وجبة العشا وادعوا لي