&&>>تجمع لاولياء امور طلبه مدارس المستقبل <<&&

[*caramel macchiato*]

والله الادارة زينة معاي ولله الحمد ....والنظام حلو وايد ومري بالنسبة لي كمدرسة عربي بالنظام العادي نصابي 18 وبمدارس المستقبل 14 وانا اعتبرها 11 ...لان مادة الحفظ حلوة وخفيفة ومادة الوطنية كذلك....مو مثل العربي 4 حصص باليوم بالنظام العادي(((؛؛؛؛الصراحة عذااب وهلاك؛؛؛؛؛؛)))


والسبورة التفاعلية حدها عجيبة ....اصلا تغني المعلمة من شراء الوسائل المرئية والمسموعة...غير الفديوات ولمسرحيات والصور اخذها من النت والفلاشات....حدها اتشوق حق اليهال واتشدهم للدروس....

 

[البيداء_77]

مدارس البيداء حكومية ولا خاصة ما فهمت انا عيالى بمدرس خاصة إنجليزية هذى مدارس المستقبل اي احد يدخلها ولا لها شروط خاصة عفيه علمينا

هلا والله ناندا ......... المدارس اسمها مدارس المستقبل والقبول يكون مثل باجي المدارس الحكوميه حسب البطاقه المدنيه

 

[البيداء_77]

السلام مدارس المستقبل مدارس حكومية لها نظام خاص فى طرق التدريس . تدرس مناهج وزارة التربية . و تستقبل تلاميذ القطاع الخاص فيها . و توجد مدرستين بنين و مدرسة بنات فى السلام تابع لمنطقة حولي التعليمية. و مدرسة بنين و بنات فى منطقة مبارك الكبير " العدان " و مدرسة بنين فى منطقة العاصمة التعليمية " الدعية " مع العلم ان هناك استثناء لبعض التلاميذ ؟؟؟؟؟؟؟؟؟؟؟؟؟ حسب مديرة المدرسة هههههههههها صح

بصراحه انتو ادرى يا مدرسات خخخخخخخخخخ

 

[البيداء_77]

انا مدرسة في شيخان الفارسي

معلمة آداب


صارلي سنتين بالمدرسة

اهي بالنسبة لي افضل من مدارس النظام العادي


وخصوصا ان بمدرسة شيخان متوفر لدينا تقنية السبورة الذكية (التفاعلية)

يا هلا ومرحبا بابلتنا


بصراحه الصبوره التفاعليه وايد حلووووه وانا شخصيا شفتها وبما اني مدرسه واعرف اليه التدريس ومتطلباته فاحس انها تسهل من مهمه المدرس وتعرزز مجهوده


بس ما تحسين انه النظام مرهق اكثر من النظام العادي؟؟

 

[لوكريسيا]

هلا فيج كراميل مكياتو

.. الحين دوركم يالأبلات خل نستفيد منكم أكثر .. شرايكم بنظام اللوكرز اللي بالصف و ان التلميذ مايودي كل كتبه البيت .. شنو تبونه نسوي عشان نرتقي بمستوى الطالب و المدرسة ؟

 

[*caramel macchiato*]

والله كل شي بالدنيا فيه ايجابيات وفيه سلبيات....بالنسبة حق السبورة التفاعلية حدها عملية وابداعية للمعلمة والمتعلمين...بحيث انها من اهم وسائل الجذب والانتباه للمتعلم....وتوفر للمعلمة الجهد والوقت والمال في توفير جميع الوسائل .....


بالنسبة للنظام في بدايته متعب ولكن مع الممارسة يصبح اسهل وممتع اكثر....

بالنسة للوكرز اهني المشكلة....احنا عندنا جدول معين بحيث ان الطالب ياخذ في كل يوم كتب معينة للواجب او للاختبارات او حتى للمراجعة...ولكن في بعض الاحيان ينسى الطالب كتبه بالمدرسة..وهذي المشكلة نعانيها احنا المدرسات..ولازم انتشيك وراهم على طووول خصوصا اذا كان الطالب في الصفوف الاولى....


وبالنسبة لاولياء الامور هناك تواصل يومي بيني وبينهم عن طريق الاجندة....فاي ملاحظات سواء مني ام من اولياء الامور تدون في الاجندة....فهي حلقة وصل لانستغني عنها في مدارس المستقبل

 

[البيداء_77]

مشكووووره ابله كراميل بس بالنسبه للاجنده انا بصراحه ما كنت اشوف فيها ملاحظات وايد انا ادري انه عدد الاطفال وايد وهذا يكون عبأ على المدرسه بس شنسوي ؟؟


لوكريسيا شرايج ؟؟

 

[لوكريسيا]

و الله رايي من رايج و كنت اقول للأبلات و مساكين يقولون لي ان ما في وقت يكتبون ملاحظات حق 26 طالب مايمديهم


بس ابلات ما جاوبتوا .. شنو و شلون تبونا احنا يا اولياء الأمور نساعدكم؟

 

[pinkdreams]

السلام ما ادري من رايي ان الاجندة حلقة تواصل بينا و بينكم بس مو كل يوم و لا حتى كل شى اعتقد انها حق الاشياء المهمة حسب الحاجة مثل الواجبات و الاختبارات و السلوكيات و اذا مر يوم او يومين او اكثر ما فى من هذة الملاحظات شنو ممكن نكتب خصوصا اذا كان التلميذ شاطر و هادئ و مميز هل كل يوم اشكرو امدح ساعات ما تلاقين شئ تكتبينه

 

[pinkdreams]

وساعات تخلص الصفحة من كثر ما تكتبين حق التلاميذ الضعاف و الشياطين و ما نلاقي رد من الاهل و هذا كله يعتمد على........... الاولاد ...............و الاهل................. و المعلمات .....................

 

[*caramel macchiato*]

احنا مو كل يوم نكتب الملاحظات ....يعني حسب الحاجة والضرورة...وبالنسبة للواجبات انا اسوي قصاصات ورقية صغيرة اطبعها من الكمبيوتر والزقها بالاجندة بشكل يومي تقريبا....وصج تعب...بس هذا شغلنا وواجبنا

 

[ryoonah]

يعطيكم العافيه والله قمت احب هالنظام واتشجعت اكثر

 

[البيداء_77]

اي بس من غير مبالغه ساعات اتم فتره طويله او اغيب ولدي جم يوم ولا احد يكتبلي شي لمن يداوم؟؟

ثانيا ابله مكياتو اذا تطبعين ورقه موحده شلون اذا الطالب عنده سلوكيه معينه ؟؟

 

[لوكريسيا]

لا بيودة يمكن قصدها تطبع ورقة حق الواجب و لا اذا اكو شي للحفظ او للامتحان .. آي ثنك سو

 

[Future Schools]

لوكرسيا معاج حق .. احنا نطبع أوراق حق الاختبارات والواجبات الموحدة، وحق بعض التلاميذ غير الورقة نكتب لهم ملاحظات وواجبات زياده .. من وجهة نظري الشخصية الأجنده مهمة جدا و فعاله ولكن ... مدى تحقيق الهدف منها يعتمد على المعلم و ولي الأمر .. يعني ساعات المعلمة تكتب ليمن اطيح ايدها وشوي وتترجى ولي الأمر .. ولكن لاحياة لمن تنادي .. وساعات أنا ما أنكر .. يكون القصور من المعلمة .. فتهمل الأجنده او ممكن نقول تتكيسل .. لكن أعتقد ان اذا كان ولي الأمر حريص جدا .. مايتركها .. يكلمها مرة و مرتين و ان احتاج الأمر يكلم رئيسة القسم .. أصابع ايدكم مو وحده ياجماعه .. مثل مافي مدرسه مخلصه جدا وذابحه نفسها عشان التلاميذ .. في مدرسات للأسف ماخذين التدريس كوظيفه فقط!! تاخذ من وراها راتب كل شهر .. وتكون غير مباليه .. اتسوي الي عليها بس .. بدون اي مجهود اضافي.. وهذول دايما يكونون عبئ على المدرسه والادارة المدرسية.​

 

[لوكريسيا]

مع الأسف كان تواصل المدرسات في الأجندة السنة اللي طافت قليييييييييل جدا جدا جدا لا يكاد يذكر

و يعطيكم ألف عافية أبلاتنا

 

[البيداء_77]

اههههااااااا انا ابي هالاجابه علشان نوضح حق غيرنا الغموووض---------------> ترقع هههههههههه

 

[*caramel macchiato*]

والله انا اكتب بالاجندة ملاحظات بس مو على طوووول ولا كل يوم الا اذا كان الامر يستحق ....يعني ولد ماحفظ سورة او نشيدة او ضعيف في مهارة معينة ...او الولد نزل مستواه او ارتفع مستواه...

بس الواجبات احطها بالاجندة بشكل يومي تقريبا واذا عندنا املاء اكتب وقت الاملاء وبشنو الاملاء ...واذا عندنا سورة للحفظ اكتب اسم السورة الي لازم يحفظونها....


مثلا اسوي ورقة صغيرة والصقها بالاجندة واكتب فيها:1

_______________________________________


1* املاء يوم الاحد الموافق 2/3 في كلمات الدرس الثالث.
2*حل ورقة العمل المرفقة ثم تلصق في كراسة الواجب.
3*حفظ سورة (( الناس))

_______________________________________

واتشيك علاجندة اذا ولي الامر عنده ملاحظة او استفسار او اي شي...

وفعلا انا عندي بعض الاجندات لطلاب ممتازين تلاقين الاجندة مافيها غير الواجبات ومافيها ملاحظات كثيرة الا بعض عبارات التشجيع والتحفيز...لان ماعندي شي اقوله لاولياء الامور والطالب مايحتاج اي ملاحظة...


موشرط نكتب بالاجندة ملاحظات كل يوم ...يعني كل فترة وفترة...


ترا والله احنا مانحك راسنا من كثر الشغل:cxxxp:

 

[لوكريسيا]

يعطيكم ألف عافية و عساكم عالقوة يا قلبي و الله انتوا

 

[Future Schools]

اههههااااااا انا ابي هالاجابه علشان نوضح حق غيرنا الغموووض---------------> ترقع هههههههههه

مافهمت قصدج البيداء ، ممكن توضحين؟​