&&>>تجمع لاولياء امور طلبه مدارس المستقبل <<&&

[البيداء_77]

على فكره سويت حق ولدي اختبار ذكاء في كليه التربيه وقالتلي انه ولدي مستوا ذكاءه طبيعي والحمد الله ما عنده مشاكل بس يحتاج متابعه

 

[pinkdreams]

السلام اشلونج شنو اخبارج ما كان له داعي تسوين اختبار ذكاء حق ولدج لانه اكيد راح يبين عند الابلة وان شاء الله تيبين اخو حقه عشان يعيد حساباته مع نفسه و معاكم بس لازم انت و ابوه تسوووووووووووووووون كنترول على مشاعركم لان المجتمع مو كله امه و ابوه

 

[pinkdreams]

من ناحية الدراسة لا تحاتين بس طلبي من المدرسة انها تحطه فى صف زين و عند ابلات زينين عشان يتابعونه و اهم شيء تسوينه الحين حقه فى العطله يقرا قصص كثيرة قبل النوم سواء عربي او انجليزي . و في قصص ناحية عربي و نفس الكلام و الصورة بالانجليزي في الصفحة المقابلة لها و اذا يحب يشوف التلفزيون خلية يتابع و يشوف اشرطة برامج الاتقان مثل اخلاقنا الحميدة و قصص الانبياء و ممكن تقرين سلسلة مهارات العب و تعلم حق عزيزة الهولي من شركة دار الفكر الحديث ت : 2403199

 

[pinkdreams]

اهم شيء حاولي لا تغيبينه عن المدرسة حتى لو اتفقت مع الاخصائية بانه يداوم و متى ما تعب يروح البيت افضل عشان يكون في علاقة ود متينه بينه و بين التلاميذ و المعلمات و ترتاحين انت شوي و يكون شخصيته ان شاء الله اكون فدتج الله يخليه لج

 

[البيداء_77]

يا بعد عمري ما قصرتي وان شاء الله بسوي الي قلتيلي عليه بس تهقين اذا قلت حق الاداره في بدايه السنه انهم يحطونه بصف زين بسوون الي ابيه؟؟

 

[pinkdreams]

اكيد اذا شرحت موقفج و ظروف ولدج ممكن بس احسن شيء بداية الدوام قبل الاولاد ما تداوم و يوزعون التلاميذ على الصفوف و كل شىء بيد المديرة اكيد و اذا اقتنعت ما تقصر

 

[Future Schools]

السلام عليكم .. في البداية حبيت أشكركم على هالموضوع الشيق والطرح الراقي .. فعلا الكل حاب يعرف عن مدارس المستقبل و تفاصيلها .. ومثل مانا شايفة الأخوات ، البيداء و دريمز ماقصروا .. وفكرة مشاركة التلاميذ في هذا المنتدى كانت حلوة جدا بس للأسف ماتطبقت ليلحين ..وجد ودنا ياجماعة نطرح بعض الاراء والمقترحات الي ممكن تفيد النظام و تحبب عيالنا أكثر بالمدرسة ..
وأخت ( البيداء) فعلا أنا أنصحج تكلمين مديرة المدرسة من أول يوم وتشرحيلها وضع ولدج واهي شخص متفهم جدا ومصلحة التلميذ اهتمامها الأول

 

[pinkdreams]

شرايكم بعد ما عرفتوا ان دوام المدارس ما راح يتأجل الى ما بعد رمضان هل تعتقدون التلاميذ راح يداومون الناس راح تودي عيالها و الا لأ ؟

 

[البيداء_77]

مشكوره بنك دريمز ان شاء الله بكلم ابله احلام وادري فيها عسل ما شاء الله عليها شبابيه ووايد اخلاقها عاليه الله يجزاها عنه الف خيررررررررر وبصراحه ودي اقولها عن تجمعنا علشان اذا يحطون اعلان حق اولياء الامور علشان اكبر شريحه تشارك معانا وتثري الموضوع وتفيد المديره ومعلماتها في تطوير المدرسه

 

[Future Schools]

مساء الورد .. انا شخصيا مستانسه لأن الدوام ماتأجل لأسباب عديده .. وبالنسبة لدوام التلاميذ ، بصراحة يعتمد على نوعية ولي الأمر .. في أولياء أمور راح يلتزمون بحضور أولادهم .. وأولياء أمور ثانين راح يخلونعيالخم يداومون أول أسبوع بس .. ويغيبونهم الأسبوع الي قبل العيد .. أما النوع الثالث .. ماراح نشوف عيالهم الا عقب العيد .. وخصوصا اذا كانوا الأهل ماخذين اجازة .. بس أعتقد ان الادارة المدرسية لها دور في الحد من الغياب في هالأسبوعين .. ولا شرايكم؟؟

 

[لوكريسيا]

البيداء-----> خوش فكرة .. انج تقولين حق ابلة احلام عن تجمعنا و اذا قدرت انا بقولها بعد

 

[البيداء_77]

السلام عليكم .. في البداية حبيت أشكركم على هالموضوع الشيق والطرح الراقي .. فعلا الكل حاب يعرف عن مدارس المستقبل و تفاصيلها .. ومثل مانا شايفة الأخوات ، البيداء و دريمز ماقصروا .. وفكرة مشاركة التلاميذ في هذا المنتدى كانت حلوة جدا بس للأسف ماتطبقت ليلحين ..وجد ودنا ياجماعة نطرح بعض الاراء والمقترحات الي ممكن تفيد النظام و تحبب عيالنا أكثر بالمدرسة ..
وأخت ( البيداء) فعلا أنا أنصحج تكلمين مديرة المدرسة من أول يوم وتشرحيلها وضع ولدج واهي شخص متفهم جدا ومصلحة التلميذ اهتمامها الأول

هلا والله حياج الله معانا المنتدى والتجمع نورررررروووو بمشاااااركتج


مشكوره حبيبتي على هالكلام الحلو وما نستغني عن مشاركاتكم وانا حاولت اسال ولدي بعض الاسئله الي قالتلي عنها ابله بنك دريم ....... وان شاء الله بس يبدي الدوام راح يكون تواصلنا اكثر واراءنا تبين مع الدوام وتكون حلقه الوصل بينا :gathering:

 

[لوكريسيا]

فيوجر سكولز -----> اسمج صعب

عن نفسي بخلي ولدي يداوم من اول يوم لما قبل العيد .. يعني لما اشوف المدرسة فاضية تقريبا .. ما أحب الغياب

انتي بأي مدرسة اتدرسين؟

 

[البيداء_77]

هلااااااااا حبيبتي لوكريسيا انا فاقدتججججج شخباج حبيبتي ؟؟ وشخبار جسوووومي الحلو؟

 

[لوكريسيا]

البيداء ----> ما تفقدين غالي بعد عمري .. انا بخير دامج بخير .. و جسوم متملل من القعدة بالبيت .. ضاري شلونه مع العطلة ؟؟ و شلون استعداداتكم للمدرسة

بالنسبة لي قاعدة أراجعله العربي .. أكتبه الأحرف و بعض الجمل عشان تاخذ ايده على الكتابة .. و راجعتله منهج القرآن لسنة أولى من سورة الناس لما القارعة .. يعني ماشية معاه حبة حبة

و ليلحين قاعدة احوووووووووووووووووووووووووووووووووووووووووووس و أفترررررررررررررررررررررررررررررررررررر بالبيت .. شسوي ما ألحق مع اليهال اسم الله عليهم و حمني اليوم تعبان حرااااااااااااااااااااااااااااااااااااااااارة وديته الطبيب قالولي التهاب ابلاعيمه

صايرة ادش المنتدى عالسريع .. أقرا شوي و أطلع

بشرينا عنج ؟؟

 

[البيداء_77]

والله ان شاء الله بخلي ولدي يداوم

 

[البيداء_77]

يااا بعد عمري ما يشوف شر الصغير وانا بعد احوس بالشقه نفس الحاله ماكو خدامه ههههههه بس بدبرلي خدامه باسرع وقت


والله ضاري دخلته عند الاستاذ احمد الشطي وصااااار ممتاااز بالعربي والاستاذ قالنا بسوي دوره مستوى ثاني بس على شهر 8 قبل الدوامات وان شاء الله هم بشركه وبدخله تحفيظ قران اكمل له باجي جزء عمه والمراجعه اكثر شي على شهر 8 ان شاء الله اذا تبين تدخلين ولدج مع ولدي عند احمد الشطي اعطيج الرقم ان شاء الله

 

[Future Schools]

الله يحييج البيداء انشاءالله راح نتواصل اكثر .. زين تسوين لوكريسيا خليه يداوم ويستفسد أحسن له من قعدت البيت ولدج بأي صف ؟ أنا أدرس في الفضل حبيبتي

 

[pinkdreams]

السلام اشلونكم شنو اخباركم متى تكونون فاضين خلال الشهر هل في بدايتة او مرتبطين بمواعيد الامتحانات ؟و اذا صار شيء فى المدرسة " احتفال - اجتماع - نادي ........... " متى تفضلون يكون صباحا ام مساء و اذا مساء بعد المغرب و الا قبله احب اعرف اذا سمحتوا

 

[ryoonah]

يعطيكم العافيه