&&>>تجمع لاولياء امور طلبه مدارس المستقبل <<&&

[pinkdreams]

هل هناك معايير واضحة لتقييم المدارس ؟

 

[لوكريسيا]

شنو اكثر شي تحبه فى المدرسة ؟ الفرصة .. اللعب .. حصة العربي .. حصة العلوم
شنو اكثر شي تكرهه فى المدرسة ؟ واحد من عيال صفه .. مايحب يقعد بروحه بالهدة.. ما يحب الأبلات العصبيات
متى تستانس وفى اي حصة ؟ الرسم .. الألعاب.. العربي .. الرياضيات.. الانجليزي
شنو تحب تاكل فى الفرصة ؟ صمونة جبن.. البسكوت اللي داخله ككاو الباندا .. عصير مانجا
وين تحب تروح رحلة مع المدرسة ؟حديقة الشعب .. الأبراج .. الاكواريوم.. سوق شرق .. بروي..
اذا صرت شاطر شنو تبي المعلمة تعطيك ؟الكرة المطاطية الصغيرة .. سيايير .. بي بليد
اذا صرت شيطان اشلون تبي المعلمة تعاقبك ؟ان يوقف بالصف ورى
شنو ودك يكون فى المدرسة السنة الياية ؟ ولا شي

هذي كانت أجوبة جاسم

 

[لوكريسيا]

البيداء ------> اعتقد اشتراكه 35 شي جذي و 3 ايام بالاسبوع يعني يوم و ترك من الساعة 5 لي 8

انا هونت عن النوادي .. مادري شفيني هالسنة كلش ملش مو متشجعة

 

[ryoonah]

يعطيكم العافيه

 

[البيداء_77]

مدرسة شيخان الفارسي من أفضل مدارس المستقبل

على اي اساس اختي قلتي انه مدرسه شيخان اهي الاحسن ممكن توضحين علشان نستفيد؟؟

 

[م فطومه]

لي الفخر اني اقول ان مدرستي مدرسة اسماء بنت عمير احتلت المركز الاول بين مدارس المستقبل مع انها جديدة بين مدارس المستقبل... وتم تكرم المدرسة من قبل الدكتور غازي الرشيدي والاستاذة شيخة الزعبي
(((((((((((((اموووت فيج يا مدرستيييييي)))))))))))))))

 

[pinkdreams]

اشكرج جدا لوكريسيا على هذة المساهمة ما تدرين اشكثر راح نسيفيد من هذي المعلومات و كله لصالح التلاميذ و اولهم عيالنا و ودي اسوي استفتاء لأولياء الامور عشان نخلي المدرسة مكان يحبه التلاميذ و ما يفكر فى يوم انه يغيب بل بالعكس يخليج غصب تودينه المدرسة و يتمنى ان ماكو عطلة نهائي

 

[pinkdreams]

على فكرة الاخت فطومة لو كل واحد بتكلم عن مدرسته و اشلون يحبها جان الصفحات ما تكفي و لكن الواحد يتكلم بمعايير ما احد قال ان شيخان الفارسي او الفضل او اسماء بنت زيد الانصارية " على فكرة صلحي اسم مدرستج " مو من المدارس الاحسن و هذا بشهادة الدكتور غازي الرشيدي و ابلة شيخة الزعبي بالنسبة لباقي المدارس بس هناك معايير لقياس النجاح فى هذة المدارس مثل الاختبار التجريبي للصف الرابع و المستوى التحصيلي للتلاميذ و معايير المدارس المتميزة اللي راح تطلع نتائجها فى شهر اكتوبر

 

[pinkdreams]

كان ودي توضحين معايير اختيار المركز الأول بين مدارس المستقبل و تتاكدين من هذا الموضوع بالذات و هل كان هناك مقياس او مسابقة او معايير باختيار المدرسة كمركز اول و على فكرة مدرسة ابن سينا واسماء بنت عمرو و عبدالكريم السعيد لا تقل عن مدارس جنوب السره فى المستوى التحصيلي للتلاميذ و ممكن تتاكدين من هذه المعلومة من الدكتور نفسه او ابلة شيخه

 

[pinkdreams]

على فكرة يا ريت مديرتج تقرا ما كتبتي عن مدرستج و انا اهنيج على حبج لها و عساه دوم مو يوم لان السعادة فى العمل و حب الوظيفة و الرضا الوظيفي نادر هذه الايام و خصوصا وظيفتنا مع انها رساله الانبياء الله لا يغير عليج

 

[لوكريسيا]

يسلمو بنات

و مبروك لكل من حب مدرسته و وظيفته لأن هالشي يخليه ينجز أكثر و يزرع هالحب داخل عيالنا

 

[ryoonah]

يسلمو بناااااااااااااااااات

 

[شباصة وردية]

مرحبا حبوبات
انا ولدي انشاءالله السنة الياية بمدرسة شيخان الفارسى
ما في وحده عيالها هناك !! ما شفت احد تكلم عنها !!
وحبيت اعرف منكم حبوبات اشلون اليونيفورم !!

 

[pinkdreams]

السلام ملابس شيخان الفارسي قميص ابيض و بنطلون كحلي مع شعار مدارس المستقبل تشترينة من المدرسة

 

[البيداء_77]

بنك دريم ترى حطيتلج اجابات ولدي على اسئلتج بصفحه 20 اشوفج ما علقتي عليهم

 

[pinkdreams]

السلام كان ودي اعرف ولدج اي صف و ليش يحب ابلة المواد العلمية و ما يحب ابلة المواد الادبية و على مشكلة الشراء من المقصف انا لايعة جبدي منها لصغر المكان و ما عندنا مكان ثاني للبيع و قاعدين نفكر بطريقة ثانية خاصة حق اولى و ثانية شكل ولدج فى اولى خامس او اولى اول عشان جذي ما يحب المدرسة كلشششششششششششششش

 

[البيداء_77]

هههههههه

لا بنك ترى ولدي ما يكره ابله الاداب بالعكس يموت عليها بس المادره مايحبها وابلته ابله صفاء واهوه ب اولى رابع

 

[pinkdreams]

تدرين ان ابله صفاء وايد يحبونها الاولاد بس ليش ولدج ما يحب المدرسة شنو اللى مخليه يكره المدرسة اذا كان يحب الأبلات لازم نعرف السبب عشان نقدر نغير فكرته ترى طريج التعليم طويل جدامه و اذا كره المدرسة من الحين صعب يحبها فى الصفوف السادس و توابعه لان المواد تزداد و الدراسة تكثر لو انا منج ما اخليه الا لما اعرف سبب عدم حبه للمكان اللى يدرس فيه

 

[pinkdreams]

يمكن يكون الصف او التلاميذ او المعاملة او عدم كفاية نومه او احساسه بالجدية و تغير نظام الروضة عليه حاولي تكتشفين السر

 

[البيداء_77]

لا يا ابله بنك انا بقولج شنو سالفت ولدي


ولدي الله يخليه لي وحيدي للحين ما يبتله اخوه-------------> يا رب اييبله في القريب العاجل علشان اكسر شوكته هههههه


وحيل دلوع وانا وابوه نخاف عليه حيلللللللللل لانه وحيد فاهتمامنا بس عليه وهالشي مخليه يلعب فينا لعب خخخخخ


يعني يعرف نقط ضعفنا


والسبب الثاني الي يخليه ما يحب المدرسه انه في اول السنه غاب واييييد تقريبا شهر وما انتظم بالدوام الي بالنص الثاني


من الدراسه لانه مناعته ضعيفه شوي وهالشي خلاه ضعيف بالدراسه وما تابع مع ربعه فصار يستحي ويحس بالنقص ....


السبب الثالث انه اهوه يمكن اصغر واحد بالصف لانه اهوه مواليد 280- فبراير -2002 يعني لو ناطره انا 15 يوم قبل ولادته


جان صار مع السنه الي عقبها


طبعا الي قاعده احاول اقويه بالمواد بالعطله علشان السنه اليايه يصير عنده ثقه بنفسه اكبر


واذا تقدرين تفيديني بعد شلون اقدر اقوي ولدي اكون شاكرتلج وما استغنسي عن خدماتج ابله