&&>>تجمع لاولياء امور طلبه مدارس المستقبل <<&&

[البيداء_77]

رد: رد : &&>>تجمع لاولياء امور طلبه مدارس المستقبل <<&&

ياااااابعد قلبي اكسسوار ماقصرتي الله لايحرمنا منج. يخليلج اوليدج

انزين من وين اشتريله الجاكيت الخفيف الكحلي؟؟!

فنانه الحين السوق كله شتوي فراح تلاقين عند بينتون او قاب او زاره ووايد اماكن حتى سنتر بوينت بس المهم انه كحلي

 

[البيداء_77]

واي بنات
ولدي رايح اولى بشيخان الفارسي
ابي مدرسة كويتيه وزينه
من فيكم مجرب ابله ويمدحها ؟
وهم ولدي رايح رابعه انشالله وودي يطيح بصف زين من ترشحون لي عفيه اللي تعرف لا تبخل علي
ومشكورين ؟؟

هلا بوبه شخبارج؟؟

انا ولدي بعد بشيخان بس ما عندي فكره عن ابلاتهم يا ريت ابله غدير تفيدنا

 

[البيداء_77]

الله يعينا على المدايومية واذا عنده كلمات انجليزي يحفظها


ههههههههه تو الناس على الاكتئاب


المهم انا حاطة في بالي انه اول ما يرد من المدرسة امسكه واخليه يحل واجباته الواذا عنده كلمات انجليزي يحفظها

وبنهايه الاسبوع مراجعه عامة

وطبعا بسوي جدول معزز وكل يوم احطله هابي فيس اذا حل وساد فيس اذا ما حل وساعدني وبنهايه الاسبوع نجمع الجدول وعلى اساسه ياخذ هدية

وان شاء الله تنفع معاه هالخطه

 

[البيداء_77]

لوكريسا عيدج مبارك

 

[الكتكوته]

شلووووووونكم بنات؟ اقصد امهااات :blueSmCLR:
عندي سؤال متى دوام اولى ابتدائي ؟ انا حدي تشتت مو عارفه وتوني راده من المدرسه قالو لي الاثنين
وانتو هني تقولون الاحد :s141:

المشكله حتى اهما بالمدرسه ماكانو متأكدين بس بالاخير قالو يوم الاثنين
عفيه منو عندها الخبر اليقين تفيييدني ولها الاجر

 

[الرياش]

اشلونكم بنات وكل عام وانتوا بخير والله يعينا على لوية المدارس
انا ولدي بيروح ثانيه ابتدائي بمدرسة شيخان الحمدالله مدرساته السنه الي فاتت وايد زينيين أبلة العلوم فاطمه والعربي عايده والانجليزي عبير
الله يستر هالسنه ان شاء الله خير بنات الي عيالها بشيخان خل اتفيدنا بمدرسات اعيالها الي مروا عليها

 

[الرياش]

أتوقع أولى الأحد والباجي الأثنين كل سنه أولى يبدون قبل

 

[البيداء_77]

هلا كتكوته مثل ما قالت رياش الاحد اولى وباجي المراحل يوم الاثنين

 

[<<لمار>>]

بنات بديتوا تنومون اعيالكم مبجر انا اعيالى تعودوا على السهر وبالغصب انومهم على 10 بعد زف وصراخ معنى اقعدهم الصبح الساعة 8 بس ماشاء الله عليهم مايبون النوم بس لعب وتلفزيون

 

[البيداء_77]

انا ولدي تقريبا تعدلت نومته ينام الساعة 8 ويقعد الفير لاكن انا للحين تعبانه ماني قادره اعدل نومتي

 

[<<لمار>>]

حاولى تعدلين نومتج معاة البيداء علشان وقت المدارس ماتتعبين وراج تدريس ومجابل

 

[احلى عواشة]

بنات بليييز
منو عيالها بثالثة وخامس في مدرسة الفضل
وشلون مستوى المدرسات بالمدرسة ؟؟؟

ومنو بنتها اولى في مدرسة اسماء بنت يزيد ودنا نتعرف ونفيد بعضنا بايام الدراسة

 

[جورىة2]

يا حلوين منو اعياله فى مدرسة عبد الكريم السسسسسسسسسسسسسسسسسعيد فى مبارك الكبير؟؟؟؟

 

[جورىة2]

السلام عليكم أمهات و عيدكم مبارك ... أنا ولدي بمدرسة عبدالكريم السعيد ... و حايسه أدور له ملف .... ماني عارفه أي ملف يقصدون ...السنه اللي فاتت كل شوي شاريه ملف و مغيره و ولدي يقول يما ايدي عورتني من شيلة الملف حطي كتبي بجنطه مثل ربعي ... و كنت أشوف وايد يهال يشيلون جنطه تشبه جنطة اللاب توب .. معاها علاق على الكتف ... بس كنت أقوله ممنوع ... و المشكله كان صغير و ما يعرف للجدول و يرد لي أغلب الأيام بكل الكتب ....
بصراحه أنا أشوف ان الجنطه اللي على الظهر وايد أحسن ...

ياليت اللي عندها فكره عن الملف المطلوب تقولي ... رحت مكتبة العجيري و لقيت تشكيله ... و من كثرها ما عرفت أشتري و طلعت .. يا ليت تحطون لنا صورة الملف المطلوب .....


الفنانه شلونج حبيبتي و شخبار اليهال و شيوخه شيخة البنات ... و الله و لكم وحشه انتي و باجي بنات التجمع ....

ماشاء الله عيالج بمدارس المستقبل ؟ يالله ان شاء الله هذا يكون تجمعنا الثاني:dddds:

انا بعد اعيالى فى مدرسة عبد الكريم السعيد ومن العام الى طاف خليتهم يروحون بجنطة احسن من الملف الى معورهم على الفاااااااااااااااااااااااااااااااااااضى:27d66a9c24b146327bf

 

[وحش الريم]

السلام عليكم حبيبياتي.......كل سنه وانتم وعيالكم بالف خير
انا هالسنه ولدي اولي ابتدائي بمدرسة الفضل وبنتي برابعة بمدرسة اسماء اثنينهم ناقلتهم من مدارس خاصه
والحمد لله علي تمام نعمته ........تجمعكم جدا مفيد جزاكم الله خير وفي ميزان اعمالكم
بس ابي اسال ....اول يوم للابتدائي لازم اروح معاه ؟
مشكوووورين

 

[أحلى ريماس]

قوة ممكن اسؤال
على اي اساس انقل عيالي عند مدارس المستقبل هل في فأه معينه من الطلبه
وهل يقبلووون كل المتقدمييين لهااا

 

[البيداء_77]

حبيبتي ريماس على اساس المنطقة وعنوان البطاقة المدنية

 

[أحلى ريماس]

حبيبتي ريماس على اساس المنطقة وعنوان البطاقة المدنية

اقصد كل اللي يبي يدشها يقدر انا بالاندلس وين في قريب

 

[x.swar]

السلام عليكم
أمهاتنا ماوصلكم المسج ؟

مدرسة الفضل دازيلي مسج امس بالليل .. بس ماقدرت ادش أحطة لكم لان انشغلت بامتحاني اليوم ..

المسج:
كل عام وانتم بخير
سيكون اللقاء التعريفي للصف الاول فقط في يوم 19-9
أما الدوام الرسمي لكل الفصول سيكون يوم 20-9

وحياكم حبيباتي

 

[x.swar]

بس ابي اسال ....اول يوم للابتدائي لازم اروح معاه ؟
مشكوووورين

وانتي بخير حبيبتي ..
انا بالنسبة لي ضروري تروحين معاه اول يوم دراسي الصبح مبجر ..
عشان تضمنيلة مكان زين بالصف ..

ثبتي مكان ولدج ووصي الابلة عليه عشان تعرف انج مهتمة .. واستودعيه الله و خلصنا :eh_s(7):

وهالكلام لج فنانة بعد دام عيالج باولى توهم ..
وحق كل وحدة ولدها مفهي مايدري شالدنيا.. :wqedqw: