&&>>تجمع لاولياء امور طلبه مدارس المستقبل <<&&

[البيداء_77]

بنات المشكلة في هالنظام انه يحتاج مدرسة ممتازه ومسيطرة وتراقب اليهال وتخليهم ايردون البيت بس بالكتب اللي يحتاجونها يعني مو كل الكتب او ينسى كتاب الواجب وييب اللي ما يحتاجة ......

اذا كان ولدج نبيه بيركز مع الابلة واذا كان اللة بالخير مثل ولدي الفاهي لا بالله بتاكلينها

 

[<<لمار>>]

الفنانة سامحينى تاخرت عليج بالنسبة للجنطة اهى نفس جنطة الرياضة اللى تصير خام ولها علاقةجناط الاب توب ثقال عليهم حتى الكروس تعور الجتف لكن انا تاذيت وكل شوى تنقطع والعام مافى طابور محد دقق عليهم السنة بنطر شوى

لبس الرياضة شورت اسود وتيشيرت ابيض يلبسة تحت هدوم المدرسة يوم اللى علية رياضة مايرضون يبدل بالمدرسة ولايبونة اى بلبس الرياضة بروحة لازم فوقة لبس المدرسة ولازم قميص يعنى بيفسط من الحر يوم الرياضة

 

[<<لمار>>]

البيداء صاجة والله هالنظام يبيلة مدرسات متمكنات بس اللى حاطينهم الله بالخير انا لعام تاذيت مع ولدى من هالمدرسات وكلمت الناظرة واشوة قالتلى انها عارفة اللى صاير وغيرتهم وارتحنا شوى بس اعيالنا يبيلهم ناس شداد

 

[<<لمار>>]

احلى عواشة لاتحاتين اعيالج بيتعودون بس حرصى على العربى المدارس الخاصة مايركزون علية وايد والحكومة كل المواد والامتحانات باللغة العربية لازم اساسة قوى علشان يقرى الامتحان

 

[أم عزيـز]

عيدكم مبارك امهااات
ولله لكم وحشه
مابقا شي ونرجع للغثا والتدريس والكت والتجليد لووووول
انا هالسنه بنتي في 4 وولدي 3

وحاطه في بالي من الحين احتمال كبير ادخلهم تقويه بصراحه تعبت ماني عارفه شسوي
بنتي نسااايه كثر ما انبه المدرسات عليها واقولهم قولوا لها بالحرف الواحد تحط كتابها في الجنطه
وطاااااااااااااااااااف تيني ناسيه الكتب على اساس ان الابله ماقالت لها اخذي الكتاب !!
مع انها اسم الله عليها ذكيه بس وايد تنسى اغراضها وكتبها
والسنه رابعه يعني مرحله صعبه فيها نجاح وسقوط اذا الابلات مو بذيج الكفائه لا بالله راحوا عيالنا
بس ان شاء الله نشوف ابلاتنا اللي فيهم الخير والبركه واللي يعطون من قلب ويحبون ويخافون على اليهال

 

[x.swar]

:eh_s: تقبل الله منا ومنكم ... وعيدكم مبارك :eh_s:
​

ونــــــــــــــــــــــااااااسة
خوش موضوع موضوعكم .. توني أطيح عليه
مع ان ولدي الله يباركله .. خلص أولى وبيدش سنة ثانية بمدرسة الفضل بن العباس​

رأيي ان مدارس المستقبل مثل كل المدارس من ناحية ان
لها ايجابيات ولها سلبيات الله يعينا عليها​

بس ماعرف جذي أدش عرض ..
ان شاء الله بقرا الصفحات السابقة و عقبها أرجع أشارك معاكم :wqedqw:​

انتظرووووني حبيباتي .. ولي معاكم مشاركات والأيام جدامنا باذن الرحمن​

وربي يوفق ذرارينا وذراريكم قولوا امين .. :eh_s(7):

.​

 

[احلى عواشة]

الله يطمنج لمار انشالله الله يعديها على خير على كل عيالنا
اكسسوار هلا فيج بين خواتج باحلى تجمع
منو عيالها مع عيالي ثالث و خامس مدرسة الفضل
واولى مدرسة اسماء بنت يزيد ؟؟؟

 

[ghadeeralnashi]

منا ومنكم صالح الأعمال انشالله
ابله غدير بغيت اسألج ابله هند ليلحين تدرس أولى ؟
انا عندي ولدي الثاني انشالله داش اولى وابيه عند ابله كويتيه وتكون زينه

ابله هند انتقلت من السنه اللي طافت
وماشاء الله ابلات اولى كلهم زينين والله يسهل يارب

 

[الفنانه79]

رد : رد: &&>>تجمع لاولياء امور طلبه مدارس المستقبل <<&&

ابله هند انتقلت من السنه اللي طافت
وماشاء الله ابلات اولى كلهم زينين والله يسهل يارب

يعطيكم العافيه ابله غدير

لو سمحتي الساعه جم عندكم يطلعون الطلبه بالعاده كل يوووم ؟؟؟

 

[x.swar]

فنانة79 حبيبتي :eh_s: ..


الفضل بن العباس السنة اللي فاتت ينهدون الساعه 1و نص .. وحدة وثلاثين دقيقة ضبط يفتحون الباب ..

أما ييتهم الصبح اذا يوم مافي طابور ففيها مرونة المسألة .. يعني لو يتأخر شوي ماعليه باس مايحاسبون ويفشلون الياهل

لأن الطابور عندهم كل مرحلة يوم ..
مثلا الاحد طابور اوائل .. الاثنين طابور ثواني .. الثلاثاء طابور ثوالث .... الخ ...لأن الساحة ماتكفي مدرسة كاملة ..
الا اذا غيروا هالسنة مادري ..


والشعار كذلك لازم تحرصين يكون عالقميص .. عالجهه اليمنى ..

وحسب كلام البنات ان البولو ممنوعه .. توني أدري هههههه طول السنة وانا البسه بولو حق الرياضة مع شورت وفوقه بنطرون المدرسة ..

البنطرونات الكحلية والقصات اللي جنها الجينز وسكيني ممنوع .. لازم البنطرون الرسمي الكحلي ..


الجناط عندهم ممنوعه .. خاصة السحب ..
والله يسلمج الجنطة ماطاحت من جتوف عيالنا السنة بطولها .. الا فترة انا تعمدت اشتريلة فايل ..طار من الفرحة فيه .. و ماردنا ردينا عالجناط ..

هالسنة شكلي بشتريلة هذي اللي جنها كروس بس عريضة نفس ملوت اللابتوب ..

والله يعينج انا السنة اللي فاتت بطولها وانا اللي شايلة جنطته واهو اللي شايل جنطة الاكل .. يكسر خاطري .. ولدي نتفة مافيه حيل ..


وبالنسبة لبرودة بصفوف أولى نبهتج عليها .. لازم جاكيت شتوي خفيف والا يثلجون اليهال .. ما ارتحنا الا لما صار الشتا .. شوي حسينا الجو طبيعي ..ههههه


اتوقع ممنوع الكاكاو .. انا احيانا احيانا احطله لانه احس يحتر من الصبيان اللي بالصف معاه.. مع اني افضل ما احط لانه اسم الله عليه فيه شقاوة والسكريات تزيد الطاقة .. مو ناقصين شطانه ههههه

بالطو العلوم طلبوه منا بورقة الطلبات .. اختي ماطلبو من ولدها .. أسأل ولدي يقول نلبسه .. شريته من مكتبة اليرموك اصغر مقاس ههههه


المدرسات و طريقة المنهج يبيلها جلسة ثانية .. بس مو اليوم .. ان شاء الله وقت ثاني ..


وبحطلج صور الصفوف كنت مصورتهم حق اختي ..

 

[البيداء_77]

:eh_s: تقبل الله منا ومنكم ... وعيدكم مبارك :eh_s:
​

ونــــــــــــــــــــــااااااسة
خوش موضوع موضوعكم .. توني أطيح عليه
مع ان ولدي الله يباركله .. خلص أولى وبيدش سنة ثانية بمدرسة الفضل بن العباس​

رأيي ان مدارس المستقبل مثل كل المدارس من ناحية ان
لها ايجابيات ولها سلبيات الله يعينا عليها​

بس ماعرف جذي أدش عرض ..
ان شاء الله بقرا الصفحات السابقة و عقبها أرجع أشارك معاكم :wqedqw:​

انتظرووووني حبيباتي .. ولي معاكم مشاركات والأيام جدامنا باذن الرحمن​

وربي يوفق ذرارينا وذراريكم قولوا امين .. :eh_s(7):

.​

حياج الله معانا واهم شي بتجمعنا تواصلج والاستفاده والافادة من وحق الجميع


على سالفت الجاكيتات ...... انا العام صار عندي مصرف كل ساعة مضيع جاكيت وشاريتله علشان ما يثلج بالصف

 

[x.swar]

حياج الله معانا واهم شي بتجمعنا تواصلج والاستفاده والافادة من وحق الجميع


على سالفت الجاكيتات ...... انا العام صار عندي مصرف كل ساعة مضيع جاكيت وشاريتله علشان ما يثلج بالصف

ههههههه صاااجة .. :dddds:
جان زين على المصرف بس ..
اهو هواش اهو تدور ..
انا اهاوش ولدي من صوب .. واختي تشخط بولدها من صوب ... وين الجاكيت ووين الجاكيت
اذا مو ضايع .. يا بالخزانة محيوس .. يا بالسيارة معلوج .. وقعدي دوري عليه عشان الولد لايتنافض بالصف من باجر ههههه

اقولج ارتحت يوم يانه الشتا عالاقل الجاكيت ماينفصخ لي البيت .. وبنفس الوقت تحسين جو المدرسة كلة نفس الشي .. مو حر وبرد ....

 

[البيداء_77]

ههههههههه يا حرام يكسرون الخاطر هاليهال

 

[@ فدك @]

شلونج حبيبتي البيداء

لج وحشه والله

وتبين الصج

احنا الي نكسر الخاطر والله

هالمدرسه لاعبه فينا لعب

الله يعينا خصوصا انه عيالنا هالسنه برابعه

يعني جد الله يكون بعونا

 

[الفنانه79]

رد : &&>>تجمع لاولياء امور طلبه مدارس المستقبل <<&&

ياااااابعد قلبي اكسسوار ماقصرتي الله لايحرمنا منج. يخليلج اوليدج

انزين من وين اشتريله الجاكيت الخفيف الكحلي؟؟!

 

[booba]

واي بنات
ولدي رايح اولى بشيخان الفارسي
ابي مدرسة كويتيه وزينه
من فيكم مجرب ابله ويمدحها ؟
وهم ولدي رايح رابعه انشالله وودي يطيح بصف زين من ترشحون لي عفيه اللي تعرف لا تبخل علي
ومشكورين ؟؟

 

[<<لمار>>]

الله يعينا على المدارس ولويتها انا من الحين حايشنى اكتئاب ولدى رايح رابعة مانى عارفة شراح اسوى معاة

 

[لوكريسيا]

السلااااااااااااااااااااااااااااااام عليكم

اشتقت لكم وااااايد

الفنانة .. اذا عليهم بدنية بالصيف يلبس الشورت و التي شيرن و فوقهم لبس المدرسة .. و بالشتا لا بس ألبسه التراينينغ سوت

اليوم رحت تروفاليو شريتلهم مقتطفات من كل شي عشوائي ليلحين ماني عارفة شنو طلباتهم بالضبط و ناطرين الاحد اول يومد دراسي

باقي البنات ... ذكرتوني .. طلعت ناسية بالطو العلوم

 

[احلى عواشة]

اكسسوار مشكورة على المعلومات
ونبي نعرف عن المدرسات ؟

 

[البيداء_77]

شلونج حبيبتي البيداء

لج وحشه والله

وتبين الصج

احنا الي نكسر الخاطر والله

هالمدرسه لاعبه فينا لعب

الله يعينا خصوصا انه عيالنا هالسنه برابعه

يعني جد الله يكون بعونا

هلا وغلااااااا بفدك الغالية شلونج وشخبارج؟؟


والله ولهانة عليج :tek:


الله يستر من رابعة انا حدي خايفة