&&>>تجمع لاولياء امور طلبه مدارس المستقبل <<&&

[لوكريسيا]

مساء الخير

ما فقدتوني؟؟

أولياء أمور الفضل .. سؤال : استلمتوا شهاة الفترة الثالثة + صور التفوق + السي دي ؟؟ انا مادري شالسالفة توني رادة من السفر

أولياء أمور شيخان الفارسي : ألف مبرووووك و منها للأعلى يا رب

أبلة غدير .. عساج عالقوة

 

[ghadeeralnashi]

وبشر الصابرين الذين اذا اصابتهم مصيبة قالو
انا لله وانا اليه راجعون
انتقل الى رحمة الله والد المعلمة شيخة المحرول معلمة القسم العلمي بمدرسة شيخان الفارسي
نسال الله أن يتغمده بواسع رحمته ويسكنه فسيح جناته مع الصديقين والشهداء وحسن اؤلئك رفيقاً
ونساله ايضا أن يصبر أهله ويطرح البركة في ذريته

 

[لوكريسيا]

لا حول و لا قوة إلا بالله

عظم الله أجرهم .. الله يرحمه و يغفرله

 

[البيداء_77]

وبشر الصابرين الذين اذا اصابتهم مصيبة قالو
انا لله وانا اليه راجعون
انتقل الى رحمة الله والد المعلمة شيخة المحرول معلمة القسم العلمي بمدرسة شيخان الفارسي
نسال الله أن يتغمده بواسع رحمته ويسكنه فسيح جناته مع الصديقين والشهداء وحسن اؤلئك رفيقاً
ونساله ايضا أن يصبر أهله ويطرح البركة في ذريته

لا حول ولا قوه الا بالله


الله يرحمة ويغفر له ويقبله القبول الحسن

عظم الله اجرهم

 

[البيداء_77]

يا حياتي يا لوكريسيا والله كل يوم ابي ادق عليج اتحمد لكم بالسلامة وحاطة في بالي بس والله حد الدوووسة عرس اختي عقب يومين الله يسهل امرها

 

[لوكريسيا]

البيداء .. معذورة و لو

الله يهنيها و يتمم عليها

ناطريج .. مع تفاصيل العرس

 

[البيداء_77]

السلام عليكم


تم بحمد الله


اللهم لك الحمد خلص عرسنا كان وايد حلو ويهبل وكل شي تماممممممم


لوكريسيا تو الصيف عندي بلش هههههههههه

 

[لوكريسيا]

البيداء .. مبروكين .. و عقبال ما تفرحين بولدج يا رب .. و عن الصيف .. بشوفلي نادي و لا شي بدخل عيالي ملوا من البيت بس يحنون .. و يا ربي الظهر و العصر مو مال طلعة الا بعد المغرب او العشا

 

[البيداء_77]

الله يبارك بعمرج يا حياتي

انا شركت ضرووي بنادي كامبرج اللي بحولي بس ما احس انه استفاد

للاسف اغلب النوادي تجارية ومثل الحضانة

 

[لوكريسيا]

مساكم الله بالخير

البيداء .. ماكو أحد انا و انتي بالموضوع الظاهر الجماعة سفارة عليهم بالعافية

دخلت اليهال النادي العلمي .. مستانسين لقوا ربعهم اللي بالمدرسة معاهم هناك و مكيفين

 

[البيداء_77]

هلا والله لوكريسيا سامحيني على التأخير بالرد بس ليهيت اليومين اللي فاتوا رحت البحرين

زين سويتي يوم شركتي اليهال ......

انا الحين بشرك ولدي بالقاعدة الحلبية لتأسيس الانجليزي

 

[Um Hasan]

شلونكم بنات .. مبروووك البيدا على أختج انشالله الله يهنيها انشالله ..
لوكريسيا .. لي متى في تسجيل بالنادي العلمي وما تدرين برمضان شلون دوامهم ؟؟؟
توني رادة من السفر .. وحايسة حدي

 

[البيداء_77]

الله يبارك فيج يالغالية يا ام حسن

والحمدالله على سلامتكم ..... انشاء الله استانستوا بالسفره واليهال غيروا جو؟

 

[Um Hasan]

الله يسلمج ... الحمدلله غيرنا جو

 

[البيداء_77]

عليكم بالعافية

 

[البيداء_77]

مبااااااارك عليكم الشهر وعساكم من عوادة


يا حلو شيخان الفارسي حدهم ذوق مطرشيلي مسج يهنون فيه برمضان

 

[Um Hasan]

علينا و عليج حبيبتي

 

[لوكريسيا]

السلام عليكم

مبارك عليكم الشهر

البيداء .. الحمدلله على السلامة .. شلون البحرين و جو البحرين؟؟

أم حسن .. الحمدلله على السلامة .. دوام النادي مو ذاكرة مواعيدهم بالضبط بس عموما اللي اذكره ان في دورات برمضان من الساعة 2 لي الساعة 5 تقريبا + مواصلات من و الى النادي

 

[Um Hasan]

مشكورة حبيبتي .. بس الدنيا وايد حر ..ما أقدر أسجلهم
انا بروحي ما اصدق متى ارجع البيت من الدوام .. الحمدلله والشكر بس حرنا كلش مو طبيعي

 

[احلى عواشة]

السلام عليكم بنات
انا هالسنة نقلت عيالي لمدارس المستقبل
الاولاد مدرسة الفضل و البنت مدرسة اسماء بنت يزيد
تكفون عطوني تفاصيل عن المدارس
مستواهم ولبسهم وطريقتهم بلييز عيالي ناقلتهم من مدارس اجنبية ؟؟؟