&&>>تجمع لاولياء امور طلبه مدارس المستقبل <<&&

[Um Hasan]

هلا عواشة ...
نظام مدارس المستقبل انه كل صف له أبلتين وحدة للمواد العلمية و الثانية حق المواد الأدبية وما يدرسون أي صف ثاني .. إلا أبلة الإنجليزي
وما أقدر اقول انه كل الأبلات مستواهم ممتاز .. مرات فيه أبلات الله يعينا عليهم ..
بس صراحة أنا عندي أحسن من النظام العادي من ناحية الإهتمام والتواصل مع اولياء الأمور ..بس طبعا مو نفس المدارس الخاصة .. يعني راح تحسين بفرق من الخاص لي الحكومة ..

واللبس يكون بنطلون كحلي وقميص أبيض ..
والله يوفق عيالج انشالله

 

[ghadeeralnashi]

السلام عليكم
بداية كل عام دراسي جديد يسألون اولياء الامور عن مدارس المستقبل لذلك يمكنهم الدخول إلى
الموقع الرسمي لمدارس المستقبل
http://www.future-school-kw.com/
وكذلك على الفيس بوك يمكنكم كتابة مدرسة شيخان الفارسي وتدخلون على الصفحة الخاصه بالمدرسه على الفيس بوك
والسلام عليكم ورحمة الله وبركاته

 

[احلى عواشة]

حبيبتي ام حسن مشكورة عالرد
انا شريت لعيالي من ماركسبنسر
بس احترت بنتي مدرسة اسماء شنو لسهم ؟؟؟
شريتلها تنورة كحلية وقميص ابيض ؟؟؟
صح جذي وشلون على الدفاتر و الكتب ؟؟؟
ادري دوختج معاي

 

[Um Hasan]

انا بعد شريت لهم من ماركس سبنسر .. بس ما عندي فكرة عن ملابس البنات

انا عيالي بشيخان الفارسي .. وطلباتهم 4 دفاتر حق العربي + ملفين و 2 حق الإنجليزي + 2ملف و دفتر واحد حق الإسلامية + ملف
ودفتر حق الرياضيات + ملف ، ودفتر علوم + ملف + بالطو علوم
وألوان خشبية وشينية و قص ولزق و كراسة رسم و دفتر حق الموسيقى

طبعا الدفاتر كلها 40 ورقة بس انا بصراحة حق ولدي اللي برابعة شريت 60 ورقة .. بو 40 بسرعة يخلص ..
حتى الملفات اشتري اكثر لأنه راح يصير في استهلاك ملفات و خلي كل مادة لها لون

وانشالله اكون ساعدتج

 

[Um Hasan]

شلونج أبلة غدير
ممكن تقولين لنا متى دوام الطلبة بالضبط ؟؟

 

[ghadeeralnashi]

هلا والله
هذا موقع جريدة الانباء في جدول التقويم الدراسي لهذا العام
http://www.alanba.com.kw/AbsoluteNMNEW/templates/local2010.aspx?articleid=118320&zoneid=243
وبالنسبه للملفات في نوعيه وايد حلوه بالمكتبات
اكون الملف شفاف و السحاب على لون اللي تبينه بس ملمسه وايد زين ويتحمل لي اخر الفصل على شكل خام اتمني اتكونين عرفتيه
بالإضافه إلى الجنطة الرياضيه الخفيفة

 

[البيداء_77]

هلا احلى عواشة ترى مارك سبنسر وايد حلو حق لبس عيالنا وانا اعرف ناس تفصل حق بناتها


ابله غدير شلونج ومبارك عليج الشهر

 

[أم حمودي]

رد : &&>>تجمع لاولياء امور طلبه مدارس المستقبل <<&&

حبيبتي أحلى عواشة
بالنسبة لفستان لون كحلي أنا حصلته بمجمع الأيوب محل في الدور الأول اسمه كلاسيك

 

[البيداء_77]

ام حمودي شخبارج؟

 

[احلى عواشة]

حبايبي وبنات احلى منتدى
شكرا على المساعدة
ام حمودي شكرا على المعلومة بمر الايوب اليوم وبشوفهم
بنا ت شلون عالقمصان كم طويل والا نص كم؟؟؟
وانا شريت جنا لعيالي وقالتلي وحدة انهم ما يبون جناط ؟؟؟
والجواتي عادي رياضة اسود؟؟؟

البيداء حبيتي وين اخيط لبنتي؟؟؟

 

[Um Hasan]

آنا ماخذة لهم جم طويل ونص جم ... مرات صفوفهم تكون باردة فيلبسون جم طويل ...
والجناط اللي يستعملونها الخفيفة مثل ملوت الرياضة ..
وتكرمين الجواتي عادي كل المدرسة لابسين جواتي رياضة

وأي سؤال احنا حاضرين

 

[البيداء_77]

عادي ام عواشة تشترين الخام وتخيطينه عند اي خياط مديل ذرب وناعم مثلنا قبل ايام ما كنا بالمدرسة لازم امي تفصلي وتفنتق الله يخليها لي



يا بنات لوكريسيا مالها حس ؟

لوكريسيا ولهانة عليج يالقاطعه وينج؟

 

[الفنانه79]

رد : &&>>تجمع لاولياء امور طلبه مدارس المستقبل <<&&

السلام عليكم

بنااااااااااااات تكفون اعيالي السنه اليايه اولى ابتدائي في مدرسة الفضل بن العباس

تكفووون تكفووون شنو الطلبات اللي يبووونهم ؟؟

ولبس الرياضه شورت كحلي وبلوزه بيضه صح ؟؟

تكفووووووووووووون ردوا علي

 

[أم حمودي]

رد : &&>>تجمع لاولياء امور طلبه مدارس المستقبل <<&&

البياء _ 77
هلا وغلا أنا بخير والحمدالله مرتاحه بالعطلة
بسألج شنو طلبات مدرسة شيخان الفارسي حق الصف الخامس ؟

 

[البيداء_77]

هلا ام حمودي .......

هذي الطلبات وتقريبا نفس الطلبات حق كل المراحل مع تغيير بسيط



اللغة العربية : 4 دفاتر 40 ورقة +دفتر للمكتبة للفصل الدراسي الثاني + ملفين

اللغة الانجليزية : 2 دفتر 40 ورقة (2 اسطر ) + 2 ملف بلاستيك + غلاف شهادة

التربية الاسلامية : 1 دفتر 40 ورقة + ملف

الرياضيات : دفتر 40 ورقة + قلم لوح + الوان خشبية + ادوات هندسية

العلوم : الوان خشبية + بالطو علوم الابيض + دفتر 40 ورقة

التربية البدنية : بلوزة بيضة - شورت اسود حذاء اسود رياضي

التربية الفنية : الوان شينية - قص ولزق - كراسه رسم- الوان خشبية

التربية الموسيقية : دفتر موسيقى لجميع الصفوف ----> انا شخصيا ما اعترف فيها يعني طااااااا

 

[البيداء_77]

فنون حبيبتي اكيد البنات بيردون عليج بس الحين لاهين شوي برمضان

 

[احلى عواشة]

بنات احترت ما لقيت حق بنتي ؟؟؟
رحت للي بالايوب ما عجبني سادة والحين الكل ما يستقبل
ما تعرفون احد يخيط ملابس المدرسة ؟؟؟؟
تكفون لا تردوني ؟؟
و لي الحين ما شريت الطلبات

 

[البيداء_77]

ام عواشة انا شفت بماركسبنسر ما شفتيييييييههههه؟

 

[البيداء_77]

كل عام وانتوا بخير يا بنات .........

جهزنا للمدارس شرايكم باغراضنا؟





يالله ورونا انتوا شنو شريتوا

 

[لوكريسيا]

السلام عليكم

شلونكم بنات شخباركم مع التجهيزات

البيداء .. ولهت عليج العافية حبيبتي .. الله يسلمج لاهية مع رمضان الخدامة اول رمضان يمر عليها و مو عارفة السيستم و كل شي عليي من التمرية لي العصير و الماي .. انا مخليتها تغسل الصحون و تمسك يسافي عني

الفنانة .. الرياضة شورت كحلي و تي شيرت ابيض صح .. بس محد عطانا ورقة طلبات .. لما يداومون يقولون طلباتهم

و على التجهيزات .. شريتلهم من ماركس سبنسر القمصان و البنطلونات و تي شيرتات البدنية .. باقيلي الشورتات و دلاغات و تكرمون جواتي + شغل المكتبة