&&>>تجمع لاولياء امور طلبه مدارس المستقبل <<&&

[أشرقت]

صراحة حيييل صعب أنا مدرسة مصرية قالتلي إنهم في مصر يدرسون هالمناهج في المتوسط والثانوي
حسبي اللة عليهم عقدو عيالنا وكرهوهم في المدرسة كلش ولا سالفة الاسئلة مالت التخمين باللة عيالنا شعرفهم بالتخمين
حبيبتي حتي أنا مادريت بسالفة الاملاء ولدي غايب يوم الاحد ومااخذالورقة وقال للابلة ماعندي الورقة ماحفظت ماردت علية وملتة غصب
عاد انا اليوم حفظتة الكلمات وباجر بروح وياه وكلمها الصبح تعيدلة الاملاء

 

[@ الرسامة @]

لوكريسيا


الله يعينج والله انا من اساله عن اساميهم يقولي الابلة العصبية والابلة المو عصبية
والمشكلة كلهم تعيين يديد ومو متزوجين يعني ما عندهم احساس بالامومة
وايد جافيين
يقولي اول يوم
ماما انا حسران حيل قلت حق الابلة ابي اروح الحمام ما خلتني


عاد لقو
انا مدرسة متوسط ويكسرون خاطري البنات اذل بيروحون الحمام
اشلون باولى

عاد رحت شكيت عليهم ثاني يوم

 

[( روعه )]

شجرة الورد

اسفة كنت اقصد من الكتب اهي اسئلة وتمارين جمعية المعلمين كتابين كل كتاب له مادتين خذيتهم من مكاتب حولي
والكرفتة انا بعد اليوم شفت اليهال لابسينها شحلاتها صغيرونة مو نفس بهاسين شطولها
وديتها الخياط اليوم قلت له قصها قالي مايصير فيها بطانة

-----------

انا بالروضة كنت البسه كرفته فيها سير من سنتر بوينت بس ما ادري اذا عندهم كحلية

-------------

شسوى ولدج اليوم ؟؟ شفتيهم بالطلعة اكسرو خاطري والله الكتب شايلينها بالغصب انا ما قدرت اشيلها اشلون هاليهال ؟؟؟
ومنو هاذي اللي تصرخ لابسة عباية ؟؟ عندج فكرة ؟؟

هلا الرسامه ... ما يشوف شر وليدج طمنينا عليه ...ان شاء الله أحسن؟؟

اي و الله حاسه بشعورج بعد عمري ..تحسين ان الدروس راح تطوفه و محد راح يعلمج شنو عطوهم ....

انا ترى ولدي بأولى ابتدائي بعد ... ولدج اي صف

يالله انشالله انا وياج ...اي شي تبينه انا حاضرة ...


بالنسبه للمناهج مشكورة نفس اليوم رحت المكتبه ولقيت منهم و شريت ... لأن الكتب راح تكون عندهم ..فقلت أستفيد منهم ..

الله يسلمج اللي تصارخ طلعت الناظرة .. الله يستر يقولون يديده ...ماأدري شنو نظامها ... لأن امدحوا الناظره اللي قبلها وايد ... اما هذي الناظرة ماأعرفها ان شاء الله يكون صدرها وسيع لنا ....و لعيالنا ..بس حسيتها سمحه ..

تعالي يقولون الجنطه ممنوعه ... وين أحط مقلمته؟؟ لأن الملف المطلوب مقسم من داخل ما يكفي أحط مقلمته ...

و طالبين أقلام سبورة و مساحة سبوره و ألوان خشبيه وين أحط كل هذا ...

سمعت الناظره اول يوم تقول في ملف من بره خام مو بلاستيك قالت اشتروه احسن من البلاستيك لأن يتكسر مع الوقت

بس ما ادري شنو تقصد .. مالقيت مثله بالسوق ...

انتي أي واحد شاريه؟؟

طولت عليج وايد سوري ...

 

[Um Hasan]

أشرقت .. اليوم في اجتماع حق أولياء الأمور الساعة 9

 

[أشرقت]

هلا ام حسن
صراحة مارحت الاجتماع لإني حضرتة العام وبيقولون نفس العام
بس رحت الصبح مع ولدي المدرسة وكلمت ابلة الانجليزي ابلة حصة عشان تعيد الاملاء لولدي وشحليلها مبين عليها طيبة
إنتي رحتي الاجتماع ؟ قالو شي جديد ومهم ولا عادي ؟

 

[Um Hasan]

رحت الإجتماع .. تكلموا عن الوثيقة اللي وزعوها على الطلبة وعن توزيع الدرجات ... انا اول مرة احضر هالإجتماع ... ما خلصوا الا 11:30 ... والله جان زين انا بعد مكلمة أبلتهم ياب 3من 5
بغيت اسألج تعرفين أسامي أبلاتهم الرياضيات والعربي؟؟؟

 

[حوراء الكون]

السلام اشلونكم شخباركم انا ولدي في الفضل صف 3-1 منو ولدها مع ولدي

 

[@ الرسامة @]

شجرة الورد

جيكي على الخاص وطرشي لي رقمج
انا حضرت اجتماعهم ناظرتهم السابقة تهبل قوية حيل اما اليديدة فكلش مالها صوت
اما بالنسبة حق ام العباة اطلعت المديرة المساعدة وايد حرجة وقوية انضباطية وايد يمدحونها
بالنسبة للفايل انا خذيت السودة اللي قالت عنها ممنوعة وكيفهم الصراحة ماني مبدلتها
اما بالنسبة للسبورة وقلمها اخذي من سوق بو امية السبورة اللاصقة ومعاها قلمها
وانا خذيت زيادة من المكاتب اقلام ومساحة السبورة من المكتبة بس لاتشترين غالي راح يضيعها الياهل
انا ولدي قبل لايغيب مضيع مقلمته
بس مع توصيات اختي لوكريسيا انا طبقت نصيحتها شارية ادوات مكتبية بالكراتين حتى المقالم ماخذة 4
فما اروح كل اليوم والثاني المكتبة

 

[@ الرسامة @]

اي صح تلقين الجنطة بمكاتب حولي بالسراديب وجرير حولي

 

[أشرقت]

هلا ام حسن
ابلة الرياضيات أمل
ابلة الانجليزي حصة
ابلة العربي عمري ماكلمتها بس سألت ولدي يقول اسمها حسناء

 

[Um Hasan]

مشكووورة حبيبتي ...

 

[المتالقه دائما]

مرحبا يا حلوين اشلونكم مع لوية المدارس

الله يعينا على المنهاج صعبه احنا ضايعين وياهم

 

[@ الرسامة @]

اي والله المناهج حيل صعبة


الله يعين

 

[@ الرسامة @]

up


up


up

 

[أشرقت]

اللة يعين الامتحانات قربت

 

[أم حمودي]

شكل ولدي ببدع بالإمتحانات

 

[لوكريسيا]

السلام عليكم

شلونكم و شخباركم مع المدارس ؟؟

الرسامة .. ولدي قام ينسى المقلمة باللي فيها بالمدرسة و يرد البيت ايد ورى و ايد جدام . . أعطيه المقلمة السبير و احط فيها اشياء بسيطة و من باجر اتحلف فيه ان ماردهم ماكو غيرهم عاد اشوة يرد بالثنتين .

بنات انا فاقدة البيداء من غير شر مادري عنها

 

[@ الرسامة @]

لوكريسيا

هلا فيج حبيبتي

اشلونج مع لوية اليهال
انا احس ان راسي بينبط طول النهار نجرة وهواش
ولما ادرس ولدي حرام يكسر الخاطر من كثر ما اصرخ عليه
واي هالصبي يعور قلبي

 

[<<لمار>>]

مساء الخير بنات انا عيالى واحد باولى وواحد بثالثة وانا وايد تعبانة مع الذى بثالثة ميننى متمرد والمدرسات مايرحمون تخيلون اليوم تقولى امتحانة باجر انزين ليش ماتبلغين قبلها بحم يوم علشان نظمن انة فعلا متمكن من الدرس انا ادرسة يوم بيومة بس الرياضيات لازم تكرار علشان تثبت المعلومة

 

[@ الرسامة @]

الحين لما يردون لي كتاب الوطنية باولى اخليه عندي لي الاسبوع الياي لانه المادة مرة وحدة بالاسبوع والا ارده على طول ثاني يوم ؟؟؟