&&>>تجمع لاولياء امور طلبه مدارس المستقبل <<&&

[أم حمودي]

عيدكم مبارك
وعساكم من عواده

 

[البيداء_77]

ايامج سعيده يا حياتي ومن العايدين والفايزين

 

[Um Hasan]

أيـــامكم سعيـــدة

يلا خلص رمضان وعيدنا .... ما بقى شي على المدرسة ... شلون المعنويات ؟؟؟

 

[أم حمودي]

أنا وحده خايفه على عيالي
لما الحين ماطلعت مع اعيالي
وإذا بغيت شي من الجمعية أطرش السايق

 

[Um Hasan]

مو لي هالدرجة أم حمودي ... انا ما اطلعهم وايد بس مو حابستهم اوديهم الجمعية وزوارات الأهل ...
اللي عيالهم بالمدارس الخاصة مداومين ... والحمدلله مافيهم شي .... لاتوسوسين والله الحافظ

 

[لوكريسيا]

السلام عليكم .. يالله الايام تركض ما شاء الله و الدوام ورانا ورانا

 

[أم مرزوق]

السلام عليكم ورحمه الله وبركاته
اشلونكم كلكم انشالله بخير عندي استفسار انا ولدي في مدرسة عبد الكريم السعيد ثانية ابتدائي ما عليكم امر متي دوامهم بضبط

 

[Um Hasan]

هلا فيج أم مرزوق ... ثانية ابتدائي يداومون يوم الأحد تاريخ 18-10

الله يعينا خلصت الإجازة ...

 

[البيداء_77]

السلام عليكم يا امهات احلى تجمع


ما فقدتوني ؟؟؟


عالعموم انا لاهية مع ولدي حراره وتعبان ادعوله انه الله يشافيه

 

[أم مرزوق]

هلا بالغالية ام حسن ماقصرتي حبيبتي
هلا البيداء ما يشوف شر اوليدج انشالله يكوون بخير حبيبتي ..............عاد انا اذا سخنو عياله وارتفعت الحرارة انقع مرة في بطل صحة واشربهم جنها دوا الله يشفيهم سبحان الله عطيه مرة تري وااااااااااااااااااااااااااااااااايد زينه للجسم والله

 

[البيداء_77]

مشكوره بعد عمري ام مرزوق عاد اول ما تعب عطيته وبعدين نسيتها الحين ذكرتيني

 

[أم مرزوق]

الله يطمنج عليه امين

 

[البيداء_77]

ابشركم الحمدالله فجت الحراره منه


اللهم لك الحمد

 

[لوكريسيا]

البيداء .. ما يشوف شر ضاري .. أجر و عافية ان شاء الله

أم حسن .. أهلا أهلا

دوام أولى و ثانية و ثالثة ابتدائي 18 /10
الله الحافظ

 

[Um Hasan]

لوكريسيا .. شخبارج
البيداء .. ما يشوف شر ولدج انشالله

شخباركم بنات ... بدت المدرسة وحايسين مع الطلبات والواجبات واليهال كله مالهم خلق تعودوا على الربادة

 

[باربي للابد]

شلونكم بنات وينكم طاخين

شلون تجهيزاتكم للمدارس؟​

 

[<<لمار>>]

انا عندى اولى ابتدائى وحدى مكتئبة وموقادرة علية كل ماقعدتة ابية يكتن يننى مومقضبنى عمرة اذا هذا اولها ينعاف تاليها

 

[البيداء_77]

شخبار الجميع؟


لولوكاتي حبيبتي للحين ما شفتي شي طولي بالج الصبيان كلهم جذي

 

[ryoonah]

صباح الخير جميعاااااااااااااااااااااااااااااااا

لكم وحشه كلكم

متا اقدر اخذ الشعارات يا حلوين بنتى بمدرسه اسماء بنت يزيد الانصاريه

 

[البيداء_77]

هلا والله ريونة ترى اهم مداومين الحين تقدرين تروحين تاخذينهم