تجمع قروب passion لرجيم اتكنز المرحله (1)

[متصفحة]

مراحب

يصير اجي معكم؟

انا بديت من يومين اتكنز .. وشفت قروبكم وحبيته مره تسمحون لي ابدا؟

حياك الله معنا ...

وانا ببلش من جديد بكرا ..عشان لي اسبوعين وبعدين ثبت وزني .. :eh_s(4):

من بكرا بروتين صافي 3 ايام :eh_s(8):

 

[متصفحة]

متصفحه حلووه طريقه خل التفاح بس قبل الاكل او بعد الاكل

انا والله اي وقت استخدمة الصراحة ..واكثر وقت بعد الاكل بساعة

ابحثي بقوقل عن خل التفاح وشوفي اللي يناسبك ..:eh_s(17):

 

[ام أنوسه و رنود]

كيفكم بنات
ما فطرت اليوم ماادري ليه اصحى من النوم مالي نفس في الاكل بس اشرب مويه
تغديت سمك بعدين شربت ببسي دايت
تعشيت 2بيض مقلي وشربت مويه
بنات الله يسعدكم جابوني من يوم اكلت حبوب ياسمين وانا اشم ريحه الاكل تقلب كبدي كاني اتوحم ونفسييتي شو شينه وغير كذا (زاد عليه النزيف ) اسمحولي على الجرأه محتاره ابطلها ولا لا

 

[Jnaaaat]

كل هذا صار فيج منها بلااااهااا حبيبتي يمكن ماااتصلح لج

 

[dantella]

متصفحه انا بعد ببلش معاج بكره بالبروتين الصافي ابي اطلع من ال80 باي شكل

 

[simple.girly]

السلام عليكم ورحمة الله وبركاته*
صبحكم الله باليل شخباركم*
ام انوسة ورنود ش الله حادج على الحبوب بلالها - او يمكن صج يمكن حامل مبرووك مقدما *اضحك معاج بس حطي بالج على صحتج*
*ممم طبعا اليوم انهد حيلي بالدري *يمكن سبع مرات نازلة وصاعدة *ان شاء الله تيب نتيجة مجموع المشي اليوم تقريبا مابين 35-45 دقيقة*
سبورتية حياج الله والساعة المباركة - بشونة راح تسوين جدول يديد الله يعينج ان شاء الله*
بس وينج مالج حس*

 

[simple.girly]

لا تقولون بس سهرانة بروحي وكلكم نمتو*q

 

[passion.666]

السلام عليكم ورحمة الله وبركاته
شلونكم بنات شخباركم ( سيمبلي انا سهرانه معاج لاتحاتين لان هذا الوقت اللي يناسبني)
بنات شخباركم سامحوني ما اقدر اتواصل معاكم بنتظام لان بلشو عيالي اختبارات وغير بنتي الصغيره عمرها سنتين مجابلتها بس مو معناته اني ما اراقبكم
انا كل يوم ادخل وشوف يومياتكم وتعليقاتكم بس ماارد عليكم
بنات اذا تبون اي شي اي سؤال من عيوني دزولي على الخاص
وانا معاكم لاتحاتون راح انزل يومياتي يومياً
بنات حبايبي اعتبروني اختكم او امكم واللي تبي جدتكم سمعو كلامي عدل
لاحظت طرح مواضيع الادويه رجاءاً كل الرجا في موضوعي انا مابي تطرح سالفة الادويه حتى لو كانت غير مضره اذا تبي تطرح رجاءاً بعيد عن موضوعي
الكل يشارك معاي وفي ناس التابع موضوعي من غير متشارك في رسائل كثيره اتييني ان بلشو معاي وانزلو اكثر من 10
وفي ناس تبي تضعف ولما يشوفون مشتركه طرحت الموضوع الادويه علي طول تروح تشتري من غير استشارت الطبيب
يابنات فهمو عدل احنا حريم المتزوجه او غير متزوجه معرضه للخطر من الادويه في شغلات سبحانه الله ماتناسب هذه الادويه ولايتقبلها الجسم حتى لو انت سليمه يمكن تخربط الهرمونات عندج
الله خلق الضعيف وخلق المتين حطي بالج شغلة الجينات الوراثيه تتدخل في موضوع السمنه والنحافه
احنا نبي نضعف من غير من ضر احد
انا استخدم الحبوب الشعر والبشره قبل لااستخدم رحت حق دكتور امراض النساء والكل يعرفه الدكتور محسن طلبه في المستشفى الامومه هو اللي ولدني في بنتي رحت وتعنيت وقبل لااروح رحت سويت تحاليل كامله وشامله غدد وهرمونات ودم وعقبها رحتله علشان يجيك علي وعطيته الادويه اللي هي الفيتامينات
اللي انا اخذهم وحطيتلكم الصوره الادويه قالي ممتاز مافي مضره نهائيا بس انت ممتازه هذا يدل على حرصج على نفسج
يابنات لاتخاطرون بعمركم البنت الله يخلي لها امها وابوها واخوانها وخواتها والمتزوجه الله يخلي لها امها وابوها وزوجها وعيالها حافظو على صحتكم احنا قلعدين انسوي رجيم وتسير معانا مضاعافات اللي معاها امساك وللي معاها ضعف دم واللي تحس بدوخه لو انتو تاخذون ادويه علشان تنزلون وزنكم شنو راح يسير فيكم. حتى الاعشاب مثل شاي رويال والله انا صديقتي من كثر ماتشربه علشان تبي تضعف وفعلا ضعفة بس شنو الفايده سار معاها ضعف حاد لان الجسم مايستفيد من الاكل على طول يسهل تروح الحمام اربع مرات او اكثر بالربع ساعه سار معاها جفاف وارتخاء بالامعاء وبعضلة الرحم سار معاها حلات اجهاض
حتى حبوب سيملكس الاكل اللي تاكلين ينزله على طول اسهال وموضوع الخل خطر جدا يحرق المعده خافو على عمركم
اوانا احبكم وخاف عليكم واذا احد يبي ياخذ الشغلات يكون بينه وبين نفسه لايذكر الموضوع في يوميياتنا
الرشاقه يبيلها اراده وقوه ومثابره والتزام وراح تضعفون ان شاءلله هم انا انسانه مو امرأه حديديه ساعات احس اني ابي ارد حياتي الطبيعيه اكل واشرب امس قاعده اسوي كيكة اناناس طلبها مني بعيالي ريحتها تكفخ براسي ويقولي اكلي وانا اقول لاء قالي انت من زمان مسويه رجيم وماشيه مضبوط وليوم خربطي مااعتقد ان راح يأثر والله يابنات سار معاي صراع بيني بين نفسي اكل او ما اكل طبعا ما كليت ودي اكل كاكاو وفطاير. بس عاندت نفسي ولاني ملتزمه وانا عند كلمتي وعند وعدي لبناتي القروب
بنات ابيكم كلكم بنيو لك حق العيد والله العظيم إنا انتو في بالي واحاتيكم
سمعو كلامي عدل ضغطو على عمركم باقي تقريبا 21 يوم شدو على نفسكم بس بالمعقول
بنات اغلبكم موملتزم بالوجبات الثلاثه لازم تلتزمون حبايبي وابيكم تمشون على الاقل ساعه اللي عندها جهاز في البيت تستغله وللي ماعندها تمشي بره الجو تعدل احسن من اول انا كنت امشي بره بس ظروف عيالي والمدارس وطلباتهم خالني امشي على الجهاز ساعه
انا راح اعطيكم فرصه اخيره والجدول السابق راح الغيه وابلش معاكم من بكره الاثنين وشوف الاوزان على الخاص يوم 31 /10 انا متأكده راح اتكون نتائح مفرحه مابقى شي على العيد والكل بيطلع بشكل جديد وخاصةً اللي توهم والدين انا كنت مثلكم انا طلعت من الاربعين لليلة العيد الفطر العام وكان لكي غير لان شديت على عمري بعد 10 ايام من الولاده مع ان كانت امي تزمني .
بنات ارجوكم وانتو قدها الرجيم يبيله رياضه ونظام غذائي من غير ادويه
مشكورين ويارب تضعفون على صحه وعافيه

 

[passion.666]

في شي غريب بموضوعي
مشرفتنا سيخة البنات ما علقت على موضوعي اول مره
لان فعلا مشاركتها تشجعني
وينج شيخه البنات وانت فعلا شيخه

 

[passion.666]

يالله تصبحون على خير

 

[Jnaaaat]

باااااشن يغطيييج العااافيه كلامج وااايد يشجع
وانا الحمدالله ارتحت من عقدة تثبيت الوزن يعني وزني قاعد ينزل بس مو وااايد قرامااات
وحدي ملتزمه بالرجيم اشوف الاكل بالثلاجه مايهمني والبريد والعصااير حقت زوجي ماتحرك فيني شي والبفك والكيك صااار عااادي لاني مليييت من السمنه احس انها سجن تقيدج بالملابس وبكل شي عاااد ان شاااءالله ينزل وزني العنيييد


عاااد اليوم شافتني خالتي ام زوجي قالت شنو هذاا ضعفااااانه حدج وجهج متغيير حيل حتي عضمه جتوفي مبينه عااد انا احب احد يمدحني لوووووول
هالرجيم يبين بالقيااس اكثر من الميزاااان انا اللحين الحمدلله تخلصت من الدهون اللي بجسمي الا الزنووود وضهري فيه مطباااات بس شحلاتها مو مثل قبل كااانو جباااال
خووووش تضاااريس فيني
ترا انا عضامي كبيره يعني ٦٠ يكووون زييين علي وهم طولي ١٦١*

ادري سووولفت وااااايد

اي نسيت اقول اليوم كليت خمس تمرات مع حب الرشاااد حق الامساك وزيت زيتووون
احس اني واااايد تحسنت الحمدلله

 

[Jnaaaat]

في التمره الوحده

26 سعره
وانا كليت خمس

ان شااااءالله ماتأثر لاني اضطريت اخذهم عشااان الامساااك بس الحمدلله نفعت معاااي وشفت نفسي ناقصه ٣قراام من بعد التمره والرشاد

بس لاتسونها الا اذا كان فيكم امسااااك
لانه ممنوعه في رجيم اتكنز او دشتي

وسلااااامتكم

 

[simple.girly]

السلام عليكم ورحمة الله وبركاته
صبحكم الله بالخير هلا بنوتات شلونكم شخباركم ...
بشوووووووونة واااااي ريحتيني الله يرحجن واي تعبت واقول عن الحبوب مالون الريجيم مو زينة - صج وتأثر على صحة الانسان .
وثاني شي ريحتيني انه الاوزان بتاريخ 30/10 ان شاء الله يمديني احسن انه الاوزان بتاريخ 30 الحمد الله والشكر

جنات عندي قناعة التمر ما يضر 3 تمرات الصبح سهالات ان شاء الله والتمر فوائده وايدة حق الركب والدم والحديد -

طبعا وزني زايد ما ادري يمكن من المشي او يمكن يفاجأني ينزل مرة وحدة راح ان شاء الله اعرف قصته لي 30 ومراح اخذ يوم اوف

 

[دبه موت]

باشن:
أنا أشهد كلامج بمحله ولا عليه خلاف طبعا بس في حاجات مثل خل التفاح مذكور بفوايده كثيره
وأساس كثرة أستخدام الشي لابد من أضرار الزائد كما الناقص
وانا معك ماانصح بحبوب لرجيم الاراده فوق كل شي لانه ماينفع حبوب بدون اراده بعدها الجسم ماراح يخسر وزن الا بحبوب
ولحبوب مهما كان لابد له أضرار سوء كان باعشاب ولا غيره
لانه حتى العشبه أي كانت تستخدم بزياده لها ضرر سوء اللحين ولا بلمستقبل طبعا
سمبلي:
والله قلبي عليج غلاتي الصراحه وزنج أمره غريب تتعبين وفي النهايه يزيد ماينقص طيب مابين بشكلج
مالاحظتي تغير لو حتى بسيط على الاقل
وأذا كلش أبد مانقص هالفتره أنصحج روحي لدكتور لاتطولين أكثر ولا تصبرين لين 30 والله خفت أكون مثلج ما أنقص بس بعد 3 أيام نشوف كم تحرك هالوزن

 

[ام أنوسه و رنود]

بااااااااااااااااااااااااااااااااااااااااااااااااشن وش رايك بالماش ينفع للريجيم ةلا مايناسبه وهو يتخدم للظهر بلللللللللللللللللللللللللللللللليز جاوبيني

 

[dantella]

شلونكم بنات
انا بس كنت حابه اوضح شغله
انا يبت طاري حبوب الجلوكوفاج فعلا بس انا ما استعملتها وايد
انا نصحني فيها دكتور الغدد لمن لوعت جبده بفتره كان وزني فيها صعب النزول بسبب الولاده طبعا يكون الجسم عنيد وصعب النزول
بس فعلا ما انصح احد ياخذها مني والدرب
انا عقب الحمل ارتفع معاي السكر بشكل طفيف يعني صايمه يصير 5 وعقب الفطور بساعتين يصير 6 فساعدتني هالحبوب شوي
وحاليا انا موبحاجتها لان رجيمما بروتين وقليل النشويات والسكريات مشيوله يعني موبحاجتها
واكرر هالحبوب مو حبوب رجيم
هذب حبوب تنظيم للسكر

 

[ام أنوسه و رنود]

دانتيلا تعرفين الماش لان ابي استخدمه علشان الظهر وسمعت انه يسمن وان ماحسبت اني انقص من وزني

 

[passion.666]

دانتيلا تعرفين الماش لان ابي استخدمه علشان الظهر وسمعت انه يسمن وان ماحسبت اني انقص من وزني

حبيتي الماش من البقوليات طبعا يسمن مايصلح حق الرجيم
بس اذا يفيدج حق الظهر استخدميه بس رجيم مايصلح

 

[passion.666]

بنات اعذروني هالاسبوع مشغوله ما اقدر اشاركم راح تمسكه دانتيلا انا مشغوله حيل بناتي عندهم اختبارات لازم اجابلهم وانا عندي مراجعه اللي اقدر بس انزل يومياي لان انا اجهز يومياتي فايل
اي اسئله ايً استشاره عن دانتيلا وان شاءلله الاسبوع القادم من السبت انا معاكم
دانتيلا الموضوع تحت امرج وعطيهم عين الحمره
سيمبلي وينج من زمان ما سولفتي معاي حبيبتي انت قلبي ودي اشوفج على الطبيعه
بنات كلكم اشتقتلكم
دبه موت شدي حيلج
ان شاءلله قاعده اخطط نسوي قروب بره المنتدي نقعد مع بعض وناقش امور الرجيم على الاقل مره وحده بالشهر
ام رنود شرايج زورينا الكويت

 

[MrS_Rossonero]

السلام عليكم يااتكنزيات

صارلي يومين طايحه بالفراش انفلونزا قويه وسخونه ... وخالتي الله يعطيها العافيه استلمتني بالاكل والشوربات ....

وامس الصبح انصدمت اني زدت كيلو ونص

وامس طول اليوم مااااكليت شي الا يمكن بس كوب شوربة خضار وحاولت اني اتحرك شوي بس بالغصب قمت من الفراش وقمت اجابل اليهال واراكض وراهم ... صراحه خوووش رياضه وخصوصا للي ماعندها خدامه مثلي

واليوم وزنت والحمدلله رب العالمين صار 101 و 300 غرام من عقب ماكان 103 ....



بنات ناويه ان شاااء الله اول الشهر اييب جهاز الغزال الطائر .... ريجيم دشتي مع الرياضه جم المعدل بالاسبوع لنزول الوزن تقريبا ؟؟