تجمع قروب passion لرجيم اتكنز المرحله (1)

[Jnaaaat]

متصفحه انتي ريلج صيدلاني صج؟؟؟

عيل ساليه عن حبوب سليملاكس فيهااا مضااار عاااد انا خواااافه حدي

 

[متصفحة]

متصفحه انتي ريلج صيدلاني صج؟؟؟

عيل ساليه عن حبوب سليملاكس فيهااا مضااار عاااد انا خواااافه حدي

اي حبوب اشوفها اسألة عنهم يضحك علي يقول احنا ما نتعامل مع الاسم التجاري

نتعامل مع الاسم العلمي والمكونات اللي بالدواء او الوصفة ..

بس قولي لي سليملاكس هذي حبوب شنو يمكن يعرف:eh_s(11):؟؟

 

[ام أنوسه و رنود]

بنات الله يوفقكم اليوم بديت استخدم حبوب ياسمين هل تأثر على الوزن يعني ابي تجارب المتزوجات لاني متخوفه منها لكن ما باليد حيله

 

[متصفحة]

بنات الله يوفقكم اليوم بديت استخدم حبوب ياسمين هل تأثر على الوزن يعني ابي تجارب المتزوجات لاني متخوفه منها لكن ما باليد حيله

يقولون تاثر على النفسية ..

والحبوب اذا قالوا تنحف اقول يمكن لان النفسية تكون صفررر

لكن تسمن لا لا انتي تخلينها تسمنك او تنحفك ..

ويرجع السبب للنفسية والعادات السيئة : اذا انتي من النوع اللي اذا زعلتي رحتي وفتحتي الثلاجة

وفرمتي االاخضر واليابس اكيد تسمنك

واذا انتي اذا زعلتي انسدت نفسك يعني ما راح تسمنك ..

من جد ترا حبوب ياسمين تحوس نفسيتك حوس الله يعين ابو العيال :yaaaaaarb:

برب :eh_s(7):

 

[dantella]

حبيبتي البانتوجار والهير فيت موجودين بهالاسم بكل الصيدليات يعني انا مره اخذتهم من الكويت ومن دبي ومن تايلند بنفس الاسم
فانتي بس قولي للصيدلي الاسم ويطلعهم لج
بس البانتوجار في منه مصري والماني طبعا انتي اخذي الالماني افضل
احاول اصورلك بس لان زوجي اهو الي يعرف يرفعلي الصور

 

[dantella]

بس ترا في حبوب منع حمل تمتن لانها تحتبس السوائل بالجسم وهالشي مالج يد فيه

 

[ام أنوسه و رنود]

بصراحه احترت مع حبوب منع الحمل المشكله ان دكتوري حق العظام قالي ان لازم اخفف من وزني علشان الفقره وفي نفس الوقت ما ابي احمل علشان ظهري وشكلي بستمر مع حبوب ياسمين وبراقب وزني اذا زاد وزني بسيبها وش رايكم

 

[dantella]

ام انوسه خلج عالطبيعي احسن بلا حبوب بلا مشاكل
العزل يمدحونه

 

[Jnaaaat]

ام انوووسه خليج عالواقي ارييييح لج

 

[dantella]

سمبلي شوفي
http://www.q8yat.com/t951960.html

 

[passion.666]

بسم الله الرحمن الرحيم
اليوم الثالت عشر

الخميس 13/10/2011

الفطور هوت دوق

السحور ماتسحرت رحت بيت اهلي وشربت اتكانتين شاي

ساعه على الجهاز

وقبل لا اروح بيت اهلي مشيت ساعه على الجهاز
هذي يوماتي ونالتقي بيوم اخر​

 

[passion.666]

بسم الله الرحمن الرحيم

اليوم الرابع عشر
الجمعه 14/10 2011

الريوق
كل معتاد بيض طماط وجبن

الزواره بيت اهلي والغدا ماشاءالله مجبوس دجاج ومرقة دجاج ومطبق هامور وغير السلطات لكن كان غداي دجاج مشوي وشوية سلطه

وعقبها يابو الحلو الكيك والبرد والبيتي فور بس الحمدالله قاومت وحطيت حرتي بالجاي
رديت البيت على الساعه 8 وتعشيت هوت دوق لأن ماشبعت الغدا شفتو صحتي الغدا ها اللي كليته

للأسف مالعبت رياضه مامشيت تكيسلت
ونلتقي بيوميات اخري ان شاءلله

 

[dantella]

باشن عليج بالعافيه
بس بسألج شنو نوع الهوت دوق الي تستعملينه؟
ابي الاسم شنو خزان امريكانا ولا غيره؟

 

[passion.666]

بسم الله الرحمن الرحيم
اليوم الخامس عشر
السبت 15 /10/2011

االريوق

الغدا هوت دوق وشوية سلطه

العشا
ماتعشيت صراحه لكن اخت كاكاو بونتي صغير حيت ان جسمي يبي سكريات يمكن علشان الدوره او يمكن هبوط بالسكر والله ما ادري بس حسيت ابي شي حلو وقلت ان شاءلله ما يأثر علي لأن ماشيه على النظام 15 يوم من غير تخربط

وعقبها لعبت على الجهاز المشي ساعه نص هروله ونص ركض علشان احرق الكاكاو اللي كليته

الحمدالله ربي العالمين والله يتمم علي الرجيم واطلع بلك جديد ان شاءلله
واهم مافي الموضوع انا زوجي نطق وقال لاتضعفين وايد امبين عليج الضعف
لو تشوفون الشعور والأحاسيس بطير من الفرح لأن هو نطق واخيرا

 

[passion.666]

باشن عليج بالعافيه
بس بسألج شنو نوع الهوت دوق الي تستعملينه؟
ابي الاسم شنو خزان امريكانا ولا غيره؟

هلا حبيبتي
الهوت دوق خزان هذا هوت دوق دجاج مو لحم

 

[Jnaaaat]

مبروووووك باشن علي نطق زووووجج
لوووووول

 

[passion.666]

مبروووووك باشن علي نطق زووووجج
لوووووول

وأخيرا
كل شي فيهم صعب ودعاله
الحمدالله

 

[dantella]

خخخخخخخ عيل انا ريلي من اول يوم لي بالرجيم وكله يقولي ضعفانه امبيه قام لمن يقولي تالي اتناجر معاه اقوله ماصدقك خلاص

 

[simple.girly]

السلام عليكم ورحمة الله وبركاته شلونكم صبايا*
ممكن سؤال صريح ! ولهتو علي ؟
يومياتي الحمد الله غداي حلقات بصل مع اصابع جبن - *
وما تعشيت شبعانة الحمد الله*
مم دانتيلا لوووووول مقاس اكس اكس لارج 16 انا البس 26 لووول*
ان شاء الله اصير 16 يارب *

 

[dantella]

السلام عليكم ورحمة الله وبركاته شلونكم صبايا*
ممكن سؤال صريح ! ولهتو علي ؟
يومياتي الحمد الله غداي حلقات بصل مع اصابع جبن - *
وما تعشيت شبعانة الحمد الله*
مم دانتيلا لوووووول مقاس اكس اكس لارج 16 انا البس 26 لووول*
ان شاء الله اصير 16 يارب *

انا انا انا ولهت عليج انتي وين تختفين هااا يلا قولي
خخخخخخخخخخ فديتج روحي ياشيخه ان شاء الله تلبسين Xs